ອຸນຫະພູມໂລກປະຈຳເດືອນ

NASA ຢືນຢັນ ປີ 2024 ເປັນປີທີ່ອາກາດຮ້ອນທີ່ສຸດ

12:09 21/01/2025

ຂ່າວຕ່າງປະເທດລາຍງານ ຫວ່າງບໍ່ດົນມານີ້, ນັກວິທະຍາສາດອົງການ NASA ເປີດເຜີຍວ່າ: ປີ 2024 ເປັນປີທີ່ມີອຸນຫະພູມສະເລ່ຍທົ່ວໂລກສູງທີ່ສຸດແບບບໍ່ເຄີຍມີມາກ່ອນ. ໂດຍອຸນຫະພູມໂລກໃນປີ 2024

ສູງເກີນຂອບເຂດພື້ນຖານຂອງສະຕະວັດທີ 20 (1951-1980) ຂອງອົງການ NASA ປະມານ 1.28 ອົງສາ.

ບົດລາຍງານລະບຸວ່າ: ສະຖິຕິໃໝ່ນີ້ເກີດຂຶ້ນຫຼັງຈາກອຸນຫະພູມໂລກປະຈຳເດືອນສູງແບບບໍ່ເຄີຍມີມາກ່ອນ ຕິດຕໍ່ກັນ 15 ເດືອນ (ມິຖຸນາ 2023-ສິງຫາ 2024) ຊຶ່ງເປັນປະກົດການຄວາມຮ້ອນທີ່ບໍ່ເຄີຍມີມາກ່ອນ.

ອຸນຫະພູມໂລກໃນປີ 2024 ສູງກວ່າຄ່າສະເລ່ຍໃນໄລຍະກາງສະຕະວັດທີ 19 (1850-1900) ປະມານ 1.47 ອົງສາ ແລະ ອຸນຫະພູມສະເລ່ຍຂອງໄລຍະເວລາຫຼາຍກວ່າເຄິ່ງໜຶ່ງຂອງປີ 2024 ສູງເກີນຄ່າພື້ນຖານຫຼາຍກວ່າ 1.5 ອົງສາ, ລວມທັງອຸນຫະພູມສະເລ່ຍໝົດປີ 2024 ອາດສູງກວ່າຄ່າສະເລ່ຍເປັນຄັ້ງທໍາອິດ.

ທ່ານ ບິລ ເນລສັນ ຜູ້ບໍລິຫານຂອງອົງການ NASA ກ່າວວ່າ: ປີ 2024 ກາຍເປັນປີທີ່ຮ້ອນທີ່ສຸດນັບຕັ້ງແຕ່ເລີ່ມຕົ້ນບັນທຶກຂໍ້ມູນໃນປີ 1880. ໂດຍຄະນະນັກວິທະຍາສາດໃຫ້ເຫດຜົນວ່າພາວະໂລກຮ້ອນໃນສອງສາມທົດສະວັດທີ່ຜ່ານມາແມ່ນເປັນການເພີ່ມຂຶ້ນຂອງກາກບອນໄດອອກໄຊ, ມີເທນ ແລະ ອາຍແກັສເຮືອນແກ້ວອື່ນໆ ທີ່ກັກເກັບຄວາມຮ້ອນ.

ຜົນການວິເຄາະລະດັບສາກົນເມື່ອບໍ່ດົນມານີ້ໄດ້ຊີ້ໃຫ້ເຫັນວ່າ: ການປ່ອຍກາກບອນໄດອອກໄຊຈາກເຊື້ອໄຟຟອດຊີິລໃນທົ່ວໂລກເພີ່ມຂຶ້ນສູງທີ່ສຸດໃນປີ 2022-2023, ໂດຍຄວາມເຂັ້ມຂຸ້ນຂອງກາກບອນໄດອອກໄຊໃນຊັ້ນບັນຍາກາດເພີ່ມຂຶ້ນຈາກລະດັບກ່ອນຍຸກອຸດສາຫະກຳໃນສະຕະວັດທີ 18 ຊຶ່ງຢູ່ທີ່ປະມານ 278 ສ່ວນຕໍ່ລ້ານສ່ວນ ເປັນປະມານ 420 ສ່ວນຕໍ່ລ້ານສ່ວນ.

