ຄະນະກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ (ຄຊກມດ) ຮ່ວມກັບ ອົງການອຸຍນີເຊັບ ປະຈຳລາວ ໄດ້ຈັດກອງປະຊຸມຄົ້ນຄວ້າ ແລະ ປຶກສາຫາລື ບັນຫາສິ່ງທ້າທາຍທີ່ສົ່ງຜົນກະທົບຕໍ່ໄວໜຸ່ມ ໂດຍສະເພາະແມ່ນຫົວຂໍ້ກ່ຽວກັບ ການປ່ຽນແປງອາກາດ ແລະ ໄພພິບັດ, ການແຕ່ງດອງແຕ່ອາຍຸຍັງນ້ອຍ ແລະ ການຖືພາຂອງເດັກ,ການປົກປ້ອງເດັກ ຈາກສື່ສັງຄົມອອນລາຍ ຂອງຕົວແທນໄວໜຸ່ມລາວ ຈາກທົ່ວປະເທດ ຊຶ່ງຈັດຂຶ້ນໃນລະຫວ່າງວັນທີ 18-20 ພະຈິກຜ່ານມາທີ່ຫໍປະຊຸມແຫ່ງຊາດ.
ສຳລັບກິດຈະກຳກອງປະຊຸມດັ່ງກ່າວໃນວັນທີ 20 ພະຈິກຜ່ານມາ ໄວໜຸ່ມທີ່ເຂົ້າຮ່ວມໄດ້ສົນທະນາ ແລະ ຄົ້ນຄວ້າກ່ຽວກັບບັນຫາດັ່ງກ່າວເພື່ອຄັດເລືອກເອົາຕົວແທນ ແລະ ຫົວຂໍ້ທີ່ພົ້ນເດັ່ນທີ່ສຸດທີ່ໄດ້ສ້າງຜົນກະທົບຕໍ່ຊີວິດການເປັນຢູ່ຂອງພວກເຂົາ, ພ້ອມສະເໜີວິທີການ ແລະ ຊ່ອງທາງເພື່ອເປັນທາງອອກໃຫ້ກັບບັນຫາເຫຼົ່ານັ້ນ ເພື່ອນຳສະເໜີຜົນການຄົ້ນຄວ້າດັ່ງກ່າວຕໍ່ການນໍາ ໃນກອງປະຊຸມລະດັບສູງ ທົບທວນການຈັດຕັ້ງປະຕິບັດວຽກງານສິດທິເດັກ ຢູ່ ສປປ ລາວ ຊຶ່ງຈະຈັດຂຶ້ນໃນວັນທີ 21 ພະຈິກ 2023. ແຕ່ລະຫົວຂໍ້ລ້ວນແລ້ວ ແຕ່ເປັນຫົວຂໍ້ທີ່ເຄັ່ງຮ້ອນ ທີ່ພວມສ້າງຜົນກະທົບຕໍ່ໄວໜຸ່ມໃນປັດຈຸບັນ ຊຶ່ງພວກເຂົາເຈົ້າໄດ້ຜ່ານການຮັບຟັງ, ການໃຫ້ຂໍ້ມູນ ແລະ ລາຍລະອຽດຂອງແຕ່ລະຫົວຂໍ້ຈາກກະຊວງກ່ຽວຂ້ອງ ແລະ ຊ່ຽວຊານ ໂດຍໃນແຕ່ລະສາຂາວ່າບັນຫາທີ່ໄດ້ຍົກຂຶ້ນມານັ້ນມີການແກ້ໄຂ ແລະ ພັດທະນາໄປເຖິງຂັ້ນໃດແລ້ວ ເພື່ອເປັນບ່ອນອີງໃຫ້ການສົນທະນາ ແລະ ປຶກສາຫາລືຂອງຕົວແທນເດັກ ແລະ ໄວໜຸ່ມ. ເດັກໃນມື້ນີ້ຄືຜູ້ໃຫຍ່ໃນມື້ໜ້າ ເດັກຄືອະນາຄົດ, ເປັນກະດູກສັນຫຼັງ ແລະ ເປັນຜູ້ກຳຊາຕາກໍາໃນອະນາຄົດຂອງປະເທດຊາດ ໂດຍເຫັນໄດ້ຄວາມສໍາຄັນຂອງເດັກ ຊຶ່ງພັກ ແລະ ລັດຖະບານລາວ ຍາມໃດກໍຖືສໍາຄັນ ແລະ ເອົາໃຈໃສ່ໃນການສົ່ງເສີມ, ປົກປ້ອງສິດ ແລະ ຜົນປະໂຫຍດອັນຊອບທໍາຂອງເດັກ, ການມີສ່ວນຮ່ວມ ແລະ ໄດ້ຮັບໂອກາດການພັດທະນາໃນດ້ານຕ່າງໆ ຕາມສີ່ສິດພື້ນຖານຂອງເດັກ ສະແດງອອກຢ່າງຈະແຈ້ງ ໃນແນວທາງນະໂຍບາຍຂອງພັກ, ລັດຖະທໍາມະນູນ, ກົດໝາຍຂອງລັດ ແລະ ເພື່ອຮັບປະກັນໃຫ້ແນວທາງນະໂຍບາຍຂອງພັກ ກ່ຽວກັບການສົ່ງເສີມປົກປ້ອງສິດທິເດັກ ໄດ້ຮັບການຈັດຕັ້ງປະຕິບັດຢ່າງເປັນຮູບປະທຳ.
