ນວ ສຳເລັດການຄັດເລືອກຕົວແທນນັກຮຽນເກັ່ງເຂົ້າຮ່ວມແຂ່ງຂັນລະດັບຊາດ

14:10 02/04/2024

ຂປລ. ພະແນກສຶກສາທິການ ແລະ ກິລາ ນະຄອນຫຼວງວຽງຈັນ (ນວ) ສຳເລັດການຄັດເລືອກຕົວແທນນັກຮຽນເກັ່ງ ເຂົ້າຮ່ວມການສອບເສັງລະດັບຊາດ ໃນເດືອນເມສາ 2024. ໃນນັ້ນ, ຊັ້ນ ປ.5 ວິຊາ ຄະນິດສາດ ໄດ້ອັນດັບທີ 1 ຈໍານວນ 2 ຄົນ ຄື: ທ້າວ ສອນມີໄຊ ແສງຄຳຢອງ ຈາກໂຮງຮຽນປະຖົມສິນໄຊ ແລະ ທ້າວ ໄຊຍະພອນ ຄົດສຸດີ ຈາກໂຮງຮຽນປະຖົມປາຖະໜາ; ວິຊາພາສາລາວ ອັນດັບ 1 ນາງ ຫົງທອງ ອິນສິຊຽງລາຍ ຈາກໂຮງຮຽນປະຖົມຊະນະພົນ ແລະ ວິຊາວິທະຍາສາດ ແລະ ສິ່ງແວດລ້ອມ ອັນດັບ 1 ນາງ ວານິດາ ອິນທະວົງ ຈາກໂຮງຮຽນປະຖົມປາຖະໜາ. ສ່ວນຊັ້ນ ມ.4 ວິຊາ ພາສາລາວ-ວັນນະຄະດີ ໄດ້ອັນດັບທີ 1 ນາງ ປາຢົງ ທ່າວເຈີດຈິງ, ວິຊາຄະນິດສາດ ແມ່ນນາງ ປາວີນາ ໄຊຍະເດດ ທັງສອງມາຈາກໂຮງຮຽນ ມ.ສ ປາຖະໜາ, ວິຊາ ຟີຊິກສາດ ແມ່ນ ນາງ ສຸພະພອນ ສີສົມຫວັງ ຈາກ ມ.ສ ວຽງຈັນ ແລະ ວິຊາ ເຄມີສາດ ນາງ ທິດາວັນ ໄຊຍະສຸກ ຈາກ ມ.ສ ພອນສະຫວັນ ຊົນເຜົ່າ ແລະ ຊັ້ນ ມ.7 ວິຊາ ພາສາລາວ-ວັນນະຄະດີ ໄດ້ອັນດັບທີ 1 ທ້າວ ທະວີຊັບ ຈັນທະສັກ ຈາກ ມ.ສ ພອນສະຫວັນ-ຊົນເຜົ່າ, ວິຊາຄະນິດສາດ ທ້າວ ລັດຕະນະໄຕສັນ ແກ້ວດາລາ ແລະ ວິຊາ ຟີຊິກສາດ ທ້າວ ໂພພິທັກ ໄພສານ ທັງສອງມາຈາກ ມ.ສ ວຽງຈັນ ແລະ ວິຊາເຄມີສາດ ທ້າວ ອານຸພາບ ລາດຊະວົງ ຈາກ ມ.ສ ພອນສະຫວັນ.
