ປີຜ່ານມາຢູ່ແຂວງຫຼວງພະບາງມີໄພພິບັດທາງທຳມະຊາດເກີດຂຶ້ນ 28 ຄັ້ງ ເສຍຫາຍ 194 ຕື້ກວ່າກີບ

ປີຜ່ານມາຢູ່ແຂວງຫຼວງພະບາງມີໄພພິບັດທາງທຳມະຊາດເກີດຂຶ້ນ 28 ຄັ້ງ ເສຍຫາຍ 194 ຕື້ກວ່າກີບ

10:41 15/07/2025

ກອງປະຊຸມສະຫຼຸບ ການຈັດຕັ້ງປະຕິບັດວຽກງານຄຸ້ມຄອງໄພພິບັດ ປະຈຳປີ 2024 ແລະ ວາງທິດທາງແຜນການປີ 2025 ຂອງແຂວງຫຼວງພະບາງ ໄດ້ຈັດຂຶ້ນ ໃນທ້າຍອາທິດຜ່ານມານີ້ ທີ່ຫ້ອງປະຊຸມພະແນກແຮງງານ ແລະ ສະຫວັດດີການ-ສັງຄົມແຂວງ, ໂດຍເປັນປະທານຂອງ ທ່ານ ບຸນເລື່ອມ ມະນີວົງ ຮອງເຈົ້າແຂວງ ປະທານຄະນະກຳມະການຄຸ້ມຄອງໄພພິບັດຂັ້ນແຂວງ.

ປຜານມາຢແຂວງຫວງພະບາງມໄພພບດທາງທຳມະຊາດເກດຂນ 28 ຄງ ເສຍຫາຍ 194 ຕກວາກບ - image 1

ທ່ານ ບຸນເລື່ອມ ມະນີວົງ ກ່າວເປີດກອງປະຊຸມວ່າ: ກອງປະຊຸມຄັ້ງນີ້, ເປັນການສະຫຼຸບວຽກງານຄຸ້ມຄອງໄພພິບັດ ໃນປີ 2024 ຜ່ານມາ ເພື່ອຍົກໃຫ້ເຫັນບັນດາຈຸດອ່ອນຂໍ້ຄົງຄ້າງ ທີ່ຈະຕ້ອງພ້ອມກັນປັບປຸງແກ້ໄຂ ເຮັດໃຫ້ການຈັດຕັ້ງປະຕິບັດວຽກງານໃນປີ 2025 ມີປະສິດທິພາບ ແລະ ປະສິດທິຜົນ, ຈື່ງຮຽກຮ້ອງໃຫ້ຜູ້ເຂົ້າຮ່ວມ ພ້ອມກັນປະກອບຄຳເຫັນໃຫ້ເລິກເຊີ່ງ, ຍົກໃຫ້ເຫັນດ້ານດີທີ່ຕັ້ງໜ້າ ເພື່ອເສີມຂະຫຍາຍໃຫ້ເລິກເຊີ່ງ-ກວ້າງຂວາງ, ລວມທັງບັນຫາທີ່ເປັນສີ່ງທ້າທາຍ ເພື່ອວາງມາດຕະການປັບປຸງແກ້ໄຂໃຫ້ດີຂຶ້ນ.

