ຂ່າວລະບຸວ່າ: ທ່ານ ຟ້າມມິງຈິງ ໃຫ້ຮູ້ວ່າ: ລັດຖະບານຫວຽດນາມ ຍາມໃດກໍຖື World Bank ແມ່ນຄູ່ຮ່ວມມືສຳຄັນ, ໄວ້ເນື້ອເຊື່ອໃຈ ທີ່ໄດ້ມີການໜູນຊ່ວຍຫຼາຍຢ່າງ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ-ສັງຄົມ ຂອງຫວຽດນາມ. ທ່ານປາຖະໜາຢາກໃຫ້ WB ສືບຕໍ່ເສີມຂະຫຍາຍບົດບາດແມ່ນຄູ່ຮ່ວມມືພັດທະນາແຖວໜ້າ, ແບ່ງປັນບົດຮຽນປະສົບການ ແລະ ເພີ່ມທະວີການໜູນຊ່ວຍ ຫວຽດນາມ ໃນການຮັກສາສະຖຽນລະພາບເສດຖະກິດມະຫາພາກ, ຊຸກຍູ້ການເຕີບໂຕວ່ອງໄວ, ໝັ້ນຄົງ; ໜູນຊ່ວຍ ຫວຽດນາມຜັນຂະຫຍາຍປະສິດທິຜົນບັນດາໂຄງການພັດທະນາເສດຖະກິດສີຂຽວ, ເສດຖະກິດດີຈີຕອນ, ເສດຖະກິດໝູນວຽນ, ຍົກສູງກຳລັງຄວາມສາມາດການແກ້ງແຍ່ງ ແລະ ຄວາມສາມາດທົນທານຂອງພື້ນຖານເສດຖະກິດ.
ທ່ານນາງ ມາຮຽມ ເຊີແມນ ຕີລາຄາສູງຍຸດທະສາດພັດທະນາປະເທດຊາດໃນໄລຍະປ່ຽນແປງໃໝ່ຂອງ ຫວຽດນາມ; WB ສະໜັບສະໜູນ ແລະ ຈະຮ່ວມເດີນທາງ, ໜູນຊ່ວຍ ຫວຽດນາມ ໃນວິວັດການນີ້ ເປັນຕົ້ນແມ່ນບັນດາຂົງເຂດຊຶ່ງຫວຽດນາມ ໃຫ້ບຸລິມະສິດ, ໃນນັ້ນ ຈະສະຫງວນໃຫ້ ຫວຽດນາມ ກູ້ຢຶມບ້ວງເງິນ 11 ຕື້ກວ່າໂດລາ ໃນຮອບເວລາ 5 ປີຈະມາເຖິງ.
ຄໍາເຫັນ