ໂດຍປະຕິບັດຕາມເນື້ອໃນບົດບັນທຶກຊ່ວຍຈໍາ ວ່າດ້ວຍການຮ່ວມມື ໄລຍະ 3 (2023-2027) ລະຫວ່າງ ອົງການກາແດງແຂວງສາລະວັນ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສະພາກາແດງ ແຂວງເທື່ອທຽນເຫວ້ ສາທາລະນະລັດ ສັງຄົມນິຍົມ ຫວຽດນາມ ເພື່ອເປັນການເພີ່ມທະວີສາຍພົວພົນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດ ກໍຄືປະຊາຊົນສອງຊາດ ລາວ-ຫວຽດນາມ. ດັ່ງນັ້ນ, ມາໃນວັນທີ 14 ພະຈິກ ນີ້ທີ່ສະໂມສອນແຂວງສາລະວັນ ໄດ້ຈັດພິທີພົບປະແລກປ່ຽນບົດຮຽນລະຫວ່າງ ອົງການກາແດງແຂວງສາລະວັນ ແລະສະພາກາແດງແຂວງເທື່ອທຽນເຫວ້. ພ້ອມລົງນາມເຊັນບົດບັນທຶກຊ່ວຍຈຳຮ່ວມກັນ ໄລຍະ 2023-2027. ເນື້ອໃນບົດບັນທຶກໄດ້ເຫັນດີຕົກລົງເປັນເອກະພາບກັນ ຄື: 1. ແຕ່ລະປີທັງສອງຝ່າຍຈະດຳເນີນການແລກປ່ຽນຄະນະຜູ້ແທນໄປຢ້ຽມຢາມ, ເຮັດວຽກ ແລະແລກປ່ຽນບົດຮຽນວຽກງານຂອງອົງການ ຕາມຄວາມສາມາດ ແລະຄວາມຕ້ອງການຂອງແຕ່ລະທ້ອງຖິ່ນ, 2. ການຮ່ວມມືວຽກງານມະນຸດສະທໍາຂຶ້ນກັບເງື່ອນໄຂ, ຄວາມສາມາດ ແລະ ຄວາມຕ້ອງການຂອງສອງທ້ອງຖິ່ນ ເຫັນດີເປັນເອກະພາບສົມທົບກັນຈັດຕັ້ງປະຕິບັດບັນດາການເຄື່ອນໄຫວຄື: ລະດົມບໍລິຈາກເລືອດດ້ວຍຄວາມສະໝັກໃຈ, ສົມທົບກັນຈັດຕັ້ງການກວດ, ປິ່ນປົວພະຍາດ, ສະໜອງຢາປິ່ນປົວບໍ່ເສຍຄ່າ, ມອບຂອງຂວັນໃຫ້ຄອບຄົວຜູ້ດ້ອຍໂອກາດ, ຮັບມືກັບໄພພິບັດ, ຊ່ວຍເຫຼືອບັນເທົາທຸກສຸກເສີນ ການກໍ່ສ້າງທະນາຄານງົວ, ກໍ່ສ້າງກິດຈະການ, ຝຶກອົບຮົມຍົກສູງຄວາມສາມາດ ແລະການພັດທະນາຕົນ ຢ່າງມີປະສິດທິຜົນ, 3. ແຕ່ລະປີ, ສອງຝ່າຍເປັນເຈົ້າການແລກປ່ຽນຂໍ້ມູນຂ່າວສານ ກ່ຽວກັບຜົນການເຄື່ອນໄຫວຂອງອົງການ ແລະ ຂະບວນການກາແດງຢູ່ແຕ່ລະທ້ອງຖິ່ນ, ຂໍ້ມູນຂ່າວສານກ່ຽວກັບບັນດາຕົວແບບ ແລະ ບົດຮຽນທີ່ດີໃນການເຄື່ອນໄຫວ ມະນຸດສະທຳ, ແບ່ງປັນຂໍ້ມູນຂ່າວສານກ່ຽວກັບແຜນນະໂຍບາຍຂອງຄະນະພັກ, ອໍານາດການປົກຄອງທ້ອງຖິ່ນກ່ຽວກັບວຽກງານມະນຸດສະທຳ ແລະ ອົງການກາແດງທ້ອງຖິ່ນ, ບົດຮຽນໃນການພັດທະນາການພົວພັນຮ່ວມມືກັບບັນດາຄູ່ຮ່ວມມື ຢູ່ທ້ອງຖິ່ນ, ພາຍໃນປະເທດ ແລະ ສາກົນ.