ກອງປະຊຸມ ຕາງໜ້າກອງເລຂາ ຄະນະກຳມະການຄຸ້ມຄອງໄພພິບັດຂັ້ນແຂວງ ໄດ້ຜ່ານບົດສະຫຼຸບວ່າ: ປີ 2024 ຜ່ານມາ ພາຍໃນແຂວງຫຼວງພະບາງ ເກີດມີສະພາບດີນຟ້າອາກາດມີການແປປວນ; ເຫດການທາງທໍາມະຊາດເກີດຂຶ້ນ ບໍ່ຖືກຕາມລະດູການ ເຮັດໃຫ້ເກີດມີຜົນກະທົບຈາກໄພພິບັດທາງທຳມະຊາດເຊັ່ນ: ນໍ້າຖ້ວມ, ນໍ້າໄຫຼຊຸ, ດິນເຊາະເຈື່ອນ, ລົມພະຍຸພັດ, ພາຍຸໝາກເຫັບຕົກ, ໄຟໄໝ້, ຟ້າຜ່າ ແລະ ອື່ນໆ. ລວມທັງໝົດ 28 ຄັ້ງ, ໃນນັ້ນ ໄພພິບັດນໍ້າຖ້ວມໄຫຼສຸ 3 ຄັ້ງ, ນໍ້າຖ້ວມຍື່ງ 2 ຄັ້ງ, ລົມພະຍຸພັດ-ໝາກເຫັບຕົກ 7 ຄັ້ງ, ດີນເຊາະເຈື່ອນ 2 ຄັ້ງ, ໄພແຫ້ງແລ້ງ-ສັດຕູພຶດທຳລາຍຜົນລະປູກ 1 ຄັ້ງ ແລະ ອັກຄີໄພໄຟໄໝ້ 13 ຄັ້ງ, ສົ່ງຜົນກະທົບໃນ 11 ເມືອງ ແລະ ນະຄອນ ຫຼວງພະບາງ, ມີ 111 ບ້ານ 1,942 ຄອບຄົວ, ມີ 10,995 ຄົນ ຍິງ 5,519 ຄົນ. ໃນນັ້ນ, ມີຜູ້ເສຍຊີວິດຈາກອັກຄີໄພໄຟໄໝ້, ນໍ້າໄຫຼຊຸ, ດິນຖະລົ່ມ ຈຳນວນຄົນ 7 ຄົນ, ສົ່ງກະທົບ ແລະ ສ້າງຄວາມເສຍຫາຍ ທາງດ້ານເສດຖະກິດ-ສັງຄົມເຊັ່ນ: ພື້ນຖານໂຄງລ່າງ, ທີ່ຢູ່ອາໄສ, ການດຳລົງຊິວິດ, ສັບສິນ ວັດຖຸສິ່ງຂອງປະຊາຊົນ ລວມມູນຄ່າທັງໝົດ 194 ຕື້ 443 ລ້ານກວ່າກີບ. ເຫດການໄພພິບັດທີ່ເກີດໜັກກວ່າໝູ່ ແມ່ນໄພນໍ້າຖ້ວມຊຸ ໃນລະຫວ່າງວັນທີ ວັນທີ 23 - 25 ກໍລະກົດ 2024, ຢູ່ 3 ເມືອງຄື: ເມືອງໂພນທອງ, ເມືອງວຽງຄຳ ແລະ ເມືອງ ປາກແຊງ. ຕໍ່ສະພາບການທີ່ເກີດຂຶ້ນ ຄະນະກຳມະການຄຸ້ມຄອງໄພພິບັດຂັ້ນແຂວງ, ຂັ້ນເມືອງ, ນະຄອນ ໄດ້ເອົາໃຈໃສ່ລົງຊຸກຍູ້ຕິດຕາມເຝົ້າລະວັງ ປຸກລະດົມສັງຄົມ ໃຫ້ມີຄວາມພ້ອມຮັບມືຕອບໂຕ້ໄພພິບັດທີ່ເກີດຂຶ້ນ, ທັງໄດ້ຮັບການຊ່ວຍເຫຼືອເຂົ້າກີນຈາກກະຊວງ ຈຳນວນ 120 ໂຕນ, ຊຶ່ງໄດ້ແຈກຢາຍເພື່ອຊ່ວຍເຫຼືອປະຊາຊົນ ທີ່ຖືກຜົນກະທົບ ຈາກໄພພິບັດນ້ຳຖ້ວມ, ສັດຕູພືດທຳລາຍຜົນລະປູກ, ໄພແຫ້ງແລ້ງ ແລະ ຄອບຄົວທຸກຍາກໃນ 11 ເມືອງ ແລະ ນະຄອນ ຫຼວງພະບາງ, ໄດ້ຮັບເງິນຊ່ວຍເຫຼືອຈາກສັງຄົມທັງໝົດ 2 ຕື້ 430 ລ້ານ 1 ແສນກີບ, ໄດ້ໃຫ້ການຊ່ວຍເຫຼືອຄອບຄົວປະຊາຊົນທີ່ຖືກຜົນກະທົບ ຈາກໄພພິບັດນ້ຳຖ້ວມ, ໄຟໄໝ້ເຮືອນ ຢູ່ 6 ເມືອງ ແລະ ນະຄອນ ຫຼວງພະບາງ, ປະກອບມີ: ສັງກະສີ, ເຫຼັກຕະປູ, ເຄື່ອງໃຊ້ຄົວເຮືອນ, ອາຫານແຫ້ງ, ເຂົ້າກີນ, ນ້ຳດື່ມ ແລະສ້ອມແປງພື້ນຖານໂຄງລ່າງທີ່ຈຳເປັນຈຳນວນໜຶ່ງ ລວມມູນຄ່າທັງໝົດ 1 ຕື້ 161 ລ້ານ 2 ແສນກີບ.

(ແຫຼ່ງຂ່າວ: ແຂວງຫຼວງພະບາງ)

ຄໍາເຫັນ

ຂ່າວວັດທະນະທຳ-ສັງຄົມ

ເຜີຍແຜ່ການຟອກເງິນທີ່ຕິດພັນກັບການສໍ້ລາດບັງຫຼວງ ແລະ ວຽກງານແຈ້ງຊັບສິນ

15/07/2025 14:01

ກົມກວດກາ ກະຊວງວັດທະນະທຳ ແລະ ການທ່ອງທ່ຽວ ໄດ້ຈັດກອງປະຊຸມສຳມະນາເຜີຍແຜ່ວຽກງານສະກັດກັ້ນ, ກວດກາ, ສືບສວນ-ສອບສວນການສໍ້ລາດບັງຫຼວງ, ການຟອກເງິນທີ່ຕິດພັນກັບການສໍ້ລາດບັງຫຼວງ ແລະ ວຽກງານແຈ້ງຊັບສິນຂຶ້ນໃນວັນທີ 15 ກໍລະກົດນີ້ ທີ່ກະຊວງດັ່ງກ່າວ ໂດຍການເປັນປະທານຂອງສະຫາຍ ຄຳເພົ້າ ວັນນະວົງ ຮອງປະທານກວດກາພັກກະຊວງ ຫົວໜ້າກົມກວດກາກະຊວງວັດທະນະທຳ ແລະ ການທ່ອງທ່ຽວ, ມີສະຫາຍ ເທບພະໄທ ພັນກ້າ ຮັກສາການຫົວໜ້າກົມຕ້ານ ແລະ ສອບສວນການສໍ້ລາດບັງຫຼວງ ຄະນະກວດກາສູນກາງພັກ, ອົງການກວດກາແຫ່ງລັດ ແລະ ອົງການຕ້ານການສໍ້ລາດບັງຫຼວງສູນກາງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ສໍາມະນາເນື້ອໃນປຶ້ມ “ການເຕີບໃຫຍ່ຂະຫຍາຍຕົວຂອງອົງຄະນະພັກ ນະຄອນຫຼວງວຽງຈັນ”

15/07/2025 13:59

ຄະນະຮັບຜິດຊອບ, ຄະນະບັນນາທິການ ແລະ ກອງເລຂາຊ່ວຍວຽກຂຽນປຶ້ມ ຂັ້ນນະຄອນຫຼວງວຽງຈັນ(ນວ) ໄດ້ຈັດກອງປະຊຸມສໍາມະນາເນື້ອໃນປຶ້ມ “ການເຕີບໃຫຍ່ຂະຫຍາຍຕົວຂອງອົງຄະນະພັກ ນະຄອນຫຼວງວຽງຈັນ” ນັບແຕ່ປີ 1950 ເຖິງປີ 2020 ຂຶ້ນໃນວັນທີ 15 ກໍລະກົດນີ້ ທີ່ຫ້ອງວ່າການປົກຄອງນະຄອນຫຼວງວຽງຈັນ. ໂດຍການເປັນປະທານ ຂອງສະຫາຍ ອານຸພາບ ຕຸນາລົມ ຄະນະເລຂາທິການສູນກາງພັກ ເລຂາຄະນະພັກ ປະທານສະພາປະຊາຊົນນະຄອນຫຼວງວຽງຈັນ.

