ປກສ ເມືອງສາມັກຄີໄຊ ສຸມໃສ່ແກ້ໄຂບັນຫາຢາເສບຕິດ

ລົດຈັກ 3 ຄັນ, ເງິນກີບ 1,500,000 ກີບ, ຄະດີດັ່ງກ່າວໄດ້ສົ່ງມອບໃຫ້ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງ ສືບຕໍ່ດໍາເນີນຕາມຂັ້ນຕອນຂອງກົດໝາຍ. ນອກຈາກນັ້ນ ຍັງໄດ້ແກ້ໄຂກຸ່ມມົ້ວສຸມສິ່ງເສບຕິດ ຈໍານວນ 12 ຄັ້ງ, ສາມາດກັກຕົວຜູ້ຖືກເຄາະຮ້າຍຈາກສິ່ງເສບຕິດ ຈໍານວນ 32 ຄົນ, ຍິງ 9 ຄົນ, ໄດ້ຈັດສົ່ງໄປສູນບຳບັດເພື່ອປິ່ນປົວ 2 ຄົນ, ໄດ້ສຶກສາອົບຮົມພ້ອມທັງມອບໃຫ້ຜູ້ປົກຄອງ ແລະ ອຳນາດການປົກຄອງບ້ານ ສືບຕໍ່ຕິດຕາມຈໍານວນ 30 ຄົນ, ຍິງ 9 ຄົນ, ໄດ້ລົງເຜີຍແຜ່ກົດໝາຍ ວ່າດ້ວຍຢາເສບຕິດ ຢູ່ 5 ຈຸດສຸມ ທີ່ມີຄວາມຫຼໍ່ແຫຼມ, ມີຜູ້ເຂົ້າຮ່ວມທັງໝົດ 142 ເທື່ອຄົນ, ຍິງ 52 ເທື່ອຄົນ.

ໃນຄະນະດຽວກັນ 6 ເດືອນທີ່ຜ່ານມາ ເຈົ້າໜ້າທີ່ພະແນກຕໍາຫຼວດ ປກສ ເມືອງ ຍັງໄດ້ແກ້ໄຂຄະດີອາຍາທົ່ວໄປ ມີ 4 ເລື່ອງ ກັກຕົວຜູ້ຖືກຫາໄດ້ 7 ຄົນ, ຍິງ 1 ຄົນ ແລະ ໄດ້ສະຫຼຸບສໍານວນຄະດີ ສົ່ງໃຫ້ໄອຍະການປະຊາຊົນ ເຂດ I ໄດ້ສໍາເລັດ. ໄລຍະ 6 ເດືອນຜ່ານມາ ທົ່ວເມືອງສາມັກຄີໄຊ ມີອຸບັດເຫດຕາມທ້ອງຖະໜົນ ເກີດຂຶ້ນທັງໝົດ 53 ກໍລະນີ, ມີພາຫະນະເປ້ເພ 89 ຄັນ, ມີຄົນໄດ້ຮັບບາດເຈັບ 72 ຄົນ, ຍິງ 20 ຄົນ, ເສຍຊີວິດ 3 ຄົນ, ຍິງ 1 ຄົນ, ລວມມູນຄ່າເສຍຫາຍຫຼາຍກວ່າ 389 ລ້ານກີບ, ມີອັກຄີໄພເກີດຂຶ້ນ 2 ຄັ້ງ, ລວມມູນຄ່າເສຍຫາຍເກືອບ 2 ຕື້ກີບ.

ທ່ານ ພັນຕີ ຄໍາໃບ ແກ້ວພາວົງ ຍັງໄດ້ຖືໂອກາດນີ້ຮຽກຮ້ອງ ມາຍັງທົ່ວສັງຄົມ ແລະ ການຈັດຕັ້ງທຸກພາກສ່ວນ ຈົ່ງຊ່ວຍກັນໃນການໂຄສະນາລະບຽບກົດໝາຍ ນິຕິກຳຕ່າງໆ ໃຫ້ບັນດາພົນລະເມືອງ ແລະ ບຸກຄົນ ທີ່ຢູ່ໃນຄວາມຮັບຜິດຊອບຂອງຕົນ ໃຫ້ຮັບຮູ້ ແລະ ເຂົ້າໃຈ ເຖິງຜົນຮ້າຍ ແລະ ໄພອັນ ຕະລາຍຂອງຢາເສບຕິດ, ພ້ອມກັນປະຕິບັດສິດ, ພັນທະຂອງພົນລະເມືອງລາວ ໃຫ້ເຕັມສ່ວນ, ເພື່ອສ້າງໃຫ້ທົ່ວສັງຄົມມີຄວາມສະຫງົບສຸກ ແລະ ຮັບປະກັນການພັດທະນາເສດຖະກິດ-ສັງຄົມ ໃຫ້ມີຄວາມເຕີບໃຫຍ່ເຂັ້ມແຂງຕາມທິດທາງຂອງພັກວາງອອກ. ຂ່າວ: ວັດທະນາ