ຄໍາເຫັນ

ຂ່າວຕ່າງປະເທດ

ລາຄາອາຍແກ໊ສທຳມະຊາດຢູ່ເອີຣົບ ເພີ່ມຂຶ້ນ 60%

06/03/2026 12:19

ຂ່າວສານຊີອາໄອລາຍງານວ່າ: ນັກຂ່າວວິທະຍຸໂທລະພາບສູນກາງຈີນ ຫຼື CMG ລາຍງານວ່າ, ໃນວັນທີ 4 ມີນາ ຜ່ານມາ ລາຄາອາຍແກ໊ສທຳມະຊາດທີ່ຊື້-ຂາຍລ່ວງໜ້າຢູ່ເອີຣົບ ໄດ້ບຸກທະລຸ 56 ເອີໂຣຕໍ່ເມກາວັດໂມງ ຊຶ່ງເປັນການສືບຕໍ່ເພີ່ມຂຶ້ນຢ່າງຕໍ່ເນື່ອງ ແລະ ໄດ້ສ້າງສະຖິິຕິສູງສຸດຄັ້ງໃໝ່ໃນຮອບ 3 ປີ ກວ່າຜ່ານມາ.

ວິກິດການຕາເວັນອອກາງ ໄດ້ສັ່ນສະເທືອນອຸດສາຫະກຳທ່ອງທ່ຽວ

06/03/2026 12:18

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ຂໍ້ຂັດແຍ່ງທີ່ເພີ່ມຂຶ້ນລະຫວ່າງສະຫະລັດ ອາເມຣິກາ, ອິສຣາແອນ ແລະ ອີຣານ ກຳລັງສັ່ນສະເທືອນອຸດສາຫະກຳທ່ອງທ່ຽວໃນຕາເວັນອອກກາງ ຊຶ່ງສ້າງລາຍຮັບປະມານ 367 ຕື້ໂດລາຕໍ່ປີແລະ ສົ່ງຜົນກະທົບໂດຍກົງຕໍ່ພາບພົດຂອງພາກພື້ນໃນຖານະເປັນຈຸດໝາຍປາຍທາງທີ່ປອດໄພ ແລະ ມີລະດັບພຣີມຽມ, ຫຼັງຈາກການລົງທຶນຈຳນວນຫຼວງຫຼາຍໃນໄລຍະຫຼາຍປີທີ່ຜ່ານມາ ຕັ້ງແຕ່ ອາບູ ດາບີ ເຖິງ ດູໄບ.

ຂະໜາດອຸດສາຫະກຳໃນຂົງເຂດປັນຍາປະດິດຂອງຈີນ ມີມູນຄ່າຫຼາຍກວ່າ 1,200 ຕື້ຢວນ

06/03/2026 12:17

ຂ່າວສານຊີອາໄອລາຍງານວ່າ: ໃນວັນທີ 5 ມີນາ ຜ່ານມານີ້, ທ່ານ ຫຼີເລີເສິງ ຜູ້ແທນສະພາປະຊາຊົນແຫ່ງຊາດຈີນ ລັດຖະມົນຕີກະຊວງອຸດສາຫະກຳ ແລະ ເຕັກໂນໂລຊີຂໍ້ມູນຂ່າວຈີນ ທີ່ເຂົ້າຮ່ວມກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນຊຸດທີ 14 ໄດ້ໃຫ້ສຳພາດຕໍ່ນັກຂ່າວວ່າ: ປີ 2025, ຂະໜາດອຸດສາຫະກຳແກນກາງໃນຂົງເຂດປັນຍາປະດິດຂອງຈີນມີມູນຄ່າຫຼາຍກວ່າ 1,200 ຕື້ຢວນ ແລະ ມີວິສາຫະກິດຫຼາຍກວ່າ 6,200 ແຫ່ງ. ຈຳນວນດາວໂຫຼດແບບຈຳລອງຂະໜາດໃຫຍ່ແບບເປີດຂອງວິສາຫະກິດຈີນເປັນອັນດັບໜຶ່ງຂອງໂລກ. ນັບມາຮອດທ້າຍປີ 2025, ອັດຕາການນຳໃຊ້ເຕັກໂນໂລຊີປັນຍາປະດິດຂອງວິສາຫະກິດອຸດສາຫະກຳການຜະລິດຂະໜາດໃຫຍ່ມີຫຼາຍກວ່າ 30%. ໜຶ່ງປີຜ່ານມາ, ວິສາຫະກິດຈີນໄດ້ນຳສະເໜີຫຸ່ນຍົນມະນຸດ 300 ກວ່າລຸ້ນ ແລະ ກວມຫຼາຍກວ່າເຄິ່ງໜຶ່ງຂອງຈຳນວນທັງໝົດທົ່ວໂລກ.