ບົດບັນທຶກດັ່ງກ່າວ ອົງການກາແດງແຂວງສາລະວັນ ເຊັນໂດຍ ທ່ານ ກົງສິດ ອຸ່ນຈິດ ຫົວໜ້າອົງການກາແດງແຂວງສາລະວັນແລະ ສະພາກາແດງແຂວງເທື່ອທຽນເຫວ້ ເຊັນໂດຍ ທ່ານ ນາງ ເລ ທີ ຫ້ຽນປະທານສະພາກາແດງແຂວງເທື່ອທຽນເຫວ້ ໂດຍຊອງໜ້າ ທ່ານ ນາງ ບຸນທະວີ ດວງລາສີ ຮອງເລຂາພັກແຂວງ ຜູ້ຊີ້ນໍາວຽກງານການເມືອງແນວຄິດ ພັກ-ພະນັກງານ, ມີບັນດາທ່ານຕາງໜ້າຈາກພະແນກການ, ບັນດາຫົວໜ້າ-ຮອງຂະແໜງ ພ້ອມດ້ວຍພະນັກງານຈາກອົງການກາແດງແຂວງສາລະວັນ ແລະ ສະພາກາແດງແຂວງເທື່ອທຽນເຫວ້ເຂົ້າຮ່ວມເປັນສັກຂີພິຍານ.
ໂອກາດນີ້, ທ່ານ ນາງ ເລ ທີ ຫ້ຽນ ປະທານສະພາກາແດງແຂວງເທື່ອທຽນເຫວ້ ພ້ອມດ້ວຍຄະນະ ກໍໄດ້ເຂົ້າພົບປະຢ້ຽມຢາມການນຳຂອງແຂວງສາລະວັນ ເພື່ອລາຍງານສະພາບ ແລະການມາເຄື່ອນໄຫວວຽກງານຢູ່ແຂວງສາລະວັນ. ຈາກນັ້ນ, ກໍໄດ້ມອບເງິນຈຳນວນ 90.000.000 ດົງ ເພື່ອສ້າງທະນາຄານງົວ ໃຫ້ແກ່ຄອບຄົວທຸກຍາກ ພ້ອມນັ້ນກໍໄດ້ຜັດປ່ຽນກັນມອບຂອງທີ່ລະນຶກ.
ຂ່າວ-ພາບ: ລັດຕະນາ ແສງສຸວັນ
ບົດບັນທຶກດັ່ງກ່າວ ອົງການກາແດງແຂວງສາລະວັນ ເຊັນໂດຍ ທ່ານ ກົງສິດ ອຸ່ນຈິດ ຫົວໜ້າອົງການກາແດງແຂວງສາລະວັນແລະ ສະພາກາແດງແຂວງເທື່ອທຽນເຫວ້ ເຊັນໂດຍ ທ່ານ ນາງ ເລ ທີ ຫ້ຽນປະທານສະພາກາແດງແຂວງເທື່ອທຽນເຫວ້ ໂດຍຊອງໜ້າ ທ່ານ ນາງ ບຸນທະວີ ດວງລາສີ ຮອງເລຂາພັກແຂວງ ຜູ້ຊີ້ນໍາວຽກງານການເມືອງແນວຄິດ ພັກ-ພະນັກງານ, ມີບັນດາທ່ານຕາງໜ້າຈາກພະແນກການ, ບັນດາຫົວໜ້າ-ຮອງຂະແໜງ ພ້ອມດ້ວຍພະນັກງານຈາກອົງການກາແດງແຂວງສາລະວັນ ແລະ ສະພາກາແດງແຂວງເທື່ອທຽນເຫວ້ເຂົ້າຮ່ວມເປັນສັກຂີພິຍານ.
ໂອກາດນີ້, ທ່ານ ນາງ ເລ ທີ ຫ້ຽນ ປະທານສະພາກາແດງແຂວງເທື່ອທຽນເຫວ້ ພ້ອມດ້ວຍຄະນະ ກໍໄດ້ເຂົ້າພົບປະຢ້ຽມຢາມການນຳຂອງແຂວງສາລະວັນ ເພື່ອລາຍງານສະພາບ ແລະການມາເຄື່ອນໄຫວວຽກງານຢູ່ແຂວງສາລະວັນ. ຈາກນັ້ນ, ກໍໄດ້ມອບເງິນຈຳນວນ 90.000.000 ດົງ ເພື່ອສ້າງທະນາຄານງົວ ໃຫ້ແກ່ຄອບຄົວທຸກຍາກ ພ້ອມນັ້ນກໍໄດ້ຜັດປ່ຽນກັນມອບຂອງທີ່ລະນຶກ.
ຂ່າວ-ພາບ: ລັດຕະນາ ແສງສຸວັນ
ຄໍາເຫັນ