ໃນວັນທີ 19 ທັນວາຜ່ານມາ, ຂະແໜງປິ່ນປົວ-ຮັກສາສຸຂະພາບຕາ ພະແນກສາທາລະນະສຸກແຂວງສະຫວັນນະເຂດຮ່ວມກັບມູນນິທິຊ່ວຍເຫຼືອຄົນທຸກຍາກສາຂານະຄອນຫຼວງວຽງຈັນ ໄດ້ເປີດບໍລິການຜ່າຕັດແກ່ນຕາຂຸ້ນ, ໃສ່ແກ່ນຕາທຽມໃຫ້ພໍ່ແມ່ປະຊາຊົນທີ່ມີບັນຫາສຸຂະພາບຕາພາຍໃນແຂວງສະຫວັນນະເຂດ. ໃຫ້ກຽດເປັນປະທານໂດຍພະອາຈານ ພົງສະຫວັນ ອະນຸສິນ ປະທານມູນນິທິຊ່ວຍເຫຼືອຄົນທຸກຍາກສາຂານະຄອນຫຼວງວຽງຈັນ, ທ່ານ ຜາລີ ສີບຸນຍາ ຮອງຫົວໜ້າພະແນກສາທາລະນະສຸກແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ພະອາຈານ ພົງສະຫວັນ ອະນຸສິນ ກ່າວວ່າ: ເພື່ອໃຫ້ທຸກຄົນໄດ້ຮັບຮູ້-ເຂົ້າໃຈໃນການເບິ່ງແຍງດູແລຮັກສາສຸຂະພາບຕາ, ຮູ້ຈັກວິທີປ້ອງກັນ ແລະ ປິ່ນປົວຕາຢ່າງຖືກວິທີ ແລະ ໃຫ້ຄວາມສໍາຄັນໃນການເບິ່ງເຫັນ; ເພື່ອຊ່ວຍຫຼຸດຜ່ອນຈໍານວນຄົນຕາບອດ. ສິ່ງສໍາຄັນເພື່ອມອບແສງສະຫວ່າງໃຫ້ພໍ່ແມ່ປະຊາຊົນທີ່ມີບັນຫາດ້ານສຸຂະພາບຕາໃຫ້ສາມາດຊ່ວຍເຫຼືອຕົນເອງ, ຄອບຄົວ, ສັງຄົມ ແລະ ອື່ນໆ. ສໍາລັບການເປີດບໍລິການຜ່າຕັດແກ່ນຕາຂຸ້ນ, ໃສ່ແກ່ນຕາທຽມແມ່ນໄດ້ຈັດຂຶ້ນເປັນຄັ້ງທີ 4 ຊຶ່ງໃນຄັ້ງນີ້ໄດ້ເລີ່ມແຕ່ວັນທີ 18-21 ທັນວານີ້ ໂດຍທຶນທີ່ນໍາມາຊ່ວຍເຫຼືອຄັ້ງນີ້ໄດ້ຈາກການລະດົມ ແລະ ປະກອບສ່ວນຂອງອອກຕົນຍາດໂຍມຜູ້ທີ່ມີຈິດໃຈໃສສັດທາຕໍ່ພຸດທະສາສະໜາໃນການຊ່ວຍເຫຼືອເພື່ອນມະນຸດດ້ວຍກັນທັງພາຍໃນສປປ ລາວ ແລະ ສສ ຫວຽດນາມ.
ຂ່າວ: ສະຫວັນນະເຂດ
ພະອາຈານ ພົງສະຫວັນ ອະນຸສິນ ກ່າວວ່າ: ເພື່ອໃຫ້ທຸກຄົນໄດ້ຮັບຮູ້-ເຂົ້າໃຈໃນການເບິ່ງແຍງດູແລຮັກສາສຸຂະພາບຕາ, ຮູ້ຈັກວິທີປ້ອງກັນ ແລະ ປິ່ນປົວຕາຢ່າງຖືກວິທີ ແລະ ໃຫ້ຄວາມສໍາຄັນໃນການເບິ່ງເຫັນ; ເພື່ອຊ່ວຍຫຼຸດຜ່ອນຈໍານວນຄົນຕາບອດ. ສິ່ງສໍາຄັນເພື່ອມອບແສງສະຫວ່າງໃຫ້ພໍ່ແມ່ປະຊາຊົນທີ່ມີບັນຫາດ້ານສຸຂະພາບຕາໃຫ້ສາມາດຊ່ວຍເຫຼືອຕົນເອງ, ຄອບຄົວ, ສັງຄົມ ແລະ ອື່ນໆ. ສໍາລັບການເປີດບໍລິການຜ່າຕັດແກ່ນຕາຂຸ້ນ, ໃສ່ແກ່ນຕາທຽມແມ່ນໄດ້ຈັດຂຶ້ນເປັນຄັ້ງທີ 4 ຊຶ່ງໃນຄັ້ງນີ້ໄດ້ເລີ່ມແຕ່ວັນທີ 18-21 ທັນວານີ້ ໂດຍທຶນທີ່ນໍາມາຊ່ວຍເຫຼືອຄັ້ງນີ້ໄດ້ຈາກການລະດົມ ແລະ ປະກອບສ່ວນຂອງອອກຕົນຍາດໂຍມຜູ້ທີ່ມີຈິດໃຈໃສສັດທາຕໍ່ພຸດທະສາສະໜາໃນການຊ່ວຍເຫຼືອເພື່ອນມະນຸດດ້ວຍກັນທັງພາຍໃນສປປ ລາວ ແລະ ສສ ຫວຽດນາມ.
ຂ່າວ: ສະຫວັນນະເຂດ
ຄໍາເຫັນ