ແລະ ຄະນະ ໄດ້ຢ້ຽມຢາມເຮັດວຽກທີ່ ນະຄອນຊຽງໄຮ້ສປ ຈີນຊຶ່ງໃຫ້ການຕ້ອນຮັບໂດຍສະຫາຍ ກົງ ເຈີ້ງເລຂາພັກເຈົ້າຄອງນະຄອນຊຽງໄຮ້.
ໃນໂອກາດນີ້, ສະຫາຍ ກົງ ເຈີ້ງໄດ້ສະແດງຄວາມຍິນດີຕ້ອນຮັບອັນອົບອຸ່ນມາຍັງ ສະຫາຍ ສອນໄຊ ສີພັນດອນ ພ້ອມດ້ວຍພັນລະຍາ ແລະ ຄະນະຜູ້ແທນລາວ ທີ່ເດີນທາງມາຢ້ຽມຢາມນະຄອນຊຽງໄຮ້ ໃນຄັ້ງນີ້, ໂດຍ ສະຫາຍ ສອນໄຊ ສີພັນດອນ ກໍໄດ້ສະແດງຄວາມຂອບໃຈ ຕໍ່ການຕ້ອນຮັບດັ່ງກ່າວ ແລະ ສະແດງຄວາມຊົມເຊີຍຕໍ່ຜົນສໍາເລັດການຈັດງານວາງສະແດງສິນຄ້ານໍາເຂົ້າສາກົນ ສປ ຈີນ ຄັ້ງທີ 7 ທີ່ຈັດຂຶ້ນຢູ່ນະຄອນຊຽງໄຮ້ ແລະ ຫາກໍປິດລົງໃນວັນທີ 10 ພະຈິກ 2024 ນີ້.
ພ້ອມດຽວກັນນີ້, ສອງຝ່າຍ ໄດ້ຕີລາຄາສູງຕໍ່ສາຍພົວພັນມິດຕະພາບອັນເປັນມູນເຊື້ອ, ການພົວພັນຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ແລະ ການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ, ກໍຄືການພົວພັນຮ່ວມມືລະຫວ່າງ ສປປ ລາວ ກັບ ນະຄອນຊຽງໄຮ້ ທີ່ໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ, ການແລກປ່ຽນການຢ້ຽມຢາມ ແລະ ການພົບປະຂອງຄະນະຜູ້ແທນຂັ້ນສູງຂອງສອງຝ່າຍ ໄດ້ດໍາເນີນໄປຢ່າງເປັນປົກກະຕິ ແລະ ເພີ່ມຂຶ້ນ. ໃນໂອກາດດັ່ງກ່າວ,ສອງຝ່າຍ ຍັງໄດ້ປຶກສາຫາລືແລກປ່ຽນຄໍາຄິດເຫັນ ເພື່ອສືບຕໍ່ເສີມຂະຫຍາຍການພົວພັນຮ່ວມມືຂອງສອງປະເທດ ກໍຄືລະຫວ່າງ ສປປ ລາວ ກັບ ນະຄອນຊຽງໄຮ້ ໃນຕໍ່ໜ້າ, ໂດຍສະເພາະແມ່ນການຊຸກຍູ້ການພົວພັນຮ່ວມມືທີ່ສອງຝ່າຍມີທ່າແຮງບົ່ມຊ້ອນ ໂດຍນໍາໃຊ້ເສັ້ນທາງລົດໄຟລາວ-ຈີນ ແລະ ສາຍການບິນກົງ ວຽງຈັນ-ຊຽງໄຮ້-ວຽງຈັນ ເພື່ອຊຸກຍູ້ການໄປມາຫາສູ່ ການເຊື່ອມໂຍງເຊື່ອມຈອດກັນ ໃນຫຼາຍຮູບແບບ ແລະ ຫຼາຍຊ່ອງທາງກວ່າເກົ່າ, ລວມເຖິງການຮ່ວມມືທາງດ້ານເສດຖະກິດ, ການຄ້າ, ການລົງທຶນ, ການທ່ອງທ່ຽວ, ການພັດທະນາຊັບພະຍາກອນມະນຸດ ແລະ ອື່ນໆ. ໃນນີ້, ສອງຝ່າຍຍິນດີ ທີ່ຈະພ້ອມກັນສະໜັບສະໜູນ ແລະ ຊຸກຍູ້ ການດໍາເນີນງານໂຄງການພັດທະນາບຶງທາດຫຼວງ ຂອງບໍລິສັດ ຊຽງໄຮ້ ວ້ານເຟິງ ເພື່ອນໍາເອົາໝາກຜົນຕົວຈິງມາສູ່ປະຊາຊົນສອງຊາດ ລາວ-ຈີນ ນັບມື້ນັບຫຼາຍຂຶ້ນກວ່າເກົ່າ. ນອກນີ້,ສອງຝ່າຍຍັງໄດ້ແຈ້ງກ່ຽວກັບສະພາບການພັດທະນາເສດຖະກິດ-ສັງຄົມທີ່ ພົ້ນເດັ່ນພາຍໃນຂອງຕົນໃຫ້ກັນຊາບ.
ໃນໂອກາດຢ້ຽມຢາມເຮັດວຽກຢູ່ນະຄອນຊຽງໄຮ້ຄັ້ງນີ້, ສະຫາຍ ສອນໄຊ ສີພັນດອນພ້ອມດ້ວຍພັນະຍາ ແລະ ຄະນະ ຍັງໄດ້ໄປຢ້ຽມຢາມທັດສະນະສຶກສາຢູ່ ສະຖານທີ່ຈັດກອງປະຊຸມໃຫຍ່ຄັ້ງປະຖົມມະລືກຂອງພັກກອມມູນິດຈີນ, ພິພິທະພັນແຜນຜັງເມືອງ ຂອງນະຄອນຊຽງໄຮ້, ສະມາຄົມຊື້-ຂາຍແລກປ່ຽນຄໍາແລະ ບໍລິສັດຜະລິດຍົນ COMAC ອີກດ້ວຍ.
(ຂ່າວ: ກຕທ)
ຄໍາເຫັນ