ໂດຍ: ສ.ບຸດປະຊາ
ນະໂຍບາຍຂໍ້ທີ 2 ໃນເນື້ອໃນຂອງນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດຂອງ ສປປ ລາວ ແມ່ນນະໂຍບາຍປັດໄຈການຜະລິດ ຊຶ່ງລັດຖະບານໄດ້ຜັນຂະຫຍາຍມະຕິ XI ຂອງພັກ, ແຜນພັດທະນາເສດຖະກິດ-ສັງຄົມ ແຫ່ງຊາດ ຄັ້ງທີ IX, ວາລະແຫ່ງຊາດ ວ່າດ້ວຍການແກ້ໄຂຂໍ້ຫຍຸງຍາກດ້ານເສດຖະກິດ-ການເງິນ ທີ່ຕິດພັນກັບກະຊວງກະສິກຳ ແລະ ປ່າໄມ້ ໃຫ້ເປັນຮູບປະທໍາ ໂດຍນະໂຍບາຍປັດໄຈການຜະລິດ ກໍແມ່ນເພື່ອພັດທະນາ ແລະ ຄົ້ນຄວ້າແນວພັນພືດໃໝ່ ໃຫ້ສາມາດຕອບສະໜອງ ໃຫ້ແກ່ຊາວກະສິກອນ ແລະ ຜູ້ປະກອບການຜະລິດພືດ ຢ່າງພຽງພໍ.
ນະໂຍບາຍດັ່ງກ່າວ, ກໍຍັງມີຈຸດປະສົງເພື່ອສ້າງຄວາມເຂັ້ມແຂງໃນການຄຸ້ມຄອງການນໍາເຂົ້າ, ຈໍາໜ່າຍ ແລະ ການນໍາໃຊ້ແນວພັນພືດ, ຝຸ່ນ ແລະ ຢາປາບສັດຕູພືດ ໃຫ້ຖືກຕ້ອງຕາມລະບຽບການ ແລະ ເພື່ອປັບປຸງລະບົບການສະໜອງແນວພັນພືດ, ຝຸ່ນ ແລະ ຢາປາບສັດຕູພືດ ໃຫ້ມີຄຸນນະພາບ, ລາຄາທີ່ເໝາະສົມ ແລະ ພຽງພໍກັບຄວາມຕ້ອງການຂອງຊາວກະສິກອນ ແລະ ຜູ້ປະກອບການ ໄດ້ຢ່າງທົ່ວເຖິງ, ທັນເວລາ ແລະ ມີສ່ວນແຮໄວ້ໃນເວລາເກີດໄພທໍາມະຊາດ. ພ້ອມນີ້, ກໍເພື່ອແກ້ໄຂບັນຫາທີ່ກ່ຽວຂ້ອງ ກໍຄືສະພາບທີ່ແນວພັນພືດຫຼາຍຊະນິດ ແມ່ນຍັງບໍ່ທັນໄດ້ຄົ້ນຄວ້າ ແລະ ພັດທະນາຢ່າງຄົບຊຸດ, ບໍ່ທັນມີແນວພັນພືດ ທີ່ດີ, ມີຄຸນນະພາບ ສະໜອງໃຫ້ສັງຄົມໄດ້ພຽງພໍກັບຄວາມຕ້ອງການ ແລະ ສ່ວນໃຫຍ່ແມ່ນອາໄສນໍາເຂົ້າຈາກຕ່າງປະເທດ,ການສະໜອງຝຸ່ນ, ຊະນິດສູດຝຸ່ນເຄມີ, ຊີວະພາບ ແລະ ອົງຄະທາດ ຂອງບັນດາໂຮງງານຕ່າງໆ ຢູ່ພາຍໃນປະເທດ ຍັງບໍ່ທັນໄດ້ມາດຕະຖານ, ຮັບປະກັນ ແລະ ສະໜອງໄດ້ຢ່າງພຽງພໍກັບຄວາມຕ້ອງການຊົມໃຊ້ຂອງຊາວກະສິກອນ ແລະ ບັນດາຜູ້ປະກອບການທີ່ຜະລິດພືດສະບຽງອາຫານ, ຜະລິດພືດສິນຄ້າ ແລະ ອາໄສນໍາເຂົ້າຈາກຕ່າງປະເທດເປັນສ່ວນຫຼາຍ.
