ທີ່ກຳລັງຈະມາເຖິງ ຂຶ້ນໃນວັນທີ 18 ມັງກອນ ຜ່ານມານີ້ ທີ່ພັດຕະຄານອາຊຽນພາເລດ.
ເປັນກຽດເຂົ້າຮ່ວມໃນພິທີ,ມີທ່ານ ເຊີນ ຊິນອູ ປະທານສະພາການຄ້າ ແຂວງກວາງຊີ ປະຈໍາ ສປປ ລາວ, ທ່ານ ສົມບູນ ສຸກທະວີ ປະທານອະດີດນັກສຶກສາລາວ ແຂວງກວາງຊີ ສປ ຈີນ, ແຂກຖືກເຊີນ ພ້ອມດ້ວຍອະດີດນັກສຶກສາເຂົ້າຮ່ວມຢ່າງພ້ອມພຽງ.
ທ່ານ ເຊີນ ຊິນອູ ກ່າວວ່າ: ກິດຈະກຳຈັດຂຶ້ນ ເພື່ອເປັນການສົ່ງທ້າຍປີເກົ່າ, ຕ້ອນຮັບປີໃໝ່ 2025 ທີ່ຈະມາເຖິງ, ຖືໂອກາດດັ່ງກ່າວນີ້ ໃຫ້ບັນດາອະດີດນັກສຶກສາລາວ ທີ່ເຄີຍໄປຮໍ່າຮຽນຢູ່ບັນດາສະຖາບັນການສຶກສາຂອງແຂວງກວາງຊີ ໄດ້ມີເວທີມາພົບປະສັງສັນ ແລະ ແລກປ່ຽນບົດຮຽນຊຶ່ງກັນ ແລະ ກັນ ພາຍຫຼັງສຳເລັດການສຶກສາມາແລ້ວ, ມີຫຼາຍທ່ານໄດ້ປະກອບສ່ວນເຂົ້າໃນການເສີມຂະຫຍາຍສາຍພົວພັນ ໃນຂົງເຂດວຽກງານການເມືອງ, ການຄ້າ, ການລົງທຶນ, ການທ່ອງທ່ຽວ ແລະ ວຽກງານອື່ນໆລະຫວ່າງສອງປະເທດ. ປີ 2024 ສະພາການຄ້າແຂວງກວາງຊີ ໄດ້ເຮັດວຽກຮ່ວມກັບບັນດາພາກສ່ວນທີ່ກ່ຽວຂ້ອງຂອງລາວ ໃນການສົ່ງເສີມການຮ່ວມມືທາງດ້ານເສດຖະ ກິດ, ການຄ້າ, ການລົງທຶນ ແລະ ການໄປມາຫາສູ່ກັນ ລະຫວ່າງປະຊາຊົນ ຂອງສອງປະເທດລາວ-ຈີນ ຢ່າງເປັນປົກກະຕິ, ຖືເປັນສ່ວນໜຶ່ງໃຫ້ແກ່ການພົວພັນຄູ່ຮ່ວມມືຍຸດທະສາດຮອບດ້ານ ລະຫວ່າງ ລາວ-ຈີນ ເຮັດໃຫ້ສອງປະ ເທດກາຍເປັນຄູ່ຮ່ວມຊາຕາກຳ ທີ່ນຳເອົາຜົນປະໂຫຍດມາສູ່ປະຊາຊົນສອງປະເທດ.
ແຜນການສຳລັບປີ 2025 ສະພາການຄ້າແຂວງກວາງຊີ ຈະສືບຕໍ່ຊຸກຍູ້ ແລະ ສະໜັບສະໜູນດ້ານຂໍ້ມູນຂ່າວສານ, ເປັນຂົວຕໍ່ປະສານງານລະຫວ່າງນັກລົງທຶນຈີນ ແລະ ອົງການຈັດຕັ້ງພາກລັດ-ເອກະຊົນ ໃນການສົ່ງເສີມການຄ້າ, ການລົງທຶນ ແລະ ແລກປ່ຽນວັດທະນະທໍາ-ສັງຄົມ ຂອງສອງປະເທດ ເວົ້າລວມ, ເວົ້າສະເພາະ ແມ່ນການປະກອບສ່ວນສ້າງກິດຈະກຳ ໃຫ້ອະດີດນັກສຶກສາ ກໍຄືນັກສຶກສາລາວ ທີ່ກຳລັງຮໍ່າຮຽນຢູ່ ແຂວງກວາງຊີ ສປ ຈີນ ໄດ້ມາພົບປະສັງສັນຮ່ວມກັນໃຫ້ຫຼາຍຂຶ້ນ.
ໃນວັນດຽວກັນ, ຍັງໄດ້ຈັດກິດຈະກຳແຂ່ງຂັນກິລາ ເປັນຕົ້ນການແຂ່ງຂັນເຕະບານຊາຍ, ບານສົ່ງ, ຕີດອກປີກໄກ່ ແລະ ດຶງເຊືອກ ທີ່ມາຈາກມະຫາວິທະຍາໄລກວາງຊີ, ມະຫາວິທະຍາໄລແພດສາດກວາງຊີ, ນັກສຶກສາຈາກນະຄອນກຸ້ຍຫຼິນ, ສະພາການຄ້າແຂວງກວາງຊີ, ມະຫາວິທະຍາໄລຊົນເຜົ່າກວາງຊີ ແລະ ຊາວໜຸ່ມອົງການໄອຍະການປະຊາຊົນສູງສຸດ ໄດ້ສ້າງບັນຍາກາດອັນມ່ວນຊື່ນໃຫ້ແກ່ຜູ້ເຂົ້າຮ່ວມງານ, ປະກອບສ່ວນເພີ່ມທະວີສາຍພົວພັນ, ຄວາມສາມັກຄີ ແລະ ຄວາມເຂົ້າໃຈຊຶ່ງກັນ ແລະ ກັນໃຫ້ຫຼາຍຂຶ້ນ.
(ຂ່າວ-ພາບ: ແສງຈັນ)
ຄໍາເຫັນ