 |
ໃນພິທີ ຕາງໜ້າຫ້ອງວ່າການສະພາປະຊາຊົນແຂວງ ໄດ້ຜ່ານມະຕິ ຂອງຄະນະປະຈຳສະພາປະຊາຊົນແຂວງ, ສະບັບເລກທີ 173 ລົງວັນທີ 2 ກໍລະກົດ 2026 ວ່າດ້ວຍການສ້າງຕັ້ງ ຫ້ອງການຄະນະສະມາຊິກສະພາປະຊາຊົນຂັ້ນແຂວງ ປະຈຳເຂດເລືອກຕັ້ງເມືອງ ແລະ ມະຕິຂອງຄະນະປະຈຳສະພາປະຊາຊົນແຂວງຄໍາມ່ວນ ສະບັບເລກທີ 170 ລົງວັນທີ 2 ກໍລະກົດ 2026 ວ່າດ້ວຍການສ້າງຕັ້ງກົງຈັກການຈັດຕັ້ງ ຄະນະສະມາຊິກສະພາປະຊາຊົນຂັ້ນແຂວງ ປະຈຳເຂດເລືອກຕັ້ງເມືອງເຊບັ້ງໄຟໄຊ, ໂດຍໄດ້ຕົກລົງແຕ່ງຕັ້ງທ່ານ ທອງໄຊ ມັງໜໍ່ເມກ ເປັນຫົວໜ້າ; ທ່ານ ນາງ ຄໍາມະນີວອນ ໄຊຍະວົງ ເປັນຮອງຫົວໜ້າ ທັງເປັນຫົວໜ້າຫ້ອງການ.
ທ່ານ ແກ້ວອຸດອນ ບຸດສິງຂອນ ໄດ້ເນັ້ນໜັກຫຼາຍບັນຫາເປັນຕົ້ນແມ່ນ ຍົກສູງຄວາມຮັບຜິດຊອບ ທີ່ຕິດພັນກັບການປະຕິບັດ ພາລະບົດບາດ ແລະ ໜ້າທີ່ ຂອງສະມາຊິກສະພາປະຊາຊົນຂັ້ນແຂວງ ປະຈໍາເຂດເລືອກຕັ້ງເມືອງ ເພື່ອແນໃສ່ເຮັດໃຫ້ກົນໄກການຊີ້ນໍາ-ນໍາພາວຽກງານພາຍໃນເຂດເລືອກຕັ້ງເມືອງມີຄວາມເຂັ້ມແຂງ, ແນໃສ່ເຮັດໃຫ້ການຈັດຕັ້ງ ແລະ ການເຄື່ອນໄຫວວຽກງານ ຂອງຄະນະສະມາຊິກສະພາປະຊາຊົນຂັ້ນແຂວງ ປະຈຳເຂດເລືອກຕັ້ງເມືອງ ມີປະສິດທິຜົນ, ໂດຍສະເພາະແມ່ນການເຮັດໜ້າທີ່ເປັນຕົວແທນແຫ່ງສິດ ແລະ ຜົນປະໂຫຍດອັບຊອບທໍາຂອງປະຊາຊົນ, ບົນພື້ນຖານປະຕິບັດຕາມແນວທາງນະໂຍບາຍຂອງພັກ-ລັດ, ຮັບປະກັນເຮັດໃຫ້ການຄຸ້ມຄອງລັດ, ຄຸ້ມຄອງສັງຄົມ ດ້ວຍລະບຽບກົດໝາຍ ໃຫ້ມີຄວາມໜັກແໜ້ນ.
 |
ທັງນີ້ກໍເພື່ອເປັນການຜັນຂະຫຍາຍ ແລະ ຈັດຕັ້ງປະຕິບັດກົດໝາຍ ວ່າດ້ວຍສະພາປະຊາຊົນຂັ້ນແຂວງ ແລະ ມະຕິຕົກລົງຂອງ ຄະນະປະຈຳສະພາປະຊາຊົນແຂວງ ວ່າດ້ວຍການແຕ່ງຕັ້ງບຸກຄະລາກອນໃຫ້ຖືກຕ້ອງ, ສອດຄ່ອງຕາມຫຼັກການຈັດຕັ້ງຮູບແບບໃໝ່; ເພີ່ມທະວີຄວາມເຂັ້ມແຂງໃຫ້ແກ່ ຄະນະສະມາຊິກສະພາປະຊາຊົນຂັ້ນແຂວງ ປະຈຳເຂດເລືອກຕັ້ງລະເມືອງ, ເຮັດໃຫ້ການນໍາພາ-ຊີ້ນໍາ ແລະ ການປະສານງານ ລະຫວ່າງ ສະພາປະຊາຊົນຂັ້ນແຂວງ ກັບ ທ້ອງຖິ່ນ (ຂັ້ນເມືອງ) ມີຄວາມກົມກຽວ ແລະ ມີປະສິດທິພາບສູງ.
ຂ່າວ: ແຂວງຄຳມ່ວນ
ຄໍາເຫັນ