ນອກຈາກນີ້, ກໍເພື່ອແກ້ໄຂບັນຫາທີ່ບໍ່ທັນມີໂຮງງານຜະລິດຢາປາບສັດຕູພືດ, ຢາບປາບສັດຕູພືດສ່ວນຫຼາຍແມ່ນນໍາເຂົ້າຈາກຕ່າງປະເທດ ເພື່ອຮັບໃຊ້ໃນການປ້ອງກັນ ແລະ ຄວບຄຸມການລະບາດຂອງສັດຕູພືດ ໃຫ້ທ່ວງທັນກັບສະພາບການ,ການຄຸ້ມຄອງການນໍາເຂົ້າ ແນວພັນພືດ, ຝຸ່ນ ແລະ ຢາປາບສັດຕູພືດ ຍັງບໍ່ທັນໄດ້ດີ ແລະ ຍັງມີການລັກລອບນໍາເຂົ້າ ບໍ່ຖືກຕາມລະບຽບຫຼັກການທີ່ກົດໝາຍວາງອອກ;ພ້ອມທັງແກ້ໄຂບັນຫາຫ້ອງວິໄຈ ແລະ ກວດກາຄຸນນະພາບ ແນວພັນພືດ, ຝຸ່ນ ແລະ ຢາປາບສັດຕູພືດ ທີ່ຍັງບໍ່ໄດ້ຮັບການພັດທະນາ ຕາມຄວາມຮຽກຮ້ອງຕ້ອງການ ແລະ ບັນຫາລາຄາຝຸ່ນທີ່ຜະລິດພາຍໃນ ຕົ້ນທຶນການຜະລິດຂ້ອນຂ້າງສູງ ແລະ ຝຸ່ນທີ່ນໍາເຂົ້າຈາກຕ່າງປະເທດມີລາຄາສູງ.
ເພື່ອຈະເຮັດໄດ້ແນວນັ້ນ, ລັດຖະບານເຮົາ ໄດ້ມີນະໂຍບາຍ ໂດຍສະໜັບສະໜູນ ແລະ ອໍານວຍຄວາມສະດວກໃຫ້ແກ່ຜູ້ລົງທຶນ, ສ້າງ ແລະ ດໍາເນີນທຸລະກິດດ້ານໂຮງງານຜະລິດຝຸ່ນຊີວະພາບ ແລະ ຝຸ່ນອົງຄະທາດ ດ້ວຍການໃຫ້ນະໂຍບາຍຍົກເວັ້ນພາສີ, ອາກອນໃນການນໍາເຂົ້າວັດຖຸອຸປະກອນ ທີ່ກ່ຽວຂ້ອງກັບການສ້າງພື້ນຖານໂຄງລ່າງຂອງໂຮງງານຜະລິດຝຸ່ນ,ພ້ອມນີ້, ກໍຊຸກຍູ້, ສົ່ງເສີມໃຫ້ທຸກພາກສ່ວນເສດຖະກິດ ລົງທຶນໃສ່ໂຄງລ່າງພື້ນຖານໃນການຄົ້ນຄວ້າເຕັກນິກ, ທົດສອບ, ວິໄຈຄຸນນະພາບ ແລະ ມາດຕະຖານແນວພັນພືດ, ຝຸ່ນ ແລະ ຢາປາບສັດຕູພືດ, ປັບປຸງ, ຍົກລະດັບສູນ, ສະຖານີ ທີ່ເປັນບ່ອນຜະລິດ ແລະ ສະໜອງແນວພັນພືດໃຫ້ຊາວກະສິກອນ ແລະ ຜູ້ປະກອບການ.ນອກນັ້ນ, ຍັງຍົກເວັ້ນພາສີ ສໍາລັບການນໍາເຂົ້າແນວພັນພືດ, ຝຸ່ນ ແລະ ຢາປາບສັດຕູພືດ ທີ່ບໍ່ມີລັກສະນະການຄ້າ ຫຼື ບໍ່ສາມາດຜະລິດພາຍໃນໄດ້ ເພື່ອຕອບສະໜອງການຜະລິດ, ການສຶກສາ, ຄົ້ນຄວ້າທົດລອງ ແລະ ແກ້ໄຂຈາກຜົນກະທົບໄພພິບັດ,ສ້າງຄວາມເຂັ້ມແຂງໃຫ້ແກ່ບຸກຄະລາກອນ ແລະ ພັດທະນາເຄື່ອງມືວິໄຈທີ່ຈໍາເປັນສໍາລັບການທົດສອບ, ວິໄຈ, ການກວດກາຄຸນນະພາບເມັດພັນພືດ, ຝຸ່ນ ແລະ ຢາປາບສັດຕູພືດ.
