ຣັດເຊຍ ມີລາຍຮັບຈາກນໍ້າມັນ ແລະ ອາຍແກັສ ເພີ່ມຂຶ້ນ 25,7%

ຂ່າວຕ່າງປະເທດລາຍງານ ເມື່ອບໍ່ດົນມານີ້; ໜັງສືພິມ Washington Post ລາຍງານວ່າ: ເຖິງແມ່ນວ່າການຄົ້ນຄວ້າຫຼາຍໆຄັ້ງຈະພົບວ່າ ການບໍລິໂພກອາຫານທີ່ປຸງແຕ່ງສູງ (ultra-processed food) ຫຼື ອາຫານທີ່ຜ່ານການປຸງແຕ່ງຫຼາຍເປັນພິເສດເຊັ່ນ: ພິດຊາແຊ່ແຂງ ໃນປະລິມານຫຼາຍ ກ່ຽວຂ້ອງກັບຄວາມສ່ຽງທີ່ເພີ່ມຂຶ້ນຂອງພະຍາດຊໍາເຮື້ອ. ແຕ່ຜູ້ຊ່ຽວຊານດ້ານສຸຂະພາບແນະນໍາວ່າບໍ່ຄວນຫຼີກລ່ຽງອາຫານເຫຼົ່ານີ້ທັງໝົດ, ແຕ່ຄວນຈໍາກັດປະລິມານການບໍລິໂພກ.

ຂ່າວຕ່າງປະເທດລາຍງານ ຫວ່າງມໍ່ໆມານີ້; ກະຊວງຖະແຫຼງຂ່າວມຽນມາ ເປີດເຜີຍວ່າ: ມຽນມາ ກະກຽມຈັດກອງປະຊຸມກ່ຽວກັບການຟື້ນຟູເສດຖະກິດຫຼັງແຜ່ນດິນໄຫວ ທີ່ນະຄອນຫຼວງເນປີດໍ ລະຫວ່າງວັນທີ 30 ຫາ 31 ພຶດສະພານີ້.

ຂ່າວຕ່າງປະເທດລາຍງານ; ທະນາຄານກາງ ສ ເກົາຫຼີ ໄດ້ເປີດເຜີຍຂໍ້ມູນໃນທ້າຍອາທິດຜ່ານມານີ້ວ່າ: ດັດຊະນີລາຄານຳເຂົ້າໃນເດືອນເມສາ ຫຼຸດລົງ 1.9% ຈາກເດືອນກ່ອນ. ສືບຕໍ່ຈາກການຫຼຸດລົງ 0.4% ໃນເດືອນມີນາ.

ຂ່າວສານຊີອາໄອລາຍງານ ຫວ່າງມໍ່ໆມານີ້ວ່າ: ກອງປະຊຸມປະຈຳປີ 2025 ຂອງຄະນະກຳມະການໃຫ້ຄຳປຶກສາເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ໄດ້ຈັດຂຶ້ນຢູ່ນະຄອນນິງໂປ ແຂວງເຈີ້ຈ່ຽງປະເທດຈີນ. ບັນດາສະມາຊິກຄະນະກຳມະການດັ່ງກ່າວທີ່ເຂົ້າຮ່ວມກອງປະຊຸມໄດ້ປຶກສາຫາລືໂດຍປິ່ນອ້ອມຫົວຂໍ້ຕົ້ນຕໍຄື “ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ທີ່ມີຄຸນນະພາບສູງ, ສ້າງໂລກທີ່ເປີດກວ້າງ, ກວມລວມ, ເຊື່ອມໂຍງເຊື່ອມຈອດ ແລະ ພັດທະນາຮ່ວມກັນ”, ໂດຍໄດ້ລົງເລິກປຶກສາຫາລືກ່ຽວກັບ ການຮ່ວມມືສາກົນ “ໜຶ່ງແລວໜຶ່ງເສັ້ນທາງ”, ການເປີດເສລີ ແລະ ການອຳນວຍຄວາມສະດວກໃຫ້ແກ່ການຄ້າ ແລະ ການລົງທຶນ, ການຮ່ວມມືດ້ານເສດຖະກິດດີຈີ ຕອນກັບປັນຍາປະດິດ ແລະ ຫົວຂໍ້ອື່ນໆ.

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້ ຢູ່ນະຄອນຫຼວງຮ່າໂນ້ຍ, ກົມການເມືອງ, ຄະນະເລຂາ ໄດ້ຈັດຕັ້ງກອງປະຊຸມທົ່ວປະເທດເຊື່ອມຊຶມ, ຜັນຂະຫຍາຍປະຕິບັດມະຕິເລກທີ 66 ຂອງກົມການເມືອງກ່ຽວກັບການປ່ຽນແປງໃໝ່ວຽກງານກໍ່ສ້າງ ແລະ ປະຕິບັດກົດໝາຍຕອບສະໜອງຄວາມຮຽກຮ້ອງຕ້ອງການພັດທະນາປະເທດຊາດໃນຍຸກສະໄໝໃໝ່ ແລະ ມະຕິເລກທີ 68 ຂອງກົມການເມືອງກ່ຽວກັບການພັດທະນາເສດຖະກິດເອກະຊົນ. ໂດຍການເຂົ້າຮ່ວມຂອງທ່ານ ໂຕເລິມ ເລຂາທິການໃຫຍ່.

