ກ່ຽວກັບການພັດທະນາເສດຖະກິດ-ສັງຄົມ ກ່ອນໜ້ານີ້, 35 ປີ ປະເທດຫວຽດນາມຈາກພື້ນຖານເສດຖະກິດໜຶ່ງທີ່ທຸກຍາກຫຼ້າຫຼັງ, ຖືກທັບມ້າງທຳລາຍດ້ວຍສົງຄາມ, ການລວມສູນ, ເກື້ອກູນ, ຫວຽດນາມ ໄດ້ບືນຕົວກາຍເປັນພື້ນຖານເສດຖະກິດໜຶ່ງທີ່ມີລາຍຮັບປານກາງ (2010) ແລະ ພວມມຸ່ງສູ່ຈຸດໝາຍກາຍເປັນປະເທດພວມພັດທະນາທີ່ມີລາຍຮັບປານກາງສູງ; ພື້ນຖານເສດຖະກິດມີການເຕີບໂຕຢ່າງຕໍ່ເນື່ອງດ້ວຍຈັງຫວະສູງພໍສົມຄວນ, ສະເລ່ຍເກືອບ 7%/ປີ. ພິເສດ, ປີ 2022 ບັນລຸລະດັບການເຕີບໂຕທີ່ປະທັບໃຈແມ່ນ 8.02%, ເປັນໂຕເລກສູງກວ່າໝູ່ໃນຮອບ 10 ປີຜ່ານມາ. ກ່ອນການປ່ຽນແປງໃໝ່, ປະເທດຫວຽດນາມ ຕ້ອງປະເຊີນຕໍ່ວິກິດການດ້ານເສດຖະກິດ-ສັງຄົມ ທີ່ຜັນແປຢ່າງສັບສົນ, ອັດຕາເງິນເຟີ້ບາງໄລຍະຂຶ້ນເຖິງ 774.7%, ແຕ່ວ່າມາເຖິງປັດຈຸບັນ, ຫວຽດນາມ ສາມາດຮັກສາຄວາມໝັ້ນຄົງດ້ານເສດຖະກິດມະຫາພາກ, ຮັບປະກັນບັນດາການດຸ່ນດ່ຽງຂອງພື້ນຖານເສດຖະກິດໄດ້ໃນລະດັບດີ.
ໄລຍະເບື້ອງຕົ້ນຂອງການປ່ຽນແປງໃໝ່ໃນປີ 1986, ເສດຖະກິດຫວຽດນາມເພີ່ມຂຶ້ນ 12 ທົບ, ລາຍຮັບສະເລ່ຍຫົວຄົນເພີ່ມຂຶ້ນ 8.3 ທົບ, ມູນຄ່າການຄ້ານຳເຂົ້າ-ສົ່ງອອກເພີ່ມຂຶ້ນ 29.5 ທົບ, ທຶນລົງທຶນຈາກຕ່າງປະເທດໂດຍກົງເພີ່ມຂຶ້ນ 22 ທົບ. ປັດຈຸບັນ, ຫວຽດນາມຢູ່ໃນຈໍານວນ 40 ປະເທດທີ່ມີພື້ນຖານເສດຖະກິດມີຂະໜາດ GDP ໃຫຍ່ກວ່າໝູ່ໃນໂລກ, ນອນຢູ່ໃນ 20 ປະເທດທີ່ມີ ພື້ນຖານເສດຖະກິດອັນດັບແຖວໜ້າດ້ານການຄ້າສາກົນ. ຫວຽດນາມໄດ້ກາຍເປັນສະຖານທີ່ໜ້າດຶງດູດຕໍ່ກັບບັນດານັກລົງທຶນຕ່າງປະເທດ, ດ້ວຍທຶນ FDI ທັງໝົດເພີ່ມຈາກ 1.28 ຕື້ໂດລາ (1991) ຂຶ້ນເປັນ 449.5 ຕື້ໂດລາ (2022).
ຈາກປະເທດໜຶ່ງທີ່ຂາດສະບຽງອາຫານບໍ່ຂາດສາຍ, ຊີວິດການເປັນຢູ່ຂອງປະຊາຊົນມີຄວາມຫຍຸ້ງຍາກຫຼາຍ, ຫວຽດນາມ ໄດ້ບືນຕົວກາຍເປັນປະເທດທີ່ມີລາຍຮັບປານກາງດ້ວຍ GDP ສະເລ່ຍຫົວຄົນບັນລຸ 4,100 ກວ່າໂດລາ U SD.ໃນປີ 2022 ບັນລຸ 4.400 ກວ່າໂດລາ. ໃນປີ 2023 ຫວຽດນາມ ກໍກາຍເປັນໜຶ່ງໃນບັນດາປະເທດສົ່ງອອກຜະລິດຕະພັນກະສິກຳມີປະລິມານຫຼາຍກວ່າໝູ່ (ສົ່ງອອກເຂົ້າສານໃນປີ 2022 ຢູ່ອັນດັບທີສາມຂອງໂລກ ຖັດຈາກໄທ ແລະ ອິນເດຍ).
ບົດສົມບູນ ຕິດຕາມອ່ານໄດ້ຢູ່ໜັງສືພິມປະຊາຊົນ
ຮຽບຮຽງ: ວັນໄຊ ຕະວິນຍານ
ຄໍາເຫັນ