ແລະ ແຜນພັດທະນາການສຶກສາໄລຍະ5ປີ(2026-2030)ຂອງມຊ ວ່າ: ພາຍໃຕ້ການນໍາພາ-ຊີ້ນໍາຂອງຄະນະພັກ ຄະນະນໍາແຕ່ລະຂັ້ນ ເຮັດໃຫ້ວຽກງານການສຶກສາຂອງມຊມີຄວາມຄືບໜ້າ ແລະ ມີການພັດທະນາຊຶ່ງມີຜົນສໍາເລັດທີ່ພົ້ນເດັ່ນໃນຫຼາຍດ້ານ.
ໃນນັ້ນການສ້າງແລະພັດທະນາບຸກຄະລາກອນ ມຊ ໄດ້ນໍາສົ່ງພະນັກງານ, ຄູ-ອາຈານໄປຍົກລະດັບໄລຍະຍາວທັງພາຍໃນແລະຕ່າງປະເທດ131ທ່ານ ຍິງ 57 ທ່ານ, ໃນນັ້ນລະດັບປະລິນຍາເອກ76ທ່ານຍິງ 35 ທ່ານ, ປະລິນຍາໂທ 55ທ່ານຍິງ 22 ທ່ານ; ພັດທະນາຄູສອນໃຫ້ໄດ້ອັດຕາສ່ວນ 2-6-2(ປ.ເອກ-ປ.ໂທ-ປ.ຕີ) ແມ່ນບັນລຸ 1:7:2; ໄດ້ຈັດກອງປະຊຸມແລກປ່ຽນບົດຮຽນພາຍໃນ-ພາຍນອກ,ຝຶກອົບຮົມໄລຍະສັ້ນໃຫ້ແກ່ພະນັກງານ, ຄູ-ອາຈານ311ທ່ານ, ຈັດກິດຈະກໍານອກຫຼັກສູດ 64ຄັ້ງ; ຊຸກຍູ້ສົ່ງເສີມຄູສອນໃຫ້ໄດ້ວິທະຍາຖານະທາງວິຊາການ278 ທ່ານຍິງ124ທ່ານ, ໃນນັ້ນ ສຈ6ທ່ານຍິງ1ທ່ານ, ຮສ 38ທ່ານຍິງ11 ທ່ານ; ພັດທະນາໃຫ້ເປັນສູນກາງການສຶກສາທີ່ມີຄຸນນະພາບໃນນັ້ນໄດ້ພັດທະນາລະບົບຖານຂໍ້ມູນທະບຽນຮັບນັກສຶກສາເຂົ້າຮຽນ ມຊ ປີທີ 1 ຫາປີສຸດທ້າຍ,ພັດທະນານິຕິກໍາທາງດ້ານວິຊາການໃຫ້ສອດຄ່ອງກັບລະບົບບໍລິຫານໃໝ່; ປັບປຸງລະບຽບຫຼັກການໆຮຽນ-ການສອນ, ສິດ ແລະ ໜ້າທີ່ຂອງຄູສອນ,ພັດທະນາລະບົບການບໍລິຫານວິຊາການ,ພາລະບົດບາດຂອງພາກວິຊາ,ຄະນະວິຊາໃຫ້ມີປະສິດທິພາບແລະມີຄວາມເປັນເອກະພາບທົ່ວ ມຊ; ສໍາເລັດການອອກປະກາສະນີຍະບັດໃຫ້ຜູ້ສໍາເລັດການສຶກສາໃນທຸກລະດັບ 22,096ຄົນຍິງ 10,574 ຄົນ; ປະເມີນ,ປັບປຸງ ແລະ ສ້າງຫຼັກສູດຕາມມາດຕະຖານແລະ ຕາມທິດຍືນຍົງດ້ວຍເຄື່ອງມືປະເມີນຫຼັກສູດເພື່ອຕອບສະໜອງຄວາມຕ້ອງການຂອງສັງຄົມ ຕາມແຜນພັດທະນາເສດຖະກິດ-ສັງຄົມແຫ່ງຊາດ89 ຫຼັກສູດ;ອະນຸປະລິນຍາ 1ຫຼັກສູດ, ຕໍ່ເນື່ອງປະລິນຍາຕີ 18 ຫຼັກສູດ,ລະດັບປ.ຕີ60 ຫຼັກສູດ,ປ.ໂທ9ຫຼັກສູດ, ປ.