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ເຈົ້າໜ້າທີ່ກະຊວງທີ່ປຶກສາແຫ່ງລັດດ້ານການບິນພົນລະເຮືອນກຳປູເຈຍເປີດເຜີຍໃຫ້ຮູ້ວ່າ, ສະໜາມບິນສາກົນ Techo ຂອງກຳປູເຈຍຄາດວ່າຈະເປີດບໍລິການຢ່າງເປັນທາງການໃນວັນທີ 10 ກໍລະກົດ ຈະມາເຖິງນີ້, ຮອດເວລານັ້ນສະໜາມບິນສາກົນພະນົມເປັນຈະປິດບໍລິການຢ່າງຮອບດ້ານ ແລະວຽກງານທັງໝົດຈະຍ້າຍໄປສະໜາມບິນສາກົນ Techo ທີ່ສ້າງສຳເລັດໃໝ່.

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ທ່ານ ໂດໂນ ທຣຳ ປະທານາທິບໍດີ ສະຫະລັດ ອາເມຣິກາ ໄດ້ເດີນທາງຮອດ ນະຄອນຫຼວງຣີຢາດ ປະເທດຊາອຸດິດ ອາຣັບບີ ຊຶ່ງເປັນປະເທດທຳອິດໃນການຢ້ຽມຢາມ 3 ປະເທດເຂດອ່າວ ເປີເຊີຍ ລວມມີ: ຊາອຸດິດ ອາຣັບບີ, ກາຕາ ແລະ ສະຫະລັດ ອາຣັບ ເອມີເລດ (UAE). ຕິດຕາມທ່ານປະທານາທິບໍດີ ອາເມຣິກາ ໃນການຢ້ຽມຢາມຄັ້ງນີ້ ມີການນຳວິສາຫະກິດແຖວໜ້າຂອງ ສະຫະລັດ ອາເມຣິກາ, ໃນນັ້ນມີ ທ່ານ ອີລອນ ມາກ.

ຂ່າວສານຊີອາໄອລາຍງານວ່າ: ໃນຕອນເຊົ້າວັນທີ 14 ພຶດສະພາ ຜ່ານມານີ້, ທ່ານ ສີຈິ້ນຜິງ ປະທານປະເທດຈີນໄດ້ພົບປະກັບທ່ານ ກາເບຣລ ໂບຣິກ ປະທານາທິບໍດີຊີເລ ທີ່ຫໍສະພາປະຊາຊົນແຫ່ງຊາດ ທີ່ນະຄອນຫຼວງປັກກິ່ງ ຂອງຈີນ.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 15 ພຶດສະພາ ຜ່ານມາ ຢູ່ນະຄອນຫຼວງຮ່າໂນ້ຍ, ໃນການຕ້ອນຮັບທ່ານນາງ ມາຮຽມ ເຊີແມນ (Mariam J. Sherman) ຜູ້ອຳນວຍການແຫ່ງຊາດ ຂອງຫ້ອງການ World Bank ຢູ່ ພາກພື້ນ ຫວຽດນາມ, ລາວ ແລະ ກຳປູເຈຍ, ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ສະເໜີ World Bank ປະຕິຮູບບັນດາລະບຽບການ, ເງື່ອນໄຂກູ້ຢຶມທຶນ, ໃຫ້ຄຳປຶກສານະໂຍບາຍ ແລະ ຫນູນຊ່ວຍ ຫວຽດນາມ ປະຕິບັດບັນດາເປົ້າໝາຍຍຸດທະສາດ ເປັນຕົ້ນແມ່ນການພັດທະນາພື້ນຖານໂຄງລ່າງທີ່ມີຂອບຂະໜາດໃຫຍ່.

ຂ່າວຕ່າງປະເທດລາຍງານ ໃນວັນທີ 14 ພຶດສະພານີ້ ວ່າ: ສະຖາບັນການພັດທະນາເກົາຫຼີ (KDI) ຊຶ່ງເປັນອົງການຂອງລັດຖະບານ ສ ເກົາຫຼີ ໄດ້ຫຼຸດການຄາດຄະເນການເຕີບໂຕຂອງເສດຖະກິດ ສ ເກົາຫຼີ ໃນປີ 2025 ລົງເຖິງ 50% ເຫຼືອພຽງ 0.8% ຈາກໂຕເລກການຄາດຄະເນທີ່ຜ່ານມາ 1.6%, ໂດຍລະບຸວ່າການຄ້າໃນທົ່ວໂລກມີຄວາມບໍ່ແນ່ນອນຫຼາຍຂຶ້ນ ແລະ ການສົ່ງອອກຊ້າລົງ.