ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ, ມີສະຫາຍ ບົວສອນ ມະຫາວົງ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ; ສະຫາຍ ລິນທອງ ບຸນທະມາລີ ວ່າການເລຂາພັກເມືອງວ່າການເຈົ້າເມືອງສອງຄອນ, ແຂກຖືກເຊີນ ແລະ ຜູ້ແທນສົມບູນເຂົ້າຮ່ວມ.
ສະຫາຍ ຄຳສິງ ກຸເພັດວົງໄຊ ຮອງເລຂາພັກເມືອງ ໄດ້ຜ່ານຮ່າງບົດລາຍງານການເມືອງທັງສອງພາກຕໍ່ກອງປະຊຸມ. ຈາກນັ້ນ, ກໍໄດ້ຜ່ານແຜນພັດທະນາເສດຖະກິດ-ສັງຄົມສະເໜີໂດຍ ສະຫາຍ ຄຳຜັ້ນ ອິນທະວົງ ກຳມະການປະຈຳພັກເມືອງ ຮອງເຈົ້າເມືອງ ຊຶ່ງໄດ້ຍົກໃຫ້ເຫັນຜົນງານໃນໄລຍະ 5 ປີຜ່ານມາ (2020-2024), ວຽກງານປ້ອງກັນຊາດ-ປ້ອງກັນຄວາມສະຫງົບຄະນະເມືອງໄດ້ເອົາໃຈໃສ່ຜັນຂະຫຍາຍແນວທາງປ້ອງກັນຊາດ-ປ້ອງກັນຄວາມສະຫງົບເຮັດໃຫ້ວຽກງານດັ່ງກ່າວກາຍເປັນສະຕິ ແລະ ຄວາມຮັບຜິດຊອບຂອງທົ່ວປວງຊົນຮອບດ້ານຢ່າງແທ້ຈິງ; ການພັດທະນາເສດຖະກິດ ໄດ້ສຸມໃສ່ຊຸກຍູ້ສົ່ງເສີມການຜະລິດເປັນສິນຄ້າໂດຍຖືເອົາການພັດທະນາທາງດ້ານກະສິກໍາສະອາດສົ່ງອອກຕິດພັນກັບອຸດສາຫະກໍາປຸງແຕ່ງ ແລະ ການບໍລິການດ້ານຕ່າງໆເຮັດໃຫ້ເສດຖະກິດມະຫາພາກຂະຫຍາຍຕົວຢ່າງຕໍ່ເນື່ອງໃນລະດັບ 6,05%, ລວມຍອດຜະລິດຕະພັນພາຍໃນບັນລຸ 2 ພັນກວ່າຕື້ກີບ, ລາຍໄດ້ສະເລ່ຍຕໍ່ຫົວຄົນ 20 ລ້ານກວ່າກີບເທົ່າກັບ 2,492 ໂດລາສະຫະລັດ.
ການພັດທະນາກະສິກໍາຕາມທິດສະອາດຍືນຍົງດ້ວຍການຫັນໄປສູ່ຂະບວນການຜະລິດທີີ່ກ້າວໜ້ານໍາໃຊ້ວິທະຍາສາດ, ວິທະຍາການ-ເຕັກນິກໃໝ່ ແລະ ກົນຈັກທັນສະໄໝ, ປັບປຸງຂະຫຍາຍຈາກເນື້ອທີີ່ນາໄຮ່ນ້ອຍເປັນນາໄຮ່ໃຫຍ່ໃນເຂດທີີ່ມີເງືີ່ອນໄຂ; ດ້ານການສຶກສາ ແລະ ກິລາໄດ້ຈັດຕັັ້ງປະຕິບັດແຜນພັດທະນາການສຶກສາແບບຍືນຍົງບັນລຸໄດ້ 50%, ສູ້ຊົນໃຫ້ປະຊາຊົນບັນດາເຜົ່າໄດ້ຮັບການບໍາລຸງຈົບຊັັ້ນ ມໍ ປາຍໃຫ້ໄດ້ 70 ຄົນ ເທົ່າກັບ 50% ຂອງແຜນການ; ດ້ານສາທາລະນະສຸກໄດ້ເອົາໃຈໃສ່ປະຕິບັດວຽກງານອະນາໄມກັນພະຍາດ, ສົ່ງເສີມສຸຂະພາບເປັນຕົ້ນຕໍ, ປັບປຸງ ແລະຂະຫຍາຍຕາໜ່າງດ້ານສາທາລະນະສຸກໄປສູ່ຊົນນະບົດ, ພົ້ນເດັ່ນແມ່ນຈັດຕັັ້ງປະຕິບັດ 11 ຕົວຊີ້ວັດໄດ້ 100%, ສ້າງບ້ານແບບຢ່າງສາທາລະນະສຸກໄດ້ 100%.
ໃນວາລະປະຊຸມ, ຍັງໄດ້ມີການປະກອບຄຳເຫັນໃສ່ຮ່າງລາຍງານການເມືອງ, ແຜນພັດທະນາເສດຖະກິດ-ສັງຄົມຂອງເມືອງ, ຂົງເຂດ ປກຊ-ປກສ ແລະ ຄອບຄົວຕົວແບບປະກອບຄຳເຫັນ.ໃນກອງປະຊຸມບັນດາຜູ້ແທນສົມບູນຈະໄດ້ປ່ອນບັດຄັດເລືອກເອົາຄະນະບໍລິຫານງານພັກເມືອງສອງຄອນຊຸດ ໃໝ່ ແລະວຽກງານອື່ນໆ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