ພິທີສະຫຼຸບການສອບເສັງແຂ່ງຂັນນັກຮຽນເກັ່ງ ຂັ້ນນະຄອນຫຼວງວຽງຈັນ (ນວ) ຈັດຂຶ້ນວັນທີ 29 ມີນາຜ່ານມາ ໂດຍມີ ທ່ານ ສົມພອນ ສອນດາລາ ຫົວໜ້າພະແນກສຶກສາທິການ ແລະ ກິລາ ນວ, ມີຄະນະຜູ້ບໍລິຫານການສຶກສາ, ຜູ້ອຳນວຍໂຮງຮຽນ, ພ້ອມດ້ວຍຄູ-ອາຈານ ພໍ່ແມ່ຜູ້ປົກຄອງ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ໃນພິທີ, ທ່ານ ຂັນໄຊ ແສງສຸນີ ຫົວໜ້າຂະແໜງສາມັນ ພະແນກສຶກສາທິການ ແລະ ກິລາ ນວ ໄດ້ລາຍງານຜົນການສອບເສັງນັກຮຽນເກັ່ງລະດັບ ນວ ສົກຮຽນ 2023-2024 ວ່າ: ການແຂ່ງຂັນໄດ້ກໍານົດວິທີການ ແລະ ຂັ້ນຕອນເປັນ 3 ຂັ້ນ ແຂ່ງຂັນລະດັບໂຮງຮຽນໄດ້ເລີ່ມແຂ່ງຂັນນັບແຕ່ເດືອນທັນວາ 2023, ລະດັບເມືອງ ໄດ້ມອບໃຫ້ຫ້ອງການສຶກສາທິການ ແລະ ກິລາເມືອງ ເປັນຜູ້ຈັດຕັ້ງສອບເສັງຫົວບົດສອບເສັງ ຊັ້ນ ປ.5, ມ.4 ແລະ ມ.7 ແມ່ນພະແນກສຶກສາທິການ ແລະ ກິລາ ນວ ສອບເສັງເອກະພາບກັນທົ່ວ ນວ ສຳເລັດໃນວັນທີ 9 ກຸມພາ 2024. ພາຍຫຼັງສອບເສັງຄັດເລືອກຂັ້ນເມືອງແລ້ວ, ຫ້ອງການສຶກສາທິການ ແລະ ກິລາ ເມືອງ ໄດ້ຄັດເລືອກນັກຮຽນ ເພື່ອເປັນຕົວແທນເຂົ້າຮ່ວມການສອບເສັງຂັ້ນ ນວ ວິຊາລະ 5 ຄົນ ໂດຍອີງຕາມສະພາບຄວາມເປັນຈິງຂອງແຕ່ລະເມືອງ ແຂ່ງຂັນລະດັບ ນວ (ຮອບຊີງຊະນະເລີດ) ໄດ້ຈັດການສອບເສັງຂຶ້ນ ໂດຍມີນັກຮຽນສອບເສັງທັງໝົດ 665 ຄົນຍິງ 357 ຄົນ, ຈັດເປັນ 26 ຫ້ອງ, ສອບເສັງໃນວັນທີ 1 ມີນາ 2024 ທີ່ ໂຮງຮຽນ ມ.ປາຍ ມິດຕະພາບວຽງຈັນ-ໂຮ່ຈິມິນ.

