ອຸດ​ສາ​ຫະ​ກຳ​ຜະ​ລິດ​ເຮືອ​ຂອງ​ຈີນ​ເປັນ​ອັນ​ດັບ 1 ​ຂອງ​ໂລກ 15 ປີລຽນຕິດ

ສຳນັກຂ່າວສານຊິນຮວາລາຍງານໃນວັນທີ 22 ກໍລະກົດ ຜ່ານມາວ່າ: ທ່ານ ຄຣິສຕີ ແມັກເບນລັດຖະມົນຕີກະຊວງຄຸ້ມຄອງເຫດສຸກເສີນຂອງອົສຕຣາລີໄດ້ເປີດເຜີຍວ່າ, ລັດຖະບານອົສຕຣາລີຈະທົດສອບ "AusAlert," ລະບົບເຕືອນໄພສຸກເສີນທາງໂທລະສັບມືຖືທົ່ວປະເທດໃນເວລາ 14:00 ໂມງ ຂອງວັນທີ 27 ກໍລະກົດນີ້ ຕາມເວລາມາດຕະຖານຕາເວັນອອກຂອງອົສຕຣາລີ, ກ່ອນທີ່ຈະເລີ່ມນຳໃຊ້ຢ່າງເຕັມຮູບແບບໃນເດືອນຕຸລາ. ເຖິງແມ່ນວ່າບາງລັດ ແລະ ບາງເຂດມີຄວາມກັງວົນກ່ຽວກັບການເຊື່ອມໂຍງ AusAlertກັບລະບົບເຕືອນໄພທີ່ມີຢູ່ແລ້ວ.

ສຳນັກຂ່າວສານຊິນຮວາລາຍງານ ໃນວັນທີ 22 ກໍລະກົດ ຜ່ານມາວ່າ: ລັດຖະສະພາຝຣັ່ງໄດ້ຜ່ານຮ່າງກົດໝາຍວ່າດ້ວຍການປົກປ້ອງເດັກນ້ອຍຈາກຄວາມສ່ຽງທີ່ກ່ຽວຂ້ອງກັບການໃຊ້ສື່ສັງຄົມອອນລາຍ. ໂດຍຮ່າງກົດໝາຍດັ່ງກ່າວມີຈຸດປະສົງເພື່ອຫ້າມການເຂົ້າເຖິງສື່ສັງຄົມອອນລາຍສຳລັບເດັກນ້ອຍອາຍຸຕ່ຳກວ່າ 15 ປີ, ເພື່ອປົກປ້ອງພວກເຂົາຈາກເນື້ອໃນທີ່ອາດຈະເປັນອັນຕະລາຍ ຫຼື ເຮັດໃຫ້ເກີດຄວາມກັງວົນ. ບັນດາຂໍ້ກຳນົດດັ່ງກ່າວຈະມີຜົນບັງຄັບໃຊ້ໃນວັນທີ 1 ກັນຍາ ນີ້.

ສຳນັກຂ່າວສານຊິນຮວາລາຍງານໃນວັນທີ 23 ກໍລະກົດ ຜ່ານມາວ່າ: ຄະນະກຳມາທິການເອີຣົບ (EU) ໄດ້ປັບ ໃໝ Google ເປັນຈຳນວນເງິນ 890 ລ້ານເອີໂຣ ສຳລັບການລະເມີດກົດໝາຍຕະຫຼາດດີຈີຕອນຂອງສະຫະພາບເອີຣົບ ໂດຍການໃຫ້ບໍລິການໆຄົ້ນຫາຂອງຕົນໄດ້ຮັບຜົນປະໂຫຍດໃນໜ້າສະແດງຜົນການຄົ້ນຫາ ແລະ ປ້ອງກັນບໍ່ໃຫ້ນັກພັດທະນາແອັບພິເຄເຊິນເຂົ້າເຖິງຜູ້ໃຊ້ເພື່ອແນະນຳທາງເລືອກທີ່ລາຄາຖືກກວ່າ Play Store.

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 24 ກໍລະກົດ ຜ່ານມາວ່າ: ກອງ​ປະ​ຊຸມ​ລັດ​ຖະ​ມົນ​ຕີ​ຕ່າງ​ປະ​ເທດ​ອາ​ຊຽນ-ຈີນ​ ໄດ້​ຈັດ​ຂຶ້ນ​ໃນ​ວັນ​ທີ 22 ກໍ​ລະ​ກົດ​ ຜ່ານມາ​ຢູ່​ນະ​ຄອນ​ຫຼວງ​ມະ​ນີ​ລາ ປະເທດ​ຟິ​ລິບ​ປິນ, ຫຼັງ​ຈາກກອງ​ປະ​ຊຸມ​ສຳ​ເລັດ​ໄດ້​ອອກ​ຖະ​ແຫຼງ​ການ​ຮ່ວມ.

