ສະຫາຍ ເດດສົງຄາມ ທຳມະວົງ ຖືກຄັດເລືອກເປັນເລຂາພັກເມືອງສີສັດຕະນາກ

ໃນວາລະຂອງກອງປະຊຸມໄດ້ມີການແຈ້ງຜົນຂອງການປ່ອນບັດເລືອກຕັ້ງຄະນະບໍລິຫານງານພັກ ເມືອງສີສັດຕະນາກ ຊຸດທີ VIII. ມີຜູ້ຮັບສະໝັກເລືອກຕັ້ງ 32 ສະຫາຍ ຍິງ 7 ສະຫາຍ, ເລືອກເອົາ 27 ສະຫາຍ ຍິງ 5 ສະຫາຍ ຊຶ່ງຜົນຂອງກອງປະຊຸມຄັ້ງປະຖົມມະລືກໄດ້ເລືອກຕັ້ງຄະນະປະຈຳພັກ 9 ສະຫາຍ ຍິງ 1 ຫາຍ ແລະ ເປັນເອກະສັນເລືອກເອົາ ສະຫາຍ ເດດສົງຄາມ ທຳມະວົງ ເປັນເລຂາ ຄະນະພັກເມືອງ, ສະຫາຍ ທິນນະກອນ ທອງຄຳ ເປັນຮອງເລຂາ, ສະຫາຍ ສິດປະເສີດ ອຸເທນທະ ປັນຍາ ເປັນຮອງເລຂາ ທັງເປັນປະທານກວດກາພັກ, ສະຫາຍ ສີສະຫວ່າງ ວັດທະນາໄຊ ເປັນຮອງ ປະທານກວດກາ, ສະຫາຍ ບຸນແປງ ປະກອບເລີດ ເປັນຮອງປະທານກວດກາ.

ໃນໂອກາດດັ່ງກ່າວ, ສະຫາຍ ຊົງເລົ່າ ຢົງນູ ໄດ້ໃຫ້ກຽດໂອ້ລົມ ຊຶ່ງໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານໃນການນຳພາຂອງອົງຄະນະພັກເມືອງ ຍາດມາໄດ້ໃນຕະຫຼອດໄລຍະ 5 ຜ່ານມາ ແລະ ໄດ້ເນັ້ນໃຫ້ຄະນະພັກຂັ້ນຕ່າງໆ ຕ້ອງຖືສໍາຄັນການຄົ້ນຄວ້າ, ເຊື່ອມຊຶມກໍາແໜ້ນ ແລະ ຮູ້ຜັນຂະຫຍາຍ ແນວທາງນະໂຍບາຍ ມະຕິ, ຄໍາສັ່ງ, ນິຕິກໍາຕ່າງໆ ຂອງຄະນະພັກຂັ້ນເທິງຢ່າງປະດິດສ້າງ, ຫັນເປັນອັນ ລະອຽດ ໃຫ້ສອດຄ່ອງກັບສະພາບຄວາມເປັນຈິງ ແລະ ຜັນຂະຫຍາຍຄາດໝາຍໃນມະຕິກອງປະຊຸມໃຫຍ່ ພັກເມືອງຄັ້ງທີ VIII ເຂົ້າສູ່ຊີວິດຕົວຈິງ. ເອົາໃຈໃສ່ເພີ່ມທະວີວຽກງານສຶກສາອົບຮົມການເມືອງ-ແນວຄິດ ຕ້ອງຖືເອົາວຽກງານນີ້ເປັນກົກ, ເປັນຄວາມຮັບຜິດຊອບໂດຍກົງຂອງຄະນະພັກທຸກຂັ້ນ, ທຸກຂະແໜງການ, ເອົາໃຈໃສ່ກ່ຽວກັບວຽກງານປ້ອງກັນຊາດ-ປ້ອງກັນຄວາມສະຫງົບ, ເພີ່ມທະວີຄວາມສາມາດຈັດຕັ້ງນຳພາ ຂອງຄະນະພັກ, ໜ່ວຍພັກ, ອົງການປົກຄອງ, ອົງການຈັດຕັ້ງມະຫາຊົນໃຫ້ໜັກແໜ້ນເຂັ້ມແຂງ ທຽບທັນກັບໜ້າທີ່ການເມືອງໃນໄລຍະໃໝ່, ສາມາດນຳພາຈັດຕັ້ງປະຕິບັດມະຕິກອງປະຊຸມໃຫຍ່ ຂອງອົງຄະນະພັກຕົນທີ່ວາງອອກ ແລະ ມະຕິຄຳສັ່ງຕ່າງໆ ຂອງສູນກາງພັກ, ນະຄອນຫຼວງວຽງຈັນ ແລະ ກົດໝາຍຕ່າງໆໃຫ້ເກີດດອກອອກຜົນ, ເອົາໃຈໃສ່ນຳພາການພັດທະນາເມືອງສີສັດຕະນາກ ໃຫ້ເປັນເມືອງເຂັ້ມ ແຂງຮອບດ້ານ, ເປັນເມືອງບໍລິການທີ່ຂະຫຍາຍຕົວ, ເປັນເມືອງໜ້າຢູ່, ມີຄວາມສະຫງົບ, ສະອາດ, ສີຂຽວ, ປະຊາຊົນມີຄວາມສາມັກຄີເປັນປຶກແຜ່ນ. ຍູ້ແຮງການພັດທະນາການສຶກສາ, ແກ້ໄຂບັນຫາທາງສັງຄົມ, ເສີມສ້າງປະຊາທິປະໄຕ, ຄວາມເປັນທຳໃນສັງຄົມ ແລະ ສົ່ງເສີມອະລິຍະທຳ, ສ້າງຄວາມສີວິໄລທາງດ້ານຈິດໃຈ ຂອງປະຊາຊົນຊາວເມືອງ, ສຸມໃສ່ແກ້ໄຂປະກົດການຫຍໍ້ທໍ້ໃນສັງຄົມໃຫ້ຫຼຸດລົງຢ່າງຈະ ແຈ້ງ, ສືບຕໍ່ຈັດຕັ້ງປະຕິບັດມະຕິ 107/ກມສພ, ວ່າດ້ວຍການພັດທະນາ ນະຄອນຫຼວງວຽງຈັນ ໃນໄລຍະ ໃໝ່ແຕ່ປີ 2020-2030, ສືບຕໍ່ພ້ອມກັນກຳແໜ້ນ ແລະ ເອົາໃຈໃສ່ຈັດຕັ້ງຜັນຂະຫຍາຍໃຫ້ສອດຫ້ອຍ ເຂົ້າໄປໃນທຸກຂົງເຂດວຽກງານ ນັບແຕ່ຂັ້ນຮາກຖານ ແລະ ທຸກພາກສ່ວນໃນສັງຄົມທົ່ວເມືອງ ຫັນເປັນ ແຜນການໂຄງການ ອັນລະອຽດໃນແຕ່ລະປີ ເພື່ອຈັດຕັ້ງປະຕິບັດໃຫ້ເກີດຜົນເປັນຈິງ ເພື່ອສ້າງນະຄອນ ຫຼວງ ບັນລຸ 3 ທັດສະນະ, 4 ທິດທາງ, 4 ຄາດໝາຍ ແລະ 6 ໜ້າທີ່ອັນສໍາຄັນ ທີ່ໄດ້ກຳນົດໄວ້, ອົງຄະນະພັກເມືອງ ຕ້ອງຍົກສູງ ແລະ ເອົາໃຈໃສ່ຜັນຂະຫຍາຍມະຕິ 04/ກມສພ ວ່າດ້ວຍການສ້າງ ເສດຖະກິດເອກະລາດເປັນເຈົ້າຕົນເອງໃນໄລຍະໃໝ່ ຊຶ່ງການສ້າງເສດຖະກິດເອກະລາດເປັນເຈົ້າຕົນເອງ ນີ້ຕ້ອງເລີ່ມຈາກຕ່່ໍາຫາສູງ, ຈາກນ້ອຍຫາໃຫຍ່, ຈາກງ່າຍຫາຍາກ ແຕ່ຕ້ອງບົນພື້ນຖານການບຸກບືນຂອງ ອົງຄະນະພັກ, ຕະຫຼອດຮອດສະມາຊິກພັກ-ພະນັກງານ, ທະຫານ-ຕຳຫຼວດ ແລະ ພໍ່-ແມ່ປະຊາຊົນ ບັນດາເຜົ່າໃນຂອບເຂດທົ່ວເມືອງ ໂດຍນຳໃຊ້ກາລະໂອກາດ ແລະ ກຳລັງແຮງສັງລວມ ເພື່ອສ້າງບາດ ກ້າວບຸກທະລຸໃນການພັດທະນາ ຮັບປະກັນໃຫ້ແກ່ການເຕີບໂຕ ຂອງເສດຖະກິດພາຍໃນເມືອງ ດ້ວຍຈັງ ຫວະທີ່ໝັ້ນທ່ຽງ ແລະ ຕໍ່ເນື່ອງ, ສ້າງໃຫ້ມີຖານການຜະລິດ, ການບໍລິການທີ່ໜັກແໜ້ນເຂັ້ມແຂງ, ຮັບປະກັນການພັດທະນາແບບຢືນຍົງ ແລະ ເປັນເຈົ້າຕົນເອງ. ບັນຫາທີ່ເປັນສິ່ງທ້າທາຍ ຄືການສ້າງ ຕັ້ງຕາແສງ ຊຶ່ງໄດ້ກຳນົດໃຫ້ແຕ່ລະເມືອງ ແມ່ນໃຫ້ມີຢູ່ໃນ 3-5 ຕາແສງຕໍ່ເມືອງ ຊຶ່ງການກໍານົດດັ່ງ ກ່າວໃຫ້ພວກສະຫາຍ ຄໍານຶງເຖິງຄວາມຈໍາເປັນລັກສະນະຈຸດພິເສດ, ພູມສັນຖານ, ຄວາມສະດວກໃນ ການເດີນທາງ, ການເຂົ້າເຖິງການບໍລິການຂອງລັດ. ບັນດາສະຫາຍໃນຄະນະພັກຊຸດໃໝ່ຈົ່ງສືບຕໍ່ຝຶກຝົນຫຼໍ່ຫຼອມຕົນເອງ ດ້ານຄຸນທາດການເມືອງ, ມີຄວາມຈົງຮັກດີຕໍ່ພັກ ແລະ ເຊື່ອໝັ້ນຕໍ່ອຸດົມການສັງຄົມນິຍົມ; ຕ້ອງເອົາໃຈໃສ່ເພີ່ມທະວີຄວາມສາມັກຄີ ເປັນເອກະພາບພາຍໃນພັກ, ໃນຖັນແຖວພະນັກງານ, ປະຊາຊົນບັນດາເຜົ່າ ແລະ ຊັ້ນຄົນ, ເຊີດຊູຄວາມຮັບຜິດຊອບທາງດ້ານການເມືອງຂອງຕົນ ຕັ້ງໜ້າຄົ້ນຄວ້າຮ່ຳຮຽນເພື່ອຍົກລະດັບຄວາມຮູ້ ຄວາມສາມາດຂອງຕົນໃຫ້ສູງຂຶ້ນ; ປັບປຸງແບບແຜນນຳພາ ແລະ ວິທີເຮັດວຽກ, ເຊີດຊູຄວາມເປັນແບບຢ່າງນຳໜ້າ ໃນການປະຕິບັດໜ້າທີ່ ແລະ ແບບແຜນດຳລົງຊີວິດ ປອດໃສຂາວສະອາດ, ຄະນະພັກຊຸດໃໝ່ຕ້ອງຮີບຮ້ອນ ຄົ້ນຄວ້າແບ່ງງານ, ແບ່ງຄວາມຮັບຜິດຊອບ ແລະ ຈັດຕັ້ງນຳພາຜັນຂະ ຫຍາຍມະຕິກອງປະຊຸມໃຫຍ່ໃນຄັ້ງນີ້ ໃຫ້ເປັນແຜນ ລະອຽດກຳນົດເປັນໂຄງການ ການນຳພາຂອງຄະນະພັກເມືອງ ໃນໄລຍະ 5 ປີ, ແຕ່ລະປີມີການຈັດຕັ້ງ ສຳມະນາ ແລະ ນຳພາຈັດຕັ້ງປະຕິບັດ ແລະ ມີການຖອດຖອນບົດຮຽນໃນແຕ່ລະໄລຍະ.

(ຂ່າວ-ພາບ: ສຳນານ)