 |
ໃນໄລຍະດໍາເນີນກອງປະຊຸມ, ທ່ານ ພັນເອກ ສີລະຄອນ ສຸລິວົງສາ ຮອງຫົວໜ້າກອງບັນຊາການປ້ອງກັນສູນກາງ ຫົວໜ້າຈຸຄະນະຮັບຜິດຊອບປ້ອງກັນປະຈຳຢູ່ຈຸດຫໍປະຊຸມແຫ່ງຊາດໄດ້ໃຫ້ສຳພາດຕໍ່ສື່ມວນຊົນໃນວັນທີ 15 ກັນຍາຜ່ານມາ ໂດຍເນັ້ນໜັກເຖິງຄວາມສໍາຄັນຂອງວຽກງານວ່າ: ໃນນາມທີ່ໄດ້ຮັບການມອບໝາຍຈາກກະຊວງ ເພື່ອຊີ້ນໍາຂົງເຂດວຽກງານວິຊາສະເພາະ ໂດຍສະເພາະແມ່ນການປ້ອງກັນຮັກສາຄວາມສະຫງົບ ແລະ ຄວາມປອດໄພໃຫ້ກອງປະຊຸມລະດັບສາກົນນີ້. ຕະຫຼອດໄລຍະທີ່ຜ່ານມາ, ເຈົ້າໜ້າທີ່ທຸກເຫຼົ່າຮົບໄດ້ມີການຮ່າງແຜນ, ກະກຽມກໍາລັງ ແລະ ຈັດວາງກໍາລັງຢ່າງລະອຽດຮອບດ້ານ ບົນພື້ນຖານການປະສານສົມທົບທີ່ກົມກຽວກັບຫຼາຍພາກສ່ວນ ໃນການປະຕິບັດໜ້າທີ່ຄັ້ງນີ້ເປັນຕົ້ນແມ່ນກໍາລັງສັນຕິບານ, ກໍາລັງຕໍາຫຼວດ, ກໍາລັງປ້ອງກັນທີ່ຕັ້ງ, ປ້ອງກັນເຄື່ອນທີ່ ແລະ ກໍາລັງປ້ອງກັນສູນກາງ ພ້ອມດ້ວຍພາກສ່ວນອື່ນໆທີ່ກ່ຽວຂ້ອງ ເພື່ອຮັບປະກັນການຮັກສາຄວາມສະຫງົບໄດ້ໂດຍພື້ນຖານ ແລະ ສ້າງສິ່ງອໍານວຍຄວາມສະດວກທີ່ດີທີ່ສຸດໃຫ້ຄະນະຜູ້ແທນ ຊຶ່ງກໍາລັງເຈົ້າໜ້າທີ່ທັງໝົດໄດ້ເຂົ້າປະຈໍາການຕາມຈຸດຕ່າງໆນັບແຕ່ວັນທີ 8 ກັນຍາເປັນຕົ້ນມາ ແລະ ໄດ້ສຸມໃສ່ປະຕິບັດໜ້າທີ່ຕາມການແບ່ງຄວາມຮັບຜິດຊອບຢ່າງເຂັ້ມງວດ. ພ້ອມທັງມີການລາຍງານສະພາບການຮອບດ້ານ ແລະ ກວດກາອຸປະກອນເຄື່ອງໃຊ້ຕະຫຼອດ 24 ຊົ່ວໂມງ ເພື່ອບໍ່ໃຫ້ມີປະກົດການທີ່ບໍ່ດີເກີດຂຶ້ນ.
 |
ໂອກາດດັ່ງກ່າວ, ທ່ານ ພັນເອກ ສີລະຄອນ ສຸລິວົງສາ ໄດ້ຮຽກຮ້ອງມາຍັງປະຊາຊົນລາວບັນດາເຜົ່າ, ໂດຍສະເພາະແມ່ນຊາວນະຄອນຫຼວງວຽງຈັນ ຈົ່ງໃຫ້ການຮ່ວມມືກັບເຈົ້າໜ້າທີ່ໃນການປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ພ້ອມກັນເປັນເຈົ້າພາບທີ່ດີ ເຮັດໃຫ້ກອງປະຊຸມດັ່ງກ່າວດຳເນີນໄປດ້ວຍຜົນສຳເລັດຢ່າງຈົບງາມ.
 |
ຄໍາເຫັນ