ວັນທີ 13 ທັນວາ ນີ້ ທີ່ຫ້ອງການແຜນການ ແລະ ການລົງທຶນເມືອງຊຽງຮ່ອນ ແຂວງໄຊຍະບູລີ ໄດ້ເປີດກອງປະຊຸມສໍາມະນາຖອດຖອນບົດຮຽນວຽກປົກປັກຮັກສາເສັ້ນທາງແບບມີສ່ວນຮ່ວມຂອງຊຸມຊົນໂດຍການເປັນປະທານຮ່ວມ ຂອງທ່ານ ແສງອາທິດ ລາວເບຣຍຍາທໍ່ ຮອງເຈົ້າເມືອງຊຽງຮ່ອນ, ມີທ່ານເສີມຄໍາ ຈັນທະວົງ ຫົວໜ້າໂຄງການກໍ່ສ້າງພື້ນຖານໂຄງລ່າງທາງຊົນນະບົດ KfWມີຜູ້ປະສານງານວຽກຄຸ້ມຄອງທາງຊົນນະບົດ ຈາກກົມຂົວທາງ ກະຊວງ ຍທຂ ແລະ ມີຜູ້ຕາງໜ້າສະຖາບັນໂຍທາທິການ ແລະ ຂົນສົ່ງ ກະຊວງ ຍທຂ ແລະ ຍທຂ ບ້ານ 7 ບ້ານເປົ່າໝາຍ ເຂົ້າຮ່ວມ.
ໃນປີ 21013 ຜ່ານມາ ແຂວງໄຊຍະບູລີ ໄດ້ຮັບທຶນຊ່ວຍເຫຼືອຈາກລັດຖະບານເຢຍລະມັນ ໂດຍຜ່ານທະນາຄານເພື່ອການພັດທະນາ KfW ໃນການກໍ່ສ້າງທາງຊົນນະບົດຢູ່ 5 ເມືອງ, ສຳລັບເມືອງຊຽງຮ່ອນ ໄດ້ມີການກໍ່ສ້າງທາງຍາວ 46 ກິໂລແມັດ. ພາຍຫຼັງການກໍ່ສ້າງທາງສໍາເລັດແລ້ວທາງໂຄງການ ຈັດການຝຶກອົບຮົມໃຫ້ນາຍບ້ານແຕ່ລະບ້ານ ແລະ ໄດ້ມອບຄວາມຮັບຜິດຊອບໃຫ້ອໍານາດການປົກຄອງບ້ານແຕ່ລະບ້ານທີ່ອາໄສແຄມທາງເປັນຜູ້ຄຸ້ມຄອງບູລະນະຮັກສາເສັ້ນທາງ ແລະ ແບ່ງຄວາມຮັບຜິດຊອບໃຫ້ກັບນາຍບ້ານແຕ່ລະບ້ານ ແລະ ໄດ້ຊື້ອຸປະກອນຈໍານວນໜຶ່ງທີ່ຈໍາເປັນ ເພື່ອມອບໃຫ້ຊາວບ້ານບູລະນະຮັກສາທາງ ແລະ ໄດ້ຕົກລົງເອກະພາບກັນແຕ່ລະບ້ານໂດຍມີການອອກແຮງງານລວມ 4 ຄັ້ງຕໍ່ປີ ສໍາລັບໂຄງການທີ່ໄດ້ຮັບທຶນຊ່ວຍເຫຼືອ, ໂດຍອີງໃສ່ກົດໝາຍທາງຫຼວງ ສະບັບເລກທີ 03/ສພຊ, ລົງວັນທີ 8 ພະຈິກ 2016 (ສະບັບປັບປຸງ).