ຄໍາເຫັນ

ຂ່າວສືກສາ-ກິລາ

ທີມເມືອງຫາດຢູໄນເຕັດ ໄດ້ແຊັມເຕະບານຊີງຂັນນະຄອນຫຼວງວຽງຈັນ ຄັ້ງທີ 1

18/08/2025 14:40

ການແຂ່ງຂັນກິລາບານເຕະຊີງຂັນນະຄອນຫຼວງວຽງຈັນ ຄັ້ງທີ 1 ຫຼື ລາຍການ THE CAPITAL CUP 2025 ເພື່ອເປັນການເລືອກເຟັ້ນຫານັກກິລາຜູ້ທີ່ມີພອນສະຫວັນດີເດັ່ນ ກຽມຕາງໜ້ານະຄອນຫຼວງວຽງຈັນ ຮ່ວມງານກິລາແຫ່ງຊາດ ຄັ້ງທີ 12 ຈະຈັດຂຶ້ນລະ ຫວ່າງວັນທີ 15-25 ພະຈິກ ນີ້.

ສຳເລັດການແຂ່ງຂັນກິລາເປຕັງ ຊີງຂັນປະທານສານປະຊາຊົນສູງສຸດ

18/08/2025 13:33

ວັນທີ 14 ສິງຫາ ຜ່ານມາ ທີ່ສານປະຊາຊົນສູງສຸດ ໄດ້ສຳເລັດການແຂ່ງຂັນກິລາເປຕັງຊີງຂັນປະທານສານປະຊາຊົນສູງສຸດ. ໃຫ້ກຽດເຂົ້າຮ່ວມຊົມ ແລະ ມອບຂັນລາງວັນຂອງທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ຊຶ່ງມີພະນັກງານສານປະຊາຊົນສູງສຸດ, ສານປະຊາຊົນພາກກາງ, ສານປະຊາຊົນນະຄອນຫຼວງວຽງຈັນ ແລະ ສານປະຊາຊົນທັງ 4 ເຂດໃນນະຄອນຫຼວງວຽງຈັນ ແລະ ນັກກິລາເຂົ້າຮ່ວມ.

ນັກສຶກສາທິດສະດີການເມືອງລະບົບຂັ້ນສູງ 9 ເດືອນ ຮຸ່ນທີ VII ທັດສະນະສຶກສາ ຢູ່ນະຄອນຫຼວງວຽງຈັນ

18/08/2025 13:30

ຄະນະນັກສຶກສາທິດສະດີການເມືອງລະບົບຂັ້ນສູງ 9 ເດືອນ ຮຸ່ນທີ VII ສະຖາບັນການເມືອງ ແລະ ການປົກຄອງແຫ່ງຊາດ (ສມປຊ) ໄປທັດສະນະສຶກສາຢູ່ຫໍພິພິທະພັນປະທານ ໄກສອນ ພົມວິຫານ, ຄະນະວິສະວະກຳສາດ (ຄວສ) ມະຫາວິທະຍາໄລແຫ່ງຊາດ ແລະ ນິຄົມອຸດສາຫະກຳວຽງຈັນ-ໂນນທອງ ເຂດເສດຖະກິດພິເສດກວມລວມໄຊເຊດຖາ ນະຄອນຫຼວງວຽງຈັນ ໂດຍການນໍາພາຢ້ຽມຢາມຂອງ ທ່ານ ແສງແກ້ວ ວົງລຳພັນ ຮອງຫົວໜ້າກົມຄຸ້ມຄອງການຮຽນ-ການສອນ ສມປຊ, ມີຄະນະຄູ-ອາຈານ ແລະ ນັກສຶກສາ ເຂົ້າຮ່ວມ.