ວິທະຍຸກະຈາຍສຽງຫວຽດນາມລາຍງານໃນວັນທີ 23 ກໍລະກົດ ຜ່ານມາວ່າ: ເຄື່ອງ​ຕ່ຳ​ແ​ຜ່ນ​ຕັດ​ຫ​ຍິບ ຫວຽດ​ນາມ ​ພະ​ຍາ​ຍາມ​ຮັກ​ສາ​ໃບ​ສັ່ງ​ຊື້​ສິນ​ຄ້າ, ຍົກ​ສູງ​ປະ​ສິດ​ທິ​ຜົນ, ຄວບ​ຄຸມ​ລາຍ​ຈ່າຍ, ເປັນ​ເຈົ້າ​ແຫຼ່ງວັດ​ຖຸ​ດິບ ແລະ ຫັນ​ຕະ​ຫຼາດ​ເປັນ​ຫຼາຍ​ຮູບ​ຫຼາຍ​ແບບ ເພື່ອກ້າວ​ໄປ​ເຖິງ​ເປົ້າ​ໝາຍ​ການ​ສົ່ງ​ອອກ​ໃຫ້​ບັນ​ລຸ 48 ຕື້ໂດລາ ໃນ​ປີ 2026.

ເມືອງ Xiao ແຂວງອານຮຸຍ ມີຊື່ສຽງດ້ານປະເພນີການບໍລິໂພກຊີ້ນແກະມາເປັນເວລາດົນນານ, ງານສະຫຼອງບຸນວັດທະນະທຳຊີ້ນແກະໃນໄລຍະລະດູຮ້ອນ ຊຶ່ງຈັດຂຶ້ນເປັນເວລາ 21 ວັນກຳລັງດຳເນີນໄປຢ່າງຄຶກຄື້ນແລະ ຈະສິ້ນສຸດໃນວັນທີ 4 ສິງຫາ ນີ້.

ຫວ່າງ​ມໍ່ໆ​ມາ​ນີ້, ບໍ​ລິ​ສັດ Moonshot AI ຂອງ​ຈີນໄດ້ນຳ​ສະ​ເໜີ​ແບບ​ຈຳ​ລອງຂະ ​ໜາດ​ໃຫຍ່​ແບບ​ເປີດ Kimi K3 ລຸ້ນ​ໃໝ່ ໂດຍ​ມີ​ຂະ​ໜາດ​ຂໍ້​ມູນ​ເຖິງ 2,800 ຕື້​ຂໍ້ ຊຶ່ງ​ເປັນ​ແບບ​ຈຳ​ລອງ​ຂະ​ໜາດ​ໃຫຍ່​ທີ່​ມີ​ປະ​ສິດ​ທິ​ພາບ​ເທົ່າ​ກັບ​ແບບ​ຈຳ​ລອງ​ຂະ​ໜາດ​ໃຫຍ່​ແບບ​ປິດ​ລະ​ດັບ​ສຸດຍອດ​ໃນ​ໂລກ. ໂຕ​ເລກ​ຂໍ້​ມູນ​ສະ​ແດງ​ໃຫ້​ເຫັນ​ວ່າ: ການ​ນຳ​ໃຊ້​ແບບ​ຈຳ​ລອງ​ຂະ​ໜາດ​ໃຫຍ່​ຂອງ​ຈີນ​ຕໍ່​ອາ​ທິດ​ໄດ້​ກວມ​ຫຼາຍກວ່າເຄິ່ງ​ໜຶ່ງ​ຂອງ​ໂລກ​ ແລະ ນຳ​ໜ້າ​ໂລກ​ເປັນ 11 ອາ​ທິດ​ຕິດ​ຕໍ່​ກັນ, ແບບ​ຈຳ​ລອງ​ຂະ​ໜາດ​ໃຫຍ່​ທີ່​ຖືກ​ນຳ​ໃຊ້​ 6 ອັນ​ດັບ​ນຳ​ໜ້າ​ລ້ວນ​ແຕ່​ເປັນ​ແບບ​ຈຳ​ລອງ​​ຂອງຈີນ. ເມື່ອ​ແບບ​ຈຳ​ລອງ​ຂະ​ໜາດ​ໃຫຍ່​ຕ່າງ​ປະ​ເທດຢຶ​ຍຶດ​ໝັ້ນ​ແບບ​ປິດ ເພື່ອສ້າງ​​ກຳ​ແພງ​ຂວາງ​ກັ້ນ​ດ້ານ​ເຕັກ​ໂນ​ໂລ​ຊີ, ແບບ​ຈຳ​ລອງ​ຂະ​ໜາດ​ໃຫຍ່​ຫຼາຍ​ແຫ່ງຂອງ​ຈີນ​ພັດ​ເລືອກ​ເອົາ​ທາງ​ເປີດ​ເຜີຍ​ລະ​ຫັດ​ຕົ້ນ​ສະ​ບັບຂອງ​ຕົນ, ນີ້​ແມ່ນ​ຍ້ອນ​ຫຍັງ?

