ປະກາດແຕ່ງຕັ້ງຄະນະກຳມະການ ປກຊ-ປກສ ແຂວງສະຫວັນນະເຂດ

ໃນພິທີ, ສະຫາຍ ພົຈວ ພັນວິໄລ ລາດສະຍົນ ຄະນະປະຈຳພັກແຂວງ ຫົວໜ້າກອງບັນຊາການທະຫານແຂວງ ໄດ້ຜ່ານບົດສະຫຼຸບວຽກງານ ປກຊ-ປກສ ແຂວງສະຫວັນນະເຂດ ໃນໄລຍະຜ່ານມາ. ຈາກນັ້ນ, ສະຫາຍ ພົຈວ ຈິດຖະໜອມ ບຸນເລີດ ຮອງຫົວໜ້າຫ້ອງການຄະນະກຳມະການ ປກຊ-ປກສ ສູນກາງ ໄດ້ຜ່ານມະຕິຕົກລົງແຕ່ງຕັ້ງປະທານ, ຮອງປະທານ, ຜູ້ປະຈຳການ ແລະ ກຳມະການ, ຄະນະກຳມະການ ປກຊ-ປກສ ແຂວງສະຫວັນນະເຂດ ສະບັບເລກທີ 141/ຄລສພ, ລົງວັນທີ 30 ມິຖຸນາ 2026. ໃນນີ້, ຄະນະເລຂາ ທິການສູນກາງພັກຕົກລົງ: ແຕ່ງຕັ້ງ ສະຫາຍ ບຸນໂຈມ ອຸບົນປະເສີດ ເປັນປະທານຄະນະກຳມະການ ປກຊ-ປກສ ແຂວງສະຫວັນນະເຂດ, ສະຫາຍ ນາງ ດາວວອນ ໄຊສຸລຽນ ເປັນຮອງປະທານ, ສະຫາຍ ພົຈວ ພັນວິໄລ ລາດສະຍົນ ເປັນຮອງປະທານ ທັງເປັນຜູ້ປະຈຳການ, ສະຫາຍ ພົຈວ ລຳພົງ ໄຊທອງ ເປັນຮອງປະ ທານ, ສະຫາຍ ວາລີຍະ ສີຈັນທອງທິບ ເປັນກຳມະການ, ສະຫາຍ ອ່ອນລຳພັນ ບົວສີແກ້ວ ເປັນກຳມະການ, ສະຫາຍ ພັອ ສຸກສະໝອນ ສີພັນດອນ ເປັນກຳມະການ, ສະຫາຍ ພັອ ໃຈເພັດ ວົງແສນສົມ ເປັນກຳມະການ ແລະ ສະຫາຍ ພັທ ທອງວັນ ບຸນດາວົງ ເປັນກຳມະການ ໃຫ້ກຽດມອບມະຕິຕົກລົງໂດຍສະຫາຍ ພົອ ວິໄລ ຫຼ້າຄຳຟອງ ແລະ ຮັບໂດຍສະຫາຍ ບຸນໂຈມ ອຸບົນປະເສີດ ຕາງໜ້າຄະນະກຳມະການ ປກຊ-ປກສ ແຂວງສະຫວັນນະເຂດ.

ໂອກາດນີ້, ສະຫາຍ ພົອ ວິໄລ ຫຼ້າຄຳຟອງ ໄດ້ໃຫ້ກຽດໂອ້ລົມ ຊຶ່ງທຸກຄຳເວົ້າຂອງສະຫາຍລ້ວນແຕ່ແມ່ນບົດຮຽນອັນລ້ຳຄ່າ ຊຶ່ງຈະກາຍເປັນເຂັມທິດເຍືອງທາງອັນໜັກແໜ້ນໃຫ້ບັນດາສະຫາຍໃນຄະນະກຳມະ ການ ປກຊ-ປກສ ແຂວງ ນຳໄປຈັດຕັ້ງປະຕິບັດໃນວຽກງານ ປກຊ-ປກສ ໃຫ້ມີປະສິດທິພາບ ແລະ ມີຄວາມຮັບປະກັນສູງ.

ແຫຼ່ງຂ່າວ: ສະຫວັນນະເຂດ