ໂຮງຮຽນປະຖົມສາທິດມີຄວາມພ້ອມເປີດສົກຮຽນໃໝ່

18/08/2025 12:37

ທ່ານ ນາງ ບຸນທັນ ປຸນຍາວົງ ຜູ້ອຳນວຍການໂຮງຮຽນປະຖົມສຶກສາສົມບູນສາທິດ ຫຼື ເອີ້ນວ່າ ໂຮງຮຽນປະຖົມສາທິດ ຄະນະສຶກສາສາດ ມະຫາວິທະຍາໄລແຫ່ງຊາດ ໄດ້ໃຫ້ສຳພາດຕໍ່ສື່ມວນຊົນເມື່ອບໍ່ດົນມານີ້ ທີ່ໂຮງຮຽນປະຖົມສາທິດວ່າ: ກ່ອນຈະເປີດສົກຮຽນໃໝ່ນີ້ທາງໂຮງຮຽນໄດ້ມີແຜນກະກຽມ ໂດຍການເປີດບໍາລຸງຄູເນັ້ນໃສ່ 4 ວິຊາຫຼັກເຊັ່ນ: ວິຊາພາສາລາວ, ຄະນິດສາດ, ວິທະຍາສາດສິ່ງແວດລ້ອມ ແລະ ພາສາອັງກິດ, ໄດ້ກະ ກຽມຄວາມພ້ອມດ້ານອາຄານສະຖານທີ່, ຫ້ອງຮຽນ, ຫ້ອງນໍ້າ, ຫ້ອງການ, ຫ້ອງສະໝຸດ, ໄຟຟ້າ, ນໍ້າປະປາ, ຕັດຫຍ້າ ເພື່ອກຽມຄວາມພ້ອມໃນການຮັບນັກຮຽນ, ລົງທະບຽນນັກຮຽນເກົ່າ ແລະ ນັກຮຽນໃໝ່ປະຈຳສົກຮຽນ 2025-2026 ໃນວັນທີ 25 ສິງຫາເປັນຕົ້ນໄປ. ຄາດວ່າໃນສົກຮຽນໃໝ່ນີ້ຈະຮັບນັກຮຽນ 750 ຄົນ ຍິງ 395 ຄົນ, ທາງໂຮງຮຽນມີຄູ-ອາຈານທັງໝົດ 21 ຄົນ, ຄູອາສາ 1 ຄົນ, ໂດຍເນັ້ນຄຸນນະພາບປະຕິບັດຕາມ 3 ລັກສະນະ ແລະ 5 ຫຼັກມູນຂອງການສຶກສາເພື່ອກຽມປະເມີນເປັນໂຮງຮຽນຕົວແບບຄຸນນະພາບດີ.

ມອບ-ຮັບນໍ້າບາດານໃຫ້ 2 ໂຮງຮຽນ ແລະ 1 ບ້ານ ເມືອງຊະນະຄາມ

15/08/2025 13:55

ພິທີມອບ-ຮັບນໍ້າບາດານໃຫ້ 2 ໂຮງຮຽນ ແລະ 1 ບ້ານຂອງເມືອງຊະນະຄາມ ຄື: ໂຮງຮຽນ ມສ ນາສັກ, ໂຮງຮຽນປະຖົມບ້ານໃໝ່ປາກທຸນ ແລະ ບ້ານໂນນນາແກບ ຊຶ່ງພິທີ ດັ່ງກ່າວໄດ້ຈັດຂຶ້ນໃນວັນທີ 15 ສິງຫານີ້ ທີ່ໂຮງຮຽນ ມ.ສ ນາສັກ ແຂວງວຽງຈັນ, ໂດຍການເຂົ້າຮ່ວມຂອງ ທ່ານ ຄໍາລາວັນ ຈັນທະລາວັນ ປະທານອົງການກາແດງແຫ່ງຊາດລາວ, ທ່ານ ແສງຈັນ ຄະນະປະຈໍາພັກເມືອງ ຮອງປະທານຄະນະກຳມະການປົກຄອງເມືອງ ເມືອງຊະນະຄາມ, ທ່ານ ບຸນເນົາ ພະຈອມພົນ ຫົວໜ້າອົງການກາແດງແຂວງວຽງຈັນ ມີບັນດາສະຫາຍຄະນະປະຈຳພັກເມືອງ, ກຳມະການພັກເມືອງ, ຜູ້ປະສານງານຂອງໂຄງການຂັ້ນແຂວງ-ຂັ້ນເມືອງ, ອໍານວຍການໂຮງຮຽນ, ເລຂາພັກບ້ານ-ນາຍບ້ານໃນຈໍານວນ 3 ບ້ານດັ່ງກ່າວ ແລະ ຕະຫຼອດຮອດນ້ອງນັກຮຽນເຂົ້າຮ່ວມ.

