ຂອງຄະນະສະຫະພັນແມ່ຍິງລາວແຕ່ລະຂັ້ນ ນັບທັງຢູ່ສູນກາງ ແລະ ທ້ອງຖິ່ນ.
ທ່ານ ນາງ ແພງພັນ ດວງປະຊາ ປະທານສະຫະພັນແມ່ຍິງ ກະຊວງພາຍໃນ ໄດ້ໃຫ້ສໍາພາດຕໍ່ຜູ້ຂຽນ ໃນໂອກາດພິທີສະຫຼຸບຜົນສໍາເລັດ ກອງປະຊຸມໃຫຍ່ຄັ້ງທີ III ຂອງສະຫະພັນແມ່ຍິງກະຊວງພາຍໃນ ແລະ ປະກາດການແຕ່ງຕັ້ງ ຄະນະບໍລິຫານງານສະຫະພັນແມ່ຍິງ ທີ່ກະຊວງພາຍໃນເມື່ອບໍ່ດົນຜ່ານມາ ວ່າ: ຕະຫຼອດໄລຍະຜ່ານມາຄະນະສະຫະພັນແມ່ຍິງກະຊວງພາຍໃນ ໄດ້ເອົາໃຈໃສ່ໃນການຈັດຕັ້ງປະຕິບັດວຽກງານ 3 ດີໂດຍໄດ້ສົມທົບກັບອົງການຈັດຕັ້ງມະຫາຊົນຊາວໜຸ່ມ ແລະ ກໍາມະບານ ພາຍໃນກະຊວງ, ໃນການຈັດຕັ້ງຜັນຂະຫຍາຍຂໍ້ແຂ່ງຂັນ ຂອງອົງການຈັດຕັ້ງມະຫາຊົນໃຫ້ສະມາຊິກທັງ 3 ອົງການຈັດຕັ້ງມະ ຫາຊົນພາຍໃນກະຊວງ ແລະ ຍັງໄດ້ເຜີຍແຜ່ເອກະສານເພີ່ມເຕີມ ໃຫ້ຄະນະສະຫະພັນແມ່ຍິງແຕ່ລະໜ່ວຍເພື່ອໃຫ້ເຂົາເຈົ້າໄດ້ນໍາເອົາໄປເຜີຍແຜ່ໃຫ້ສະມາຊິກແມ່ຍິງພາຍໃນຮາກຖານເປັນເຈົ້າການໃນການຈັດຕັ້ງປະຕິບັດຢ່າງມີຜົນສໍາເລັດ. ພ້ອມນີ້ ຍັງໄດ້ດໍາເນີນການກວດກາ, ປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 3 ດີເປັນແຕ່ລະໄລຍະ ຄື: ໄລຍະປີ 2021, 2022, 2023 ແລະ 2024 ຂອງບັນດາໜ່ວຍແມ່ຍິງທີ່ຂຶ້ນກັບສະຫະພັນແມ່ຍິງກະຊວງພາຍໃນ. ປີ 2021 ມີສະມາຊິກແມ່ຍິງເຂົ້າແຂ່ງຂັນທັງໝົດ 169 ສະຫາຍ, ຈາກຜົນການປະເມີນສາມາດຄັດເລືອກໜ່ວຍ 3 ດີ ປະເພດ I ໄດ້ 14 ໜ່ວຍ ມີ 163 ສະຫາຍ; ປີ 2022 ມີສະມາຊິກສະຫະພັນແມ່ຍິງເຂົ້າຮ່ວມ 169 ສະຫາຍ, ໃນນີ້ຜູ້ມີເງື່ອນໄຂຄົບຖ້ວນໃນການປະເມີນມີ 158 ສະຫາຍ (11 ສະຫາຍ ເງື່ອນໄຂບໍ່ຄົບຖ້ວນເນື່ອງຈາກການໄປຮຽນພາຍໃນ ແລະ ຕ່າງ ປະເທດເຄື່ອນໄຫວບໍ່ຄົບ 9 ເດືອນ) ຜ່ານການປະເມີນສາມາດຄັດເລືອກບຸກຄົນ 3 ດີປະເພດ I ໄດ້ຈໍານວນ 158 ສະຫາຍ, ໜ່ວຍແມ່ຍິງ 3 ດີ 14 ໜ່ວຍ; ປີ 2023 ປະເມີນໄດ້ ປະເພດ I ຈໍານວນ 14 ໜ່ວຍ, ແມ່ຍິງ ແລະ ບຸກຄົນ 3 ດີປະເພດ I ໄດ້ຈໍານວນ 157 ສະຫາຍ ແລະ ໃນປີ 2024 ປະເມີນໜ່ວຍ 3 ດີປະເພດ I ໄດ້ຈໍານວນ 14 ໜ່ວຍ ແລະ ບຸກຄົນ 3 ດີ ປະເພດ I ໄດ້ຈໍານວນ 144 ສະຫາຍ ແລະ ປະເພດ II ໄດ້ຈໍານວນ 3 ສະຫາຍ.
