(ໂດຍ: ແສງຈັນ)
ທ່ານ ຄໍາເຈນ ວົງໂພສີ ລັດຖະມົນຕີ ກະຊວງ ແຜນການ ແລະ ການລົງທຶນ ລາຍງານຕໍ່ກອງປະຊຸມ ສະຫຼຸບວຽກງານແຜນການ-ການລົງທຶນທົ່ວປະເທດປະຈໍາປີ 2023 ທີ່ຈັດຂຶ້ນຫວ່າງບໍ່ດົນມານີ້ ວ່າ: ກອງປະຊຸມໄດ້ມີຄວາມເປັນເອກະພາບ ແລະ ຕົກລົງບາງວຽກງານສໍາຄັນ ເພື່ອຮັບປະກັນໃຫ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2024 ມີຜົນສໍາເລັດຕາມລະດັບຄາດໝາຍ ຄື:ວຽກງານສະຖິຕິ: ເຫັນດີໃຫ້ຂະແໜງການ ແລະ ທ້ອງຖິ່ນເປັນເຈົ້າການ ເກັບກໍາຂໍ້ມູນສະຖິຕິ ຄົບຖ້ວນ ແລະ ທັນເວລາ ແລະ ລາຍງານເຖິງສູນສະຖິຕິແຫ່ງຊາດ ເພື່ອຜະລິດບັນດາຕົວຊີ້ບອກໃນການສະຫຼຸບ ແລະ ສ້າງແຜນເສດຖະກິດ-ສັງຄົມ ລວມທັງສະເໜີຄະນະນໍາທ້ອງຖິ່ນຈັດແບ່ງງົບປະມານເຂົ້າໃນວຽກງານສະຖິຕິ ໂດຍສະເພາະແມ່ນຂັ້ນເມືອງ ຊຶ່ງປັດຈຸບັນແມ່ນງົບເຄື່ອນໄຫວບໍ່ພຽງພໍ;ທາງສູນສະຖິຕິແຫ່ງຊາດ ຈະໄດ້ສືບຕໍ່ລົງສົມທົບກັບບັນດາແຂວງ ເພື່ອປັບປຸງສ້າງຖານໃໝ່ ໃນການຄາດຄະເນ GDP ຊຶ່ງຜ່ານມາແມ່ນໄດ້ສົມທົບກັບ 2 ແຂວງແລ້ວ; ວຽກງານສົ່ງເສີມການລົງທຶນ: ເຫັນດີເປັນເອກະພາບໃນການປັບປຸງ ຂໍ້ຕົກລົງໃນການມອບສິດໃຫ້ທ້ອງຖິ່ນໃນການພິຈາລະນາອະນຸຍາດການ ສຶກສາສໍາຫຼວດເນື້ອທີ່ດິນ (ເຊັ່ນ MOU) ເພື່ອສຶກສາ ຄວາມເປັນໄປໄດ້ໂຄງການກະສິກໍາ-ປ່າໄມ້ ແລະ ບໍລິການ ໃຫ້ມີຄວາມລະອຽດ ແລະ ຈະແຈ້ງຂຶ້ນຊຶ່ງບາງທ້ອງຖິ່ນ ໄດ້ສະເໜີໃຫ້ເພີ່ມເນື້ອທີ່ໆອະນຸຍາດໃຫ້ແຂວງເຊັ່ນ MOU ໃຫ້ຫຼາຍຂຶ້ນ;ເຫັນດີເປັນເອກະພາບໃນການອອກນິຕິກໍາເພື່ອຢັ້ງຢືນ ຄືນຕື່ມກ່ຽວກັບສິດຂອງທ້ອງຖິ່ນ ໃນການຊຸກຍູ້, ຕິດຕາມ ໂຄງການທີ່ສູນກາງອະນຸມັດເພື່ອສ້າງຄວາມເຂັ້ມແຂງ ແລະ ຍົກລະດັບຄຸນນະພາບຂອງການຊຸກຍູ້ຕິດຕາມໂຄງການ, ແຕ່ສະເໜີໃຫ້ ເພີ່ມງົບປະມານໃຫ້ທ້ອງຖິ່ນຕື່ມຈາກຮ່ວງຕິດຕາມການຈັດຕັ້ງປະຕິບັດສັນຍາ (ຮ່ວງຂອງສູນກາງທີ່ເຈລະຈານໍາແຕ່ລະໂຄງການ) ໂດຍແບ່ງ 50:50 ລະຫວ່າງສູນກາງ ແລະ ທ້ອງຖິ່ນ; ຂອດການປະສານງານ-ບາງໂຄງການ ໃນການແກ້ໄຂບັນຫາ ຂໍ້ຂັດແຍ່ງຕິດພັນກັບ ທີ່ມີການອະນຸມັດເນື້ອທີ່ ທັບຊ້ອນ ລະຫວ່າງສູນກາງ ແລະ ທ້ອງຖິ່ນ ໃຫ້ສໍາເລັດໂດຍໄວ ເພື່ອຮັກສາບັນຍາກາດໃນການລົງທຶນ ແລະ ເຮັດໃຫ້ທ້ອງຖິ່ນໄດ້ຮັບການພັດທະນາ; ທ້ອງຖິ່ນສະເໜີໃຫ້ຂະແໜງການກ່ຽວຂ້ອງຂັ້ນສູນກາງ ເລັ່ງຊຸກຍູ້ໂຄງການຂະໜາດໃຫຍ່ຈໍານວນໜຶ່ງເພື່ອໃຫ້ມີຄວາມຄືບໜ້າໄວ;ວຽກງານແຜນການ ແລະ ການລົງທຶນລັດ: ເປັນເອກະພາບຕໍ່ກັບການຕີລາຄາຜົນສໍາເລັດ, ຂໍ້ຄົງຄ້າງ, ສາເຫດ ແລະ ບົດຮຽນທີ່ຖອດຖອນໄດ້ ຕໍ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2023 ແລະ ເຫັນດີຈະໄດ້ພ້ອມກັນສຸມໃສ່ຈັດຕັ້ງ ປະຕິບັດ ບັນດາຄາດໝາຍຂອງແຜນພັດທະນາເສດຖະກິດ-ສັງຄົມ ທີ່ວາງໄວ້2024 ລວມທັງ ບັນດາຄາດໝາຍ ໃນການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ; ເຫັນດີເອກະພາບ-ຮັບຮອງ ຮ່າງດໍາລັດ ຂອງນາຍົກລັດຖະມົນຕີ ວ່າດວ້ຍການດໍານົດໜ້າວຽກ ແລະ ແບ່ງຄວາມຮັບຜິດຊອບໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ ປະຈໍາປີ 2024 ແລະ ແຜນການແກ້ໄຂຜົນຂອງການກວດສອບ;ການປະຕິບັດໂຄງການ ສືບຕໍ່ຕິດພັນກັບລາຄາວັດສະດຸກໍ່ສ້າງ ມີການເພີ່ມຂຶ້ນເຮັດໃຫ້ລາຄາຫົວໜ່ວຍເພີ່ມຂຶ້ນ ສົ່ງຜົນກະທົບຕໍ່ມູນຄ່າຂອງໂຄງການທີ່ຮັບຮອງໄປແລ້ວບໍ່ສອດຄ່ອງ ຊຶ່ງມີຫຼາຍທ້ອງຖິ່ນ ບໍ່ສາມາດປະຕິບັດໂຄງການດັ່ງກ່າວໄດ້, ບັນຫາດັ່ງກ່າວ ສະເໜີໃຫ້ຂະແໜງການເຕັກນິກ ເປັນຕົ້ນ ກະຊວງໂຍທາທິການ ແລະ ຂົນສົ່ງ,ກະຊວງກະສິກໍາ ແລະ ປ່າໄມ້ ແລະ ກະຊວງພະລັງງານ-ບໍ່ແຮ່ ຄົ້ນຄວ້າໂດຍໄວ ເພື່ອເປັນບ່ອນອີງໃນການຈັດຕັ້ງປະຕິບັດໂຄງການໃຫ້ສອດຄ່ອງກັບສະພາບເສດຖະກິດໃນປັດຈຸບັນ; ທຶນສົມທົບໂຄງການຊ່ວຍເຫຼືອ ມີຄວາມຈໍາກັດ ຍັງມີຫຼາຍໂຄງການ ທີ່ຍັງບໍ່ທັນມີທຶນສົມທົບ ເຮັດໃຫ້ບໍ່ສາມາດຈັດຕັ້ງປະຕິບັດກິດຈະກໍາຂອງໂຄງການ ທີ່ເປັນ ພູດທີ່ ລັດຖະບານຕ້ອງສົມທົບ, ບັນຫາດັ່ງກ່າວ ມອບໃຫ້ກົມຮ່ວມມືສາກົນ ແລະ ການແຜນການ ສົມທົບກັນຄົ້ນຄວ້າ ແລະ ວຽກງານອື່ນໆ;ວຽກງານປະເມີນຜົນ: ບັນດາ ໂຄງການທີ່ຈະນໍາໃຊ້ເງິນເກີນແຜນຂອງທ້ອງຖິ່ນ ເຫັນດີຈະໄດ້ໃຫ້ທ້ອງຖິ່ນເປັນເຈົ້າການ ພາກສ່ວນປະເມີນໂຄງການນັ້ນເອງ ເພື່ອໃຫ້ຖ່ວງທັນຕາມກໍານົດເວລາ ໃນການຈັດຕັ້ງປະຕິບັດ, ບັນຫານີ້ ຈະໄດ້ໃຫ້ກົມປະເມີນຜົນ ຄົ້ນຄວ້າບົດແນະນໍາລະອຽດຕື່ມເພື່ອເປັນບ່ອນອີງໃນການຈັດຕັ້ງປະຕິບັດ; ສໍາລັບໂຄງການສໍານັກງານຫ້ອງການ ໃນຂົງເຂດປ້ອງກັນຊາດ, ປ້ອງກັນຄວາມສະຫງົບ ແມ່ນຍັງຕ້ອງໄດ້ດໍາເນີນການປະເມີນກ່ອນເອົາເຂົ້າແຜນ ຍົກເວັ້ນໂຄງການທີ່ເປັນຍຸດທະສາດ-ລັບຂອງຊາດ;ວຽກງານບໍລິຫານ-ການບໍລິການ: ການສ້າງເງື່ອນໄຂເຮັດວຽກໃຫ້ແກ່ຂະແໜງແຜນການ ແລະ ການລົງທຶນ ໃຫ້ດີຂຶ້ນ ລວມທັງການຫັນເປັນທັນສະໄໝຕ້ອງໄດ້ສືບຕໍ່ເອົາໃຈໃສ່ຫຼາຍກວ່າເກົ່າ; ການຍົກສະດັບຄວາມຮູ້ຄວາມສາມາດຂອງພະນັກງານ ໃຫ້ກາຍເປັນມືອາຊີບ ແລະ ອື່ນໆ ກໍໄດ້ຮັບການເອົາໃຈໃສ່ຈາກພາກສ່ວນກ່ຽວຂ້ອງຂອງສູນກາງ;ການປະສານສົມທົບກັນ ລະຫວ່າງພາກສ່ວນກ່ຽວຂ້ອງ ຂັ້ນສູນກາງ ລະຫວ່າງ ສາຍຕັ້ງ ແລະ ສາຍຂວາງ ຕ້ອງໄດ້ສືບຕໍ່ເອົາໃຈໃສ່ຕື່ມ; ສະເໜີໃຫ້ມີການສ້າງຕັ້ງກອງທຶນວຽກງານຂະແໜງແຜນການ ແລະ ການລົງທຶນ; ໃນປັດຈຸບັນສະພາບພະນັກງານ-ລັດຖະກອນ ລາອອກ ມີຫຼາຍກໍລະນີ, ໃນນີ້ລວມມີ ພະນັກງານ-ລັດຖະກອນ ໃນຂະແໜງແຜນການ ແລະ ການລົງທຶນ, ສະນັ້ນຄວນໄດ້ມີການຄົ້ນຄວ້ານະໂຍບາຍແກ້ໄຂຊີວິດການເປັນຢູ່ ຂອງ ພະນັກງານດ້ວຍຮູບແບບຕ່າງໆ ທີ່ເໝາະສົມ.
