ກອງບັນຊາການປ້ອງກັນຄວາມສະຫງົບ (ປກສ) ເມືອງພຽງແຂວງໄຊຍະບູລີ ໄດ້ຈັດກອງປະຊຸມສະຫຼຸບຜົນການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດປີ2021-2023ຂຶ້ນໃນວັນທີ 27 ກັນຍາຜ່ານມາ ທີ່ ປກສເມືອງເປັນກຽດເຂົ້າຮ່ວມຂອງທ່ານ ເສີດ ແສງສຸລິນ ເຈົ້າເມືອງໆພຽງປະທານປ້ອງກັນຊາດ(ປກຊ)-ປ້ອງກັນຄວາມສະຫງົບ(ປກສ)ເມືອງ,ມີທ່ານພັທ ວົງເພັດ ແກ້ວມະນີ ຮອງຫົວໜ້າກອງບັນຊາການ (ປກສ)ແຂວງ,ມີທ່ານພັທ ບຸນຍ້າຍ ວົງໂສພາ ຫົວໜ້າກອງບັນຊາການ ປກສ ເມືອງພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມໄດ້ຮັບຟັງການຜ່ານບົດສະຫຼຸບຜົນການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດແຕ່ປີ 2021-2023 ໄລຍະຜ່ານມາເປັນຕົ້ນຜົນງານດ້ານດີ,ດ້ານອ່ອນ, ຂໍ້ຄົງຄ້າງທີ່ຈະຕ້ອງໄດ້ສືບຕໍ່ປັບປຸງແກ້ໄຂໃນຕໍ່ໜ້າໂດຍສະເພາະການຜັນຂະຫຍາຍບັນດາມະຕິ, ຄຳສັ່ງ,ຜົນການຈັດຕັ້ງປະຕິບັດ 6 ວຽກຈຸດສຸມຂອງວາລະແຫ່ງຊາດແລະການແກ້ໄຂບັນຫາປະກົດການຫຍໍ້ທໍ້ໂດຍໄດ້ສ້າງຄວາມຮັບຮູ້-ເຂົ້າໃຈໃນທົ່ວສັງຄົມດ້ວຍການສຶກສາອົບຮົມ,ໂຄສະນາເຜີຍແຜ່ລະບຽບກົດໝາຍແລະຜົນຮ້າຍຂອງຢາເສບຕິດ, ໄດ້ຈັດຕັ້ງເຜີຍແຜ່, ເຊື່ອມຊຶມບັນດາເອກະສານ, ນິຕິກໍາທີ່ກ່ຽວກັບວາລະແຫ່ງຊາດ ວ່າດ້ວຍການແກ້ໄຂຢາເສບຕິດໃຫ້ຄະນະພັກ-ຄະນະນໍາ, ສໍານັກງານ, ອົງການຂັ້ນຕ່າງໆໃນທົ່ວເມືອງໄດ້80 ຄັ້ງ, ມີຜູ້ເຂົ້າຮ່ວມ 15.900ກວ່າຄົນຍິງ 7.780 ຄົນ, ສົມທົບກັບພາກສ່ວນທີ່ກ່ຽວຂ້ອງສຶກສາອົບຮົມຜູ້ເຂົ້າມາບໍາບັດ-ດັດສ້າງ 48 ຄັ້ງ, ມີຜູ້ເຂົ້າຮ່ວມ 7.200 ຄົນຍິງ 2.250ກວ່າຄົນ, ປຸກລະດົມຂົນຂວາຍບັນດາບໍລິສັດປະກອບສ່ວນດ້ານວັດຖຸ-ປັດໄຈ ເພື່ອຮັບໃຊ້ການຜະລິດແຜ່ນຮູບພາບຜົນຮ້າຍຢາເສບຕິດ, ໂຄສະນາດ້ວຍຫຼາຍຮູບແບບ,ໄດ້ເຂົ້າຮ່ວມວັນສໍາຄັນຕ່າງໆ: ເປັນຕົ້ນວັນສາກົນຕ້ານຢາເສບຕິດ, ໄດ້ນໍາສົ່ງຂອງກາງຢາເສບຕິດປະເພດຢາບ້າຈໍານວນ 155.500ກວ່າເມັດໃຫ້ ປກສ ແຂວງດໍາເນີນຄະດີ.
