 |
ໃນວາລະກອງປະຊຸມ, ທ່ານ ນາງ ຟອງສະໝຸດ ອັ່ນລາວັນ ປະທານກອງປະຊຸມໄດ້ຜ່ານແຈ້ງການຂອງ ຄະນະຈັດຕັ້ງສູນກາງພັກ ສະບັບເລກທີ 1467/ຄຈສພ, ລົງວັນທີ 7 ສິງຫາ 2026 ເຫັນດີ ໃຫ້ ຫສປທ ປັບປຸງໂຄງປະກອບກົງຈັກການຈັດຕັ້ງຂອງຕົນປະກອບມີ 5 ກົມ ຄື: ກົມບໍລິຫານ ແລະ ການເງິນ, ກົມຈັດຕັ້ງ, ກົມກວດກາ, ກົມພິທີການ ແລະ ພົວພັນພາຍນອກ, ກົມນິຕິກໍາ ແລະ ຄົ້ນຄວ້າສັງລວມ. ໃຫ້ປັບປຸງລັດຖະດໍາລັດ ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງ ຫສປທ ພ້ອມທັງ ປັບປຸງ ຂໍ້ຕົກລົງ ວ່າດ້ວຍການເຄື່ອນໄຫວ ຂອງບັນດາກົມ ທີ່ຂຶ້ນກັບ ຫສປທ ຄືນໃໝ່.
 |
ທ່ານ ນັນທະພົນ ລີວັດທະນາ ຮອງຫົວໜ້າກົມຄຸ້ມຄອງພະນັກງານ ຕາງໜ້າຄະນະຈັດຕັ້ງສູນກາງພັກ ໄດ້ຜ່ານດໍາລັດ ເລກທີ 268/ນຍ, ລົງວັນທີ 13 ສິງຫາ 2026 ວ່າດ້ວຍ ການອະນຸມັດໃຫ້ພະນັກງານອອກພັກການ-ຮັບອຸດໜູນບໍານານ ແລະ ມະຕິຕົກລົງ ເລກທີ 176/ຄລສພ, ລົງວັນທີ 13ສິງຫາ 2026 ວ່າດ້ວຍການອະນຸມັດໃຫ້ພະນັກງານອອກພັກການ-ຮັບອຸດໜູນບໍານານ ຄະນະເລຂາທິ ການສູນກາງພັກ ຕົກລົງໃຫ້ ສະຫາຍ ຄໍາຕາ ລາດຊະວົງ ກໍາມະການຄະນະບໍລິຫານງານພັກ ຫົວໜ້າກົມຈັດຕັ້ງ ແລະ ກວດກາຫ້ອງວ່າການສໍານັກງານປະທານປະເທດ ອອກຮັບອຸດໜູນບໍານານ.
 |
ໃນວາລະດຽວກັນ, ທ່ານຮອງຫົວໜ້າຫ້ອງວ່າການສໍານັກງານປະທານປະເທດ ໄດ້ຜ່ານຂໍ້ຕົກລົງ ເລກທີ 521/ຫສປທ.ຈກ, ລົງວັນທີ 25ສິງຫາ 2026 ວ່າດ້ວຍການແຕ່ງຕັ້ງຮັກສາການແທນຫົວໜ້າກົມຈັດຕັ້ງ, ແຕ່ງຕັ້ງ ທ່ານ ນາງ ຄູນມະລີ ສິງຫາຄໍາ ຮອງເລຂາໜ່ວຍພັກ ຮອງຫົວໜ້າກົມຈັດຕັ້ງ ແລະ ກວດກາ ຫ້ອງວ່າການສໍານັກງານປະທານປະເທດ ເປັນຜູ້ຮັກສາການຫົວໜ້າກົມຈັດຕັ້ງ.
ພາຍຫຼັງ ປະກາດກົງຈັກການຈັດຕັ້ງ ສໍາເລັດແລ້ວ ທ່ານ ນາງ ຟອງສະໝຸດ ອັ່ນລາວັນ ຫົວໜ້າ ຫ້ອງວ່າການສໍານັກງານປະທານປະເທດໄດ້ມີຄໍາເຫັນໂອ້ລົມ ແລະ ທ່ານ ຄໍາຕາ ລາດຊະວົງ ກໍໄດ້ກ່າວຮັບຄໍາໂອ້ລົມ ພ້ອມສະຫຼຸບຫຍໍ້ການຈັດຕັ້ງປະຕິບັດວຽກງານຂອງຕົນໃນໄລຍະຜ່ານມາ.
(ຂ່າວ: ຫສປທ)
ຄໍາເຫັນ