ເລີ່ມແຕ່ເດືອນມັງກອນ-ມີນາ ຂອງທຸກໆປີ ຜູ້ມີອາຊີບປູກພືດໂນນສູງ ຈະຕັດໄມ້ທໍາລາຍປ່າ ຈູດປ່າເພື່ອເຮັດການຜະລິດ ເຮັດໃຫ້ໄຟໄໝ້ລາມປ່າເສຍຫາຍເປັນຈໍານວນຫຼວງຫຼາຍ.ສົ່ງຜົນກະທົບຕໍ່ ປ່າໄມ້, ທີ່ດິນປ່າໄມ້,ສັດປ່າ,ຊີວະນາໆພັນ,ສິ່ງແວດລ້ອມ ເຮັດໃຫ້ເກີດມີໝອກຄວັນ ແລະ ຝຸ່ນລະອອງຂະໜາດນ້ອຍ (PM2.5) ເພີ່ມສູງຂຶ້ນຢູ່ເກືອບທົ່ວປະເທດ.
ເວົ້າສະເພາະ ໃນຕົ້ນປີ 2023 ຜ່ານມາ, ແຂວງອຸດົມໄຊເກີດໄຟໄໝ້ລາມປ່າ 28 ຈຸດ ຄື:ເມືອງໄຊ 17 ຈຸດ, ເມືອງປາກແບງ 8 ຈຸດ,ເມືອງຫຼາ 2 ຈຸດ ແລະ ເມືອງນາໝໍ້ 1 ຈຸດ; ແຂວງຫຼວງນໍ້າທາມີ 10 ຈຸດ ຄື:ປ່າສະຫງວນແຫ່ງຊາດນໍ້າຫ້າ 6 ຈຸດ; ປ່າປ້ອງກັນແຫ່ງຊາດ ພູສາມຍອດ 1 ຈຸດ, ເຂດແດນ ແຂວງຫຼວງນໍ້າທາ ແລະ ແຂວງອຸດົມໄຊ 1 ຈຸດ, ເຂດແດນເຊື່ອມຈອດ ສາມເມືອງ (ເມືອງນໍ້າທາ, ເມືອງນາແລ ແລະ ເມືອງວຽງພູຄາ) 1 ຈຸດ ຊຶ່ງຍັງບໍ່ທັນສາມາດດັບມອດໄດ້ທັງໝົດ ແລະ ຊາຍແດນລາວ-ຈີນ (ດ່ານປາງໄຮ) ເມືອງສິງ ໄໝ້ຢູ່ພື້ນທີ່ນອກເຂດ 3 ປະເພດປ່າ 1 ຈຸດ; ແຂວງຫຼວງພະບາງ: ເກີດມີໄຟໄໝ້ລາມປ່າ 3 ຈຸດ ຄື: ຢູ່ນະຄອນ-ຫຼວງພະບາງ (ໃກ້ສະໜາມກັອບ ຫຼວງພະບາງ), ເມືອງໂພນທອງ 1 ຈຸດ ແລະ ເມືອງວຽງຄໍາ 1 ຈຸດ; ແຂວງໄຊຍະບູລີ ມີ 8 ຈຸດ ຄື:ເມືອງຫົງສາ 4 ຈຸດ ແລະ ເມືອງຊຽງຮ່ອນ 4 ຈຸດ; ແຂວງຫົວພັນ ມີ 11 ຈຸດ ຢູ່ ເມືອງສົບເບົາ 8 ຈຸດ ແລະ ເມືອງຫົວເມືອງ 3 ຈຸດ; ແຂວງບໍລິຄໍາໄຊມີ 3 ຈຸດ ຄື:ເຂດປ່າຜະລິດແຫ່ງຊາດ ຜັກເບືອກ(ເມືອງບໍລິຄັນ) 1 ຈຸດ,ປ່າຜະລິດປຸ່ງຫົກ-ພູປ່າຊ້າງ(ປ່າຜະລິດຂອງແຂວງບໍລິຄໍາໄຊ)ຈໍານວນ 1 ຈຸດ ແລະ ເຂດປ່າສະຫງວນພູງູ (ປ່າສະຫງວນຂອງແຂວງບໍລິຄຳໄຊ)ຈໍານວນ 1 ຈຸດ;ປ່າສະຫງວນແຫ່ງຊາດ ພູພະນັງມີ 38 ຈຸດ;ອຸທິຍານແຫ່ງຊາດພູເຂົາຄວາຍ ມີ 30 ຈຸດ;ທຸກແຂວງທີ່ເກີດໄຟໄໝ້ປ່າແຕ່ລະແຂວງສາມາດຄວບຄຸມ ແລະ ດັບປອດໄຟໄດ້ສຳເລັດ.