ຜ່ານການຈັດຕັ້ງປະຕິບັດຜ່ານມາສາມາດສ້າງຄວາມຮັບຮູ້-ເຂົ້າໃຈຜົນຮ້າຍ,ໄພອັນຕະລາຍຂອງຢາເສບຕິດໃຫ້ທົ່ວສັງຄົມ ເມື່ອທຽບໃສ່ໄລຍະທີ່ບໍ່ທັນຈັດຕັ້ງປະຕິບັດວາລະແຫ່ງຊາດເຫັນວ່າປະຊາຊົນສ່ວນໃຫຍ່ຍັງບໍ່ທັນມີຄວາມຮັບຮູ້ເຂົ້າໃຈຢ່າງເລິກເຊິ່ງ,ມາເຖິງປັດຈຸບັນປະຊາຊົນສ່ວນໃຫຍ່ມີຄວາມຮັບຮູ້-ເຂົ້າໃຈຢ່າງຈະແຈ້ງອັນໄດ້ເຮັດໃຫ້ວຽກງານດັ່ງກ່າວກາຍເປັນພັນທະໜ້າທີ່ຂອງທຸກພາກສ່ວນໃນທົ່ວປວງຊົນຢ່າງກວ້າງຂວາງ. ໂອກາດນີ້, ທ່ານ ພັທ ວົງເພັດ ແກ້ວມະນີ ແລະ ທ່ານ ເສີດ ແສງສຸລິນໄດ້ໃຫ້ກຽດໂອ້ລົມເນັ້ນໜັກໃຫ້ທຸກພາກສ່ວນໃນສັງຄົມ ໂດຍສະເພາະກຳລັງ ປກສ ຈົ່ງໄດ້ພ້ອມກັນຍົກສູງຄຸນທາດການເມືອງຂອງຕົນໃຫ້ໜັກແໜ້ນເຂັ້ມແຂງ,ຮັບປະກັນດ້ານວິຊາສະເພາະໃຫ້ມີຄວາມຮອບຄອບຕາມລະບຽບຫຼັກການວິຊາສະເພາະຂອງຕົນເພື່ອຕ້ານແລະສະກັດກັນປະກົດການຫຍໍ້ທໍ້ຕ່າງໃນສັງຄົມຢ່າງມີຄຸນນະພາບຮັບປະກັນເຮັດໃຫ້ທົ່ວສັງຄົມມີຄວາມສະຫງົບປອດໄພໂດຍພື້ນຖານ.ສືບຕໍ່ປະສານສົມທົບແໜ້ນກັບທຸກພາກສ່ວນເພື່ອພ້ອມກັນຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດຢູ່ພາຍໃນເມືອງໃຫ້ມີປະສິດທິຜົນບັນລຸຕາມຈຸດປະສົງຄາດໝາຍ.
ຂ່າວ: ແສງສຸດາ ກິ່ງສະຫວັດ
ກອງປະຊຸມໄດ້ຮັບຟັງການຜ່ານບົດສະຫຼຸບຜົນການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດແຕ່ປີ 2021-2023 ໄລຍະຜ່ານມາເປັນຕົ້ນຜົນງານດ້ານດີ,ດ້ານອ່ອນ, ຂໍ້ຄົງຄ້າງທີ່ຈະຕ້ອງໄດ້ສືບຕໍ່ປັບປຸງແກ້ໄຂໃນຕໍ່ໜ້າໂດຍສະເພາະການຜັນຂະຫຍາຍບັນດາມະຕິ, ຄຳສັ່ງ,ຜົນການຈັດຕັ້ງປະຕິບັດ 6 ວຽກຈຸດສຸມຂອງວາລະແຫ່ງຊາດແລະການແກ້ໄຂບັນຫາປະກົດການຫຍໍ້ທໍ້ໂດຍໄດ້ສ້າງຄວາມຮັບຮູ້-ເຂົ້າໃຈໃນທົ່ວສັງຄົມດ້ວຍການສຶກສາອົບຮົມ,ໂຄສະນາເຜີຍແຜ່ລະບຽບກົດໝາຍແລະຜົນຮ້າຍຂອງຢາເສບຕິດ, ໄດ້ຈັດຕັ້ງເຜີຍແຜ່, ເຊື່ອມຊຶມບັນດາເອກະສານ, ນິຕິກໍາທີ່ກ່ຽວກັບວາລະແຫ່ງຊາດ ວ່າດ້ວຍການແກ້ໄຂຢາເສບຕິດໃຫ້ຄະນະພັກ-ຄະນະນໍາ, ສໍານັກງານ, ອົງການຂັ້ນຕ່າງໆໃນທົ່ວເມືອງໄດ້80 ຄັ້ງ, ມີຜູ້ເຂົ້າຮ່ວມ 15.900ກວ່າຄົນຍິງ 7.780 ຄົນ, ສົມທົບກັບພາກສ່ວນທີ່ກ່ຽວຂ້ອງສຶກສາອົບຮົມຜູ້ເຂົ້າມາບໍາບັດ-ດັດສ້າງ 48 ຄັ້ງ, ມີຜູ້ເຂົ້າຮ່ວມ 7.200 ຄົນຍິງ 2.250ກວ່າຄົນ, ປຸກລະດົມຂົນຂວາຍບັນດາບໍລິສັດປະກອບສ່ວນດ້ານວັດຖຸ-ປັດໄຈ ເພື່ອຮັບໃຊ້ການຜະລິດແຜ່ນຮູບພາບຜົນຮ້າຍຢາເສບຕິດ, ໂຄສະນາດ້ວຍຫຼາຍຮູບແບບ,ໄດ້ເຂົ້າຮ່ວມວັນສໍາຄັນຕ່າງໆ: ເປັນຕົ້ນວັນສາກົນຕ້ານຢາເສບຕິດ, ໄດ້ນໍາສົ່ງຂອງກາງຢາເສບຕິດປະເພດຢາບ້າຈໍານວນ 155.500ກວ່າເມັດໃຫ້ ປກສ ແຂວງດໍາເນີນຄະດີ.
ຜ່ານການຈັດຕັ້ງປະຕິບັດຜ່ານມາສາມາດສ້າງຄວາມຮັບຮູ້-ເຂົ້າໃຈຜົນຮ້າຍ,ໄພອັນຕະລາຍຂອງຢາເສບຕິດໃຫ້ທົ່ວສັງຄົມ ເມື່ອທຽບໃສ່ໄລຍະທີ່ບໍ່ທັນຈັດຕັ້ງປະຕິບັດວາລະແຫ່ງຊາດເຫັນວ່າປະຊາຊົນສ່ວນໃຫຍ່ຍັງບໍ່ທັນມີຄວາມຮັບຮູ້ເຂົ້າໃຈຢ່າງເລິກເຊິ່ງ,ມາເຖິງປັດຈຸບັນປະຊາຊົນສ່ວນໃຫຍ່ມີຄວາມຮັບຮູ້-ເຂົ້າໃຈຢ່າງຈະແຈ້ງອັນໄດ້ເຮັດໃຫ້ວຽກງານດັ່ງກ່າວກາຍເປັນພັນທະໜ້າທີ່ຂອງທຸກພາກສ່ວນໃນທົ່ວປວງຊົນຢ່າງກວ້າງຂວາງ. ໂອກາດນີ້, ທ່ານ ພັທ ວົງເພັດ ແກ້ວມະນີ ແລະ ທ່ານ ເສີດ ແສງສຸລິນໄດ້ໃຫ້ກຽດໂອ້ລົມເນັ້ນໜັກໃຫ້ທຸກພາກສ່ວນໃນສັງຄົມ ໂດຍສະເພາະກຳລັງ ປກສ ຈົ່ງໄດ້ພ້ອມກັນຍົກສູງຄຸນທາດການເມືອງຂອງຕົນໃຫ້ໜັກແໜ້ນເຂັ້ມແຂງ,ຮັບປະກັນດ້ານວິຊາສະເພາະໃຫ້ມີຄວາມຮອບຄອບຕາມລະບຽບຫຼັກການວິຊາສະເພາະຂອງຕົນເພື່ອຕ້ານແລະສະກັດກັນປະກົດການຫຍໍ້ທໍ້ຕ່າງໃນສັງຄົມຢ່າງມີຄຸນນະພາບຮັບປະກັນເຮັດໃຫ້ທົ່ວສັງຄົມມີຄວາມສະຫງົບປອດໄພໂດຍພື້ນຖານ.ສືບຕໍ່ປະສານສົມທົບແໜ້ນກັບທຸກພາກສ່ວນເພື່ອພ້ອມກັນຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດຢູ່ພາຍໃນເມືອງໃຫ້ມີປະສິດທິຜົນບັນລຸຕາມຈຸດປະສົງຄາດໝາຍ.
ຂ່າວ: ແສງສຸດາ ກິ່ງສະຫວັດ
ຄໍາເຫັນ