ຫ້ອງການສືກສາທິການ-ກິລາ, ຫ້ອງການແຮງງານ-ສະຫວັດດີການສັງຄົມ, ຫ້ອງການຖະແຫຼ່ງຂ່າວ-ວັດທະນະທຳ, ຮາກຖານອົງການຈັດຕັ້ງມະຫາຊົນ, ຫ້ອງການພາຍໃນ, ຫ້ອງການອຸດສະຫະກໍາ-ການຄ້າ, ຮາກຖານການເມືອງ ແລະ ຮາກຖານສາທາລະນະສຸກເມືອງ ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ທະວີສຸກ ຜີວຄຳພາ ຄະນະປະຈຳພັກເມືອງ ປະທານແນວລາວສ້າງຊາດເມືອງ ຜູ້ຊີ້ນຳອົງການຈັດຕັ້ງມະຫາຊົນ, ມີທ່ານ ນາງ ນວນຕາ ກົມມະລາຊາ ປະທານສະຫະພັນກຳມະບານເມືອງ, ຄະນະປະທານຮາກຖານພ້ອມດ້ວຍຜູ້ຮັບຜີດຊອບວຽກງານກອງທືນເຂົ້າຮ່ວມ ຢູ່ຫ້ອງການຂອງຕົນ
ໃນກອງປະຊຸມ, ທ່ານ ນາງ ນວນຕາ ກົມມະລາຊາ ໄດ້ກ່າວຈຸດປະສົງລາຍງານການຈັດຕັ້ງປະຕິບັດວຽກງານໃນໄລຍະຜ່ານມາ ພ້ອມທັງຮຽກຮ້ອງໃຫ້ປະທານກຳມະບານຮາກຖານແຕ່ລະຮາກຖານປຸກລະດົມຊຸກຍູ້ຊີ້ນຳນຳພາສະມາຊິກຂອງຕົນ ໄດ້ເຄື່ອນໄຫວວຽກງານກຳມະບານຢ່າງເປັນປົກກະຕີຕໍ່ເນື່ອງໂດຍສະເພາະແມ່ນວຽກງານກອງທືນ, ສະຕິບຳລຸງ ແລະ ອື່ນໆ ເພື່ອເຮັດໃຫ້ວຽກງານດັ່ງກ່າວມີຄວາມເຂັ້ມແຂງໜັກແໜ້ນ. ຈາກນັ້ນ ຍັງໄດ້ຮັບຟັງການຜ່ານບົດສະຫຼຸບດ້ານຕົວເລກກອງທືນຂັ້ນແຂວງ, ເມືອງ. ນອກນັ້ນຍັງໄດ້ປະກອບຄຳຄິດຄຳເຫັນແລກປ່ຽນເຊຶ່ງກັນ ແລະ ກັນ.
ທ່ານ ທະວີສຸກ ຜີວຄໍາພາ ໄດ້ເນັ້ນໃຫ້ປະທານແຕ່ລະຮາກຖານເອົາໃຈໃສ່ເພີ່ມທະວີຍົກສູງໃນນຳພາ ຊີ້ນຳພາຍໃນຮາກຖານຂອງຕົນຮັບຮູ້ ແລະ ເຂົ້າໃຈຢ່າງເລິກເຊຶ່ງ, ເປັນເຈົ້າການປະກອບສ່ວນເຂົ້າໃນວຽກງານດັ່ງກ່າວຕິດພັນກັບວຽກງານວີຊາສະເພາະຕາມທີ່ໄດ້ມອບໝາຍໃຫ້.
(ຂ່າວ-ພາບ: ສະຫະພັນກຳມະບານເມືອງ)
ຄໍາເຫັນ