ໃນລະຫວ່າງເດືອນມິຖຸນາ-ສິງຫາ ສູງກວ່າລະດັບປົກກະຕິ 1,76 ອົງສາ ທຽບເທົ່າກັບສະຖິຕິເດີມຂອງປີ 2023 ເຮັດໃຫ້ຍີ່ປຸ່ນປະເຊີນກັບລະດູຮ້ອນທີ່ຮ້ອນທີ່ສຸດຕິດຕໍ່ກັນ 2 ປີແລ້ວ ແລະເປັນໄລຍະທີ່ມີອຸນຫະພູມສູງສຸດຕິດຕໍ່ກັນນັບຕັ້ງແຕ່ເລີ່ມມີການບັນທຶກຂໍ້ມູນໃນປີ 1898.
ອຸນຫະພູມສະເລ່ຍຄິດໄລ່ຈາກການສັງເກດ ໃນສະຖານທີ່ 15 ແຫ່ງທີ່ໄດ້ຮັບເລືອກມາເພື່ອຫຼີກລ່ຽງຄວາມແຕກຕ່າງຕາມພາກພື້ນ ແລະ ມີຄວາມໄວຕໍ່ການປ່ຽນແປງຂອງສິ່ງແວດລ້ອມອັນເນື່ອງມາຈາກການຂະຫຍາຍຕົວຂອງເມືອງນ້ອຍກວ່າ, ໂດຍມາດຕະຖານຄືຄ່າສະເລ່ຍລາຍເດືອນລວມທັງທີ່ໄດ້ບັນທຶກໄວ້ລະຫວ່າງປີ 1991-2020.
ອີກຢ່າງໜຶ່ງ, ຍີ່ປຸ່ນປະສົບກັບເດືອນກໍລະກົດທີ່ຮ້ອນທີ່ສຸດແບບບໍ່ເຄີຍມີມາກ່ອນ ຊຶ່ງທຳລາຍສະຖິຕິຄ່າສະເລ່ຍຂອງເດືອນກໍລະກົດທີ່ເຄີຍບັນທຶກໄວ້ເມື່ອປີທີ່ຜ່ານມາ, ໂດຍອຸນຫະພູມທົ່ວໝູ່ເກາະສູງກວ່າປົກກະຕິເຖິງ 2,16 ອົງສາ.
ອຳນາດການປົກຄອງນະຄອນຫຼວງໂຕກຽວລະບຸວ່າ: ໃນເດືອນກໍລະກົດຜ່ານມາພົບຜູ້ເສຍຊີວິດຈາກລົມແດດ ຫຼື Heat stroke123 ຄົນ ສ່ວນຫຼາຍເປັນຜູ້ອາຍຸສູງ ສະເພາະບໍລິເວນໃຈກາງນະຄອນຫຼວງໂຕກຽວພຽງແຫ່ງດຽວ, ສ່ວນຈຳນວນການເອີ້ນລົດສຸກເສີນ ມີ 91.614 ຄັ້ງ ຊຶ່ງເປັນໂຕເລກລາຍເດືອນທີ່ສູງທີ່ສຸດແບບບໍໍ່ເຄີຍມີມາກ່ອນ.
ທັງນີ້, ເຈົ້າໜ້າທີ່ ອຸຕຸນິຍົມວິທະຍາ ປະກາດໃຫ້ຜູ້ຄົນເບິ່ງແຍງ ປ້ອງກັນຕົນເອງຈາກລົມແດດເຊັ່ນ: ການໃຊ້ເຄື່ອງປັບອາກາດ ແລະ ການດື່ມນ້ຳໃຫ້ພຽງພໍ ເນື່ອງຈາກຄາດວ່າຄວາມຮ້ອນຈະຄົງຢູ່ຕໍ່ໄປໃນເດືອນກັນຍາ.
ຄໍາເຫັນ