 |
ການເບີກຈ່າຍເງິນນະໂຍບາຍຄັ້ງນີ້ ໄດ້ດຳເນີນຕາມການອະນຸມັດເງິນນະໂຍບາຍອຸດໜູນເທື່ອດຽວ ໃຫ້ແກ່ຜູ້ຍັງມີຊີວິດ ໃນງວດທີ II ປະຈຳປີ 2026 ມີຈຳນວນ 177 ທ່ານ, ໃນນັ້ນ ເປັນເພດຍິງ 16 ທ່ານ, ລວມມູນຄ່າເງິນທັງໝົດ 3 ຕື້ 570 ລ້ານກວ່າກີບ, ຊຶ່ງຄະນະຮັບຜິດຊອບຂອງພະແນກແຮງງານ ແລະ ສະຫວັດດີການສັງຄົມແຂວງ ໄດ້ປະສານກັບຂະແໜງນະໂຍບາຍຕໍ່ຜູ້ມີຜົນງານ, ພິການ ແລະ ຜູ້ອາຍຸສູງ, ຂະແໜງບໍລິຫານ ລວມທັງຄະນະກຳມະການກວດກາທີ່ໄດ້ຮັບການແຕ່ງຕັ້ງ ເພື່ອຈັດພິທີເບີກຈ່າຍໃຫ້ຖືກຕ້ອງ, ຮັດກຸມ ແລະສອດຄ່ອງຕາມລະບຽບການ. ໂອກາດນີ້ ຮອງປະທານຄະນະກຳມະການປົກຄອງແຂວງ ໄດ້ເນັ້ນເຖິງຄວາມສຳຄັນ ຂອງການດຳເນີນນະໂຍບາຍຕໍ່ບັນດາຜູ້ທີ່ມີຜົນງານ ແລະກຸ່ມເປົ້າໝາຍຕາມທີ່ລັດກຳນົດ, ຖືເປັນພາລະກິດອັນໜຶ່ງໃນການສະໜອງນະໂຍບາຍ ແກ່ຜູ້ມີຜົນງານໃນພາລະກິດການປະຕິວັດຊາດ-ປະຊາທິປະໄຕ, ຕາມເອກະສານ ແລະນິຕິກຳທີ່ກ່ຽວຂ້ອງ, ເພື່ອເຮັດໃຫ້ການປະຕິບັດນະໂຍບາຍ ສາມາດເຖິງມືຜູ້ມີສິດໄດ້ຢ່າງຖືກຕ້ອງ, ໂປ່ງໃສ ແລະທັນເວລາ ຕາມລະບຽບການທີ່ລັດກຳນົດ.ຂ່າວ-ພາບ: ສຸພີນດາ ດ້ວງເງີນ
ຄໍາເຫັນ