 |
ສະຫາຍ ພົນເອກ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ເລຂາຄະນະບໍລິຫານງານພັກ ລັດຖະມົນຕີກະຊວງ ປກສ ໄດ້ລາຍງານຜົນກອງປະຊຸມວ່າ: ກອງປະຊຸມຄັ້ງນີ້, ໄດ້ຕີລາຄາຢ່າງເລິກເຊິ່ງຕໍ່ບັນດາສາເຫດທີ່ພາໃຫ້ມີຂໍ້ຄົງຄ້າງ ແລະ ຖອດຖອນໄດ້ 5 ບົດຮຽນໃນການຈັດຕັ້ງປະຕິບັດ ໄລຍະຜ່ານມາ, ເລັ່ງທວງໃຫ້ມີມາດຕະການແກ້ໄຂທີ່ແທດເໝາະຢ່າງຈິງຈັງ ແນໃສ່ສ້າງການຫັນປ່ຽນຢ່າງຕັ້ງໜ້າທີ່ເດັດຂາດໃຫ້ຫຼາຍຂຶ້ນກວ່າເກົ່າ; ກອງປະຊຸມໄດ້ເປັນເອກະສັນຮັບຮອງເອົາທິດທາງ, ຄາດໝາຍ ແລະ ແຜນການວຽກງານຈຸດສຸມໃນ 5 ປີຕໍ່ໜ້າ (2025-2030). ພ້ອມດຽວກັນນັ້ນ, ຜູ້ແທນກອງປະຊຸມໄດ້ປ່ອນບັດຄັດເລືອກເອົາຄະນະບໍລິ ຫານງານພັກ ປກສ ຊຸດໃໝ່ ຊຶ່ງມີຜູ້ສະໝັກ 31 ສະຫາຍ, ເລືອກເອົາ 27 ສະຫາຍ, ກອງປະຊຸມໄດ້ເປັນເອກະພາບກັນເລືອກເອົາຄະນະປະຈໍາພັກກະຊວງ 9 ສະຫາຍ, ເລືອກເອົາສະຫາຍ ພົນເອກ ວິໄລ ຫຼ້າຄໍາຟອງ ເປັນເລຂາຄະນະບໍລິຫານງານພັກ, ສະຫາຍ ພົນໂທ ຄໍາກິ່ງ ຜຸຍຫຼ້າມະນີວົງ ເປັນຮອງເລຂາ, ສະຫາຍ ພົນຕີ ສຸລິນະ ແກ້ວປະເສີດ ເປັນຮອງເລຂາ, ເລືອກເອົາສະຫາຍ ພົນຈັດຕະວາ ນາງ ລີວົງ ລາວລີ ເປັນປະທານກວດກາພັກ, ສະຫາຍ ພົນຈັດ ຕະວາ ຊາຍຄອງ ເພັດຊະວົງ, ສະຫາຍ ພັນເອກ ສຸພັນທອງ ໄຄ້ຍະວົງ ແລະ ສະຫາຍ ພັນເອກ ສຸວັນ ທອງຈະເລີນ ເປັນຮອງປະທານກວດກາ. ກອງປະຊຸມຍັງໄດ້ປ່ອນບັດເລືອກເອົາຜູ້ແທນສົມບູນ-ສໍາຮອງເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກຈໍານວນ 20 ສະຫາຍ.
 |
ໂອກາດນີ້, ສະຫາຍ ທອງລຸນ ສີສຸລິດ ໄດ້ໃຫ້ກຽດໂອ້ລົມເນັ້ນໜັກໃຫ້ຄະນະພັກຊຸດໃໝ່ເອົາໃຈໃສ່ຈັດຕັ້ງປະຕິບັດສອງວາລະແຫ່ງຊາດ ໂດຍສະເພາະວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ເພື່ອຮັບປະກັນໃຫ້ປະເທດຊາດມີສະຖຽນລະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບ, ເປັນລະບຽບຮຽບຮ້ອຍ ແລະ ປອດໄພໂດຍພື້ນຖານ, ສ້າງສະພາບແວດລ້ອມເອື້ອອໍານວຍໃຫ້ແກ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໃຫ້ບັນລຸຄາດໝາຍການພັດທະນາແບບຍືນຍົງ ຕາມເສັ້ນທາງກ້າວຂຶ້ນສັງຄົມນິຍົມ; ສືບຕໍ່ຢຶດໝັ້ນແນວທາງປ່ຽນ ແປງໃໝ່ຮອບດ້ານຢ່າງມີຫຼັກການຂອງພັກ, ເຊີດຊູບົດບາດການນໍາພາເດັດຂາດ, ໂດຍກົງ ແລະ ຮອບດ້ານຂອງພັກ; ປັບປຸງກຳລັງ ປກສ ໃຫ້ໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງດ້ານການຈັດຕັ້ງ ແລະ ມີແບບແຜນທັນສະໄໝ; ມີຄວາມຮູ້-ຄວາມສາມາດທາງດ້ານວິຊາສະເພາະ-ວິຊາການ, ມີຄຸນສົມບັດສິນທຳປະຕິວັດ, ມີລະບຽບວິໄນເຂັ້ມງວດ ແລະ ມີສະຕິສູ້ຮົບສູງ; ເປັນກຳລັງທີ່ຈົງຮັກພັກດີບໍລິສຸດສັດຊື່ຕໍ່ພັກ, ຕໍ່ປະເທດຊາດ, ຕໍ່ປະຊາຊົນ ແລະ ອຸດົມການສັງຄົມນິຍົມ; ຍົກສູງຄຸນນະພາບວຽກງານເສນາທິການແຕ່ລະຂັ້ນ, ຄົ້ນຄວ້າປັບປຸງ-ສ້າງນິຕິກຳເພື່ອເປັນບ່ອນອີງໃຫ້ແກ່ການເຄື່ອນໄຫວວຽກງານວິຊາສະເພາະ, ປັບປຸງລະບົບບໍລິຫານເອກະສານ “ຜ່ານປະຕູດຽວ”, ຂະຫຍາຍຕາໜ່າງຕິດຕໍ່ສື່ສານ, ປັບປຸງເຄືອຂ່າຍເຕັກໂນໂລຊີການສື່ສານ ແລະ ຂໍ້ມູນຂ່າວສານໃຫ້ທົ່ວເຖິງທຸກພື້ນທີ່ ສາມາດເຊື່ອມໂຍງ ທັງພາຍໃນ ແລະ ຕ່າງປະເທດ; ປະຕິບັດລະບອບປະຈຳການ ຮັບປະກັນມີກຳລັງ ແລະ ພາຫະນະກຽມພ້ອມແກ້ໄຂສະພາບການສຸກເສີນ, ມີການຈັດຕັ້ງຝຶກແອບ ແລະ ຝຶກຊ້ອມ ການປະສານສົມທົບເຫຼົ່າວິຊາສະເພາະຕ່າງໆເປັນປົກກະຕິ; ຜັນຂະຫຍາຍແນວທາງການຕ່າງປະເທດຂອງພັກ ສອດຫ້ອຍເຂົ້າໃນຂົງເຂດວຽກງານ ປກສ, ເປັນເຈົ້າການພົວພັນ ແລະ ເຂົ້າຮ່ວມເຄື່ອນໄຫວກັບອົງການຕໍາຫຼວດຂອງບັນດາປະເທດເພື່ອນມິດຍຸດທະສາດ ປະເທດໃກ້ຄຽງ ແລະ ອົງການອື່ນໆ.
 |
ຂ່າວ-ພາບ: ບຸນອູ້ມ+ບຸນຕອມ
ຄໍາເຫັນ