ສາເຫດຕົ້ນຕໍທີ່ພາໃຫ້ເກີດມີໄຟໄໝ້ລາມປ່າໃນໄລຍະຜ່ານມາແມ່ນຍ້ອນບຸກເບີກ ແລະ ຫັນປ່ຽນພື້ນທີ່ປ່າໄມ້ ເພື່ອເຮັດການຜະລິດກະສິກຳໂດຍສະເພາະແມ່ນຈູດໄຮ່ເພື່ອປູກເຂົ້າ,ປູກມັນຕົ້ນ,ຢາງພາລາ ແລະ ພືດເສດຖະກິດອື່ນໆ;ຈູດປ່າເພື່ອລ່າສັດປ່າ ແລະ ຈູດປ່າເພື່ອຊອກຢູ່ຫາກິນໃນປ່າ;ຈູດຄັງເພື່ອຂະຫຍາຍພື້ນທີ່ລ້ຽງສັດ ແລະ ອື່ນໆ.
ເພື່ອສະກັດກັ້ນບໍ່ໃຫ້ເກີດມີໄຟໄໝ້ລາມປ່າ ອໍານາດການປົກຄອງແຂວງ,ເມືອງ ການຈັດຕັ້ງຂັ້ນບ້ານ ຕ້ອງເຂັ້ມງວດກວດຂັນ ໃນການຈັດຕັ້ງປະຕິບັດກົດໝາຍວ່າດ້ວຍປ່າໄມ້ ແລະ ປະຕິບັດຄຳສັ່ງເລກທີ 11/ນຍ, ລົງວັນທີ 21 ກໍລະກົດ 2023: ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ,ປົກປັກຮັກສາ, ພັດທະນາ ແລະ ນຳໃຊ້ປ່າໄມ້, ທີ່ດິນປ່າໄມ້ ແລະ ສະກັດກັ້ນ ການບຸກລຸກທຳລາຍປ່າໄມ້,ທີ່ດິນປ່າໄມ້ ແລະ ໄຟໄໝ້ລາມປ່າ.ຕ້ອງລົງໂຄສະນາເຜີຍແຜ່ກົດໝາຍ,ນິຕິກໍາທີ່ກ່ຽວຂ້ອງໃຫ້ປະຊາຊົນເປັນປົກກະຕິ ແລະ ຕໍ່ເນື່ອງ,ຍົກໃຫ້ເຫັນຜົນເສຍຫາຍຕໍ່ເສດຖະກິດຂອງຊາດ,ຜົນກະທົບຕໍ່ສັງຄົມ ສະພາບອາກາດເຊື່ອຍໂຊມ ແລະ ສົ່ງຜົນກະທົບຕໍ່ຊີວິດການເປັນຢູ່ຂອງປະຊາຊົນ.ໄປຄຽງຄູ່ກັນນັ້ນ,ກໍຕ້ອງຊອກທຸກເງື່ອນໄຂປຸກລະດົມໃຫ້ປະຊາຊົນຫັນປ່ຽນອາຊີບຈາກການປູກພືດໂນນສູງມາເຮັດອາຊີບອື່ນທີ່ບໍ່ເປັນການທໍາລາຍປ່າໄມ້ໃນແຕ່ລະປີ.ຫາກທ້ອງຖິ່ນໃດມີຄວາມຈໍາເປັນ ບໍ່ມີທາງເລືອກຫັນປ່ຽນໄປສູ່ອາຊີບອື່ນທົດແທນອໍານາດການປົກຄອງແຂວງ,ເມືອງຕ້ອງສົ່ງພະນັກງານວິຊາການລົງໄປແນະນໍາດ້ານວິຊາການຫຼັກການ,ວິທີການເພື່ອເວລາຈູດໄຮ່ບໍ່ໃຫ້ໄຟໄໝ້ລາມປ່າ.ແຕ່ງຕັ້ງກໍາລັງເວນຍາມຢູ່ບ່ອນມັກມີໄຟໄໝ້ລາມປ່າພ້ອມທັງກຽມອຸປະກອນທີ່ກ່ຽວຂ້ອງເມື່ອເກີດໄຟໄໝ້ປ່າໃຫ້ສາມາດລະງັບຫຼືມອດໄຟໃຫ້ທັນການ.
