ທ່ານພັອ ວິຊຽນ ຫານວິໄລ ຮອງຫົວໜ້າກົມພະນັກງານ ກົມໃຫຍ່ການເມືອງ ປກສ ໄດ້ຜ່ານຂໍ້ຕົກລົງຂອງກະຊວງ ປກສວ່າດ້ວຍການແຕ່ງຕັ້ງນາຍຕໍາຫຼວດທີ່ຂຶ້ນກັບກອງບັນຊາການປ້ອງກັນສູນກາງ. ໃນນີ້, ຕົກລົງແຕ່ງຕັ້ງ ທ່ານ ພັອ ສຸລິເດດ ກອງທະວີໄຊ ເປັນຮອງຫົວໜ້າກອງບັນຊາການ, ສ່ວນຫົວໜ້າ ແລະ ຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ.
ໂອກາດນີ້, ທ່ານ ພັອ ບຸນທົງ ສີດາວົງ ໄດ້ສະແດງຄວາມດີໃຈ ແລະ ຍ້ອງຍໍຊົມເຊີຍຕໍ່ຜູ້ທີ່ໄດ້ຮັບການແຕ່ງຕັ້ງໃໝ່ໃນຄັ້ງນີ້ ພ້ອມທັງໃຫ້ທິດຊີ້ນໍາຈົ່ງມີຄວາມອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ການຈັດຕັ້ງຂັ້ນເທິງ, ເອົາໃຈໃສ່ນໍາພາ-ບັນຊາຈັດຕັ້ງປະຕິບັດວຽກງານຕ່າງໆ, ເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງຂອງຕົນຕາມພາລະບົດບາດ, ໜ້າທີ່ ແລະ ຂອບເຂດສິດຂອງຕົນ, ຄົ້ນຄວ້າຜັນຂະຫຍາຍແຜນນະໂຍບາຍຂອງພັກ, ມະຕິ, ຄໍາສັ່ງ ແລະ ຂໍ້ກຳນົດຕ່າງໆ ທີ່ພັກ-ລັດຂັ້ນເທິງວາງອອກໃຫ້ເປັນອັນລະອຽດ ໂດຍສະເພາະການນໍາພາແກ້ໄຂວຽກງານ, ບັນຫາປະກົດການຫຍໍ້ທໍ້ທີ່ມີຄວາມຫຍຸ້ງຍາກຢູ່ພາຍໃນກົມກອງ, ເອົາໃຈໃສ່ປັບປຸງແບບແຜນນໍາພາວິທີເຮັດວຽກໃຫ້ທັນສະໄໝ ໂດຍປະຕິບັດຕາມຫຼັກການລວມສູນປະຊາທິປະໄຕ, ນໍາພາເປັນໝູ່ຄະນະ, ສຽງສ່ວນໜ້ອຍຂຶ້ນກັບສຽງສ່ວນຫຼາຍ, ບຸກຄົນຂຶ້ນກັບການຈັດຕັ້ງ, ປະຕິບັດແບບແຜນ ແລະ ວິທີນຳພາແຕ່ລະຂົງເຂດວຽກງານ, ລົງເລິກໃກ້ຊິດຕິດແທດກັບວຽກງານຕົວຈິງ, ປະຕິບັດລະບອບເຮັດວຽກມີແຜນການ, ໂຄງການ, ມີການຕິດຕາມ, ກວດກາ, ເຂັ້ມງວດ ແລະ ສັກສິດ, ຮຽນຮູ້ເອົາບົດຮຽນຈາກໝູ່ຄະນະ ເພື່ອນໍາມາພັດທະນາຄວາມຮູ້, ຄວາມສາມາດໃນການນໍາພາ-ບັນຊາວຽກງານວິຊາສະເພາະຕົວຈິງໃຫ້ມີຜົນສໍາເລັດຫຼາຍຂຶ້ນກວ່າເກົ່າ.
ຂ່າວ: ແກ້ວ ອຸເພັດ
ຄໍາເຫັນ