ເມື່ອບໍ່ດົນມານນີ້ ຫ້ອງການສາທາລະນະສຸກເມືອງ ໄຊຍະບູລີ ແຂວງໄຊຍະບູລີ ໄດ້ຈັດກອງປະຊຸມສະຫຼູບຕີລາຄາການຈັດຕັ້ງປະຕິບັດວຽກງານກອງທຶນປະກັນສຸຂະພາບປະຈຳປີ 2023 ໂດຍການເຂົ້າຮ່ວມຂອງທ່ານ ນາງ ພິລາວັນ ອົງແກ້ວ ຮອງເຈົ້າເມືອງໄຊຍະບູລີ, ມີພາກສ່ວນກ່ຽວຂ້ອງຈາກແຂວງ, ເມືອງເຂົ້າຮ່ວມ
ໃນກອງປະຊຸມ, ທ່ານ ພັນ ພອນສະຫວັດ ຫົວໜ້າຫ້ອງການສາທາລະນະສຸກເມືອງໄດ້ ຜ່ານບົດສະຫຼູບການຈັດຕັ້ງປະຕິບັດກອງທືນປະກັນສຸຂະພາບປະຈຳ ປີ 2023 ແລະ ແຜນການປີ 2024 ບາງຕອນທ່ານກ່າວວ່າ: ຫ້ອງການກອງທືນປະກັນສຸຂະພາບເປັນຂະແໜງການໜຶ່ງທີ່ຂຶ້ນກັບຫ້ອງການສາທາລະນະສຸກເມືອງ, ມີໂຮງໝໍຄູ່ສັນຍາຄື: ໂຮງໝໍແຂວງ ເປັນໂຮງໝໍຫຼັກ ແລະ ໂຮງໝໍນ້ອຍ 10 ແຫ່ງ, ມີ 78 ບ້ານ, ມີພົນລະເມືອງ 89.411 ຄົນ. ຜ່ານການຈັດຕັ້ງປະຕິບັດກອງທຶນປະກັນສຸຂະພາບໃນ 1 ປີ ຜ່ານມາ ຕົວເລກຜູ້ປະກັນຕົນຕາມເປົ້າໝາຍ, ຈຳນວນປະຊາກອນຜູ້ປະກັນຕົນ 89.411 ຄົນ ເທົ່າກັບ 100%, ຈຳນວນສະມາຊິກພາກລັດ 9.531 ຄົນ ເທົ່າກັບ 11%, ຈໍານວນສະມາຊິກພາກວິສາຫະກິດ 3.142 ຄົນ ເທົ່າກັບ 4%, ຈຳນວນສະມາຊິກພາກປ້ອງກັນຄວາມສະຫງົບ 1.578 ຄົນ ເທົ່າກັບ 1,8%, ຈຳນວນສະມາຊິກແມ່ມານ 1.341 ຄົນ ເທົ່າກັບ 1,5%, ຈຳນວນສະມາຊິກເດັກລຸ່ມ 5 ປີ 11.623 ຄົນ ເທົ່າກັບ 13%, ຈໍານວນສະມາຊິກປະຊາຊົນທົ່ວໄປ 62.195 ຄົນເທົ່າກັບ 70%, ຕົວເລກບໍລິການປີ 2023 ມີຜູ້ມາໃຊ້ບໍລິການໂຮງໝໍທັງໝົດ 81.819 ຄົນ. ໃນນີ້, ໂຮງໝໍຄູ່ສັນຍາລັກ 54.938 ຄົນ, ໂຮງໝໍນ້ອຍ 26.881 ຄົນ, ກວດເຂດນອກ 75.806 ຄົນ, ຜ່າຕັດນ້ອຍ 801 ຄົນ, ນອນໂຮງໝໍ 6.888 ຄົນ, ເກີດລູກ 1.594 ຄົນ. ສ່ວນທິດທາງແຜນການປີ 2024 ສືບຕໍ່ປະຕິບັດການບໍລິການ, ການບັນທຶກ ການສະຫຼູບ, ລາຍງານຕາມລະບຽບການໃຫ້ຖືກຕ້ອງ ແລະ ທັນເວລາ, ສືບຕໍ່ເຜີຍແຜ່ເອກະສານກ່ຽວກັບລະບຽບການປະກັນສຸຂະພາບໃຫ້ແກ່ພະນັກງານ, ປະຊາຊົນ ທີ່ຢູ່ເຂດຫ່າງໄກຊອກຫຼີກໃຫ້ທົ່ວເຖິງ.
(ຂ່າວ-ພາບ ສົມພົງ ສີສະຫັວດ)
ໃນກອງປະຊຸມ, ທ່ານ ພັນ ພອນສະຫວັດ ຫົວໜ້າຫ້ອງການສາທາລະນະສຸກເມືອງໄດ້ ຜ່ານບົດສະຫຼູບການຈັດຕັ້ງປະຕິບັດກອງທືນປະກັນສຸຂະພາບປະຈຳ ປີ 2023 ແລະ ແຜນການປີ 2024 ບາງຕອນທ່ານກ່າວວ່າ: ຫ້ອງການກອງທືນປະກັນສຸຂະພາບເປັນຂະແໜງການໜຶ່ງທີ່ຂຶ້ນກັບຫ້ອງການສາທາລະນະສຸກເມືອງ, ມີໂຮງໝໍຄູ່ສັນຍາຄື: ໂຮງໝໍແຂວງ ເປັນໂຮງໝໍຫຼັກ ແລະ ໂຮງໝໍນ້ອຍ 10 ແຫ່ງ, ມີ 78 ບ້ານ, ມີພົນລະເມືອງ 89.411 ຄົນ. ຜ່ານການຈັດຕັ້ງປະຕິບັດກອງທຶນປະກັນສຸຂະພາບໃນ 1 ປີ ຜ່ານມາ ຕົວເລກຜູ້ປະກັນຕົນຕາມເປົ້າໝາຍ, ຈຳນວນປະຊາກອນຜູ້ປະກັນຕົນ 89.411 ຄົນ ເທົ່າກັບ 100%, ຈຳນວນສະມາຊິກພາກລັດ 9.531 ຄົນ ເທົ່າກັບ 11%, ຈໍານວນສະມາຊິກພາກວິສາຫະກິດ 3.142 ຄົນ ເທົ່າກັບ 4%, ຈຳນວນສະມາຊິກພາກປ້ອງກັນຄວາມສະຫງົບ 1.578 ຄົນ ເທົ່າກັບ 1,8%, ຈຳນວນສະມາຊິກແມ່ມານ 1.341 ຄົນ ເທົ່າກັບ 1,5%, ຈຳນວນສະມາຊິກເດັກລຸ່ມ 5 ປີ 11.623 ຄົນ ເທົ່າກັບ 13%, ຈໍານວນສະມາຊິກປະຊາຊົນທົ່ວໄປ 62.195 ຄົນເທົ່າກັບ 70%, ຕົວເລກບໍລິການປີ 2023 ມີຜູ້ມາໃຊ້ບໍລິການໂຮງໝໍທັງໝົດ 81.819 ຄົນ. ໃນນີ້, ໂຮງໝໍຄູ່ສັນຍາລັກ 54.938 ຄົນ, ໂຮງໝໍນ້ອຍ 26.881 ຄົນ, ກວດເຂດນອກ 75.806 ຄົນ, ຜ່າຕັດນ້ອຍ 801 ຄົນ, ນອນໂຮງໝໍ 6.888 ຄົນ, ເກີດລູກ 1.594 ຄົນ. ສ່ວນທິດທາງແຜນການປີ 2024 ສືບຕໍ່ປະຕິບັດການບໍລິການ, ການບັນທຶກ ການສະຫຼູບ, ລາຍງານຕາມລະບຽບການໃຫ້ຖືກຕ້ອງ ແລະ ທັນເວລາ, ສືບຕໍ່ເຜີຍແຜ່ເອກະສານກ່ຽວກັບລະບຽບການປະກັນສຸຂະພາບໃຫ້ແກ່ພະນັກງານ, ປະຊາຊົນ ທີ່ຢູ່ເຂດຫ່າງໄກຊອກຫຼີກໃຫ້ທົ່ວເຖິງ.
(ຂ່າວ-ພາບ ສົມພົງ ສີສະຫັວດ)
ຄໍາເຫັນ