 |
ໃນກອງປະຊຸມທ່ານ ທູນນະເລີດ ມາດມະນີ ຫົວໜ້າຂະແໜງຈັດຕັ້ງ,ແຜນການ-ການເງິນ, ພະແນກ ໂຍທາທິການ-ຂົນສົ່ງແຂວງ ໄດ້ລາຍງານວ່າ: ໃນຜ່ານມາແມ່ນໄດ້ສຸມໃສ່ປັບປຸງ ແລະ ກໍ່ສ້າງເສັ້ນທາງເພື່ອເຊື່ອມໂຍງຈາກເທດສະບານແຂວງຫາເມືອງ,ເມືອງຫາບ້ານ ແລະ ບ້ານຫາບ້ານ ໃຫ້ສາມາດສັນຈອນໄດ້ 2 ລະດູ,ປັດຈຸບັນບັນລຸໄດ້ 885 ບ້ານ ຫຼືເທົ່າກັບ 85% ຂອງ 1,033 ບ້ານ ແລະ ຍັງເຫຼືອ 148 ບ້ານ,ໃນ 8 ເມືອງ,ນອກນີ້ ຍັງໄດ້ຈັດຕັ້ງປະຕິບັດໂຄງການຟື້ນຟູ ແລະ ສ້ອມແປງທາງທີ່ມອບໃຫ້ ຫ້ອງການ ຍທຂ ເມືອງ ຈໍານວນ 26 ໂຄງການ,ໂຄງການງົບປະມານປົກະຕິ 9 ໂຄງການ,ໂຄງການສືບຕໍ່ງົບປະມານປົກະຕິ 15 ໂຄງການ,ໂຄງການບູລະນະຮັກສາທາງຫຼວງທ້ອງຖິ່ນດ້ວຍກອງທືນທາງ 5 ໂຄງການ,ໂຄງການພັດທະນາວົງຈອນທ່ອງທ່ຽວ 4 ໂຄງ,ໂຄງການພາຍໃຕ້ແຜນຜັນຂະຫຍາຍວາລະແຫ່ງຊາດ 8 ໂຄງການ,ໂຄງການປັບປຸງເສັ້ນທາງຈາກທາງເລກທີ 9 ຫາເມືອງວິລະບູລີ 1 ໂຄງການ ແລະ ໂຄງການປັບປຸງເສັ້ນທາງພາຍໃຕ້ການສະໜັບສະໜູນຂອງທະນາຄານໂລກ 6 ໂຄງການ,ໃນນີ້ສໍາເລັດໂຄງການຟື້ນຟູ ແລະ ສ້ອມແປງທາງ 12 ໂຄງການ,ໂຄງການພັດທະນາຕົວເມືອງນອງ 2 ໂຄງການ,ໂຄງການງົບປະມານປົກະຕິ 2 ໂຄງການ,ໂຄງການພັດທະນາວົງຈອນທ່ອງທ່ຽວ 3 ໂຄງການ ແລະ ໂຄງການພາຍໃຕ້ແຜນຜັນຂະຫຍາຍວາລະແຫ່ງຊາດ 4 ໂຄງການ,ພ້ອມທັງສໍາເລັດກໍ່ສ້າງ ແລະ ສ້ອມແປງເສັ້ນທາງ 255 ສາຍ,ຂົວ 18 ແຫ່ງ,ສ່ວນວ່າໂຄງການທີ່ຍັງບໍ່ທັນສໍາເລັດ ຫຼື ຢູ່ໃນໄລຍະດໍາເນີນການຈະສືບຕໍ່ປະຕິບັດໃນປີ 2026ຕາມແຜນການທີ່ກໍານົດ
ທ່ານ ທູນນະເລີດ ມາດມະນີ ລາຍງານອີກວ່າ: ວຽກຈຸດສຸມທີ່ຈະຕ້ອງໄດ້ເອົາໃຈໃສ່ໃນຕໍ່ໜ້າປະກອບມີ 4 ວຽກຈຸດສຸມ ທີ່ນອນຢູ່ໃນຄາດໝາຍທີ 7 ຄື: ເອົາໃຈໃສ່ກໍ່ສ້າງ ແລະ ສ້ອມແປງທາງຫຼວງທ້ອງຖິ່ນ ເພື່ອພັດທະນາ ແລະ ປັບປຸງເສັ້ນທາງເຂົ້າຫາເຂດຫ່າງໄກສອກຫຼີກ ໂດຍການກໍ່ສ້າງເສັ້ນທາງ ແລະ ຂົວ ໃຫ້ສາມາດທຽວໄດ້ 2 ລະດູ ທັງໝົດ 23 ໂຄງການ,ໃນນັ້ນໂຄງການສະເໜີໃໝ່ຈໍານວນ 19 ໂຄງການ,ຂະຫຍາຍລະບົບນໍ້າປະປາໃນເທດສະບານເມືອງ ແລະ ຈຸດສຸມຕ່າງໆ,,ພັດທະນາແຜນຜັງຕົວເມືອງ,ຈຸດສຸມ ແລະ ຄຸ້ມຄອງການປຸກສ້າງ ແລະ ວຽກຈຸດສຸມສຸດທ້າຍ ກໍ່ແມ່ນ ສຶກສາສໍາຫຼວດອອກແບບ ປ້ອງກັນຕາຝັ່ງເຈື່ອນຕາມແມ່ນໍ້າຂອງ ແລະ ແມ່ນໍ້າສາຂາພາຍໃນແຂວງ ແລະ ວຽກງານດ້ານອື່ນໆ ກໍ່ໄດ້ຮັບການຈັດຕັ້ງປະຕິບັດ ຕາມແຜນການທີ່ວາງໄວ້ສໍາເລັດເຊັ່ນດຽວກັນ.(ຂ່າວ:ສະຫວັນນະເຂດ)
ຄໍາເຫັນ