ຫວ່າງມໍ່ໆມານີ້, ທ່ານ ພູມທຳ ເວດຊະຍະໄຊ ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງການຄ້າໄທກ່າວວ່າ: ງານວາງສະແດງສິນຄ້ານຳເຂົ້າສາກົນຈີນໄດ້ສະແດງໃຫ້ເຫັນເຖິງຄວາມຕັດສິນໃຈຂອງຈີນທີ່ຍຶດໝັ້ນການເປີດປະຕູສູ່ພາຍນອກຢ່າງຕໍ່ເນື່ອງ ແລະ ພວມສ້າງໂອກາດໃໝ່ໃຫ້ແກ່ວິສາຫະກິດທົ່ວໂລກ ໂດຍສະເພາະແມ່ນວິສາຫະກິດຂະໜາດກາງ ແລະ ນ້ອຍ.
ວັນທີ 5 ພະຈິກຜ່ານມາ, ງານວາງສະແດງສິນຄ້ານຳເຂົ້າສາກົນຈີນຄັ້ງທີ 6 ໄດ້ຈັດຂຶ້ນຢູ່ນະຄອນຊຽງໄຮ້ຂອງຈີນ, ທ່ານ ພູມທຳ ເວດຊະຍະໄຊ ໄດ້ນຳພາຄະນະຜູ້ແທນໄທເຂົ້າຮ່ວມງານ. ທ່ານກ່າວວ່າ, ຈີນແມ່ນຕະຫຼາດທີ່ໃຫຍ່ທີ່ສຸດ ແລະເປັນໜຶ່ງໃນຕະຫຼາດທີ່ມີຊີວິດຊີວາທີ່ສຸດຂອງໂລກ, ຈີນເປີດປະຕູສູ່ພາຍນອກຢ່າງຕໍ່ເນື່ອງ ຈະສ້າງຜົນປະໂຫຍດໃຫ້ແກ່ໂລກ ໂດຍສະເພາະແມ່ນໃຫ້ແກ່ໄທ.
ທ່ານ ພູມທຳ ເວດຊະຍະໄຊກ່າວຕື່ມວ່າ: ໃນໄລຍະຈັດງານວາງສະແດງສິນຄ້ານຳເຂົ້າສາກົນຈີນຄັ້ງນີ້, ທ່ານຈະນຳພາຄະນະພົບປະກັບຄະນະຜູ້ແທນຂັ້ນແຂວງຕ່າງໆຂອງຈີນ. “ການສ້າງສາຍພົວພັນ ແລະ ດຳເນີນການສົນທະນາກັບຄະນະຜູ້ແທນທ້ອງຖິ່ນຂອງຈີນ ແມ່ນບາດກ້າວທຳອິດທີ່ຊຸກຍູ້ການຮ່ວມມືລະຫວ່າງສອງຝ່າຍ ຊຶ່ງມີຜົນດີຍົກລະດັບການໄປມາຫາສູ່ດ້ານການຄ້າລະຫວ່າງສອງປະເທດໃຫ້ສູງຂຶ້ນຕື່ມອີກ.” ທ່ານກ່າວຕື່ມວ່າ: ດຳເນີນການຮ່ວມມືດ້ານການຄ້າຈະສາມາດສ້າງຜົນປະໂຫຍດໃຫ້ແກ່ປະຊາຊົນປະເທດຕ່າງໆ ແລະ ນຳເອົາຜົນປະໂຫຍດຕົວຈິງມາໃຫ້ແກ່ປະຊາຊົນ ພ້ອມທັງມີຜົນດີຕໍ່ສັນຕິພາບ ແລະ ການພັດທະນາຂອງໂລກ.
ງານວາງສະແດງສິນຄ້ານຳເຂົ້າສາກົນຈີນຄັ້ງນີ້ດຳເນີນໄປເຖິງວັນທີ 10 ພະຈິກນີ້, ມີວິສາຫະກິດໃນຖັນແຖວວິສາຫະກິດທີ່ເຂັ້ມແຂງ 500 ແຫ່ງຂອງໂລກ ແລະ ວິສາຫະກິດຫົວຈັກຫຼັກແຫຼ່ງທັງໝົດ 289 ແຫ່ງເຂົ້າຮ່ວມງານວາງສະແດງ, ເນື້ອທີ່ວາງສະແດງມີປະມານ 367.000 ຕາແມັດ, ລ້ວນແຕ່ເປັນລະດັບສູງສຸດໃນປະຫວັດສາດ.