ທ່ານ ຄໍາເຈນ ວົງໂພສີ ລັດຖະມົນຕີ ກະຊວງ ແຜນການ ແລະ ການລົງທຶນ ລາຍງານຕໍ່ກອງປະຊຸມ ສະຫຼຸບວຽກງານແຜນການ-ການລົງທຶນທົ່ວປະເທດປະຈໍາປີ 2023 ທີ່ຈັດຂຶ້ນຫວ່າງບໍ່ດົນມານີ້ ວ່າ: ກອງປະຊຸມໄດ້ມີຄວາມເປັນເອກະພາບ ແລະ ຕົກລົງບາງວຽກງານສໍາຄັນ ເພື່ອຮັບປະກັນໃຫ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2024 ມີຜົນສໍາເລັດຕາມລະດັບຄາດໝາຍ ຄື:ວຽກງານສະຖິຕິ: ເຫັນດີໃຫ້ຂະແໜງການ ແລະ ທ້ອງຖິ່ນເປັນເຈົ້າການ ເກັບກໍາຂໍ້ມູນສະຖິຕິ ຄົບຖ້ວນ ແລະ ທັນເວລາ ແລະ ລາຍງານເຖິງສູນສະຖິຕິແຫ່ງຊາດ ເພື່ອຜະລິດບັນດາຕົວຊີ້ບອກໃນການສະຫຼຸບ ແລະ ສ້າງແຜນເສດຖະກິດ-ສັງຄົມ ລວມທັງສະເໜີຄະນະນໍາທ້ອງຖິ່ນຈັດແບ່ງງົບປະມານເຂົ້າໃນວຽກງານສະຖິຕິ ໂດຍສະເພາະແມ່ນຂັ້ນເມືອງ ຊຶ່ງປັດຈຸບັນແມ່ນງົບເຄື່ອນໄຫວບໍ່ພຽງພໍ;ທາງສູນສະຖິຕິແຫ່ງຊາດ ຈະໄດ້ສືບຕໍ່ລົງສົມທົບກັບບັນດາແຂວງ ເພື່ອປັບປຸງສ້າງຖານໃໝ່ ໃນການຄາດຄະເນ GDP ຊຶ່ງຜ່ານມາແມ່ນໄດ້ສົມທົບກັບ 2 ແຂວງແລ້ວ; ວຽກງານສົ່ງເສີມການລົງທຶນ: ເຫັນດີເປັນເອກະພາບໃນການປັບປຸງ ຂໍ້ຕົກລົງໃນການມອບສິດໃຫ້ທ້ອງຖິ່ນໃນການພິຈາລະນາອະນຸຍາດການ ສຶກສາສໍາຫຼວດເນື້ອທີ່ດິນ (ເຊັ່ນ MOU) ເພື່ອສຶກສາ ຄວາມເປັນໄປໄດ້ໂຄງການກະສິກໍາ-ປ່າໄມ້ ແລະ ບໍລິການ ໃຫ້ມີຄວາມລະອຽດ ແລະ ຈະແຈ້ງຂຶ້ນຊຶ່ງບາງທ້ອງຖິ່ນ ໄດ້ສະເໜີໃຫ້ເພີ່ມເນື້ອທີ່ໆອະນຸຍາດໃຫ້ແຂວງເຊັ່ນ MOU ໃຫ້ຫຼາຍຂຶ້ນ;ເຫັນດີເປັນເອກະພາບໃນການອອກນິຕິກໍາເພື່ອຢັ້ງຢືນ ຄືນຕື່ມກ່ຽວກັບສິດຂອງທ້ອງຖິ່ນ ໃນການຊຸກຍູ້, ຕິດຕາມ ໂຄງການທີ່ສູນກາງອະນຸມັດເພື່ອສ້າງຄວາມເຂັ້ມແຂງ ແລະ ຍົກລະດັບຄຸນນະພາບຂອງການຊຸກຍູ້ຕິດຕາມໂຄງການ, ແຕ່ສະເໜີໃຫ້ ເພີ່ມງົບປະມານໃຫ້ທ້ອງຖິ່ນຕື່ມຈາກຮ່ວງຕິດຕາມການຈັດຕັ້ງປະຕິບັດສັນຍາ (ຮ່ວງຂອງສູນກາງທີ່ເຈລະຈານໍາແຕ່ລະໂຄງການ) ໂດຍແບ່ງ 50:50 ລະຫວ່າງສູນກາງ ແລະ ທ້ອງຖິ່ນ; ຂອດການປະສານງານ-ບາງໂຄງການ ໃນການແກ້ໄຂບັນຫາ ຂໍ້ຂັດແຍ່ງຕິດພັນກັບ ທີ່ມີການອະນຸມັດເນື້ອທີ່ ທັບຊ້ອນ ລະຫວ່າງສູນກາງ ແລະ ທ້ອງຖິ່ນ ໃຫ້ສໍາເລັດໂດຍໄວ ເພື່ອຮັກສາບັນຍາກາດໃນການລົງທຶນ ແລະ ເຮັດໃຫ້ທ້ອງຖິ່ນໄດ້ຮັບການພັດທະນາ; ທ້ອງຖິ່ນສະເໜີໃຫ້ຂະແໜງການກ່ຽວຂ້ອງຂັ້ນສູນກາງ ເລັ່ງຊຸກຍູ້ໂຄງການຂະໜາດໃຫຍ່ຈໍານວນໜຶ່ງເພື່ອໃຫ້ມີຄວາມຄືບໜ້າໄວ;ວຽກງານແຜນການ ແລະ ການລົງທຶນລັດ: ເປັນເອກະພາບຕໍ່ກັບການຕີລາຄາຜົນສໍາເລັດ, ຂໍ້ຄົງຄ້າງ, ສາເຫດ ແລະ ບົດຮຽນທີ່ຖອດຖອນໄດ້ ຕໍ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2023 ແລະ ເຫັນດີຈະໄດ້ພ້ອມກັນສຸມໃສ່ຈັດຕັ້ງ ປະຕິບັດ ບັນດາຄາດໝາຍຂອງແຜນພັດທະນາເສດຖະກິດ-ສັງຄົມ ທີ່ວາງໄວ້2024 ລວມທັງ ບັນດາຄາດໝາຍ ໃນການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ; ເຫັນດີເອກະພາບ-ຮັບຮອງ ຮ່າງດໍາລັດ ຂອງນາຍົກລັດຖະມົນຕີ ວ່າດວ້ຍການດໍານົດໜ້າວຽກ ແລະ ແບ່ງຄວາມຮັບຜິດຊອບໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ ປະຈໍາປີ 2024 ແລະ ແຜນການແກ້ໄຂຜົນຂອງການກວດສອບ;ການປະຕິບັດໂຄງການ ສືບຕໍ່ຕິດພັນກັບລາຄາວັດສະດຸກໍ່ສ້າງ ມີການເພີ່ມຂຶ້ນເຮັດໃຫ້ລາຄາຫົວໜ່ວຍເພີ່ມຂຶ້ນ ສົ່ງຜົນກະທົບຕໍ່ມູນຄ່າຂອງໂຄງການທີ່ຮັບຮອງໄປແລ້ວບໍ່ສອດຄ່ອງ ຊຶ່ງມີຫຼາຍທ້ອງຖິ່ນ ບໍ່ສາມາດປະຕິບັດໂຄງການດັ່ງກ່າວໄດ້, ບັນຫາດັ່ງກ່າວ ສະເໜີໃຫ້ຂະແໜງການເຕັກນິກ ເປັນຕົ້ນ ກະຊວງໂຍທາທິການ ແລະ ຂົນສົ່ງ,ກະຊວງກະສິກໍາ ແລະ ປ່າໄມ້ ແລະ ກະຊວງພະລັງງານ-ບໍ່ແຮ່ ຄົ້ນຄວ້າໂດຍໄວ ເພື່ອເປັນບ່ອນອີງໃນການຈັດຕັ້ງປະຕິບັດໂຄງການໃຫ້ສອດຄ່ອງກັບສະພາບເສດຖະກິດໃນປັດຈຸບັນ; ທຶນສົມທົບໂຄງການຊ່ວຍເຫຼືອ ມີຄວາມຈໍາກັດ ຍັງມີຫຼາຍໂຄງການ ທີ່ຍັງບໍ່ທັນມີທຶນສົມທົບ ເຮັດໃຫ້ບໍ່ສາມາດຈັດຕັ້ງປະຕິບັດກິດຈະກໍາຂອງໂຄງການ ທີ່ເປັນ ພູດທີ່ ລັດຖະບານຕ້ອງສົມທົບ, ບັນຫາດັ່ງກ່າວ ມອບໃຫ້ກົມຮ່ວມມືສາກົນ ແລະ ການແຜນການ ສົມທົບກັນຄົ້ນຄວ້າ ແລະ ວຽກງານອື່ນໆ;ວຽກງານປະເມີນຜົນ: ບັນດາ ໂຄງການທີ່ຈະນໍາໃຊ້ເງິນເກີນແຜນຂອງທ້ອງຖິ່ນ ເຫັນດີຈະໄດ້ໃຫ້ທ້ອງຖິ່ນເປັນເຈົ້າການ ພາກສ່ວນປະເມີນໂຄງການນັ້ນເອງ ເພື່ອໃຫ້ຖ່ວງທັນຕາມກໍານົດເວລາ ໃນການຈັດຕັ້ງປະຕິບັດ, ບັນຫານີ້ ຈະໄດ້ໃຫ້ກົມປະເມີນຜົນ ຄົ້ນຄວ້າບົດແນະນໍາລະອຽດຕື່ມເພື່ອເປັນບ່ອນອີງໃນການຈັດຕັ້ງປະຕິບັດ; ສໍາລັບໂຄງການສໍານັກງານຫ້ອງການ ໃນຂົງເຂດປ້ອງກັນຊາດ, ປ້ອງກັນຄວາມສະຫງົບ ແມ່ນຍັງຕ້ອງໄດ້ດໍາເນີນການປະເມີນກ່ອນເອົາເຂົ້າແຜນ ຍົກເວັ້ນໂຄງການທີ່ເປັນຍຸດທະສາດ-ລັບຂອງຊາດ;ວຽກງານບໍລິຫານ-ການບໍລິການ: ການສ້າງເງື່ອນໄຂເຮັດວຽກໃຫ້ແກ່ຂະແໜງແຜນການ ແລະ ການລົງທຶນ ໃຫ້ດີຂຶ້ນ ລວມທັງການຫັນເປັນທັນສະໄໝຕ້ອງໄດ້ສືບຕໍ່ເອົາໃຈໃສ່ຫຼາຍກວ່າເກົ່າ; ການຍົກສະດັບຄວາມຮູ້ຄວາມສາມາດຂອງພະນັກງານ ໃຫ້ກາຍເປັນມືອາຊີບ ແລະ ອື່ນໆ ກໍໄດ້ຮັບການເອົາໃຈໃສ່ຈາກພາກສ່ວນກ່ຽວຂ້ອງຂອງສູນກາງ;ການປະສານສົມທົບກັນ ລະຫວ່າງພາກສ່ວນກ່ຽວຂ້ອງ ຂັ້ນສູນກາງ ລະຫວ່າງ ສາຍຕັ້ງ ແລະ ສາຍຂວາງ ຕ້ອງໄດ້ສືບຕໍ່ເອົາໃຈໃສ່ຕື່ມ; ສະເໜີໃຫ້ມີການສ້າງຕັ້ງກອງທຶນວຽກງານຂະແໜງແຜນການ ແລະ ການລົງທຶນ; ໃນປັດຈຸບັນສະພາບພະນັກງານ-ລັດຖະກອນ ລາອອກ ມີຫຼາຍກໍລະນີ, ໃນນີ້ລວມມີ ພະນັກງານ-ລັດຖະກອນ ໃນຂະແໜງແຜນການ ແລະ ການລົງທຶນ, ສະນັ້ນຄວນໄດ້ມີການຄົ້ນຄວ້ານະໂຍບາຍແກ້ໄຂຊີວິດການເປັນຢູ່ ຂອງ ພະນັກງານດ້ວຍຮູບແບບຕ່າງໆ ທີ່ເໝາະສົມ.
ຄໍາເຫັນ