ທີ່ຫ້ອງປະຊຸມຂອງຫ້ອງວ່າການແຂວງ ໂດຍການເຂົ້າຮ່ວມຂອງ ທ່ານ ໄຊນະຄອນ ອິນທະວົງ ຮອງເລຂາພັກແຂວງ ຮອງເຈົ້າແຂວງຜົ້ງສາລີ, ມີແຂກຖືກເຊີນ ແລະ ພາກສ່ວນກ່ຽວຂ້ອງພາຍໃນແຂວງເຂົ້າຮ່ວມ.
ໃນພິທີ ທ່ານ ນາງ ສົມສຸກ ໄຊພະຈັນ ກຳມະການພັກແຂວງ ປະທານສະຫະພັນແມ່ຍິງແຂວງ ໄດ້ຂຶ້ນຜ່ານ ບົດສະຫຼູບການຊີ້ນຳໆພາວຽກງານຮອບດ້ານຂອງສະຫະພັນແມ່ຍິງແຂວງຜົ້ງສາລີ ໃນໄລຍະທີ່ຜ່ານມາ. ຈາກນັ້ນ, ທ່ານ ທອງແກ້ວ ຈັນທະວົງ ຮອງຫົວໜ້າພະແນກພາຍໃນແຂວງ ຄະນະຮັບຜິດຊອບບຸກຄະລາກອນຂັ້ນແຂວງ ໄດ້ຜ່ານມະຕິຕົກລົງຂອງຄະນະປະຈຳພັກແຂວງ ສະບັບເລກທີ 663/ຄພຂ ລົງວັນທີ 22 ຕຸລາ 2024 ວ່າດ້ວຍການຍົກຍ້າຍ ແລະ ແຕ່ງຕັ້ງພະນັກງານຮັບໜ້າທີ່ໃໝ່ ໃນນີ້ໄດ້ຍົກຍ້າຍ ແລະ ແຕ່ງຕັ້ງສະຫາຍ ນາງ ຄຳມະລາ ສຸວົງ ກຳມະການໜ່ວຍພັກ ຮອງຫົວໜ້າພະແນກແຜນການ ແລະ ການລົງທຶນແຂວງ ເປັນເລຂາໜ່ວຍພັກສະຫະພັນແມ່ຍິງແຂວງ ແລະ ຜ່ານຂໍ້ຕົກລົງຂອງທ່ານ ເຈົ້າແຂວງ ສະບັບເລກທີ 912/ຂຜລ ລົງວັນທີ 22 ຕຸລາ 2024 ວ່າດ້ວຍການແຕ່ງຕັ້ງໃຫ້ພະນັກງານດຳລົງຕໍ່າແໜ່ງບໍລິຫານ. ໃນນີ້ ໄດ້ຕົກລົງ ຍົກຍ້າຍ ແລະ ແຕ່ງຕັ້ງ ທ່ານ ນາງ ຄໍາມະລາ ສຸວົງ ໄປຮັບໜ້າທີ່ໃໝ່ເປັນປະທານສະຫະພັນແມ່ຍິງແຂວງ. ພ້ອມກັນນີ້ ກໍໄດ້ຜ່ານຂໍ້ຕົກລົງຂອງທ່ານ ເຈົ້າແຂວງ ສະບັບເລກທີ 913/ຂຜລ ລົງວັນທີ 22 ຕຸລາ 2024 ວ່າດ້ວຍການແຕ່ງຕັ້ງໃຫ້ພະນັກງານດຳລົງຕໍ່າແໜ່ງບໍລິຫານ. ໃນນີ້ ໄດ້ຕົກລົງຍົກຍ້າຍ ແລະ ແຕ່ງຕັ້ງ ທ່ານ ນາງ ພອນແກ້ວ ຄຸນສົມເຮືອງ ຮອງປະທານສະຫະພັນ ແມ່ຍິງແຂວງ ໄປຮັບໜ້າທີ່ໃໝ່ ເປັນປະທານສະຫະພັນກຳມະບານແຂວງ. ຈາກນັ້ນກໍ່ໄດ້ເຊັນບົດບັນທຶກມອບ-ຮັບວຽກຮ່ວມກັນ ລະຫ່ວາງ ຜູ້ເກົ່າ ແລະ ຜູ້ໃໝ່ ໂດຍຊ່ອງໜ້າຈາກທ່ານ ທ່ານ ໄຊນະຄອນ ອິນທະວົງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຄີພິຍານ.
(ພາບ-ຂ່າວ: ແສງຄຳ ສາລີວັນ)
ຄໍາເຫັນ