ແຫຼ່ງຂ່າວ: ສໍານັກຂ່າວສານຊິນຮວາ ບັນນາທິການ: Yang Chunmei
ວັນທີ 5 ພະຈິກຜ່ານມາ, ງານວາງສະແດງສິນຄ້ານຳເຂົ້າສາກົນຈີນຄັ້ງທີ 6 ໄດ້ຈັດຂຶ້ນຢູ່ນະຄອນຊຽງໄຮ້ຂອງຈີນ, ທ່ານ ພູມທຳ ເວດຊະຍະໄຊ ໄດ້ນຳພາຄະນະຜູ້ແທນໄທເຂົ້າຮ່ວມງານ. ທ່ານກ່າວວ່າ, ຈີນແມ່ນຕະຫຼາດທີ່ໃຫຍ່ທີ່ສຸດ ແລະເປັນໜຶ່ງໃນຕະຫຼາດທີ່ມີຊີວິດຊີວາທີ່ສຸດຂອງໂລກ, ຈີນເປີດປະຕູສູ່ພາຍນອກຢ່າງຕໍ່ເນື່ອງ ຈະສ້າງຜົນປະໂຫຍດໃຫ້ແກ່ໂລກ ໂດຍສະເພາະແມ່ນໃຫ້ແກ່ໄທ.
ທ່ານ ພູມທຳ ເວດຊະຍະໄຊກ່າວຕື່ມວ່າ: ໃນໄລຍະຈັດງານວາງສະແດງສິນຄ້ານຳເຂົ້າສາກົນຈີນຄັ້ງນີ້, ທ່ານຈະນຳພາຄະນະພົບປະກັບຄະນະຜູ້ແທນຂັ້ນແຂວງຕ່າງໆຂອງຈີນ. “ການສ້າງສາຍພົວພັນ ແລະ ດຳເນີນການສົນທະນາກັບຄະນະຜູ້ແທນທ້ອງຖິ່ນຂອງຈີນ ແມ່ນບາດກ້າວທຳອິດທີ່ຊຸກຍູ້ການຮ່ວມມືລະຫວ່າງສອງຝ່າຍ ຊຶ່ງມີຜົນດີຍົກລະດັບການໄປມາຫາສູ່ດ້ານການຄ້າລະຫວ່າງສອງປະເທດໃຫ້ສູງຂຶ້ນຕື່ມອີກ.” ທ່ານກ່າວຕື່ມວ່າ: ດຳເນີນການຮ່ວມມືດ້ານການຄ້າຈະສາມາດສ້າງຜົນປະໂຫຍດໃຫ້ແກ່ປະຊາຊົນປະເທດຕ່າງໆ ແລະ ນຳເອົາຜົນປະໂຫຍດຕົວຈິງມາໃຫ້ແກ່ປະຊາຊົນ ພ້ອມທັງມີຜົນດີຕໍ່ສັນຕິພາບ ແລະ ການພັດທະນາຂອງໂລກ.
ງານວາງສະແດງສິນຄ້ານຳເຂົ້າສາກົນຈີນຄັ້ງນີ້ດຳເນີນໄປເຖິງວັນທີ 10 ພະຈິກນີ້, ມີວິສາຫະກິດໃນຖັນແຖວວິສາຫະກິດທີ່ເຂັ້ມແຂງ 500 ແຫ່ງຂອງໂລກ ແລະ ວິສາຫະກິດຫົວຈັກຫຼັກແຫຼ່ງທັງໝົດ 289 ແຫ່ງເຂົ້າຮ່ວມງານວາງສະແດງ, ເນື້ອທີ່ວາງສະແດງມີປະມານ 367.000 ຕາແມັດ, ລ້ວນແຕ່ເປັນລະດັບສູງສຸດໃນປະຫວັດສາດ.
ແຫຼ່ງຂ່າວ: ສໍານັກຂ່າວສານຊິນຮວາ ບັນນາທິການ: Yang Chunmei
ຄໍາເຫັນ