ກອງປະຊຸມໃຫຍ່ຜູ້ພິພາກສາທົ່ວປະເທດ ຄັ້ງທີ XII

15/07/2025 13:43

ສານປະຊາຊົນສູງສຸດ (ສປສສ) ໄດ້ຈັດກອງປະຊຸມໃຫຍ່ຜູ້ພິພາກສາທົ່ວປະເທດ ຄັ້ງທີ XII ພາຍໃຕ້ຫົວຂໍ້: ການຕັດສິນວ່ອງໄວ ຜ່ານກົນໄກດໍາເນີນຄະດີຕໍ່ເນື່ອງ, ການຕັດສິນຖືກຕ້ອງ ແລະ ພາວະວິໄສ ຜ່ານກົນໄກໂຕ້ແຍ່ງ-ໂຕ້ຖຽງ, ຮັບປະກັນຄວາມສັກສິດຂອງກົດໝາຍ ແລະ ສິ້ນສຸດຕາມຂະບວນການຍຸຕິທໍາຂຶ້ນໃນວັນທີ 15 ກໍລະກົດນີ້ ທີ່ໂຮງແຮມແລນມາກ ນະຄອນຫຼວງວຽງຈັນ ໂດຍການເປັນປະທານຂອງທ່ານນາງ ວຽງທອງ ສີພັນດອນ ປະທານສານປະຊາຊົນສູງສຸດ, ມີທ່ານນາງ ທຸມມະລີ ວົງພະຈັນ ປະທານກໍາມາທິການຍຸຕິທໍາ ສະພາແຫ່ງຊາດ, ມີຄະນະປະທານ, ສະມາຊິກສະພາຜູ້ພິພາກສາ, ຮອງລັດຖະມົນຕີ ພ້ອມດ້ວຍຜູ້ພິພາກສາສານປະຊາຊົນໃນຂອບເຂດທົ່ວປະເທດເຂົ້າຮ່ວມ.

ແຂວງວຽງຈັນ ປະເມີນຄືນວຽກງານຄຸ້ມຄອງ ແລະ ນຳໃຊ້ໃບເກັບເງິນ

15/07/2025 13:33

ໃນວັນທີ 14-15 ກໍລະກົດ 2025, ຢູ່ທີ່ຫ້ອງປະຊຸມພະແນກການເງິນ ແຂວງວຽງຈັນ, ຄະນະຮັບຜິດຊອບປະເມີນການຈັດຕັ້ງປະຕິບັດບັນດາຫົວໜ່ວຍ ຜູ້ພັດທະນາລະບົບໂປຣມແກຣມບັນຊີທີ່ພົວພັນກັບການເຊື່ອມຕໍ່ໃບເກັບເງິນກັບລະບົບ Taxrisຂອງຂະແໜ່ງສວຍສາອາກອນ ໄດ້ລົງຕິດຕາມ, ກວດກາ ແລະ ການຈັດຕັ້ງປະຕິບັດກ່ຽວກັບວຽກງານຄຸ້ມຄອງ ແລະ ນຳໃຊ້ໃບເກັບເງິນ, ເຄື່ອງບັນທຶກການຂາຍສິນຄ້າ ແລະ ບໍລິການ (POS) ຢູ່ແຂວງວຽງຈັນ ນຳພາໂດຍ ທ່ານ ສຸພັນ ວິລາວົງ ຮອງຫົວໜ້າກົມສ່ວຍສາອາກອນ ກະຊວງການເງິນ, ພ້ອມດ້ວຍຄະນະ, ມີທ່ານ ສັງທອງ ມິດດາວົງ ຮອງຫົວໜ້າພະແນກການເງິນແຂວງວຽງຈັນ, ພ້ອມດ້ວຍຜູ້ປະກອບການເຂົ້າຮ່ວມ.

