 |
ທ່ານ ພັທ ອຸດ ສີງວົງໄຊ ຫົວໜ້າຫ້ອງການ ປກສ ເມືອງ ໄດ້ຜ່ານບົດສະຫຼຸບໃນ 1 ປີຜ່ານມາ ວ່າ: ຄະ ນະພັກ-ຄະນະບັນຊາ ປກສ ເມືອງ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດຢ່າງຕໍ່ເນື່ອງ ແລະ ເປັນປົກກະຕິໃຫ້ນາຍ ແລະ ພົນຕຳຫຼວດທີ່ຢູ່ໃນຄວາມຮັບຜິດຊອບຂອງຕົນ ໃຫ້ມີແນວຄິດອຸ່ນອ່ຽນທຸ່ນທ່ຽງ, ມີທັດສະນະຫຼັກໝັ້ນຊົນຊັ້ນ ແລະ ມີຄຸນທາດການເມືອງຢ່າງໜັກແໜ້ນ ຕິດພັນກັບວຽກງານວິຊາສະເພາະຫັນລົງສູ່ຮາກຖານຕົວຈິງ, ປະຊາຊົນທຸກຊັ້ນຄົນໃຫ້ມີສະຕິຕື່ນຕົວ, ລະມັດລະວັງຕໍ່ກົນອຸບາຍຕ່າງໆ, ປຸກລະດົມໃຫ້ມີຄວາມຕື່ນຕົວ ປະກອບສ່ວນເຂົ້າໃນວຽກງານ ປກສ ໃຫ້ນັບມື້ນັບເພີ່ມທະວີຂຶ້ນໄປເລື້ອຍໆ.
ສຳລັບທິດທາງປີ 2026, ກອງບັນຊາການ ປກສ ເມືອງ ຈະສືບຕໍ່ເພີ່ມທະວີປັບປຸງວຽກງານກໍ່ສ້າງກຳລັງ ປກສ ທົ່ວເມືອງໄຊເສດຖາ ໃຫ້ມີຄວາມເຂັ້ມແຂງ ໜັກແໜ້ນ, ປັບປຸງແບບແຜນວິທີເຮັດວຽກ, ການນຳພາ-ຊີ້ນຳເດັດດຽວ ແລະ ເດັດຂາດ, ເພີ່ມຂີດຄວາມສາມາດ, ມີຈັນຍາບັນ, ຈັນຍາທຳ ແລະ ມີຄວາມທັນສະໄໝ ເຊີດຊູບົດບາດການນຳພາເດັດຂາດ-ໂດຍກົງ ແລະ ຮອບດ້ານຂອງພັກ ຕໍ່ກັບວຽກງານ ປກສ ແລະ ສືບຕໍ່ຜັນຂະຫຍາຍແນວທາງການຕ່າງປະເທດຂອງພັກ ທີ່ພົວພັນເຖິງວຽກງານ ປກສ ໃຫ້ມີປະສິດທິພາບ ແລະ ປະສິດທິຜົນຢ່າງສູງ.
ຂ່າວ: ນົກແກ້ວ
ຄໍາເຫັນ