 |
ສະຫາຍ ບຸນເພັງ ພຸດກັນຍາ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ໄດ້ຜ່ານບົດລາຍງານຫຍໍ້ ການຈັດຕັ້ງເຄື່ອນໄຫວປະຕິບັດໜ້າທີ່ວຽກງານຂຸດຄົ້ນ ຂອງຄະນະຮັບຜິດຊອບໜ່ວຍປະຕິບັດງານພິເສດຂັ້ນແຂວງ ໃນໄລຍະປີ 2013-2020 ໃຫ້ຮູ້ວ່າ: ຜ່ານການຈັດຕັ້ງປະຕິບັດໃນໄລຍະຜ່ານມາ ສາມາດຊອກຫາ, ຂຸດຄົ້ນອັດຖິ ແລະ ສົ່ງມອບອັດຖິກັບຄືນປະເທດຫວຽດນາມທັງໝົດ 67 ອັດຖິ, ນັບແຕ່ປີ 2021-2025 ໄດ້ຮ່ວມກັບກອງປະຕິບັດງານພິເສດ ທະຫານເຂດ 2 ສສ ຫວຽດນາມ ປະຈຳຢູ່ແຂວງອຸດົມໄຊ ຊອກຫາ ແລະ ຂຸດຄົ້ນໄດ້ 3 ອັດຖິຢູ່ເຂດບ້ານກຸງເກືອຍ ເມືອງຂວາ ແລະ ໄດ້ເຂົ້າຮ່ວມພິທີມອບ-ຮັບ ແລະ ນໍາສົ່ງອັດຖິກັບຄືນສູ່ປະເທດຮ່ວມກັບ 6 ແຂວງພາກເໜືອລາວ ທີ່ກອງປະຕິບັດງານພິເສດ ທະຫານເຂດ 2 ສສ ຫວຽດນາມ ປະຈຳແຂວງອຸດົມໄຊ ຕາມແຜນການປະຈຳປີ 2026 ສຳເລັດຕາມແຜນການ.
 |
ຈາກນັ້ນ, ສະຫາຍ ພັນໂທ ບຸນເພັງ ແສງສຸລິ ຮັກສາການ ຫົວໜ້າຫ້ອງການເມືອງ ກອງບັນຊາການທະຫານແຂວງ ໄດ້ຜ່ານຂໍ້ຕົກລົງວ່າດ້ວຍການມອບວັດຖຸຍ້ອງຍໍ ຂອງ ສສ ຫວຽດນາມ ໃນນີ້, ປະດັບຫຼຽນໄຊມິດຕະພາບໃຫ້ກົມກອງລວມໝູ່ 1 ກົມກອງ ແລະ ບຸກຄົນ 9 ສະຫາຍ, ປະດັບຫຼຽນກາມິດຕະພາບໃຫ້ບຸກຄົນ 6 ສະຫາຍ, ມອບໃບຍ້ອງຍໍລັດຖະບານ ສສ ຫວຽດນາມ ໃຫ້ກົມກອງລວມໝູ່ 1 ກົມກອງ ແລະ ມອບໃບຍ້ອງ ຍໍກະຊວງປ້ອງກັນປະເທດ ສສ ຫວຽດນາມໃຫ້ບຸກຄົນ 3 ສະຫາຍ.
 |
ໂດຍ: ທອງໄຊ ແສງອຸດົມ
ຄໍາເຫັນ