ໄຂກອງປະຊຸມໃຫຍ່ຜູ້ແທນສະຫະພັນກຳມະບານແຂວງອັດຕະປືຄັ້ງທີ Vll

15/07/2025 13:32

ໃນວັນທີ 15 ກໍລະກົດນີ້, ສະຫະພັນກຳມະບານແຂວງອັດຕະປືໄດ້ຈັດກອງປະຊຸມໃຫຍ່ຜູ້ແທນສະຫະພັນກຳມະບານແຂວງຄັ້ງທີ Vllຂຶ້ນທີ່ຫໍປະຊຸມໃຫຍ່ຂອງແຂວງ, ໂດຍການເຂົ້າຮ່ວມຂອງທ່ານ ນາງ ມີນາພອນ ໄຊຊົມພູ ຮອງເລຂາພັກແຂວງປະທານສະພາປະຊາຊົນແຂວງ,ມີທ່ານ ທອງຈັນ ພູມີພັນ ຮອງປະທານຄະນະບໍລິຫານງານສູນກາງສະຫະພັນກຳມະບານລາວ, ມີແຂກຖືກເຊີນພ້ອມດ້ວຍຜູ້ແທນສົມບູນເຂົ້າຮ່ວມ.

ການນຳແຂວງສະຫວັນນະເຂດ ລົງຕິດຕາມແກ້ໄຂສະພາບການເຊາະເຈື່ອນຂອງຕາຝັ່ງເຊໂຈນ

15/07/2025 13:30

ຄວາມເປັນຫ່ວງເປັນໄຍຕໍ່ສະພາບການດຳລົງຊີວິດຂອງພໍ່ແມ່ປະຊາຊົນຊາວບ້ານພີນ ເມືອງພີນ ແຂວງສະຫວັນນະເຂດ ທີ່ຕັ້ງບ້ານເຮືອນລຽບຕາມແຄມຝັ່ງເຊໂຈນ ຊຶ່ງປັດຈຸບັນ ແມ່່ນໄດ້ຮັບຜົນກະທົບຈາກການເຊາະເຈື່ອນຂອງດິນແຄມຕາຝັ່ງເຊດັ່ງກ່າວ ທີ່ກຳລັງແຜ່ລາມເປັນບໍລິເວນກວ້າງສົມຄວນ.ດັ່ງນັ້ນ, ໃນວັນທີ 14 ກໍລະກົດຜ່ານມາ, ທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດພ້ອມດ້ວຍຄະນະນຳຂອງແຂວງ ແລະເມືອງພີນ ໄດ້ລົງຕິດຕາມເບິ່ງສະພາບຜົນເສຍຫາຍທີ່ເກີດຂຶ້ນ ແລະຊຸກຍູ້ການສ້ອມແປງຕາຝັ່ງເຊໂຈນທີ່ຖືກນ້ຳເຊາະເຈື່ອນ.