ໃນກອງປະຊຸມ ທ່ານເສີມຄໍາ ຈັນທະວົງ ໄດ້ກ່າວວ່າ: ການຊວ່ຍເຫຼືອຂອງລັດຖະບານເຢຍລະມັນໂດຍຜ່ານທະນາຄານເພື່ອການພັດທະນາ KfW ໄດ້ເລີ່ມແຕ່ ປີ 2003 ເປັນຕົ້ນມາ ໃນຂະແໜງການກໍ່ສ້າງພື້ນຖານໂຄງລ່າງທາງຊົນນະບົດແຂວງທີ່ໄດ້ຮັບທຶນການຊ່ວຍເຫຼືອໄລຍະຜ່ານມາ ຈາກນັ້ນກອງປະຊຸມຈະໄດ້ພ້ອມກັນຄົ້ນຄວ້າ ແລະ ສໍາມະນາບາງເນື້ອໃນທີ່ສໍາຄັນ ໂດຍມີຫົວຂໍ້ການສໍາມະນາຄື:ບາງເນື້ອໃນທີ່ກ່ຽວຂ້ອງໃນກົດໝາຍທາງຫຼວງ (ສະບັບປັບປຸງ), ສາເຫດທີ່ພາໃຫ້ເສັ້ນທາງມີຄວາມເສຍຫາຍ ແລະ ຄວາມສໍາຄັນຂອງວຽກງານບູລະນະຮັກສາທາງແບບມີສ່ວນຮ່ວມຂອງຊຸມຊົມ, ທົບທວນຄືນບົດບາດ ແລະ ຄວາມຮັບຜິດຊອບ ຂອງພະແນກ ຍທຂ ແຂວງ,ຄະນະຄຸ້ມຄອງທາງຊົນນະບົດຂັ້ນເມືອງ ແລະ ຄະນະຄຸ້ມຄອງທາງຂັ້ນບ້ານ, ສັງລວມການຈັດຕັ້ງປະຕິບັດ ຄຸ້ມຄອງ ແລະ ບູລະນະສ້ອມແປງທາງຊົນນະບົດ ຂັ້ນເມືອງໃນໄລຍະຜ່ານມາ, ສົນທະນາແລກປ່ຽນຄໍາຄິດຄໍາເຫັນການຈັດຕັ້ງປະຕີບັດວຽກໃນໄລຍະຜ່ານມາ,ຂໍ້ຄົງຄ້າງ ແລະ ຂໍ້ສະດວກ ແລະ ສະເໜີວິທີປັບປຸງ ແລະ ການແກ້ໄຂ.
ໃນກອງປະຊຸມຍັງໄດ້ພ້ອມກັນຄົ້ນຄວ້າກໍານົດບັນດາໜ້າວຽກຕ່າງໆ, ຂອບເຂດຄວາມຮັບຜິດຊອບ ແລະ ເວລານັດໝາຍຂອງບ້ານ. ວຽກບູລະນະສ້ອມແປງທີ່ຊາວບ້ານສາມາດປະກອບສ່ວນມີ 10 ໜ້າວຽກຄື:ອະນາໄມ ແລະ ລວງຮ່ອງລະບາຍນ້ຳ,ຍົກຍ້າຍດິນເຈື່ອນ ບໍລິມາດ< 3 ມ3 ຕໍ່ 1 ກິໂລແມັດ, ອະນາໄມ/ລວງທໍ່; ອະນາໄມຂົວ, ອະນາໄມແລວຫ້ວຍ (ບ່ອນມີຂົວ ຫຼື ທໍ່), ຍົກຍ້າຍສິ່ງກີດຂວາງ (ກ້ອນຫີນ ຫຼື ຕົ້ນໄມ້ທັບທາງ); ຖາງຫຍ້າ ແລະ ປ່າແຄມທາງ, ຖາງເປີດໂຄ້ງ; ຕາບຂຸມຮັງໄກ່ (ທາງປູແຮ່), ຂຸດຮ່ອງນ້ຳດ້ວຍແຮງງານຄົນ (ຮ່ອງນໍ້າຕັນໜັກ)ແລະ ກວດກາປົກປັກຮັກສາສິ່ງປະກອບຂອງທາງ (ປ້າຍສັນຍານ, ຫຼັກໝາຍທໍ່ ແລະ ຫຼັກກິໂລແມັດ). ສຳລັບເມືອງຊຽງຮອນ ກຳນົດປີ 1 ອອກແຮງງານ 4 ຄັ້ງ ເພື່ອໃຫ້ເສັ້ນທາງຊົນນະບົດດັ່ງກ່າວມີເຈົ້າຂອງໂດຍແມ່ນປະຊາຊົນທີ່ອາໄສລຽບຕາມແຄມທາງເປັນຜູ້ບູລະນະຮັກສາເສັ້ນທາງ ເພື່ອບໍໃຫ້ເສັ້ນທາງຊົນນະບົດເປ່ເພເສຍຫາຍ ແລະ ໃຫ້ເສັ້ນທາງມີອາຍຸການນໍາໃຊ້ໄດ້ຍາວນານຫຼຸດຜ່ອນງົບປະມານຂອງລັດສ້ອມແປງທາງດ້ວຍກົນຈັກ.
