ໃນສົກສຶກສາດັ່ງກ່າວ ຕໍ່ສື່ມວນຊົນໃນວັນທີ 16 ກໍລະກົດນີ້ທີ່ ມຊ ວ່າ: ປັດຈຸບັນໂດຍລວມແລ້ວການກະກຽມຄວາມພ້ອມຈັດການສອບເສັງຄັດເລືອກເອົານັກສຶກສາເຂົ້າຮຽນ ມຊໃນສົກສຶກສາດັ່ງກ່າວ ແມ່ນດໍາເນີນໄປຕາມແຜນທີ່ວາງໄວ້ ພ້ອມຂໍອະນຸມັດໂຕເລກໂກຕ້າຮັບນັກສຶກສາໃໝ່ນໍາກະຊວງສຶກສາທິການ ແລະ ກິລາ(ສສກ) ຊຶ່ງ ມຊ ໄດ້ເລີ່ມເປີດຮັບນັກສຶກສາມາລົງທະບຽນແບບປົກກະຕິແລ້ວ ເລີ່ມແຕ່ວັນທີ15 ກໍລະກົດ 2024 ເປັນຕົ້ນໄປ ແລະ ຈະຕິດລາຍຊື່ນັກສອບເສັງໃສ່ຫ້ອງສອບເສັງໃນວັນທີ9 ສິງຫາ 2024 ແລະ ຈະດໍາເນີນການສອບເສັງໃນວັນທີ 10 ສິງຫາ 2024ນີ້. ພ້ອມນັ້ນ, ໃນສົກສຶກສານີ້ມຊມີແຜນຮັບເອົານັກສຶກສາໃໝ່ເຂົ້າຮຽນຈຳນວນ5.920 ຄົນ.
ທ່ານ ເດຊານຸລາດ ແສນດວງເດດ ໃຫ້ຮູ້ຕື່ມວ່າ: ຜ່ານມາ ມຊ ມີໂຕເລກຜູ້ສະໝັກຫຼາຍກວ່າໂຕເລກທີ່ຮັບໄດ້ ພຽງແຕ່ວ່າເສັງແລ້ວບໍ່ໄດ້ຕາມຄາດໝາຍ ເພາະນັກສອບເສັງເລືອກບາງສາຂາຫຼາຍເກີນກໍານົດ ແລະ ບາງສາຂາໜ້ອຍເກີນຄາດໝາຍ. ສໍາລັບນັກຮຽນຈົບມ.7 ນອກຈາກນັກຮຽນທີໄດ້ໂກຕ້າທຶນລັດຖະບານ ສັບຊ້ອນມາແຕ່ແຂວງແລ້ວ, ທຸກຄົນສະໝັກເຂົ້າຮຽນມຊ ຕ້ອງຜ່ານການສອບເສັງ ຖ້າບໍ່ມາເສັງແມ່ນບໍ່ອະນຸຍາດໃຫ້ເຂົ້າຮຽນອີກ ເນື່ອງຈາກວ່າພວກເຮົາຕ້ອງການຮັກສາຄຸນນະພາບ ການສອບເສັງແມ່ນຂັ້ນຕອນການກັ່ນຕອງ, ຖ້າຫາກຕໍ່າກວ່າເກນມາດຕະຖານ ກໍຈະເຮັດໃຫ້ການສອນ-ການຮຽນຫຍຸ້ງຍາກ ອາດຈະບໍ່ມີຄຸນນະພາບ. ໃນນັ້ນ, ມຊ ຍັງໄດ້ເພີ່ມການເອົາໃຈໃສ່ໂຄສະນາ-ປະຊາສໍາພັນ ໃຫ້ພໍ່ແມ່ນັກຮຽນ ແລະ ນັກຮຽນຮັບຮູ້, ເຂົ້າໃຈກ່ຽວກັບວິຊານັ້ນໆ ຕົວຢ່າງ: ຮຽນຈົບແລ້ວສາມາດປະກອບສາຂາອາຊີບໃດໄດ້ແດ່.ສໍາລັບປີຕໍ່ໄປມຊຍັງມີແຜນປັບປຸງຫຼັກສູດທີ່ມີຄົນສົນໃຈສະໝັກເຂົ້າມາຮຽນໜ້ອຍຕື່ມອີກ. ສະນັ້ນ, ມຊ ຈຶ່ງມີແຜນຈະພັດທະນາຫຼັກສູດເຫຼົ່ານັ້ນໃຫ້ມີຄວາມຫຼາກຫຼາຍທັກສະໃນການປະກອບອາຊີບ (ເປັນລັດຖະກອນຂະແໜງການໃດໜຶ່ງກໍໄດ້ ຫຼື ປະກອບການເອງເປັນອາຊີບໃດໜຶ່ງກໍໄດ້). ສຳລັບຮູບແບບຈັດການສອບເສັງຄັດເລືອກເອົານັກສຶກສາສົກສຶກສາ ມຊ ປີນີ້ ຈະໄດ້ສອບເສັງໃນຮູບແບບປົກກະຕິຄືປີຜ່ານມາ ໂດຍອີງຕາມແຈ້ງການຂອງລັດຖະມົນຕີກະຊວງສຶກສາທິການ ແລະ ກິລາ (ສສກ). ສ່ວນການສອບເສັງແມ່ນໄດ້ແບ່ງອອກເປັນ 2 ກຸ່ມຄື: ກຸ່ມ A ສາຍວິທະຍາສາດທໍາມະຊາດ (STEM)ສອບເສັງຕອນເຊົ້າ ເວລາ 9:00ໂມງ-11:00 ໂມງ (120 ນາທີ), ວິຊາສອບເສັງມີ: ຄະນິດສາດ A+ຟິຊິກສາດ, ຕອນບ່າຍ ເວລາ 14:00ໂມງ-15:30 ໂມງ (90ນາທີ), ວິຊາສອບເສັງມີ:ພາສາລາວ+ວັນນະຄະດີ+ເຄມີສາດ+ຊີວະສາດ+ພາສາອັງກິດ ແລະ ກຸ່ມ B ສາຍວິທະຍາສາດສັງຄົມ (Non STEM)ຕອນເຊົ້າ ເວລາ 9:00 ໂມງ-11:00 ໂມງ(120 ນາທີ) ວິຊາສອບເສັງມີ:ຄະນິດສາດB+ພາສາລາວ+ວັນນະຄະດີ, ຕອນບ່າຍ ເວລາ 14:00ໂມງ-15:30ໂມງ(90ນາທີ) ວິຊາສອບເສັງມີ: ພູມີສາດ+ປະຫວັດສາດ+ພາສາອັງກິດ. ສຳລັບກຸ່ມ A ສາຍວິທະຍາສາດທໍາມະຊາດ (STEM) ປະກອບມີ 8 ຄະນະວິຊາຄື: ຄະນະວິທະຍາສາດສັງຄົມ(ຄວທ), ຄະນະວິທະຍາສາດປ່າໄມ້(ຄປມ), ຄະນະກະເສດສາດ(ຄກສ), ຄະນະສະຖາປັດ(ຄສປ), ຄະນະວິທະຍາສິ່ງແວດລ້ອມ(ຄສວ), ຄະນະວິສະວະກຳສາດ(ຄວສ), ຄະນະຊັບພະຍາກອນນໍ້າ(ຄຊນ) ແລະຄະນະສຶກສາສາດ (ຄສສ) (ຄູສາຍທໍາມະຊາດ) ແລະ ກຸ່ມ B ສາຍວິທະຍາສາດສັງຄົມ (Non STEM) ປະກອບມີ 6 ຄະນະວິຊາຄື: ຄະນະວິທະຍາສາດສັງຄົມ (ຄສຄ), ຄະນະອັກສອນສາດ (ຄອສ), ຄະນະນິຕິສາດ ແລະ ລັດຖະສາດ (ຄນລ), ຄະນະເສດຖະສາດ ແລະບໍລິຫານທຸລະກິດ (ຄສບ), ຄະນະວິທະຍາສາດການກີລາ-ກາຍະກຳ (ຄວກ) ແລະ ຄະນະສຶກສາສາດ(ຄສສ) (ຄູສາຍສັງຄົມ).ຈາກນັ້ນ, ຄາດວ່າຈະປະກາດຜົນການສອບເສັງ ໃນວັນທີ 9 ກັນຍາ 2024 ແລະ ຈະລົງທະບຽນຮຽນ ໃນວັນທີ 10-27ກັນຍາ 2024. ສຳລັບ ມຊ ມີຫຼັກສູດການຮຽນທີ່ຫຼາກຫຼາຍຄືມີເຖິງ 244 ຫຼັກສູດ. ແນວໃດກໍຕາມໃນໄລຍະກະກຽມສອບເສັງຢາກໃຫ້ຕິດຕາມຂ່າວສານຈາກແຫຼ່ງຂໍ້ມູນຂອງ ມຊ (Facebook: ຂ່າວສາຌນ ມຊຠຆNUoL News ຫຼືhttp://entrance.nuol.edu.la).
ທ່ານ ເດຊານຸລາດ ແສນດວງເດດຍັງຮຽກຮ້ອງມາຍັງນັກຮຽນທີ່ເສັງຈົບມ7 ປີນີ້ ແລະ ປີຜ່ານໆມາທີ່ບໍ່ທັນໄດ້ເຂົ້າຮຽນໃຫ້ຕັດສິນໃຈເລືອກເຂົ້າມາສອບເສັງເພື່ອອະນາຄົດຂອງຕົນເອງ ແລະ ຮຽກຮ້ອງຜູ້ປົກຄອງຊ່ວຍແນະນໍາລູກ-ຫຼານຂອງຕົນມາສຶກສາ ໃຫ້ມີຄວາມຮູ້ກ່ອນປະກອບອາຊີບ, ມີວິຊາຕິດໂຕ ເພື່ອອະນາຄົດທີ່ດີຂອງລູກ-ຫຼານ.
(ຂ່າວ-ພາບ: ວັນເພັງ)
ຄໍາເຫັນ