(ຂ່າວ: ວັນເພັງ, ພາບ: ຂັນໄຊ)
ສຳລັບກິດຈະກຳກອງປະຊຸມດັ່ງກ່າວໃນວັນທີ 20 ພະຈິກຜ່ານມາ ໄວໜຸ່ມທີ່ເຂົ້າຮ່ວມໄດ້ສົນທະນາ ແລະ ຄົ້ນຄວ້າກ່ຽວກັບບັນຫາດັ່ງກ່າວເພື່ອຄັດເລືອກເອົາຕົວແທນ ແລະ ຫົວຂໍ້ທີ່ພົ້ນເດັ່ນທີ່ສຸດທີ່ໄດ້ສ້າງຜົນກະທົບຕໍ່ຊີວິດການເປັນຢູ່ຂອງພວກເຂົາ, ພ້ອມສະເໜີວິທີການ ແລະ ຊ່ອງທາງເພື່ອເປັນທາງອອກໃຫ້ກັບບັນຫາເຫຼົ່ານັ້ນ ເພື່ອນຳສະເໜີຜົນການຄົ້ນຄວ້າດັ່ງກ່າວຕໍ່ການນໍາ ໃນກອງປະຊຸມລະດັບສູງ ທົບທວນການຈັດຕັ້ງປະຕິບັດວຽກງານສິດທິເດັກ ຢູ່ ສປປ ລາວ ຊຶ່ງຈະຈັດຂຶ້ນໃນວັນທີ 21 ພະຈິກ 2023. ແຕ່ລະຫົວຂໍ້ລ້ວນແລ້ວ ແຕ່ເປັນຫົວຂໍ້ທີ່ເຄັ່ງຮ້ອນ ທີ່ພວມສ້າງຜົນກະທົບຕໍ່ໄວໜຸ່ມໃນປັດຈຸບັນ ຊຶ່ງພວກເຂົາເຈົ້າໄດ້ຜ່ານການຮັບຟັງ, ການໃຫ້ຂໍ້ມູນ ແລະ ລາຍລະອຽດຂອງແຕ່ລະຫົວຂໍ້ຈາກກະຊວງກ່ຽວຂ້ອງ ແລະ ຊ່ຽວຊານ ໂດຍໃນແຕ່ລະສາຂາວ່າບັນຫາທີ່ໄດ້ຍົກຂຶ້ນມານັ້ນມີການແກ້ໄຂ ແລະ ພັດທະນາໄປເຖິງຂັ້ນໃດແລ້ວ ເພື່ອເປັນບ່ອນອີງໃຫ້ການສົນທະນາ ແລະ ປຶກສາຫາລືຂອງຕົວແທນເດັກ ແລະ ໄວໜຸ່ມ. ເດັກໃນມື້ນີ້ຄືຜູ້ໃຫຍ່ໃນມື້ໜ້າ ເດັກຄືອະນາຄົດ, ເປັນກະດູກສັນຫຼັງ ແລະ ເປັນຜູ້ກຳຊາຕາກໍາໃນອະນາຄົດຂອງປະເທດຊາດ ໂດຍເຫັນໄດ້ຄວາມສໍາຄັນຂອງເດັກ ຊຶ່ງພັກ ແລະ ລັດຖະບານລາວ ຍາມໃດກໍຖືສໍາຄັນ ແລະ ເອົາໃຈໃສ່ໃນການສົ່ງເສີມ, ປົກປ້ອງສິດ ແລະ ຜົນປະໂຫຍດອັນຊອບທໍາຂອງເດັກ, ການມີສ່ວນຮ່ວມ ແລະ ໄດ້ຮັບໂອກາດການພັດທະນາໃນດ້ານຕ່າງໆ ຕາມສີ່ສິດພື້ນຖານຂອງເດັກ ສະແດງອອກຢ່າງຈະແຈ້ງ ໃນແນວທາງນະໂຍບາຍຂອງພັກ, ລັດຖະທໍາມະນູນ, ກົດໝາຍຂອງລັດ ແລະ ເພື່ອຮັບປະກັນໃຫ້ແນວທາງນະໂຍບາຍຂອງພັກ ກ່ຽວກັບການສົ່ງເສີມປົກປ້ອງສິດທິເດັກ ໄດ້ຮັບການຈັດຕັ້ງປະຕິບັດຢ່າງເປັນຮູບປະທຳ.
(ຂ່າວ: ວັນເພັງ, ພາບ: ຂັນໄຊ)
ຄໍາເຫັນ