ທ່ານ ນາງ ແພງພັນ ດວງປະຊາ ກ່າວຕື່ມວ່າ: ເພື່ອສືບຕໍ່ຈັດຕັ້ງປະຕິບັດວຽກງານສະຫະພັນແມ່ຍິງ ກະຊວງພາຍໃນ ກໍຄືຜົນສໍາເລັດ ຂອງກອງປະຊຸມໃຫຍ່ ສະຫະພັນແມ່ຍິງກະຊວງພາຍໃນ ຄັ້ງທີ III ໃຫ້ບັນລຸຜົນເປັນຈິງ ຄະນະສະຫະພັນແມ່ຍິງ ກະຊວງພາຍໃນໄດ້ເອົາໃຈໃສ່ໃນການແບ່ງວຽກງານ, ໜ້າທີ່ຮັບ ຜິດຊອບ ແລະ ຂໍທິດຊີ້ນຳຈາກຄະນະພັກຄະນະນໍາກະຊວງ ກໍຄືຄະນະນໍາສູນກາງສະຫະພັນແມ່ຍິງລາວເປັນແຕ່ລະໄລຍະ ເພື່ອເຮັດໃຫ້ແຜນການຈັດຕັ້ງປະຕິບັດວຽກງານ ຂອງສະຫະພັນແມ່ຍິງກະຊວງພາຍໃນ ມີຜົນສໍາເລັດຕາມແຜນການທີ່ວາງໄວ້ ໂດຍສະເພາະການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຂອງສະຫະພັນແມ່ຍິງກະຊວງພາຍໃນ ຄັ້ງທີ III ກໍຄື ມະຕິກອງປະຊຸມໃຫຍ່ແມ່ຍິງລາວ ຄັ້ງທີ VIII ແລະ ຜົນສໍາເລັດຂອງກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວ ຄັ້ງທີ 4 ສະໄໝທີ VIII ໃຫ້ມີຜົນສໍາເລັດ ແລະ ແຜນພັດທະນາແມ່ຍິງກະຊວງທີ່ໄດ້ລະບຸໄວ້ໃນແຜນງານໂຄງການ ຂອງສະຫະພັນແມ່ຍິງກະຊວງ ນັ້ນກໍຄື 6 ແຜນງານ 9 ໂຄງການໃຫ້ມີຜົນສໍາເລັດ ຕິດພັນກັບ ວຽກງານຈຸດສຸມ ຂອງສະຫະພັນແມ່ຍິງກະຊວງພາຍໃນໃນຕໍ່ໜ້າ ຄື: ສ້າງພະນັກງານ-ລັດຖະກອນ, ສະມາຊິກແມ່ຍິງ ມີຄວາມໜັກແໜ້ນທາງດ້ານການເມືອງ-ແນວຄິດ, ມີຄວາມຮັບຮູ້ເຂົ້າໃຈແຈ້ງ ແລະ ເປັນເອກະພາບຕໍ່ແນວທາງ, ນະໂຍບາຍ, ມະຕິ, ຄຳສັ່ງ, ກົດລະບຽບຂອງພັກ, ກົດໝາຍ ແລະ ລະບຽບການຕ່າງໆຂອງລັດ, ມີຄຸນສົມບັດສິນທຳປະຕິວັດ, ເປັນພົນລະເມືອງດີ ມີນ້ຳໃຈຮັກຊາດ, ສັດຊື່ບໍລິສຸດ, ມີຄວາມສີວິໄລດ້ານຈິດໃຈ, ມີຄວາມສາມັກຄີເອື້ອເຟື້ອເຜື່ອແຜ່ ແລະ ມີຄວາມຮັບຜິດຊອບຕໍ່ໜ້າທີ່ວຽກງານ; ຊຸກຍູ້ສົ່ງເສີມໃຫ້ສະມາຊິກແມ່ຍິງ ໄດ້ຮັບການພັດທະນາຮອບດ້ານ, ຍົກລະດັບຄວາມຮູ້ທາງດ້ານທິດສະດີ, ວິຊາສະເພາະ, ພາສາຕ່າງ ປະເທດ ແລະ ສາມາດນຳໃຊ້ເຕັກນິກ-ເຕັກໂນໂລຊີທີ່ທັນສະໄໝ ເຂົ້າໃນການປະຕິບັດວຽກງານຂອງຕົນ; ຕິດຕາມ, ຊຸກຍູ້ ການຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າ ຂອງແມ່ຍິງ ແລະ ແມ່-ເດັກ, ຄວາມສະເໝີພາບຍິງ-ຊາຍ ໃນຄອບຄົວ, ອົງການ ແລະ ສັງຄົມ, ສ້າງໂອກາດໃຫ້ແມ່ຍິງມີບົດບາດໃນຕໍາແໜ່ງນຳພາ-ຄຸ້ມຄອງຢູ່ແຕ່ລະຂັ້ນເພີ່ມຂຶ້ນ; ເພີ່ມທະວີການພົວພັນ ແລະ ຮ່ວມມືກັບແມ່ຍິງບັນດາປະເທດເພື່ອນມິດ ກ່ຽວກັບວຽກງານແມ່ຍິງ ແລະ ວິຊາສະເພາະ ຕາມພາລະບົດບາດຂອງກະຊວງພາຍໃນ.
ຄໍາເຫັນ