ຂ່າວ-ພາບ: ຖວທ ເມືອງຊຽງຮ່ອນ.
ໃນປີ 21013 ຜ່ານມາ ແຂວງໄຊຍະບູລີ ໄດ້ຮັບທຶນຊ່ວຍເຫຼືອຈາກລັດຖະບານເຢຍລະມັນ ໂດຍຜ່ານທະນາຄານເພື່ອການພັດທະນາ KfW ໃນການກໍ່ສ້າງທາງຊົນນະບົດຢູ່ 5 ເມືອງ, ສຳລັບເມືອງຊຽງຮ່ອນ ໄດ້ມີການກໍ່ສ້າງທາງຍາວ 46 ກິໂລແມັດ. ພາຍຫຼັງການກໍ່ສ້າງທາງສໍາເລັດແລ້ວທາງໂຄງການ ຈັດການຝຶກອົບຮົມໃຫ້ນາຍບ້ານແຕ່ລະບ້ານ ແລະ ໄດ້ມອບຄວາມຮັບຜິດຊອບໃຫ້ອໍານາດການປົກຄອງບ້ານແຕ່ລະບ້ານທີ່ອາໄສແຄມທາງເປັນຜູ້ຄຸ້ມຄອງບູລະນະຮັກສາເສັ້ນທາງ ແລະ ແບ່ງຄວາມຮັບຜິດຊອບໃຫ້ກັບນາຍບ້ານແຕ່ລະບ້ານ ແລະ ໄດ້ຊື້ອຸປະກອນຈໍານວນໜຶ່ງທີ່ຈໍາເປັນ ເພື່ອມອບໃຫ້ຊາວບ້ານບູລະນະຮັກສາທາງ ແລະ ໄດ້ຕົກລົງເອກະພາບກັນແຕ່ລະບ້ານໂດຍມີການອອກແຮງງານລວມ 4 ຄັ້ງຕໍ່ປີ ສໍາລັບໂຄງການທີ່ໄດ້ຮັບທຶນຊ່ວຍເຫຼືອ, ໂດຍອີງໃສ່ກົດໝາຍທາງຫຼວງ ສະບັບເລກທີ 03/ສພຊ, ລົງວັນທີ 8 ພະຈິກ 2016 (ສະບັບປັບປຸງ).
ໃນກອງປະຊຸມ ທ່ານເສີມຄໍາ ຈັນທະວົງ ໄດ້ກ່າວວ່າ: ການຊວ່ຍເຫຼືອຂອງລັດຖະບານເຢຍລະມັນໂດຍຜ່ານທະນາຄານເພື່ອການພັດທະນາ KfW ໄດ້ເລີ່ມແຕ່ ປີ 2003 ເປັນຕົ້ນມາ ໃນຂະແໜງການກໍ່ສ້າງພື້ນຖານໂຄງລ່າງທາງຊົນນະບົດແຂວງທີ່ໄດ້ຮັບທຶນການຊ່ວຍເຫຼືອໄລຍະຜ່ານມາ ຈາກນັ້ນກອງປະຊຸມຈະໄດ້ພ້ອມກັນຄົ້ນຄວ້າ ແລະ ສໍາມະນາບາງເນື້ອໃນທີ່ສໍາຄັນ ໂດຍມີຫົວຂໍ້ການສໍາມະນາຄື:ບາງເນື້ອໃນທີ່ກ່ຽວຂ້ອງໃນກົດໝາຍທາງຫຼວງ (ສະບັບປັບປຸງ), ສາເຫດທີ່ພາໃຫ້ເສັ້ນທາງມີຄວາມເສຍຫາຍ ແລະ ຄວາມສໍາຄັນຂອງວຽກງານບູລະນະຮັກສາທາງແບບມີສ່ວນຮ່ວມຂອງຊຸມຊົມ, ທົບທວນຄືນບົດບາດ ແລະ ຄວາມຮັບຜິດຊອບ ຂອງພະແນກ ຍທຂ ແຂວງ,ຄະນະຄຸ້ມຄອງທາງຊົນນະບົດຂັ້ນເມືອງ ແລະ ຄະນະຄຸ້ມຄອງທາງຂັ້ນບ້ານ, ສັງລວມການຈັດຕັ້ງປະຕິບັດ ຄຸ້ມຄອງ ແລະ ບູລະນະສ້ອມແປງທາງຊົນນະບົດ ຂັ້ນເມືອງໃນໄລຍະຜ່ານມາ, ສົນທະນາແລກປ່ຽນຄໍາຄິດຄໍາເຫັນການຈັດຕັ້ງປະຕີບັດວຽກໃນໄລຍະຜ່ານມາ,ຂໍ້ຄົງຄ້າງ ແລະ ຂໍ້ສະດວກ ແລະ ສະເໜີວິທີປັບປຸງ ແລະ ການແກ້ໄຂ.
ໃນກອງປະຊຸມຍັງໄດ້ພ້ອມກັນຄົ້ນຄວ້າກໍານົດບັນດາໜ້າວຽກຕ່າງໆ, ຂອບເຂດຄວາມຮັບຜິດຊອບ ແລະ ເວລານັດໝາຍຂອງບ້ານ. ວຽກບູລະນະສ້ອມແປງທີ່ຊາວບ້ານສາມາດປະກອບສ່ວນມີ 10 ໜ້າວຽກຄື:ອະນາໄມ ແລະ ລວງຮ່ອງລະບາຍນ້ຳ,ຍົກຍ້າຍດິນເຈື່ອນ ບໍລິມາດ< 3 ມ3 ຕໍ່ 1 ກິໂລແມັດ, ອະນາໄມ/ລວງທໍ່; ອະນາໄມຂົວ, ອະນາໄມແລວຫ້ວຍ (ບ່ອນມີຂົວ ຫຼື ທໍ່), ຍົກຍ້າຍສິ່ງກີດຂວາງ (ກ້ອນຫີນ ຫຼື ຕົ້ນໄມ້ທັບທາງ); ຖາງຫຍ້າ ແລະ ປ່າແຄມທາງ, ຖາງເປີດໂຄ້ງ; ຕາບຂຸມຮັງໄກ່ (ທາງປູແຮ່), ຂຸດຮ່ອງນ້ຳດ້ວຍແຮງງານຄົນ (ຮ່ອງນໍ້າຕັນໜັກ)ແລະ ກວດກາປົກປັກຮັກສາສິ່ງປະກອບຂອງທາງ (ປ້າຍສັນຍານ, ຫຼັກໝາຍທໍ່ ແລະ ຫຼັກກິໂລແມັດ). ສຳລັບເມືອງຊຽງຮອນ ກຳນົດປີ 1 ອອກແຮງງານ 4 ຄັ້ງ ເພື່ອໃຫ້ເສັ້ນທາງຊົນນະບົດດັ່ງກ່າວມີເຈົ້າຂອງໂດຍແມ່ນປະຊາຊົນທີ່ອາໄສລຽບຕາມແຄມທາງເປັນຜູ້ບູລະນະຮັກສາເສັ້ນທາງ ເພື່ອບໍໃຫ້ເສັ້ນທາງຊົນນະບົດເປ່ເພເສຍຫາຍ ແລະ ໃຫ້ເສັ້ນທາງມີອາຍຸການນໍາໃຊ້ໄດ້ຍາວນານຫຼຸດຜ່ອນງົບປະມານຂອງລັດສ້ອມແປງທາງດ້ວຍກົນຈັກ.
ຂ່າວ-ພາບ: ຖວທ ເມືອງຊຽງຮ່ອນ.
ຄໍາເຫັນ