ນະໂຍບາຍຂໍ້ທີ 2 ໃນເນື້ອໃນຂອງນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດຂອງ ສປປ ລາວ ແມ່ນນະໂຍບາຍປັດໄຈການຜະລິດ ຊຶ່ງລັດຖະບານໄດ້ຜັນຂະຫຍາຍມະຕິ XI ຂອງພັກ, ແຜນພັດທະນາເສດຖະກິດ-ສັງຄົມ ແຫ່ງຊາດ ຄັ້ງທີ IX, ວາລະແຫ່ງຊາດ ວ່າດ້ວຍການແກ້ໄຂຂໍ້ຫຍຸງຍາກດ້ານເສດຖະກິດ-ການເງິນ ທີ່ຕິດພັນກັບກະຊວງກະສິກຳ ແລະ ປ່າໄມ້ ໃຫ້ເປັນຮູບປະທໍາ ໂດຍນະໂຍບາຍປັດໄຈການຜະລິດ ກໍແມ່ນເພື່ອພັດທະນາ ແລະ ຄົ້ນຄວ້າແນວພັນພືດໃໝ່ ໃຫ້ສາມາດຕອບສະໜອງ ໃຫ້ແກ່ຊາວກະສິກອນ ແລະ ຜູ້ປະກອບການຜະລິດພືດ ຢ່າງພຽງພໍ.
ນະໂຍບາຍດັ່ງກ່າວ, ກໍຍັງມີຈຸດປະສົງເພື່ອສ້າງຄວາມເຂັ້ມແຂງໃນການຄຸ້ມຄອງການນໍາເຂົ້າ, ຈໍາໜ່າຍ ແລະ ການນໍາໃຊ້ແນວພັນພືດ, ຝຸ່ນ ແລະ ຢາປາບສັດຕູພືດ ໃຫ້ຖືກຕ້ອງຕາມລະບຽບການ ແລະ ເພື່ອປັບປຸງລະບົບການສະໜອງແນວພັນພືດ, ຝຸ່ນ ແລະ ຢາປາບສັດຕູພືດ ໃຫ້ມີຄຸນນະພາບ, ລາຄາທີ່ເໝາະສົມ ແລະ ພຽງພໍກັບຄວາມຕ້ອງການຂອງຊາວກະສິກອນ ແລະ ຜູ້ປະກອບການ ໄດ້ຢ່າງທົ່ວເຖິງ, ທັນເວລາ ແລະ ມີສ່ວນແຮໄວ້ໃນເວລາເກີດໄພທໍາມະຊາດ. ພ້ອມນີ້, ກໍເພື່ອແກ້ໄຂບັນຫາທີ່ກ່ຽວຂ້ອງ ກໍຄືສະພາບທີ່ແນວພັນພືດຫຼາຍຊະນິດ ແມ່ນຍັງບໍ່ທັນໄດ້ຄົ້ນຄວ້າ ແລະ ພັດທະນາຢ່າງຄົບຊຸດ, ບໍ່ທັນມີແນວພັນພືດ ທີ່ດີ, ມີຄຸນນະພາບ ສະໜອງໃຫ້ສັງຄົມໄດ້ພຽງພໍກັບຄວາມຕ້ອງການ ແລະ ສ່ວນໃຫຍ່ແມ່ນອາໄສນໍາເຂົ້າຈາກຕ່າງປະເທດ,ການສະໜອງຝຸ່ນ, ຊະນິດສູດຝຸ່ນເຄມີ, ຊີວະພາບ ແລະ ອົງຄະທາດ ຂອງບັນດາໂຮງງານຕ່າງໆ ຢູ່ພາຍໃນປະເທດ ຍັງບໍ່ທັນໄດ້ມາດຕະຖານ, ຮັບປະກັນ ແລະ ສະໜອງໄດ້ຢ່າງພຽງພໍກັບຄວາມຕ້ອງການຊົມໃຊ້ຂອງຊາວກະສິກອນ ແລະ ບັນດາຜູ້ປະກອບການທີ່ຜະລິດພືດສະບຽງອາຫານ, ຜະລິດພືດສິນຄ້າ ແລະ ອາໄສນໍາເຂົ້າຈາກຕ່າງປະເທດເປັນສ່ວນຫຼາຍ.