ເອກ1ຫຼັກສູດ;ສໍາເລັດການພັດທະນາສື່ການຮຽນ-ການສອນ, ຂຽນ, ແປແລະຮຽບຮຽງຕໍາລາສອນບາງສ່ວນ ແລະ ສໍາເລັດການຈັດການຮຽນ-ການສອນວິຊາ ປກຊ-ປກສ ຕາມຫຼັກສູດທີ່ກະຊວງສຶກສາທິການແລະກິລາກໍານົດ; ພັດທະນາລະບົບການຮຽນ-ການສອນE-learningສໍາເລັດ 4 ວິຊາພື້ນຖານ;ສ້າງແລະຮັບຮອງນິຕິກໍາກ່ຽວກັບການຈັດຕັ້ງການຮຽນ-ການສອນທາງໄກ, ຈັດຝຶກອົບຮົມ ແລະຈັດກອງປະຊຸມກ່ຽວກັບ E-Learning21ຄັ້ງພ້ອມທັງສ້າງຄັງລາຍວິຊາພື້ນຖານ ແລະ ລະບົບຂໍ້ມູນລາຍວິຊາ OER/MOOCS; ສ້າງ, ປັບປຸງນິຕິກໍາ,ຈັດຝຶກອົບຮົມ ແລະ ຈັດກອງປະຊຸມ41ຄັ້ງ, ແປແລະຮຽບຮຽງປຶ້ມຄູ່ມືສຳລັບມຊຕາມມາດຕະຖານຂອງ AUN QA Hand bookພ້ອມຈັດພິມແຈກຢາຍໃຫ້ແຕ່ລະພາກສ່ວນທີ່ກ່ຽວຂ້ອງ, ພັດທະນາຄັງຂໍ້ສອບເສັງຂອງ ມຊ ໃຫ້ໄດ້ມາດຕະຖານ ແລະ ພັດທະນາຄູ່ມືແນະນຳການສອບເສັງ ມຊ ພ້ອມທັງມີການເຜີຍແຜ່ຢ່າງທົ່ວເຖິງ; ຝຶກອົບຮົມທັກສະການປັບຕົວ ແລະ ການເຄື່ອນໄຫວໄປມາຂອງຄົນພິການໄດ້ 3 ຄັ້ງ; ສໍາເລັດການຜະລິດສື່ການຮຽນ-ການສອນ ແລະ ຈັດຝຶກອົບຮົມໃຫ້ຄູສອນ ແລະ ນັກສຶກສາພິການຕາ ໂດຍໃຊ້ໂປຣແກຣມ NVDA Screen Readerແລະ ໄດ້ມີການປະເມີນໂດຍWorld UniversityRanking; ສໍາເລັດການປັບປຸງວຽກງານການຄົ້ນຄວ້າວິທະຍາສາດ ແລະບໍລິການວິຊາການ, ມີການເກັບກໍາຂໍ້ມູນນັກຄົ້ນຄວ້າ ແລະຂໍ້ມູນສິ່ງອຳນວຍຄວາມສະດວກ; ສ້າງຖານຂໍ້ມູນເກັບກໍາຜົນການຄົ້ນຄວ້າວິທະຍາສາດ, ພັດທະນາ ແລະ ຝຶກອົບຮົມວຽກງານການຄົ້ນຄວ້າວິທະຍາສາດ ມຊໃຫ້ໄດ້ມາດຕະຖານ; ປັບປຸງ ແລະ ພັດທະນາກົນໄກຄຸ້ມຄອງການຄົ້ນຄວ້າວິທະຍາສາດແລະບໍລິການວິຊາການຈໍານວນ10 ຄັ້ງ,ການກຳນົດຫົວຂໍ້ຄົ້ນຄວ້າຕາມບຸລິມະສິດ, ຄວາມຕ້ອງການຂອງສັງຄົມ ແລະ ສະໜອງທຶນໃຫ້ນັກຄົ້ນຄວ້າໄດ້ 5 ຄັ້ງ; ຈັດກອງປະຊຸມທົບທວນ ແລະ ປັບປຸງນິຕິກຳການຄຸ້ມຄອງການຄົ້ນຄວ້າວິທະຍາສາດ 4ຄັ້ງ; ສ້າງເຄືອຂ່າຍການຄົ້ນຄວ້າວິທະຍາສາດ (LERNET/Inter-REN)ໃນລະດັບມະຫາວິທະຍາໄລທີ່ເປັນເຄືອຂ່າຍຂອງສະຖາບັນຄົ້ນຄວ້າຕ່າງໆພາຍໃນ ແລະ ຕ່າງປະເທດ,ສ້າງຫ້ອງທົດລອງຢູ່ຄະນະວິຊາ ແລະ ສ່ວນກາງໂດຍມີການເຊື່ອມໂຍງກັນ, ປັບປຸງຫ້ອງທົດລອງ ແລະ ພັດທະນາລະບົບອິນເຕີເນັດໃນການສຶກສາ; ສໍາເລັດການສ້າງສູນ ພາຍໃຕ້ວຽກງານຄົ້ນຄວ້າວິທະຍາສາດຈໍານວນ 