ຫວຽດນາມ ເປັນປະທານຮ່ວມກອງປະຊຸມຄະນະກຳມະການຮ່ວມມື ອາຊຽນ - ອັງກິດ ຄັ້ງທີ 5

06/03/2026 12:16

ວິທະຍຸກະຈາຍສຽງຫວຽດນາມລາຍງານໃນວັນທີ 5 ມີນາ ຜ່ານມາວ່າ: ກອງປະຊຸມຄະນະກຳມະການຮ່ວມມືອາຊຽນ - ອັງກິດ ຄັ້ງທີ 5, ໂດຍຄະນະຜູ້ຕາງໜ້າ ຫວຽດນາມ ປະຈຳອາຊຽນ ເປັນປະທານຮ່ວມກັບຄະນະຜູ້ຕາງໜ້າ ອັງກິດ ຢູ່ ອາຊຽນ ປະຈຳນະຄອນຈາກາຕາ ປະເທດອິນໂດເນເຊຍ ໄດ້ດຳເນີນໃນວັນທີ 4 ມີນາ ຜ່ານມາ. ກອງປະຊຸມແມ່ນໂອກາດເພື່ອໃຫ້ ອາຊຽນ ແລະ ອັງກິດ ສະຫຼຸບໝາກຜົນການຮ່ວມມືໃນໄລຍະ 5 ປີຜ່ານມາ, ກຳນົດທິດທາງຊຸກຍູ້ການຮ່ວມມືໃນໄລຍະຕໍ່ໄປ.

ຄ່າຂົນສົ່ງນ້ຳມັນຈາກຕາເວັນອອກກາງ ເພີ່ມຂຶ້ນສູ່ລະດັບສູງສຸດເປັນປະຫວັດການ

05/03/2026 15:25

ຂ່າວຕ່າງປະເທດລາຍງານໃນວັນທີ 3 ມີນາ ຜ່ານມາວ່າ: ສະຖານະການໃນຕາເວັນອອກກາງໄດ້ເຮັດໃຫ້ຄ່າຂົນສົ່ງນ້ຳມັນເພີ່ມຂຶ້ນສູ່ລະດັບສູງສຸດເປັນປະຫວັດການ. ໂດຍຂໍ້ມູນຈາກ LSEG ຊີ້ໃຫ້ເຫັນວ່າ: ຫຼັງຈາກເກີດຄວາມຂັດແຍ່ງລະຫວ່າງສະຫະລັດ ອາເມຣິກາ, ອິສຣາເອນ ແລະ ອີຣານ ເພີ່ມທະວີຄວາມຮຸ່ນແຮງຂຶ້ນ, ເຮັດໃຫ້ອີຣານ ຂົ່ມຂູ່ຈະໂຈມຕີເຮືອທີ່ຜ່ານຊ່ອງແຄບຮໍມຸສ.

ກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນຊຸດທີ 14 ເປີດຂຶ້ນຢູ່ນະຄອນຫຼວງປັກກິ່ງ

05/03/2026 15:24

ຂ່າວສານຊີອາໄອລາຍງານວ່າ: ກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນຊຸດທີ 14 ໄດ້ເປີດຂຶ້ນຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ ໃນເວລາ 9:00 ໂມງ ຂອງວັນທີ 5 ມີນານີ້. ທ່ານ ສີຈິ້ນຜິງ ປະທານປະເທດຈີນ ພ້ອມດ້ວຍຜູ້ນໍາພັກ-ລັດຂອງຈີນຫຼາຍທ່ານໄດ້ເຂົ້າຮ່ວມພິທີເປີດກອງປະຊຸມດັ່ງກ່າວ.

