ວ່າການເລຂາພັກເມືອງ ວ່າການເຈົ້າເມືອງຕະໂອ້ຍ, ໃຫ້ກຽດເຂົ້າຮ່ວມມີ ສະຫາຍ ດາວວົງ ພອນແກ້ວ ກຳມະການສູນກາງພັກ ເລຂາພັກແຂວງ ເຈົ້າແຂວງສາລະວັນ, ມີບັນດາການນຳຂັ້ນແຂວງ, ເມືອງ, ແຂກຖືກເຊີນ ແລະ ຜູ້ແທນສົມບູນ ທີ່ເປັນຕົວແທນໃຫ້ແກ່ສະມາຊິກພັກທົ່ວເມືອງເຂົ້າຮ່ວມ.
ສະຫາຍ ຄໍາສະໄຫວ ວິລະກອນ ກ່າວວ່າ: ຕະຫຼອດໄລຍະ 5 ປີທີ່ຜ່ານມາ ຄະນະພັກ-ອົງການປົກຄອງແຕ່ລະຂັ້ນກໍໄດ້ຫັນພະນັກງານ-ສະມາຊິກພັກ-ພະນັກງານຫຼັກແຫຼ່ງ ລົງກໍ່ສ້າງຮາກຖານການເມືອງ, ເປີດຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບວຽກງານກໍ່ສ້າງຮາກຖານການເມືອງຕາມທິດ 3 ສ້າງ ເຂົ້າສູ່ລວງເລີກທີ່ໄດ້ວາງໄວ້. ພ້ອມກັນນັ້ນ, ກໍໄດ້ສໍາເລັດການປັບປຸງປົວແປງພາຍໃນພັກ ເປີດການຮໍ່າຮຽນເອກະສານມະຕິ-ຄຳສັ່ງຂອງພັກ, ເປີດບັ້ນດໍາເນີນຊີວິດການເມືອງຢ່າງກ້ວາງຂວາງ, ສຳເລັດການດໍາເນີນກອງປະຊຸມໃຫ່ຍຂອງຄະນະໜ່ວຍພັກຮາກຖານບ້ານ, ຄະນະພັກຮາກຖານ ແລະ ອົງການຈັດຕັ້ງ ມະຫາຊົນໄດ້ສໍາເລັດ 100% ໂດຍຕິດພັນກັບການເສີມຂະຫຍາຍປະຊາທິປະໄຕ ພາຍໃນພັກໃຫ້ ສະມາຊິກພັກໄດ້ເຂົ້າຮ່ວມຄົ້ນຄວ້າປະກອບຄໍາຄິດ-ຄໍາເຫັນເຂົ້າໃສ່ຮ່າງລາຍງານການເມືອງ, ຮ່າງແຜນພັດທະນາເສດຖະກິດ-ສັງຄົມ, ຮ່າງບົດສຳຫຼວດການນໍາພາລວມຂອງອົງຄະນະພັກເມືອງ ແລະ ທາບທາມບຸກຄະລາກອນ ຜູ້ທີ່ຈະສະໝັກເຂົ້າໃນຄະນະບໍລິຫານງານພັກເມືອງຊຸດໃໝ່ ຕາມກົດລະບຽບຂອງພັກ. ກອງປະຊຸມຄັ້ງນີ້, ຍັງຈະໄດ້ຮັບຟັງການຜ່ານຮ່າງລາຍງານການເມືອງ ແລະ ຮ່າງແຜນພັດທະນາເສດຖະກິດ - ສັງຄົມ ແລະ ຮ່າງບົດສໍາຫຼວດການນໍາພາລວມຂອງອົງຄະນະພັກເມືອງ, ພ້ອມທັງ ຈະໄດ້ຮ່ວມກັນຄົ້ນຄວ້າລົງເລິກ ຕີລາຄາໝາກຜົນ-ຜົນງານ, ນັບທັງດ້ານດີ, ຂໍ້ຄົງຄ້າງ ແລະ ຈະໄດ້ຮັບຮອງເອົາທິດທາງແຜນພັດທະນາເສດຖະກິດ-ສັງຄົມ 5 ປີໃນຕໍ່ໜ້າ. ພ້ອມນັ້ນ, ຍັງຈະໄດ້ຮັບຟັງການປະກອບຄໍາຄິດຄໍາເຫັນຂອງບັນດາຕົວແທນຈາກຫ້ອງການແຕ່ລະຂົງເຂດອ້ອມຂ້າງເມືອງ, ຮາກຖານ, ໜ່ວຍພັກ ແລະ ຄອບຄົວຕົວແບບຈໍານວນໜຶ່ງ. ຈາກນັ້ນ ບັນດາຜູ້ແທນຈະໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະບໍລິຫານງານພັກເມືອງຊຸດໃໝ່. ເພື່ອເປັນຜູ້ສືບທອດພາລະກິດຂອງພັກ, ເປັນຜູ້ຈັດຕັ້ງນຳພາປະຕິບັດມະຕິກອງປະຊຸມໃຫ່ຍຄັ້ງທີ XIII ຂອງອົງຄະນະພັກເມືອງໃຫ້ໄດ້ຮັບ ຜົນສໍາເລັດຢ່າງຈົບງາມ ແລະ ຄັດເລືອກເອົາຜູ້ແທນໄປຮ່ວມ ກອງປະຊຸມໃຫ່ຍຄັ້ງທີ X ຂອງອົງຄະນະພັກແຂວງສາລະວັນ ທີ່ຈະໄຂຂຶ້ນໃນຕໍ່ໜ້ານີ້.
(ພາບ-ຂ່າວ: ທິດລານີ ໂຄດໂຍທາ)
ຄໍາເຫັນ