ທ່ານ ນາງ ເພັດມະນີ ຈະເລີນຜົນ ເປີດເຜີຍຕື່ມ ວ່າ: ແຮງບັນດານໃຈເລີ່ມຕົ້ນມາຈາກຄອບຄົວທີ່ເຮັດທຸລະກິດຢູ່ຫຼວງພະບາງ; ກົງກັນຂ້າມ ແຕ່ຈຸດປ່ຽນຊີວິດທີ່ທ້າທາຍ ແມ່ນໄລຍະໄປຮຽນຕໍ່ຢູ່ປະເທດຈີນ ໄດ້ພົບກັບວິກິດໂຄວິດ-19 ຈຶ່ງເປັນສາເຫດເຮັດໃຫ້ຕ້ອງພັກການຮຽນແລ້ວກັບຄືນມາປະເທດລາວຂອງຕົນ ແຕ່ວ່າ ແທນທີ່ຈະຍອມແພ້, ນາງ ເພັດມະນີ ຈະເລີນຜົນ ໄດ້ຕັດສິນໃຈເຂົ້າມາ ນະຄອນຫຼວງວຽງຈັນ ເພື່ອຊອກວຽກເຮັດ ແລະ ສະສົມປະສົບການ, ໂດຍເລີ່ມຈາກການເປັນພະນັກງານ, ການອົບຮົມເປັນໄກ້ນໍາທ່ຽວ, ຈົນໄດ້ກ້າວເຂົ້າມາສູ່ວົງການ "ເຊວຂາຍດິນ".
"ເພັດມະນີ ເຕີບໂຕມາຈາກຄວາມຜິດພາດ. ເຄີຍເຫັນຄອບຄົວບໍ່ໄດ້ປະສົບຜົນສໍາເລັດ ໃນດ້ານການວາງແຜນການເງິນທີ່ດີ ມັນເລີຍເປັນບົດຮຽນໃຫ້ຕົນຕ້ອງວາງແຜນໃຫ້ຮອບຄອບ. ເມື່ອໄດ້ມາລອງເປັນເຊວຂາຍດິນ 2-3 ເດືອນ ແລ້ວຈຶ່ງຮູ້ໄດ້ວ່າເຮົາເຮັດໄດ້, ມັນເລີຍເກີດຄວາມຫວັງ ແລະ ຄວາມເຊື່ອໝັ້ນວ່າ ເຮົາຕ້ອງມີໂຄງການເປັນຂອງຕົນເອງໃຫ້ໄດ້"
ປັດຈຸບັນ, ບໍລິສັດ ວັນໃໝ່ ພັດທະນາ ອະສັງຫາລິມະຊັບ ໄດ້ດຳເນີນໂຄງການຈັດສັນດິນ ແລະ ເຮັດທຸລະກິດອະສັງຫາມາແລ້ວເກືອບ 3 ປີ (ມີປະສົບການໃນວົງການລວມ 5 ປີ). ເຖິງວ່າ ປະສົບການເຮັດວຽກບໍ່ຫຼາຍ ແຕ່ມີຄວາມສາມາດດໍາເນີນທຸລະກິດໄປໄດ້ດ້ວຍດີ ພ້ອມທັງເປັນທີ່ຍອມຮັບແລະ ຄວາມໄວ້ເນື້ອເຊື່ອໃຈຂອງສັງຄົມ ກໍຄື ລູກຄ້າສະເໝີມາ ສະແດງໃຫ້ເຫັນໃນໂຄງການທີ່ໂດດເດັ່ນຢູ່ນະຄອນຫຼວງວຽງຈັນໂຄງການທີ 1: (ບ້ານດຸງ ເສັ້ນທາງ 450 ປີ), ໂຄງການທີ 2: (ບ້ານນາມົນ ຫຼັກ 19) ປັດຈຸບັນຂາຍໄດ້ແລ້ວ 50% ແລະ ໂຄງການທີ 3: ຢູ່ ຫຼວງພະບາງ (ບ້ານພິກນ້ອຍ) ປັດຈຸບັນມີການຈັບຈອງແລ້ວ 15-20%.
ຈຸດເດັ່ນທີ່ເຮັດໃຫ້ບໍລິສັດໄດ້ຮັບຄວາມໄວ້ວາງໃຈຈາກລູກຄ້າ: ຍ້ອນທີ່ຕັ້ງຂອງດິນດີ, ທຸກໂຄງການເນັ້ນການເຂົ້າ-ອອກທີ່ສະດວກ ບໍ່ເລິກຈາກທາງໃຫຍ່, ໂຄງຮ່າງພື້ນຖານມາດຕະຖານດີ ຊຶ່ງປະກອບດ້ວຍ ມີລະບົບນ້ຳ, ໄຟຟ້າ ແລະ ເຮັດທາງຄອນກີດທີ່ມາດຕະຖານໃຫ້ທຸກໂຄງການ.