ຫວຽດນາມ ເລີ່ມປະຕິບັດໜ້າທີ່ໃຫຍ່ຂອງພັກໃນໄລຍະໃໝ່

05/03/2026 15:23

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 4 ມີນາ ຜ່ານມາ ຢູ່ສຳນັກງານສູນກາງພັກ ທີ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ເຮັດວຽກກັບໜ່ວຍຮຽບຮຽງສະຫຼຸບ 100 ປີແຫ່ງວັນພັກນຳພາການປະຕິວັດ ຫວຽດນາມ ແລະ 40 ປີແຫ່ງການປະຕິບັດໂຄງການການເມືອງສ້າງສາປະເທດຊາດໃນໄລຍະຂ້າມຜ່ານກ້າວຂຶ້ນສັງຄົມນິຍົມ.

ເດືອນມັງກອນ ອັດຕາການວາງງານຂອງຍີ່ປຸ່ນເພີ່ມຂຶ້ນເປັນ 2.7%

05/03/2026 14:49

ຂ່າວຕ່າງປະເທດລາຍງານ ໃນວັນທີ 3 ກຸມພາ ຜ່ານມາວ່າ: ກະຊວງກິດຈະການພາຍໃນ ແລະ ການສື່ສານຂອງຍີ່ປຸ່ນ ເປີດເຜີຍວ່າ, ອັດຕາການວ່າງງານໃນເດືອນມັງກອນຜ່ານມາເພີ່ມຂຶ້ນເປັນ 2.7% ຈາກ 2.6% ໃນເດືອນກ່ອນໜ້າ ຊຶ່ງເປັນການເພີ່ມຂຶ້ນຄັ້ງທຳອິດໃນຮອບ 5 ເດືອນ. ເນື່ອງຈາກມີແຮງງານຈຳນວນຫຼາຍຕັດສິນໃຈລາອອກຈາກວຽກເກົ່າເພື່ອຫາວຽກໃໝ່ທີ່ດີກວ່າເກົ່າ.

ສ ເກົາຫຼີ ເລັ່ງຊອກຫານໍ້າມັນຢູ່ນອກຕາເວັນອອກກາງ

05/03/2026 14:48

ຂ່າວຕ່າງປະເທດລາຍງານໃນວັນທີ 4 ມີນາ ຜ່ານມາວ່າ: ລັດຖະບານ ສ ເກົາຫຼີ ໄດ້ປະກາດວ່າຈະສືບຕໍ່ຊື້ນ້ຳມັນເພີ່ມເຕີມຈາກພາຍນອກຕາເວັນອອກກາງ ຫຼັງຈາກຊ່ອງແຄບຮໍມຸສຖືກປິດລົງຕາມຕົວຈິງ ທ່າມກາງການໂຈມຕີຢ່າງຕໍ່ເນື່ອງຕໍ່ອີຣານໂດຍສະຫະລັດ ແລະ ອິສຣາເອນ. ລັດຖະບານຢືນຢັນວ່າມີນ້ຳມັນສຳຮອງພຽງພໍທີ່ຈະຮັບມືກັບວິກິດການທີ່ຍືດເຍື້ອ.

ຫຼາຍບໍລິສັດປະກັນໄພທາງທະເລຍົກເລີກປະກັນໄພສົງຄາມ

05/03/2026 14:47

ຂ່າວສານຊີອາໄອລາຍງານ ໃນວັນທີ 4 ມີນາ ຜ່ານມາວ່າ: ໜັງສືພິມ “The Guardian” ຂອງອັງກິດລາຍງານວ່າ, ຍ້ອນອາເມຣິກາ ແລະ ອິດສະຣາແອນໂຈມຕີອີຣານໄດ້ສົ່ງຜົນຕໍ່ການເດີນເຮືອທາງທະເລສາກົນ, ຫຼາຍບໍລິສັດປະກັນໄພທາງທະເລທີ່ມີສຳນັກງານໃຫຍ່ຕັ້ງຢູ່ອັງກິດ, ນອກແວ ແລະ ອາເມຣິກາ ໄດ້ປະກາດໃນວັນທີ 2 ມີນາ ຜ່ານມາວ່າ: ຈະຍົກເລີກປະກັນໄພສົງຄາມຕໍ່ກຳປັ່ນທີ່ດຳເນີນທຸລະກິດຢູ່ເຂດອ່າວເປີເຊຍ ນັບແຕ່ວັນທີ 5 ມີນາເປັນຕົ້ນໄປ.

ເພີ່ມເຕີມ