ແມ່ຍິງລາວ ໄດ້ຮັບການພັດທະນາຄຽງຄູ່ກັບເພດຊາຍ ໃນພາລະກິດລວມຂອງຊາດ

15/07/2025 11:44

ໃນໂອກາດ ວັນສ້າງຕັ້ງອົງການຈັດຕັ້ງແມ່ຍິງລາວ, ວັນທີ 20 ກໍລະກົດ ປີ 2025 ໄດ້ໝູນວຽນມາບັນຈົບ ຄົບຮອບ 70 ປີ. ທ່ານ ນາງ ແພງພັນ ບຸບຜາພອນ ກໍາມະການຄະນະພັກ ຫົວໜ້າກົມໂຄສະນາ ອະດີດປະທານສະຫະພັນແມ່ຍິງ ສນຊ ສະໄໝທີ XIV ໄດ້ສະແດງຄວາມຮູ້ສຶກຂອງຕົນຕໍ່ກັບວັນທີ 20 ກໍລະກົດ ວ່າ: ໄລຍະການປະຕິວັດຊາດ ຕໍ່ສູ້ຕ້ານຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່ ແມ່ຍິງລາວບັນດາເຜົ່າ ໄດ້ປະກອບສ່ວນຄ່ຽງຄູ່ກັບເພດຊາຍ ຢ່າງຕັ້ງໜ້າເຂົ້າໃນການປະຕິວັດຊາດປະຊາທິປະໄຕ ກໍຄືໄລຍະປົກປັກຮັກສາ ແລະ ສ້າງສາພັດທະນາປະເທດຊາດ ຈົນມາເຖິງປັດຈຸບັນ.

ຊາວກະສິກອນເມືອງເງິນປູກພຶດລະດູຝົນໃນເນື້ອທີ່ 11,656 ກວ່າເຮັກຕາ

15/07/2025 10:35

ເພື່ອເປັນການປະຕິບັດຕາມແຜນພັດທະນເສດຖະກິດຂອງເມືອງ, ກໍຄືວຽກງານຄໍ້າປະກັນທາງດ້ານສະບຽງອາຫານ ແລະ ປູກພືດເປັນສິນຄ້າຂອງຊາວກະສິກອນເມືອງເງິນໃຫ້ບັນລຸຕາມຄາດໜາຍທີ່ວາງໄວ້. ປີ 2025 ນີ້, ການປູກພືດລະດູຝົນມີເນື້ອທີ່ທັງໝົດ 11,656 ກວ່າເຮັກຕາ. ອີງຕາມການລາຍງານຂອງທ່ານ ທອງສຸກ ຈັນປະເສີດ ຫົວໜ້າຫ້ອງການກະສິກໍາ ແລະ ປ່າໄມ້ເມືອງເງິນໄດ້ໃຫ້ຮູ້ວ່າ: ການປູກພືດລະດູປີຢູ່ເມືອງເງິນ ແຂວງໄຊຍະບູລີ ມາຮອດປັດຈຸບັນ, ການປູກພືດລະດູຝົນແລ້ວສຳເລັດແລ້ວ 98 % ເຫັນວ່າການປູກພືດລະດູຝົນຂອງຊາວກະສິກອນຢູ່ເມືອງເງິນ ປີນີ້ເປັນຂະບວນການຟົດຟື້ນກວ້າງຂວາງກວ່າປີຜ່ານມາ ເປັນຕົ້ນແມ່ນ: ການປູກເຂົ້ານາປີສໍາເລັດແລ້ວ 85% ໃນເນື້ອທີ່ 726 ເຮັກຕາ.