ການຂາຍ ມີຫຼາຍຂະໜາດດິນເລີ່ມຕົ້ນ 10x20 ແມັດ ແຕ່ສາມາດປັບຕາມຄວາມຕ້ອງການ ແລະ ງົບປະມານຂອງລູກຄ້າໄດ້.ນອກຈາກໂຄງການຈັດສັນດິນແລ້ວ, ໃນອະນາຄົດ ບໍລິສັດ ມີແຜນຈະຂະຫຍາຍທຸລະກິດສູ່ການເຮັດ ອາພາດເມັ້ນ/ຫ້ອງເຊົ່າ ຢູ່ ນະຄອນຫຼວງວຽງຈັນ ແລະ ໃນປີໜ້າມີແຜນຈະສ້າງ ໂຮງແຮມ ຂະໜາດ 20 ຫ້ອງ ຢູ່ໃຈກາງນະຄອນຫຼວງຫຼວງພະບາງ ພ້ອມທັງເປີດບໍລິການຮັບບໍລິຫານສິນຊັບໃຫ້ກັບຜູ້ທີ່ມີດິນແຕ່ບໍ່ມີເວລາມາຈັດສັນເອງອີກດ້ວຍ.
ໂອກາດດັ່ງກ່າວ ທ່ານ ນາງເພັດມະນີ ຍັງໄດ້ສະແດງຄວາມຂອບໃຈຄອບຄົວ, ທີມງານ/ຄູ່ຮ່ວມງານ, ລູກຄ້າ ແລະ ພາກລັດ/ອົງກອນທີ່ກ່ຽວຂ້ອງທີ່ເປັນແຮງຊຸກຍູ້ ເຮັດໃຫ້ປະສົບຜົນສໍາເລັດຈົນມາເຖິງທຸກວັນນີ້ຈາກຄວາມເມື່ອຍມາພ້ອມກັບຄວາມສໍາເລັດ ຂໍແຕ່ມີຄວາມຕັ້ງໃຈ, ເຊື່ອໝັ້ນໃນສິ່ງທີ່ເຮັດແລະ ບໍ່ຜິດຕໍ່ກົດໝາຍ ກໍສາມາດປະສົບຄວາມສໍາເລັດໄດ້.ທ່ານ ນາງ ເພັດມະນີ ຍັງໄດ້ກ່າວໃຫ້ກໍາລັງໃຈທຸກໆທ່ານ ມາວ່າ: ສຳລັບຜູ້ທີ່ສູນເສຍຄວາມຫວັງ ຫຼື ກຳລັງຈະເລີ່ມຕົ້ນເຮັດທຸລະກິດ, ຖ້າເຮົາມີຄວາມຕັ້ງໃຈ, ເຊື່ອໝັ້ນໃນສິ່ງທີ່ເຮັດ ເຮົາກໍຈະຜ່ານຜ່າສິ່ງຫຍຸ້ງຍາກ ແລະ ສາມາດປະສົບຄວາມສໍາເລັດໄດ້.
ແຜນການໃນຕໍ່ໜ້າ ຈະຂະຫຍາຍທຸລະກິດຫ້ອງເຊົ່າ/ອະພາດເມັ້ນ ຢູ່ ນະຄອນຫຼວງວຽງຈັນ, ປີໜ້າ 2027 ມີແຜນສ້າງ "ໂຮງແຮມ" ຂະໜາດ 20 ຫ້ອງ ຢູ່ໃຈກາງນະຄອນຫຼວງຫຼວງພະບາງຄຽງຄູ່ກັນນັ້ນ ກໍຮັບບໍລິຫານສິນຊັບ/ຈັດສັນດິນ ໃຫ້ຜູ້ທີ່ມີດິນແຕ່ບໍ່ມີເວລາມາບໍລິຫານ.
ຂໍ້ມູນຕິດຕໍ່ ບໍລິສັດ ວັນໃໝ່ ພັດທະນາ ອະສັງຫາລິມະຊັບ:Facebook :ວັນໃໝ່ ພັດທະນາ ອະສັງຫາລິມະຊັບ, WhatsApp / Tel: 020 5549 4593, ສຳນັກງານ: ບ້ານຄຳຮຸ່ງ ເມືອງໄຊທານີ (ນະຄອນຫຼວງວຽງຈັນ)/ບ້ານວຽງໃໝ່ (ນະຄອນຫຼວງຫຼວງພະບາງ).
ຄໍາເຫັນ