ສຳນັກຂ່າວສານຊິນຮວາລາຍງານໃນວັນທີ 21 ກໍລະກົດ ຜ່ານມາວ່າ: Adyen, ແພລັດຟອມເຕັກໂນໂລຊີການເງິນ ຫຼື fintechໄດ້ເປີດເຜີຍຜົນການສຳຫຼວດວ່າ, ປະມານ 74% ຂອງຊາວມາເລເຊຍໃຊ້ປັນຍາປະດິດ (AI) ເພື່ອຊ່ວຍໃນການຕັດສິນໃຈຊື້ສິນຄ້າ, ແຕ່ຍັງມີ52%ທີ່ຍັງຮູ້ສຶກບໍ່ສະບາຍໃຈທີ່ຈະໃຊ້ AI ຊື້ສິນຄ້າໃນນາມຂອງຕົນ.

ວິທະຍຸກະຈາຍສຽງຫວຽດນາມລາຍງານໃນວັນທີ 22 ກໍລະກົດ ຜ່ານມາວ່າ: ບົດ​ລາຍ​ງານ​ປະ​ຈຳ​ປີ​ຂອງ ສ​ປ​ຊ ກ່ຽວ​ກັບ​ຄວາມ​ໝັ້ນ​ຄົງ​ດ້ານ​ສະ​ບຽງ​ອ​າ​ຫານ ແລະ ສານ​ອາ​ຫານ​ ໄດ້​ຊີ້​ໃຫ້​ເຫັນ​ວ່າ, ໂລກ​ບັນ​ລຸ​ໄດ້​ຄວາມ​ຄືບ​ໜ້າ​ຈຳ​ນວນ​ໜຶ່ງ​ໃນ​ການ​ຍູ້​ຖອຍ​ໄພ​ອຶດ​ຫິວ​ໃນ​ຊຸມ​ປີ​ມໍ່ໆ​ມາ​ນີ້, ແຕ່​ໝາກ​ຜົນ​ລະ​ຫວ່າງ​ບັນ​ດາ​ພາກ​ພື້ນ​ແມ່ນ​ບໍ່​ສະ​ໝ່ຳ​ສະ​ເໝີ​ກັນ. ທ່ານ ດວິດ ລາບອຣດຜູ້​ອຳ​ນວຍ​ການ​ຄະ​ນະ​ເສດ​ຖະ​ກິດ​ກະ​ສິ​ກຳ ແລະ ສະ​ບຽງ​ອາ​ຫານ​ ທີ່ຂຶ້ນ​ກັບ ອົງ​ການອາ​ຫານ ແລະ ການ​ກະ​ເສດ​ແຫ່ງ ສ​ປ​ຊ (FAO) ໃຫ້​ຂໍ້​ສັ​ງ​ເກດ​ວ່າ “ຈຸດ​ໃຈ​ກາງ​ຂອງ​ໄພ​ອຶດ​ຫິວ ໄດ້​ຫັນ​ປ່ຽນ​ຈາກ​ທະ​ວີບອາ​ຊີ ໄປ​ສູ່ ອາ​ຟຣິ​ກາ​ແລ້ວ.

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນ​ວັນ​ທີ 22 ກໍ​ລະ​ກົດ ຜ່ານມາ, ກອງ​ປະ​ຊຸມ​ເວ​ທີ​ປຶກ​ສາ​ຫາ​ລື​ການ​ພັດ​ທະ​ນາ​ເສັ້ນ​ທາງ​ສາຍ​ໄໝ​ດີ​ຈີຕອນ​ຂອງກອງ​ປະ​ຊຸມ​ອິນ​ເຕີ​ເນັດ​ໂລກ 2026 ໄດ້ເປີດ​ຂຶ້ນ​ຢູ່​ນະ​ຄອນ​ຊີ່​ອ່ານ​ຂອງ​ຈີນ, ໂດຍ​ແມ່ນ​ກອງ​ປະ​ຊຸມ​ອິນ​ເຕີ​ເນັດ​ໂລກເປັນ​ເຈົ້າ​ພາບ ແລະ ອົງ​ການ​ປົກ​ຄອງ​ແຂວ​ງ​ສ້ານ​ຊີ​ເປັນ​ຜູ້​ຮັບ​ຜິດ​ຊອບ​ຈັດ​ງານ. ມີ​​ແຂກເຂົ້າຮ່ວມ​ປະ​ມານ 800 ທ່ານ ​ທີ່​ມາ​ຈາກ 52 ປະ​ເທດ ແລະ ເຂດ​ແຄວ້ນ, ​ພ້ອມ​ດ້ວຍ 7 ອົງ​ການ​ຈັດ​ຕັ້ງ​ສາ​ກົນ​ເຂົ້າ​ຮ່ວມ​​. ນີ້​ແມ່ນ​ປີ​ທີ 3 ຕິດ​ຕໍ່​ກັນ​ທີ່ກອງ​ປະ​ຊຸມ​ອິນ​ເຕີ​ເນັດ​ໂລກ​ໄດ້​ຈັດ​ເວ​ທີ​ປຶກ​ສາ​ຫາ​ລື​ການ​ພັດ​ທະ​ນາ​ເສັ້ນ​ທາງ​ສາຍ​ໄໝ​ດີຈີ​ຕອນ.