ເພື່ອສືບຕໍ່ຂຶ້ນທະບຽນເລກໝາຍໃຫ້ສໍາເລັດ ແລະ ບັນລຸໄດ້ຕາມແຜນການທີ່ວາງໄວ້ ອົງການດັດສົມໂທລະຄົມມະນາຄົມ (ອດທ), ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຮ່ວມກັບບັນດາ ບໍລິສັດທີ່ໃຫ້ບໍລິການດ້ານໂທລະຄົມມະນາຄົມ ແລະ ອິນເຕີເນັດ ໄດ້ຈັດຂະບວນການເພື່ອຂໍ່ານັບຮັບຕ້ອນກອງປະຊຸມໃຫຍ່ ອົງຄະນະພັກກະຊວງເຕັກໂນໂລຊີ ແລະ ການສື່ສານ ຄັ້ງທີ III ທີ່ຈະມາເຖິງ. ພາຍໃຕ້ການຊີ້ນໍາ-ນໍາພາ ການຈັດວາງຮ້ານດັ່ງກ່າວ ໂດຍ ທ່ານ ນາງ ໃຈມາລີ ພະກະຊຸມ ຮອງຫົວໜ້າອົງການດັດສົມໂທລະຄົມ. ທັງນີ້, ກໍເພື່ອເປັນການໂຄສະນາເຜີຍແຜ່ຄວາມໝາຍຄວາມສໍາຄັນ ຂອງວຽກງານຂຶ້ນທະບຽນເລກໝາຍໂທລະສັບຕໍ່ກັບວາລະແຫ່ງຊາດໃນການແກ້ໄຂບັນຫາຢາເສບຕິດ ແລະ ເປັນຍຸດທະສາດສໍາຄັນຂອງການຫັນເປັນດີຈີຕອນ ໂດຍການຈັດວາງຮ້ານຂຶ້ນທະບຽນເລກໝາຍໂທລະສັບ ເພື່ອອໍານວຍຄວາມສະດວກໃຫ້ບັນດາພາກສ່ວນລັດຖະບານ, ສະຖາບັນການສຶກສາ ແລະ ປະຊາຊົນ ໄດ້ມາຂຶ້ນທະບຽນເລກໝາຍໂທລະສັບຂອງຕົນໄດ້ທຸກເຄືອຂ່າຍຢູ່ຈຸດສຸມບ່ອນດຽວກັນ ໂດຍບໍ່ເສຍຄ່າ ແລະ ຮັບໂປຣໂມເຊິນດີໆໃນງານ ຊຶ່ງສະຖານທີ່ຕັ້ງບູດຂຶ້ນທະບຽນເລກໝາຍໂທລະສັບ ໄດ້ຕັ້ງຂຶ້ນທີ່ຕຶກກະຊວງເຕັກໂນໂລຊີ ແລະ ການສື່ສານ ຢູ່ 2 ເຂດຄື: ເດີນຈອດລົດຂອງ ກະຊວງເຕັກໂນໂລຊີ ແລະ ການສື່ສານ ເຂດສີສະເກດ ແລະ ຫ້ອງການສໍານັກງານນາຍົກລັດຖະມົນຕີ ໃນລະຫວ່າງວັນທີ 20-22 ພະຈິກ 2023 ນີ້, ໃນເວລາ 8:00 ໂມງ ເຖິງ 17:00 ໂມງ ແລະ ຄາດຄະເນຜູ້ມາຮ່ວມຂຶ້ນທະບຽນ ຈໍານວນ 20.000 ເລກໝາຍ ຂຶ້ນໄປ.
ພ້ອມດຽວກັນນີ້, ໃນຕອນເຊົ້າຂອງວັນທີ 20 ຕຸລາ ນີ້, ຄະນະຮັບຜິດຊອບຂຶ້ນທະບຽນເລກໝາຍໂທລະສັບ ໄດ້ຈັດກອງປະຊຸມລາຍງານຮອບດ້ານໃນການສືບຕໍ່ຈັດຕັ້ງປະຕິບັດວຽກງານຂຶ້ນທະບຽນເລກໝາຍໂທລະສັບ ຂຶ້ນທີ່ຫ້ອງປະຊຸມໃຫຍ່ (ຕຶກF), ສະຖາບັນເຕັກໂນໂລຊີ ແລະ ການສື່ສານ (ສຕສ). ພາຍໃຕ້ການເປັນປະທານຂອງ ທ່ານ ພວງປະເສີດ ແກ້ວສຸວັນ ຄະນະພັກກະຊວງ, ຫົວໜ້າອົງການດັດສົມໂທລະຄົມມະນາຄົມ (ອດທ), ກະຊວງເຕັກໂນໂລຊີ ແລະ ການສື່ສານ (ກຕສ) ຊຶ່ງຈຸດປະສົງຂອງກອງປະຊຸມຄັ້ງນີ້ ກໍເພື່ອລາຍງານຮອບດ້ານ, ຕີລາຄາດ້ານດີ, ຂໍ້ຄົງຄ້າງ ແລະ ປຶກສາຫາລືແລກປ່ຽນ ການຈັດຕັ້ງປະຕິບັດຕາມແຜນການທີ່ວາງໄວ້ ແລະ ເພື່ອຮັບປະກັນການດໍາເນີນວຽກສໍາເລັດຕາມຄາດໝາຍຢ່າງມີປະສິດທິພາບ. ພ້ອມນີ້, ໃນກອງປະຊຸມ ໄດ້ຮັບຟັງການລາຍງານຮອບດ້ານ ກ່ຽວກັບການດໍາເນີນວຽກງານຂຶ້ນທະບຽນເລກໝາຍໂທລະສັບ ແຕ່ສູນກາງລົງຮອດທ້ອງຖິ່ນກ່ຽວກັບການໂຄສະນາ, ເຜີຍແຜ່ນິຕິກໍາ ຂະບວນການຂຶ້ນທະບຽນລົງຮອດຂັ້ນເມືອງ, ຂັ້ນບ້ານ ແລະ ການເກັບກໍາສະພາບຮອບດ້ານໃນການລົງໄປເຄື່ອນໄຫວຢູ່ທຸກເຂດຕາມແຜນການ. ກອງປະຊຸມໄດ້ເປັນເອກະພາບກັນໃນການສືບຕໍ່ດໍາເນີນຕາມແຜນ ແລະ ແລກປ່ຽນ ໃນການແກ້ໄຂຕາມສະພາບຄວາມເປັນຈິງ ຕະຫຼອດຮອດການວາງແຜນເຊື່ອມໂຍງລະບົບຂຶ້ນທະບຽນເລກໝາຍໃຫ້ສາມາດນໍາໃຊ້ເປັນຖານຂໍ້ມູນຫຼັກຖານ ຂອງການຫັນເປັນດີຈີຕອນ ເປັນຕົ້ນແມ່ນ: ການສ້າງເປັນລະບົບລະຫັດດີຈີຕອນ, ການເຂົ້າເຖິງທາງດ້ານທຸລະກໍາທາງການເງິນດີຈີຕອນ ແລະ ອື່ນໆ.
(ຂ່າວ: ກະຊວງເຕັກໂນໂລຊີ)
ພ້ອມດຽວກັນນີ້, ໃນຕອນເຊົ້າຂອງວັນທີ 20 ຕຸລາ ນີ້, ຄະນະຮັບຜິດຊອບຂຶ້ນທະບຽນເລກໝາຍໂທລະສັບ ໄດ້ຈັດກອງປະຊຸມລາຍງານຮອບດ້ານໃນການສືບຕໍ່ຈັດຕັ້ງປະຕິບັດວຽກງານຂຶ້ນທະບຽນເລກໝາຍໂທລະສັບ ຂຶ້ນທີ່ຫ້ອງປະຊຸມໃຫຍ່ (ຕຶກF), ສະຖາບັນເຕັກໂນໂລຊີ ແລະ ການສື່ສານ (ສຕສ). ພາຍໃຕ້ການເປັນປະທານຂອງ ທ່ານ ພວງປະເສີດ ແກ້ວສຸວັນ ຄະນະພັກກະຊວງ, ຫົວໜ້າອົງການດັດສົມໂທລະຄົມມະນາຄົມ (ອດທ), ກະຊວງເຕັກໂນໂລຊີ ແລະ ການສື່ສານ (ກຕສ) ຊຶ່ງຈຸດປະສົງຂອງກອງປະຊຸມຄັ້ງນີ້ ກໍເພື່ອລາຍງານຮອບດ້ານ, ຕີລາຄາດ້ານດີ, ຂໍ້ຄົງຄ້າງ ແລະ ປຶກສາຫາລືແລກປ່ຽນ ການຈັດຕັ້ງປະຕິບັດຕາມແຜນການທີ່ວາງໄວ້ ແລະ ເພື່ອຮັບປະກັນການດໍາເນີນວຽກສໍາເລັດຕາມຄາດໝາຍຢ່າງມີປະສິດທິພາບ. ພ້ອມນີ້, ໃນກອງປະຊຸມ ໄດ້ຮັບຟັງການລາຍງານຮອບດ້ານ ກ່ຽວກັບການດໍາເນີນວຽກງານຂຶ້ນທະບຽນເລກໝາຍໂທລະສັບ ແຕ່ສູນກາງລົງຮອດທ້ອງຖິ່ນກ່ຽວກັບການໂຄສະນາ, ເຜີຍແຜ່ນິຕິກໍາ ຂະບວນການຂຶ້ນທະບຽນລົງຮອດຂັ້ນເມືອງ, ຂັ້ນບ້ານ ແລະ ການເກັບກໍາສະພາບຮອບດ້ານໃນການລົງໄປເຄື່ອນໄຫວຢູ່ທຸກເຂດຕາມແຜນການ. ກອງປະຊຸມໄດ້ເປັນເອກະພາບກັນໃນການສືບຕໍ່ດໍາເນີນຕາມແຜນ ແລະ ແລກປ່ຽນ ໃນການແກ້ໄຂຕາມສະພາບຄວາມເປັນຈິງ ຕະຫຼອດຮອດການວາງແຜນເຊື່ອມໂຍງລະບົບຂຶ້ນທະບຽນເລກໝາຍໃຫ້ສາມາດນໍາໃຊ້ເປັນຖານຂໍ້ມູນຫຼັກຖານ ຂອງການຫັນເປັນດີຈີຕອນ ເປັນຕົ້ນແມ່ນ: ການສ້າງເປັນລະບົບລະຫັດດີຈີຕອນ, ການເຂົ້າເຖິງທາງດ້ານທຸລະກໍາທາງການເງິນດີຈີຕອນ ແລະ ອື່ນໆ.
(ຂ່າວ: ກະຊວງເຕັກໂນໂລຊີ)
ຄໍາເຫັນ