ນອກຈາກນີ້, ກໍເພື່ອແກ້ໄຂບັນຫາທີ່ບໍ່ທັນມີໂຮງງານຜະລິດຢາປາບສັດຕູພືດ, ຢາບປາບສັດຕູພືດສ່ວນຫຼາຍແມ່ນນໍາເຂົ້າຈາກຕ່າງປະເທດ ເພື່ອຮັບໃຊ້ໃນການປ້ອງກັນ ແລະ ຄວບຄຸມການລະບາດຂອງສັດຕູພືດ ໃຫ້ທ່ວງທັນກັບສະພາບການ,ການຄຸ້ມຄອງການນໍາເຂົ້າ ແນວພັນພືດ, ຝຸ່ນ ແລະ ຢາປາບສັດຕູພືດ ຍັງບໍ່ທັນໄດ້ດີ ແລະ ຍັງມີການລັກລອບນໍາເຂົ້າ ບໍ່ຖືກຕາມລະບຽບຫຼັກການທີ່ກົດໝາຍວາງອອກ;ພ້ອມທັງແກ້ໄຂບັນຫາຫ້ອງວິໄຈ ແລະ ກວດກາຄຸນນະພາບ ແນວພັນພືດ, ຝຸ່ນ ແລະ ຢາປາບສັດຕູພືດ ທີ່ຍັງບໍ່ໄດ້ຮັບການພັດທະນາ ຕາມຄວາມຮຽກຮ້ອງຕ້ອງການ ແລະ ບັນຫາລາຄາຝຸ່ນທີ່ຜະລິດພາຍໃນ ຕົ້ນທຶນການຜະລິດຂ້ອນຂ້າງສູງ ແລະ ຝຸ່ນທີ່ນໍາເຂົ້າຈາກຕ່າງປະເທດມີລາຄາສູງ.
ເພື່ອຈະເຮັດໄດ້ແນວນັ້ນ, ລັດຖະບານເຮົາ ໄດ້ມີນະໂຍບາຍ ໂດຍສະໜັບສະໜູນ ແລະ ອໍານວຍຄວາມສະດວກໃຫ້ແກ່ຜູ້ລົງທຶນ, ສ້າງ ແລະ ດໍາເນີນທຸລະກິດດ້ານໂຮງງານຜະລິດຝຸ່ນຊີວະພາບ ແລະ ຝຸ່ນອົງຄະທາດ ດ້ວຍການໃຫ້ນະໂຍບາຍຍົກເວັ້ນພາສີ, ອາກອນໃນການນໍາເຂົ້າວັດຖຸອຸປະກອນ ທີ່ກ່ຽວຂ້ອງກັບການສ້າງພື້ນຖານໂຄງລ່າງຂອງໂຮງງານຜະລິດຝຸ່ນ,ພ້ອມນີ້, ກໍຊຸກຍູ້, ສົ່ງເສີມໃຫ້ທຸກພາກສ່ວນເສດຖະກິດ ລົງທຶນໃສ່ໂຄງລ່າງພື້ນຖານໃນການຄົ້ນຄວ້າເຕັກນິກ, ທົດສອບ, ວິໄຈຄຸນນະພາບ ແລະ ມາດຕະຖານແນວພັນພືດ, ຝຸ່ນ ແລະ ຢາປາບສັດຕູພືດ, ປັບປຸງ, ຍົກລະດັບສູນ, ສະຖານີ ທີ່ເປັນບ່ອນຜະລິດ ແລະ ສະໜອງແນວພັນພືດໃຫ້ຊາວກະສິກອນ ແລະ ຜູ້ປະກອບການ.ນອກນັ້ນ, ຍັງຍົກເວັ້ນພາສີ ສໍາລັບການນໍາເຂົ້າແນວພັນພືດ, ຝຸ່ນ ແລະ ຢາປາບສັດຕູພືດ ທີ່ບໍ່ມີລັກສະນະການຄ້າ ຫຼື ບໍ່ສາມາດຜະລິດພາຍໃນໄດ້ ເພື່ອຕອບສະໜອງການຜະລິດ, ການສຶກສາ, ຄົ້ນຄວ້າທົດລອງ ແລະ ແກ້ໄຂຈາກຜົນກະທົບໄພພິບັດ,ສ້າງຄວາມເຂັ້ມແຂງໃຫ້ແກ່ບຸກຄະລາກອນ ແລະ ພັດທະນາເຄື່ອງມືວິໄຈທີ່ຈໍາເປັນສໍາລັບການທົດສອບ, ວິໄຈ, ການກວດກາຄຸນນະພາບເມັດພັນພືດ, ຝຸ່ນ ແລະ ຢາປາບສັດຕູພືດ.
ຄໍາເຫັນ