ເລຂາຄະນະບໍລິຫານງານພັກເມືອງຄຳເກີດ, ເປັນກຽດເຂົ້າຮ່ວມໂດຍສະຫາຍ ສອນທະນູ ທຳມະວົງ ກຳມະການສູນກາງພັກ ເລຂາຄະນະບໍລິຫານງານພັກແຂວງບໍລິຄຳໄຊ, ມີແຂກຖືກເຊີນ ແລະ ຜູ້ແທນສົມບູນ 137 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກທົ່ວເມືອງ.
ສະຫາຍ ເພັດສະໃໝ ໄຊຍະທິຈັກ ໄດ້ກ່າວໄຂກອງປະຊຸມ ພ້ອມທັງຜ່ານຮ່າງລາຍງານການເມືອງທັງສອງພາກ ໂດຍໄດ້ຕີລາຄາຜົນຂອງການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກເມືອງ ຍົກໃຫ້ເຫັນບັນດາຜົນສຳເລັດທີ່ອົງຄະນະພັກເມືອງຍາດມາໄດ້ ໃນການສ້າງສາພັດທະນາເມືອງຄຳເກີດ ຕະຫຼອດໄລຍະ 5 ປີຜ່ານມາ ມີຜົນສໍາເລັດຫຼາຍດ້ານ: ເປັນຕົ້ນພື້ນຖານການຜະລິດມີການຂະຫຍາຍຕົວເຊັ່ນ: ການຜະລິດເຂົ້າກິນໄດ້ 28 ພັນກວ່າໂຕນ ເທົ່າກັບ 94.25%, ສະເລ່ຍໃສ່ຫົວຄົນ 363 ກິໂລ/ຄົນ/ປີ ເທົ່າກັບ 92%, ການເກັບລາຍຮັບ 5 ປີປະຕິບັດໄດ້ 51 ກວ່າຕື້ກີບ ເທົ່າກັບ 71.68%, ການພັດທະນາພື້ນຖານໂຄງລ່າງ ເຊັ່ນ: ເສັ້ນທາງ, ໂຮງຮຽນ, ໂຮງໝໍ, ທີ່ຢູ່ອາໄສຂອງປະຊາຊົນ ໄດ້ຮັບການກໍ່ສ້າງໃໝ່ຫຼາຍຂຶ້ນຢ່າງພົ້ນເດັ່ນ, ບ້ານທີ່ຊົມໃຊ້ໄຟຟ້າເພີ່ມຂຶ້ນ, ສະຖານທີ່ເຮັດວຽກຂອງບັນດາຂະແໜງການນັບມື້ນັບດີຂຶ້ນເຮັດໃຫ້ບັນດາຄາດໝາຍ ທີ່ລະບຸໄວ້ໃນມະຕິກອງປະຊຸມໃຫຍ່ອົງຄະນະພັກເມືອງແຕ່ລະຄັ້ງ ມີຜົນສຳເລັດຕາມຈຸດປະສົງຄາດໝາຍ, ມີບາງດ້ານກໍລື່ນແຜນການ, ເຮັດໃຫ້ທົ່ວເມືອງມີສະຖຽນລະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ, ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການພັດທະນາດີຂຶ້ນ.
ກອງປະຊຸມຄັ້ງນີ້, ຄະນະບໍລິຫານພັກເມືອງຊຸດເກົ່າ ຈະໄດ້ຜ່ານບົດສຳຫຼວດການນຳພາລວມ ແລະ ກ່າວລາໜ້າທີ່ ເພື່ອໃຫ້ຜູ້ແທນສົມບູນໄດ້ໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະບໍລິຫານງານພັກເມືອງຊຸດໃໝ່ ພ້ອມນີ້ ກອງປະຊຸມຍັງຈະໄດ້ຮັບຟັງການໂອ້ລົມຈາກ ສະຫາຍ ສອນທະນູ ທໍາມະວົງ ເພື່ອເປັນທິດຊີ້ນໍາໃຫ້ຄະນະບໍລິຫານງານພັກເມືອງຊຸດທີ X, ເພື່ອໃຫ້ບັນດາຜູ້ແທນກອງປະຊຸມກຳ ແໜ້ນ, ເຊື່ອມຊຶມ ແລະ ນຳໄປຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງໃນຂອບເຂດຄວາມຮັບຜິດຊອບຂອງຕົນ. ກອງປະຊຸມຈະໄດ້ດໍາເນີນໄປເປັນເວລາ 2 ວັນຈິງສໍາເລັດ
(ຂ່າວ-ພາບ: ຄຳຟອງ)
ຄໍາເຫັນ