ເວົ້າສະເພາະ ໃນຕົ້ນປີ 2023 ຜ່ານມາ, ແຂວງອຸດົມໄຊເກີດໄຟໄໝ້ລາມປ່າ 28 ຈຸດ ຄື:ເມືອງໄຊ 17 ຈຸດ, ເມືອງປາກແບງ 8 ຈຸດ,ເມືອງຫຼາ 2 ຈຸດ ແລະ ເມືອງນາໝໍ້ 1 ຈຸດ; ແຂວງຫຼວງນໍ້າທາມີ 10 ຈຸດ ຄື:ປ່າສະຫງວນແຫ່ງຊາດນໍ້າຫ້າ 6 ຈຸດ; ປ່າປ້ອງກັນແຫ່ງຊາດ ພູສາມຍອດ 1 ຈຸດ, ເຂດແດນ ແຂວງຫຼວງນໍ້າທາ ແລະ ແຂວງອຸດົມໄຊ 1 ຈຸດ, ເຂດແດນເຊື່ອມຈອດ ສາມເມືອງ (ເມືອງນໍ້າທາ, ເມືອງນາແລ ແລະ ເມືອງວຽງພູຄາ) 1 ຈຸດ ຊຶ່ງຍັງບໍ່ທັນສາມາດດັບມອດໄດ້ທັງໝົດ ແລະ ຊາຍແດນລາວ-ຈີນ (ດ່ານປາງໄຮ) ເມືອງສິງ ໄໝ້ຢູ່ພື້ນທີ່ນອກເຂດ 3 ປະເພດປ່າ 1 ຈຸດ; ແຂວງຫຼວງພະບາງ: ເກີດມີໄຟໄໝ້ລາມປ່າ 3 ຈຸດ ຄື: ຢູ່ນະຄອນ-ຫຼວງພະບາງ (ໃກ້ສະໜາມກັອບ ຫຼວງພະບາງ), ເມືອງໂພນທອງ 1 ຈຸດ ແລະ ເມືອງວຽງຄໍາ 1 ຈຸດ; ແຂວງໄຊຍະບູລີ ມີ 8 ຈຸດ ຄື:ເມືອງຫົງສາ 4 ຈຸດ ແລະ ເມືອງຊຽງຮ່ອນ 4 ຈຸດ; ແຂວງຫົວພັນ ມີ 11 ຈຸດ ຢູ່ ເມືອງສົບເບົາ 8 ຈຸດ ແລະ ເມືອງຫົວເມືອງ 3 ຈຸດ; ແຂວງບໍລິຄໍາໄຊມີ 3 ຈຸດ ຄື:ເຂດປ່າຜະລິດແຫ່ງຊາດ ຜັກເບືອກ(ເມືອງບໍລິຄັນ) 1 ຈຸດ,ປ່າຜະລິດປຸ່ງຫົກ-ພູປ່າຊ້າງ(ປ່າຜະລິດຂອງແຂວງບໍລິຄໍາໄຊ)ຈໍານວນ 1 ຈຸດ ແລະ ເຂດປ່າສະຫງວນພູງູ (ປ່າສະຫງວນຂອງແຂວງບໍລິຄຳໄຊ)ຈໍານວນ 1 ຈຸດ;ປ່າສະຫງວນແຫ່ງຊາດ ພູພະນັງມີ 38 ຈຸດ;ອຸທິຍານແຫ່ງຊາດພູເຂົາຄວາຍ ມີ 30 ຈຸດ;ທຸກແຂວງທີ່ເກີດໄຟໄໝ້ປ່າແຕ່ລະແຂວງສາມາດຄວບຄຸມ ແລະ ດັບປອດໄຟໄດ້ສຳເລັດ.
