(ເຜົ່າລາວລຸ່ມ, ໄຕ, ລື້, ໄຕຢັ້ງ, ໄທເໜືອ, ກຶມມຸ, ບິດ, ມົ້ງ, ອິວມ້ຽນ, ຫໍ້, ສີລາ,ໂລໂລ, ອາຄາ, ຮາຢີ ແລະ ມີ 34 ແຊງ)ຊຶ່ງມີພາສາປາກເວົ້າແຕກຕ່າງກັນ ແລະ ມີຊາຍແດນຕິດກັບ 2 ປະເທດຄື: ຕິດກັບ ສສ ຫວຽດນາມ ຍາວ 353 ກິໂລແມັດ ແລະ ຕິດກັບ ສປ ຈີນ ຍາວ 323 ກິໂລແມັດ; ມີດ່ານສາກົນ 2 ແຫ່ງ (ດ່ານສາກົນປາງຫົກ-ໄຕຈາງ ແລະ ດ່ານລ້ານຕຸ້ຍ-ເມືອງຄໍາ), ມີດ່ານທ້ອງຖິ່ນ 1 ແຫ່ງ (ດ່ານປ່າຄາ-ບ້ານຈອມ), ມີດ່ານປະເພນີ 3 ແຫ່ງ.
ທ່ານ ຄໍາຜອຍ ວັນນະສານ ກໍາມະການສູນກາງພັກ ເລຂາພັກແຂວງ ເຈົ້າແຂວງຜົ້ງສາລີໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນ ສຽງຂອງສູນກາງພັກໃນວັນທີ 12 ທັນວາຜ່ານມາ ທີ່ຫ້ອງວ່າການແຂວງວ່າ: ແຂວງຜົ້ງສາລີໄດ້ວາງທິດທາງຄາດໝາຍສູ້ຊົນໃນ 5 ປີຕໍ່ໜ້າ (2021-2025) ໂດຍສຸມໃສ່ແກ້ໄຂ 8 ບັນຫາຕົ້ນຕໍທີ່ພົບພໍ້ຜ່ານມາ ແລະ ພວມປະເຊີນໜ້າຢູ່ໃນປັດຈຸບັນດັ່ງນີ້:
1. ຄວາມທຸກຍາກຂອງປະຊາຊົນໃນລະດັບບ້ານ ແລະ ຄອບຄົວຍັງກວມອັດຕາສ່ວນສູງ; 2. ປະກົດການຫຍໍ້ທໍ້ໃນສັງຄົມຍັງເກີດຂຶ້ນຢູ່ຫຼາຍບໍລິເວນ ແລະ ມີທ່າອ່ຽງເພີ່ມຂຶ້ນໃນລະດັບທີ່ແຕກຕ່າງກັນ ທັງຢູ່ໃນຕົວເມືອງ ແລະ ຊົນນະບົດ; 3. ການນໍາໃຊ້ຊັບພະຍາກອນທໍາມະຊາດຍັງຟຸ່ມເຟືອຍທີ່ບໍ່ມີປະສິດທິຜົນສູງ ແລະ ກ້າວໄປເຖິງດັບສູນ; 4. ຄວາມສາມາດຂອງພະນັກງານນໍາພາ-ຄຸ້ມຄອງ ແລະ ພະນັກງານວິຊາການຍັງຈໍາກັດ; 5. ຄຸນນະພາບຂອງຊັບພະຍາກອນມະນຸດຢູ່ພາຍໃນແຂວງຍັງຕໍ່າ; 6. ປະຊາຊົນໃນເຂດຊົນນະບົດຍັງບໍ່ຮູ້ພາສາລາວ (ບໍ່ຮູ້ສື່ສານດ້ວຍພາສາລາວ); 7. ຄວາມຕ້ອງການພັດທະນາສູງ, ແຕ່ທຶນຮອນມີຈໍາກັດ; 8. ການປ່ຽນແປງດິນຟ້າອາກາດ ແລະ ການລະບາດພະຍາດຕ່າງໆເປັນໄພຂົ່ມຄູ່ກັບການດໍາລົງຊີວິດ ແລະ ການສ້າງສາພັດທະນາ. ທັງໝົດໄດ້ກາຍເປັນສິ່ງທ້າທາຍທີ່ການນຳແຂວງຕ້ອງໄດ້ພ້ອມກັນເອົາໃຈໃສ່ແກ້ໄຂ ເພື່ອເຮັດໃຫ້ຊີວິດການເປັນຢູ່ຂອງປະຊາຊົນພາຍໃນແຂວງດີຂຶ້ນເປັນກ້າວໆ.
ຂ່າວ: ພູວັນ
ຄໍາເຫັນ