ໂປໂລຍ, ສາທາລະນະລັດເຊັກ ແລະ ຮົງກາລີ ລ້ວນແຕ່ໄດ້ຮັບຜົນະທົບຈາກຝົນຕົກແຮງ, ໂດຍລັດຖະບານ ໂປໂລຍໄດ້ປະກາດພາວະສຸກເສີນ ຫຼັງຈາກຝົນຕົກແຮງ ແລະ ເຮັດໃຫ້ພື້ນທີ່ສ່ວນຫຼາຍທາງຕາເວັນຕົກສ່ຽງໃຕ້ຂອງປະເທດເກີດນໍ້າຖ້ວມ.ທັງນີ້, ທ່ານ ໂດນັລ ທັສ ນາຍົກລັດຖະມົນຕີໂປໂລຍ ໄດ້ປະກາດມອບເງິນ ຈຳນວນ260 ລ້ານໂດລາ ເພື່ອຊ່ວຍເຫຼືອສຸກເສີນສໍາລັບພາກພື້ນທີ່ໄດ້ຮັບກະທົບໜັກທີ່ສຸດ ໃນວັນທີ 16 ກັນຍາ ຜ່ານມາ.
ສ່ວນຢູ່ ສາທາລະນະລັດ ເຊັກ ປະຊາຊົນຈຳນວນຫຼາຍຍັງຄົງລໍຖ້າຄວາມຊ່ວຍເຫຼືອ ແລະ ຕ້ອງຢູ່ຢ່າງລຳບາກໂດຍບໍ່ມີນ້ຳຮ້ອນ ແລະ ໄຟຟ້າໃຊ້ຫຼັງຈາກໂຮງງານເຮັດຄວາມຮ້ອນໃນເມືອງອອສຕຣາວາ ທີ່ຢູ່ຫ່າງຈາກຊາຍແດນໂປໂລຍ 15 ກິໂລແມັດ ຖືກປິດຊົ່ວຄາວ ເນື່ອງຈາກປະສົບກັບໄພນໍ້າຖ້ວມ ຊຶ່ງສົ່ງຜົນເຮັດໃຫ້ຜູ້ທີ່ອາໄສຢູ່ໃນເມືອງ ປະມານ280.000 ຄົນປະສົບບັນຫາບໍ່ມີນໍ້າຮ້ອນໃຊ້.
ທັງນີ້, ໃນໄລຍະບໍ່ເທົ່າໃດວັນຜ່ານມານີ້ ພົບຜູ້ເສຍຊີວິດຈາກສະຖານນະການນໍ້າຖ້ວມໃນເອີຣົບກາງ ທັງປະໝົດປະມານ 17 ຄົນ ແລະ ພື້ນທີ່ຕ່າງໆຍັງຄົງຢູ່ໃນຄວາມເຄັ່ງຕຶງ ເນື່ອງຈາກສະຖານະການນໍ້າຖ້ວມຍັງວິກິດ.
ຄໍາເຫັນ