4 ສູນຄື: ສູນຄວາມເປັນເລີດທາງຊີວະນາໆພັນ, ສູນຄະນິດສາດ, ສູນວາລະສານ ແລະ ສູນຜູ້ປະກອບການໂລຈິສຕິກ; ເຂົ້າຮ່ວມກອງປະຊຸມວິທະຍາສາດທັງພາຍໃນ ແລະ ຕ່າງປະເທດໄດ້ 6 ຄັ້ງ, ສຳເລັດການຈັດກິດຈະກຳ ແລະ ເຂົ້າຮ່ວມການແຂ່ງຂັນໃນລະດັບພາກພື້ນ ແລະ ສາກົນ,ສ້າງກອງທຶນພັດທະນາການຄົ້ນຄວ້າວິທະຍາສາດ, ເຜີຍແຜ່ການຄົ້ນຄວ້າໄດ້31 ຄັ້ງ ແລະ ຕີພິມວາລະສານວິທະຍາສາດມຊ ຫຼາຍກວ່າ400 ສະບັບ; ສໍາເລັດການເຮັດບົດຄົ້ນຄວ້າວິທະຍາສາດຈໍານວນ440ບົດ,ດ້ວຍທຶນຄົ້ນຄວ້າ14ຕື້ກວ່າກີບ ແລະ ສົ່ງເສີມການບໍລິການວິຊາການ, ແລກປ່ຽນວິຊາການກັບສາກົນຈໍານວນ 26 ຄັ້ງ; ສໍາເລັດການປັບປຸງກົງຈັກການຈັດຕັ້ງ ແລະ ຄຸ້ມຄອງພະນັກງານ-ລັດຖະກອນໃຫ້ສອດຄ່ອງ ແລະ ມີປະສິດທິພາບໃນການເຄື່ອນໄຫວປະຕິບັດໜ້າທີ່ວຽກງານ, ປະເມີນການປະຕິບັດວຽກງານຂອງພະນັກງານ-ລັດຖະກອນທົ່ວ ມຊ ແລະ ປັບປຸງວິທີການດໍາເນີນງານຂອງພະນັກງານໃນແຕ່ລະຂັ້ນ; ສຳເລັດການປັບປຸງດຳລັດຂອງນາຍົກລັດຖະມົນຕີ ວ່າດ້ວຍການຈັດຕັ້ງ ແລະ ເຄື່ອນໄຫວຂອງ ມຊ ສະບັບເລກທີ 115/ນຍ, ລົງວັນທີ 18/1/2024, ສໍາເລັດການປັງປຸງຖານຂໍ້ມູນການຄຸ້ມຄອງພະນັກງານ, ຄູ-ອາຈານ ແລະອາສາສະໝັກຊ່ຽວຊານ, ສືບຕໍ່ກະກຽມການສ້າງສະຖາບັນເຕັກໂນໂລຊີ ແລະນະວັດຕະກໍາ;ສໍາເລັດການປັງປຸງເວັບໄຊ ມຊ ໂດຍພື້ນຖານ;ສໍາເລັດການປັບປຸງ ແລະກໍ່ສ້າງເສັ້ນທາງໃນຂອບເຂດ ມຊ (ວິທະຍາເຂດດົງໂດກ ແລະ ວິທະຍາເຂດດອນນົກຂຸ້ມ), ສ້າງຄວາມເຂັ້ມແຂງທາງດ້ານການເງິນ ຮ່ວມມືກັບທະນາຄານການຄ້າຕ່າງປະເທດລາວມະຫາຊົນໃນການຊໍາລະຄ່າຮຽນຂອງນັກສຶກສາໂດຍນໍາໃຊ້ບັດນັກສຶກສາ ແລະ ບັດ ATMເປັນບັດດຽວກັນ; ຈັດກອງປະຊຸມຮ່ວມກັບຄູ່ຮ່ວມພັດທະນາມຊ ເພື່ອປຶກສາຫາລືໃນການພັດທະນາການສຶກສາ, ການລົງທຶນຂອງຄູ່ຮ່ວມພັດທະນາໃນຮູບແບບ PPP(ການຮ່ວມມືຂອງພາກລັດກັບພາກເອກະຊົນ);ສ້າງຄວາມເຂັ້ມແຂງວຽກງານພົວພັນຕ່າງປະເທດເພື່ອຫັນໄປສູ່ຄວາມເປັນສາກົນເທື່ອລະກ້າວ. ນອກຈາກນີ້ກໍຍັງມີຜົນງານພົ້ນເດັ່ນດ້ານອື່ນໆຕື່ມອີກ.
ຄໍາເຫັນ