ສາເຫດຕົ້ນຕໍທີ່ພາໃຫ້ເກີດມີໄຟໄໝ້ລາມປ່າໃນໄລຍະຜ່ານມາແມ່ນຍ້ອນບຸກເບີກ ແລະ ຫັນປ່ຽນພື້ນທີ່ປ່າໄມ້ ເພື່ອເຮັດການຜະລິດກະສິກຳໂດຍສະເພາະແມ່ນຈູດໄຮ່ເພື່ອປູກເຂົ້າ,ປູກມັນຕົ້ນ,ຢາງພາລາ ແລະ ພືດເສດຖະກິດອື່ນໆ;ຈູດປ່າເພື່ອລ່າສັດປ່າ ແລະ ຈູດປ່າເພື່ອຊອກຢູ່ຫາກິນໃນປ່າ;ຈູດຄັງເພື່ອຂະຫຍາຍພື້ນທີ່ລ້ຽງສັດ ແລະ ອື່ນໆ.
ເພື່ອສະກັດກັ້ນບໍ່ໃຫ້ເກີດມີໄຟໄໝ້ລາມປ່າ ອໍານາດການປົກຄອງແຂວງ,ເມືອງ ການຈັດຕັ້ງຂັ້ນບ້ານ ຕ້ອງເຂັ້ມງວດກວດຂັນ ໃນການຈັດຕັ້ງປະຕິບັດກົດໝາຍວ່າດ້ວຍປ່າໄມ້ ແລະ ປະຕິບັດຄຳສັ່ງເລກທີ 11/ນຍ, ລົງວັນທີ 21 ກໍລະກົດ 2023: ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ,ປົກປັກຮັກສາ, ພັດທະນາ ແລະ ນຳໃຊ້ປ່າໄມ້, ທີ່ດິນປ່າໄມ້ ແລະ ສະກັດກັ້ນ ການບຸກລຸກທຳລາຍປ່າໄມ້,ທີ່ດິນປ່າໄມ້ ແລະ ໄຟໄໝ້ລາມປ່າ.ຕ້ອງລົງໂຄສະນາເຜີຍແຜ່ກົດໝາຍ,ນິຕິກໍາທີ່ກ່ຽວຂ້ອງໃຫ້ປະຊາຊົນເປັນປົກກະຕິ ແລະ ຕໍ່ເນື່ອງ,ຍົກໃຫ້ເຫັນຜົນເສຍຫາຍຕໍ່ເສດຖະກິດຂອງຊາດ,ຜົນກະທົບຕໍ່ສັງຄົມ ສະພາບອາກາດເຊື່ອຍໂຊມ ແລະ ສົ່ງຜົນກະທົບຕໍ່ຊີວິດການເປັນຢູ່ຂອງປະຊາຊົນ.ໄປຄຽງຄູ່ກັນນັ້ນ,ກໍຕ້ອງຊອກທຸກເງື່ອນໄຂປຸກລະດົມໃຫ້ປະຊາຊົນຫັນປ່ຽນອາຊີບຈາກການປູກພືດໂນນສູງມາເຮັດອາຊີບອື່ນທີ່ບໍ່ເປັນການທໍາລາຍປ່າໄມ້ໃນແຕ່ລະປີ.ຫາກທ້ອງຖິ່ນໃດມີຄວາມຈໍາເປັນ ບໍ່ມີທາງເລືອກຫັນປ່ຽນໄປສູ່ອາຊີບອື່ນທົດແທນອໍານາດການປົກຄອງແຂວງ,ເມືອງຕ້ອງສົ່ງພະນັກງານວິຊາການລົງໄປແນະນໍາດ້ານວິຊາການຫຼັກການ,ວິທີການເພື່ອເວລາຈູດໄຮ່ບໍ່ໃຫ້ໄຟໄໝ້ລາມປ່າ.ແຕ່ງຕັ້ງກໍາລັງເວນຍາມຢູ່ບ່ອນມັກມີໄຟໄໝ້ລາມປ່າພ້ອມທັງກຽມອຸປະກອນທີ່ກ່ຽວຂ້ອງເມື່ອເກີດໄຟໄໝ້ປ່າໃຫ້ສາມາດລະງັບຫຼືມອດໄຟໃຫ້ທັນການ.
ຄໍາເຫັນ