ສ້າງຫຼັກສູດປະລິນຍາຕີພາສາຈີນໃນສາຂາວິຊາສະເພາະຕ່າງໆ ເພື່ອສ້າງບຸກຄະລາກອນທີ່ມີຄວາມສາມາດທີ່ຫຼາກຫຼາຍໃນລະດັບສູງ

15/08/2025 09:45

ສະຖາບັນຂົງຈື ມະຫາວິທະຍາໄລສຸພານຸວົງ ໄດ້ສະເໜີເປີດຫຼັກສູດປະລິນຍາຕີພາສາຈີນ ແລະ ໄດ້ຮັບອະນຸມັດຈາກກະຊວງ ສຶກສາທິການ ແລະ ກິລາ ໃນປີ 2020 ແລະ ໄດ້ກາຍເປັນສະຖາບັນການສຶກສາຂັ້ນສູງ ແຫ່ງທຳອິດທີ່ເປີດປະລິນຍາຕີພາສາຈີນໃນພາກເໜືອຂອງປະເທດລາວ, ເຮັດໃຫ້ການພົວພັນໃນຂົງເຂດການສຶກສາຂອງສອງຝ່າຍນັບມື້ຍິ່ງລົງເລິກຍິ່ງຂຶ້ນ. ຫຼັກສູດສາຂາປະລິນຍາຕີພາສາຈີນເປັນອີກເວທີໜຶ່ງທີ່ເຮັດໃຫ້ ນັກສຶກສາລາວໄດ້ຮຽນພາສາຈີນຢ່າງເປັນລະບົບ, ເປັນວິຊາສະເພາະຫຼາຍຂຶ້ນ, ໄດ້ກາຍເປັນການສ້າງຮາກຖານສຳຄັນໃນການພົວພັນການສຶກສາ ແລະ ແລກປ່ຽນວັດທະນະທໍາລາວ -ຈີນ.

ກອງປະຊຸມຜູ້ບໍລິຫານການສຶກສາທົ່ວປະເທດ

11/08/2025 13:16

ກະຊວງສຶກສາທິການ ແລະ ກິລາ ໄດ້ຈັດກອງປະຊຸມຜູ້ບໍລິຫານການສຶກສາ, ວິທະຍາສາດ ແລະ ກິລາ ທົ່ວປະເທດ ປະຈຳສົກຮຽນ 2024-2025 ຂຶ້ນໃນວັນທີ 11 ສິງຫາ ນີ້ ທີ່ກະຊວງສຶກສາທິການ ແລະ ກິລາ, ພາຍໃຕ້ການເປັນປະທານ ຂອງທ່ານ ທອງສະລິດ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ ຊຶ່ງມີຮອງລັດຖະມົນຕີ ຫົວໜ້າກົມ ຮອງກົມອະທິການບໍດີ ຫົວໜ້າພະແນກສຶກສາທິການ ແລະ ກິລາເຂົ້າຮ່ວມ.

ແຂ່ງຂັນເຕະບານ 4 ສາມັກຄີ ສະຫຼອງວັນສື່ມວນຊົນ ແລະ ການພິມຈຳໜ່າຍ ຄົບຮອບ 75 ປີ

11/08/2025 11:58

ການແຂ່ງຂັນກິລາເຕະບານ 4 ສາມັກຄີ ລາຍການ Lao Sport Media CUP 2025 ເພື່ອສ້າງຂະບວນການສະເຫຼີມສະຫຼອງວັນສື່ມວນຊົນ ແລະ ການພິມຈໍາໜ່າຍ ຄົບຮອບ 75 ປີ (13 ສິງຫາ 1950-13 ສິງຫາ 2025) ໄດ້ຈັດຂຶ້ນໃນວັນທີ 9 ສິງຫາ ຜ່ານມາ ທີ່ເດີ່ນບານຫຍ້າທຽມ ວິກຕໍຣີ ບ້ານທ່າພະລານໄຊ ເມືອງສີສັດຕະນາກ ນະຄອນຫຼວງວຽງຈັນ ໂດຍມີທ່ານ ຕຸໄລເພັດ ພິມເມືອງ ຮອງປະທານກຸ່ມນັກຂ່າວ ສາຍກິລາລາວ ທັງເປັນປະທານຈັດການແຂ່ງຂັນ, ທ່ານ ສຸກສາຄອນ ສີປະເສີດ ຜູ້ອຳນວຍການສູນໂຄສະນາຂ່າວສານການສຶກສາ ແລະ ກິລາ, ທ່ານ ບຸນທົງ ສີສຸລະສັກ ຫົວໜ້າເຂດຮັບຜິດຊອບ 4 ເມືອງ ນະຄອນຫຼວງວຽງຈັນ ບໍລິສັດ ເບຍລາວ ຈຳກັດ ແລະ ທ່ານ ພຸດທະພອນ ສີວິໄຊ ປະທານບໍລິສັດ ໝາຍເວ ສະປອດແວ ລາວ ຈຳກັດ ມີບັນດາຄະນະບໍລິຫານງານ ແລະ ນັກກິລາ ຕະຫຼອດຮອດກອງເຊຍ ທັງ 4 ພາກສ່ວນເຂົ້າຮ່ວມຢ່າງຄືກຄື້ນມ່ວນຊື່ນ.

