ວ່າການເຈົ້າເມືອງແກ່ນທ້າວ, ສະຫາຍ ພັອ ບຸນຫຼ້າ ສຸລິຍາ ເລຂາໜ່ວຍພັກດ່ານສາກົນຂົວມິດຕະພາບນໍ້າເຫືອງ, ມີຄະນະຮັບຜິດຊອບຂັ້ນເມືອງ ແລະ ຜູ້ແທນກອງປະຊຸມເຂົ້າຮ່ວມ.
ກອງປະຊຸມໄດ້ພ້ອມກັນຄົ້ນຄວ້າຢ່າງເລິກເຊິ່ງ ແລະ ເປັນເອກະພາບກັນຮັບຮອງເອົາຮ່າງລາຍງານການເມືອງທັງ 2 ພາກ ແລະ ບົດສໍາຫຼວດການນໍາພາລວມຂອງຄະນະພັກຊຸດເກົ່າ ຊຶ່ງໄດ້ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການນຳພາ-ຊີ້ນຳ ແລະ ການຈັດຕັ້ງປະຕິບັດມະຕິກອງປະຊຸມໃຫຍ່ໃນໄລຍະ 5 ປີຜ່ານມາ ແລະ ໄດ້ເປັນເອກະສັນກັນຮັບຮອງເອົາທິດທາງແຜນການ 5 ປີຕໍ່ໜ້າ. ໜ່ວຍພັກດ່ານສາກົນຂົວມິດຕະພາບ ມີຄະນະພັກ 5 ສະຫາຍ ການນໍາພາກວມເອົາ 5 ຂະແໜງການຄື: ຂະແໜງບໍລິຫານດ່ານ, ຂະແໜງພາສີ, ຂະແໜງ ຕມ, ຂະແໜງ ຄຸ້ມຄອງຂົວ ແລະ ຂະແໜງກັກກັນ, ມີ 3 ອົງການຈັດຕັ້ງມະຫານຊົນ, ມີສະມາຊິກພັກທັງໝົດ 41 ສະຫາຍ, ຍິງ 4 ສະຫາຍ, ສໍາຮອງ 2 ສະຫາຍ. ໃນໄລຍະ 5 ປີຜ່ານມາ ຄະນະພັກ ໄດ້ສຸມທຸກສະຕິປັນຍາ ເຂົ້າໃນການນໍາພາ - ຊີ້ນໍາວຽກງານຂອງໜ່ວຍພັກຢ່າງຕັ້ງໜ້າເຮັດໃຫ້ມີຜົນສໍາເລັດຫຼາຍດ້ານ ອັນພົ້ນເດັ່ນແມ່ນຂະຫຍາຍສະມາຊິກພັກ ໃໝ່ໄດ້ 9 ສະຫາຍ, ປີ 2019-2023 ໄດ້ຮັບຕົວເລກແຜນຈັດເກັບລາຍຮັບຈາກແຂວງ ທັງໝົດ 1,576 ຕື້ກວ່າກີບ ປະຕິບັດໄດ້ 1,689 ຕື້ກວ່າກີບ ທຽບໃສ່ແຜນການປະຕິບັດໄດ້ 107.11% ແລະ ພາຍໃນດ່ານ ແມ່ນມີຄວາມສະຫງົບປອດໄພ 100%.
ໃນກອງປະຊຸມ, ໄດ້ປ່ອນບັດເລືອກຕັ້ງເອົາຄະນະພັກຊຸດໃໝ່ ຊຶ່ງໄດ້ເລືອກເອົາ ສະຫາຍ ພັອ ບຸນຫຼ້າ ສຸລິຍາ ເປັນເລຂາ, ສະຫາຍ ຫຸມພັນ ວົງສາ ເປັນຮອງເລຂາ, ສະຫາຍ ຮົວ, ສະຫາຍ ພັທ ຊຽງອຸ່ນ ກິດຕິວົງ ແລະ ສະຫາຍ ວິໄລ ພິລາວັນ ເປັນຄະນະ ແລະ ຍັງໄດ້ເລືອກເອົາ ສະຫາຍ ຫຸມພັນ ວົງສາ ເປັນປະທານກວດກາໜ່ວຍພັກ ແລະ ສະຫາຍ ຮົວ ເປັນຮອງປະທານກວດກາໜ່ວຍພັກ.
(ຂ່າວ: ແກ່ນທ້າວ).
ຄໍາເຫັນ