ເຄື່ອງຊ່ວຍເຫຼືອທີ່ນຳມາມອບໃນຄັ້ງນີ້ ປະກອບມີເຄື່ອງອຸປະໂພກ-ບໍລິໂພກ ແລະ ເຂົ້າຂອງເຄື່ອງໃຊ້ທີ່ຈຳເປັນ ເພື່ອຊ່ວຍບັນເທົາຄວາມເດືອດຮ້ອນໃນສະພາບເກີດໄພພິບັດທາງທຳມະຊາດ (ນໍ້າຖ້ວມ), ນອກນັ້ນຍັງມີເຮືອພ້ອມດ້ວຍຈັກຫາງຍາວຈໍານວນ 5 ລໍາ ແລະ ເງິນສົດ 50 ລ້ານກີບ, ລວມມູນຄ່າທັງໝົດ 100 ລ້ານກີບ .
ບໍລິສັດ ພີພີເອັສທີ ກໍ່ສ້າງຂົວ-ທາງ ຈຳກັດ ຜູ້ດຽວ ແມ່ນໜຶ່ງໃນບັນດາຫົວໜ່ວຍທຸລະກິດທີ່ເຄື່ອນໄຫວດຳເນີນກິດຈະການລົງທຶນຢູ່ພື້ນທີ່ແຂວງຄຳມ່ວນ. ຕະຫຼອດໄລຍະເວລາທີ່ຜ່ານມາ, ທາງບໍລິສັດໄດ້ເອົາໃຈໃສ່ ແລະ ມີສ່ວນຮ່ວມໃນການປະກອບສ່ວນຊ່ວຍເຫຼືອສັງຄົມ ກໍ່ຄືການພັດທະນາແຂວງຄຳມ່ວນຢ່າງຕໍ່ເນື່ອງ, ຊຶ່ງສະແດງໃຫ້ເຫັນເຖິງຄວາມຮັກແພງ, ຄວາມຮັບຜິດຊອບຕໍ່ສັງຄົມ ແລະ ນ້ຳໃຈແບ່ງປັນໃນຍາມທີ່ປະຊາຊົນພົບພໍ້ກັບຄວາມຫຍຸ້ງຍາກ. ໂອກາດດັ່ງກ່າວ, ທ່ານ ເຫຼັງຄຳ ໄຊຄໍາຜັນ ກໍ່ໄດ້ຕາງໜ້າໃຫ້ແກ່ການນຳແຂວງ, ການນຳເມືອງ ແລະ ປະຊາຊົນຜູ້ປະສົບໄພ ກ່າວຄວາມຂອບໃຈຢ່າງຈິງໃຈ ຕໍ່ກັບຄະນະບໍລິຫານຂອງບໍລິສັດ ພີພີເອັສທີ ກໍ່ສ້າງຂົວ-ທາງ ຈຳກັດ ຜູ້ດຽວ ທີ່ໄດ້ໃຫ້ຄວາມຊ່ວຍເຫຼືອໃນຄັ້ງນີ້.(ຂ່າວ:ແດງສະຫັວນ)
ຄໍາເຫັນ