 |
ພິທີເປີດຊຸດອົບຮົມດັ່ງກ່າວ ຈັດຂຶ້ນໃນວັນທີ 10 ສິງຫານີ້ ທີ່ ສູນພັດທະນາສີມືແຮງງານ ແຂວງອຸດົມໄຊ ໂດຍມີ ທ່ານ ນາງ ວັນນີ ແກ້ວໄຊຍະວົງ ຮອງຫົວໜ້າກົມການຈັດຫາງານ ກະຊວງແຮງງານ ແລະ ສະຫວັດດີການສັງຄົມ, ທ່ານ ຄຳໝັ້ນ ຟອງມະນີ ຜູ້ອຳນວຍການສູນພັດທະນາສີມືແຮງງານ ແຂວງອຸດົມໄຊ, ໂດຍມີບັນດາວິທະຍາກອນ, ນັກສຳມະນາກອນ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ຊຸດອົບຮົມ ຄັ້ງນີ້ ຈະດຳເນີນໄປເປັນເວລາ 10 ວັນ ນັບແຕ່ວັນທີ 10 ຫາ 21 ສິງຫາ 2026 ໂດຍເນັ້ນໜັກໃສ່ການຖ່າຍທອດຄວາມຮູ້ດ້ານເຕັກນິກວິຊາການ ແລະ ການລົງເລິກປະຕິບັດຕົວຈິງ ໃນ 4 ສາຂາອາຊີບ ເພື່ອເນັ້ນໃສ່ ສ້າງສີມືແຮງງານໃນເປົ້າໝາຍໄດ້ຮັບຄວາມຮູ້ ແລະ ເຕັກນິກໃນສາຂາວິຊາ ຢ່າງຖືກຕ້ອງ ສາມາດນຳໄປປະກອບອາຊີບ ຊ່ວຍປັບປຸງຊີວິດການເປັນຢູ່ຂອງຕົນໃຫ້ດີຂື້ນເທື່ອລະກ້າວ.
ຊຸດອົບຮົມ ຈັດຂຶ້ນພາຍໃຕ້ການສະໜັບສະໜູນ ໂດຍ ໂຄງການເສີມສ້າງທັກສະທີ່ເປັນບຸລິມະສິດ ສຳລັບການເຕີບໂຕ ຂອງ ສປປ ລາວ. ຈຸດປະສົງ ຂອງໂຄງການແມ່ນເພື່ອສ້າງຄວາມຮູ້ ແລະ ຄວາມສາມາດ ໃຫ້ແກ່ ຜູ້ເຂົ້າຮ່ວມ ເພື່ອໃຫ້ສາມາດນຳເອົາບົດຮຽນໄປໝູນໃຊ້ເຂົ້າໃນການປະກອບອາຊີບດ້ວຍຕົນເອງ, ສ້າງວຽກເຮັດງານທຳ, ສ້າງລາຍຮັບທີ່ໝັ້ນຄົງ ແລະ ປະກອບສ່ວນເຂົ້າໃນການຍົກລະດັບຊີວິດການເປັນຢູ່ຂອງຕົນເອງ ແລະ ຄອບຄົວ ໃຫ້ດີຂຶ້ນ.
ຂ່າວ: ແສງອາທິດ
ຄໍາເຫັນ