ການດໍາເນີນຄະດີຕໍ່ກັບການກະທໍາຜິດກ່ຽວກັບຊັບພະຍາກອນທໍາມະຊາດ ແລະ ສິ່ງແວດລ້ອມ

15/07/2025 10:31

ໃນໄລຍະຜ່ານມາ ໄດ້ເກີດມີປະກົດການຫຍໍ້ທໍ້ໃນສັງຄົມເຊັ່ນ: ການຕັດໄມ້ຄຸ້ມຄອງ, ຖາງປ່າ, ຈູດປ່າ ແລະ ການຂຸດຄົ້ນເຄື່ອງປ່າຂອງດົງ ໂດຍບໍ່ຖືກຕ້ອງຕາມກົດໝາຍ, ການຕັດ, ຊື້-ຂາຍ ຫຼື ເຄື່ອນຍ້າຍໄມ້ ແລະ ຕໍໄມ້ທຳມະຊາດ ປະເພດຫວງຫ້າມ ແລະ ໄມ້ພິເສດທີ່ໃກ້ຈະສູນພັນໂດຍບໍ່ຖືກຕ້ອງຕາມກົດໝາຍ, ການທໍາລາຍເຄື່ອງປູກ, ການລ່າເນື້ອ, ການຫາປາ ຫຼື ສັດນໍ້າອື່ນໆ ໂດຍບໍ່ຖືກຕ້ອງຕາມກົດ ໝາຍ, ການບຸກລຸກທຳລາຍຖິ່ນອາໄສ ແລະ ແຫຼ່ງອາຫານຂອງສັດນ້ຳ ແລະ ສັດປ່າ, ການຄ້າຂາຍ ຫຼື ມີໄວ້ໃນຄອບຄອງສັດນໍ້າ ຫຼື ສັດປ່າທີ່ຫວງຫ້າມ, ການນໍາເຂົ້າ, ສົ່ງອອກ, ນໍາຜ່ານ ຫຼື ເຄື່ອນຍ້າຍສັດນໍ້າ ແລະ ສັດປ່າ, ການທໍາລາຍຊັບພະຍາກອນສັດນໍ້າ, ການລະເມີດລະບຽບການກ່ຽວກັບການຄຸ້ມຄອງສັດປ່າທີ່ມີຄຸນຄ່າ ແລະ ຫາຍາກ, ການທໍລະມານສັດ ແລະ ການກະທໍາຜິດອື່ນໆ ທີ່ກ່ຽວຂ້ອງກັບຊັບພະຍາກອນທໍາມະຊາດ ແລະ ສິ່ງແວດລ້ອມ ເກີດຂຶ້ນຢ່າງຫຼວງຫຼາຍ ແຕ່ການດໍາເນີນຄະດີຕາມກົດ ໝາຍແມ່ນມີໜ້ອຍ, ສ່ວນຫຼາຍແມ່ນແກ້ໄຂທາງບໍລິຫານ, ສ່ວນຄະດີແມ່ນບໍ່ດໍາເນີນຕາມກົດໝາຍ ເຮັດໃຫ້ເກີດຜົນກະທົບທາງລົບຕໍ່ການບັງຄັບໃຊ້ກົດໝາຍຂອງ ສປປ ລາວ.

ກອງປະຊຸມໃຫຍ່ສະມາຊິກສະຫະພັນແມ່ຍິງ ສຊປລ ຄັັ້ງທີ XIII

14/07/2025 15:06

ສະຫະພັນແມ່ຍິງສູນກາງຊາວໜຸ່ມປະຊາຊົນ ປະຕິວັດລາວ (ສຊປລ) ໄດ້ຈັດກອງປະຊຸມໃຫຍ່ສະມາ ຊິກສະຫະພັນແມ່ຍິງ ສຊປລ ຄັັ້ງທີ XIII ຂຶ້ນໃນວັນທີ 14 ກໍລະກົດນີ້ ທີ່ ສຊປລ ໂດຍການເປັນກຽດເຂົ້າຮ່ວມຂອງສະຫາຍນາງ ອາລີ ວົງໜໍ່ບຸນທໍາ ກໍາມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ (ສສຍລ), ສະຫາຍ ມອນໄຊ ລາວມົວຊົ່ງ ກຳມະການສຳຮອງສູນກາງພັກ ເລຂາຄະນະບໍລິຫານງານພັກ ເລຂາຄະນະບໍລິຫານງານ ສຊປລ ໂດຍການເປັນປະທານຂອງທ່ານນາງ ແກ້ວອຸດອນ ແສງມະນີ ປະທານສະຫະພັນແມ່ຍິງ ສຊປລ, ມີພະນັກງານບຳນານແມ່ຍິງຂອງ ສຊປລ, ສະມາຊິກສະຫະພັນແມ່ຍິງພາຍໃນ ສຊປລ ພ້ອມດ້ວຍແຂກຖືກເຊີນເຂົ້າຮ່ວມ.

ເພີ່ມເຕີມ