ບໍລິສັດ ເບຍລາວ ສືບຕໍ່ສະໜັບສະໜູນເຕະບານລີກສູງສຸດຂອງ ສປປ ລາວ

05/08/2025 15:37

ໃນວັນທີ 4 ສິງຫາ ຜ່ານມາ ທີ່ຮ້ານອາຫານຮາດຣ໋ອກ ຄາເຟ (Hard Rock Café) ນະຄອນຫຼວງວຽງຈັນ ໄດ້ມີພິທີເຊັນສັນຍາສະໜັບສະໜູນ ການແຂ່ງຂັນກິລາເຕະບານ ເປບຊີ ລາວລີກ 3 ລະດູການ ລວມເປັນເງິນ 4,950,000,000 ກີບ ລະຫວ່າງ ທ່ານ ວີເພັດ ສີຫາຈັກ ປະທານສະຫະພັນບານເຕະແຫ່ງຊາດລາວ (ສຕລ) ແລະ ທ່ານ ເຮັນຣິກ ແອນເດີສັນ ຜູ້ອຳນວຍການ ບໍລິສັດ ເບຍລາວ ຈຳກັດ ເປັນກຽດເຂົ້າຮ່ວມເປັນສັກຂີພິຍານຂອງ ທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີກະຊວງສຶກສາທິການ ແລະ ກິລາ ພ້ອມດ້ວຍຄະນະບໍລິຫານງານ ສຕລ, ຕາງໜ້າບັນດາສະໂມສອນ, ພະນັກງານທີ່ກ່ຽວຂ້ອງ ຕະຫຼອດຮອດບັນດາສື່ມວນຊົນ.

ຄວາມຄືບໜ້າການຈັດງານມະຫະກຳກິລາແຫ່ງຊາດ ຄັ້ງທີ XII

05/08/2025 13:59

ກອງປະຊຸມຄະນະຮັບຜິດຊອບລະດັບຊາດ ຄັ້ງທີ III ຈັດງານມະຫະກຳກິລາແຫ່ງຊາດ ຄັ້ງທີ XII ແລະ ຈັດງານມະຫະກໍາກິລາຄົນພິການແຫ່ງຊາດ ຄັ້ງທີ IV ໄດ້ຈັດຂຶ້ນໃນວັນທີ 4 ສິງຫາຜ່ານມາ, ທີ່ອົງການປົກຄອງນະຄອນຫຼວງວຽງຈັນ (ນວ) ໂດຍການເປັນປະທານຮ່ວມຂອງທ່ານ ທອງສະລິດ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ ແລະ ທ່ານ ອາດສະພັງທອງ ສີພັນດອນ ເຈົ້າຄອງ ນວ ທັງເປັນປະທານຈັດງານມະຫະກຳກິລາແຫ່ງຊາດ ຄັ້ງທີ XII.

ເພີ່ມເຕີມ