ຂ່າວລະບຸວ່າ: metafilm ຜະລິດຈາກອາຊິດ polylactic(PLA) ຈາກພືດ, ເປັນວັດສະດຸທີ່ຍ່ອຍສະຫຼາຍໄດ້ທັງໝົດ ແລະ ບໍ່ຕ້ອງໃຊ້ພະລັງງານ, ຖືເປັນອີກໜຶ່ງທາງເລືອກນອກເໜືອຈາກລະບົບເຄື່ອງປັບອາກາດແບບເກົ່າ ແລະເຄື່ອງເຮັດຄວາມເຢັນທີ່ໃຊ້ຜະລິດຕະພັນປິໂຕຣເຄມີ.
ບົດລາຍງານລະບຸວ່າ: ວັດສະດຸດັ່ງກ່າວສະທ້ອນລັງສີຂອງດວງຕາເວັນໄດ້ເກືອບທັງໝົດ ແລະ ຍັງຊ່ວຍໃຫ້ຄວາມຮ້ອນພາຍໃນອາຄານສາມາດລະບາຍອອກສູ່ຊັ້ນບັນຍາກາດໄດ້ໂດຍກົງ, ເຮັດໃຫ້ພື້ນທີ່ໃນອາຄານເຢັນກວ່າສະພາບອາກາດອ້ອມຂ້າງ, ເຖິງແມ່ນວ່າຢູ່ພາຍໃຕ້ແສງແດດໂດຍກົງ.
ຄະນະນັກວິທະຍາສາດກ່າວວ່າ:ການທົດສອບພາກສະໜາມໃນປະເທດຈີນ ແລະ ອົສຕຣາລີ ໄດ້ສະແດງໃຫ້ເຫັນວ່າຟີມດັ່ງກ່າວຍັງຄົງມີປະສິດຕິພາບເຖິງແມ່ນວ່າຫຼັງຈາກສຳຜັດກັບກົດ ແລະ ແສງ ultraviolet ເປັນເວລາດົນ ຊຶ່ງມີຄວາມທົນທານກວ່າວັດສະດຸທີ່ຍ່ອຍສະຫຼາຍໄດ້ທີ່ນຳມາໃຊ້ໃນເມື່ອກ່ອນ.
ການສ້າງແບບຈໍາລອງຄາດຄະເນວ່າ metafilm ສາມາດຫຼຸດຜ່ອນການໃຊ້ພະລັງງານໃນອາຄານໄດ້ງເຖິງ 20%ໃນເມືອງທີ່ມີສະພາບອາກາດຮ້ອນ, ໂດຍຊ່ວຍຫຼຸດຜ່ອນຄວາມຕ້ອງການໃຊ້ເຄື່ອງປັບອາກາດ. ປັດຈຸບັນ, ນັກຄົ້ນຄວ້າກໍາລັງສຶກສາຄວາມເປັນໄປໄດ້ໃນການນຳໄປຜະລິດໃນລະດັບອຸດສາຫະກໍາ. ລວມທັງການນໍາໃຊ້ຢ່າງກວ້າງຂວາງໃນຂະແໜງການຕ່າງໆເຊັ່ນ: ການຂົນສົ່ງ, ກະສິກໍາ, ເອເລັກໂຕຣນິກແລະ ການແພດ.
ທ່ານ ໝ່າຈວິນ ໜຶ່ງໃນຜູ້ຂຽນການຄົ້ນຄວ້າ ແລະ ອາຈານຂອງມະຫາວິທະຍາໄລ South Australiaກ່າວວ່າ:ຟີມຂອງພວກເຮົາມີຄວາມທົນທານແລະສາມາດຍ່ອຍສະຫຼາຍທາງຊີວະພາບໄດ້, ໂດຍຈະຊ່ວຍແກ້ໄຂບັນຫາຂອງການປະສານປະສິດທິພາບການລະບາຍຄວາມຮ້ອນເຂົ້າກັບການຍ່ອຍສະຫຼາຍທີ່ເປັນມິດກັບສິ່ງແວດລ້ອມເພື່ອເພີ່ມທະວີຄວາມສະດວກສະບາຍ, ຫຼຸດຜ່ອນການນໍາໃຊ້ນໍ້າມັນເຊື້ອໄຟຟອສຊິວ ແລະຜົນກະທົບຕໍ່ສິ່ງແວດລ້ອມ.
ທັງນີ້, ການຄົ້ນພົບໄດ້ຖືກພິມເຜີຍແຜ່ໃນວາລະສານ Cell Reports Physical Science.
ຄໍາເຫັນ