ອົງການປົກຄອງແຂວງສາລະວັນໄດ້ຈັດກອງປະຊຸມຄົ້ນຄວ້າລະດົມແນວຄວາມຄິດເພື່ອລິເລີ່ມເຮັດທົດລອງຈັດງານຕະຫຼາດກາງຄືນເພື່ອເຮັດໃຫ້ປະຊາຊົນຊາວແຂວງສາລະວັນກໍຄືນັກທ່ອງທ່ຽວມີສະຖານທີ່ທ່ຽວຊົມ, ພັກຜ່ອນ ທັງເປັນສະຖານທີ່ແລກປ່ຽນຊື້-ຂາຍສິນຄ້າ, ທ່ອງທ່ຽວໃນເວລາກາງຄືນທັງເປັນກິດຈະກຳສົ່ງເສີມດ້ານການຄ້າ, ການທ່ອງທ່ຽວ, ສົ່ງເສີມຜະລິດຕະພັນພາຍໃນ, ສິນຄ້າໜຶ່ງເມືອງໜຶ່ງຜະລິດຕະພັນຂອງຊາດ, ຂອງແຂວງ, ເພື່ອຮອງຮັບໃຫ້ແກ່ການກະກຽມຄວາມພ້ອມເປີດປີທ່ອງທ່ຽວລາວ 2024 ຢູ່ແຂວງສາລະວັນແລະຕ້ອນຮັບງານມະຫະກຳກິລານັກຮຽນມັດທະຍົມສຶກສາທົ່ວປະເທດຄັ້ງທີVII.
ກອງປະຊຸມດັ່ງກ່າວຈັດຂຶ້ນໃນວັນທີ 30 ມັງກອນນີ້ ທີ່ສະໂມສອນແຂວງ ພາຍໃຕ້ການເປັນປະທານຂອງ ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ ຜູ້ຊີ້ນຳວຽກງານວັດທະນະທໍາ-ສັງຄົມ, ມີຫົວໜ້າພະແນກ-ຮອງພະແນກ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານສົມໃຈອຸ່ນຈິດກ່າວວ່າ: ກອງປະຊຸມຄັ້ງນີ້ຈັດຂຶ້ນເພື່ອລະດົມແນວຄວາມຄິດໃນການທົດລອງຈັດງານຕະຫຼາດກາງຄືນເພື່ອຊຸກຍູ້ສົ່ງເສີມວຽກງານຫຼາຍດ້ານເປັນຕົ້ນ ຊຸກຍູ້ເສດຖະກິດພາຍໃນ, ການທ່ອງທ່ຽວ, ສົ່ງເສີມດ້ານການຄ້າ, ອະນຸລັກສົ່ງເສີມວັດທະນະທໍາ ໂດຍສະເພາະຕິດພັນກັບກິດຈະກໍາທາງສາສະໜາ, ການສະແດງທີ່ສ່ອງແສງໃຫ້ເຫັນເຖິງວິຖີຊີວິດ, ຮີດຄອງປະເພນີອັນດີງາມເພື່ອຍົກສູງຄຸນຄ່າດ້ານວັດທະນະທໍາເພື່ອສ້າງມົນສະເໜ່ໃຫ້ກັບການທ່ອງທ່ຽວ ຊຶ່ງຈະເປັນໃບໜ້າໃໝ່ ແລະ ບາດກ້າວໃໝ່ ແນໃສ່ດຶງດູດນັກທ່ອງທ່ຽວໃຫ້ນັບມື້ຫຼາຍຂຶ້ນ. ຮຽກຮ້ອງໃຫ້ບັນດາຜູ້ເຂົ້າຮ່ວມເອົາໃຈໃສ່ຄົ້ນຄວ້າ ປະກອບຄຳຄິດເຫັນຢ່າງເລິກເຊິ່ງມີເນື້ອໃນສາມາດນໍາໄປຈັດຕັ້ງປະຕິບັດໃຫ້ເກີດເປັນຮູບປະທຳໃນໄວໆນີ້. ຈາກນັ້ນ, ຜູ້ເຂົ້າຮ່ວມຍັງໄດ້ຮັບຟັງບົດລາຍງານນຳສະເໜີເຈດຈຳນົງ, ພາບຈຳລອງໃນເບື້ອງຕົ້ນການຈັດງານຕະຫຼາດກາງຄືນ ໂດຍສະເພາະໄດ້ຈໍາລອງການຈັດສັນຂອບເຂດ, ພື້ນທີ່, ຈຸດທີ່ຕັ້ງກໍານົດເອົາເສັ້ນທາງເຂົ້າໄປຫາຫໍໄຕຣປີດົກວັດສີມຸງຄຸນ, ການຈັດໂຊນຂາຍສິນຄ້າແຕ່ລະປະເພດເຊັ່ນ: ອາຫານ, ເຄື່ອງດື່ມ, ເສື້ອຜ້າ, ຈຸດຈັດກິດຈະກໍາທາງສາສະໜາ, ທາງສັງຄົມ, ການຈັດສັນລະບົບນ້ຳ-ໄຟຟ້າ, ການເກັບມ້ຽນຂີ້ເຫຍື້ອ, ຫ້ອງນໍ້າ ແລະການກຳນົດວັນເວລາໃນການເປີດ-ປິດ, ການແຕ່ງຕັ້ງຄະນະຮັບຜິດຊອບ ແລະ ອື່ນໆ.
ຂ່າວ-ພາບ: ວິໄລວອນ ສິດທິໄຊ
ກອງປະຊຸມດັ່ງກ່າວຈັດຂຶ້ນໃນວັນທີ 30 ມັງກອນນີ້ ທີ່ສະໂມສອນແຂວງ ພາຍໃຕ້ການເປັນປະທານຂອງ ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ ຜູ້ຊີ້ນຳວຽກງານວັດທະນະທໍາ-ສັງຄົມ, ມີຫົວໜ້າພະແນກ-ຮອງພະແນກ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານສົມໃຈອຸ່ນຈິດກ່າວວ່າ: ກອງປະຊຸມຄັ້ງນີ້ຈັດຂຶ້ນເພື່ອລະດົມແນວຄວາມຄິດໃນການທົດລອງຈັດງານຕະຫຼາດກາງຄືນເພື່ອຊຸກຍູ້ສົ່ງເສີມວຽກງານຫຼາຍດ້ານເປັນຕົ້ນ ຊຸກຍູ້ເສດຖະກິດພາຍໃນ, ການທ່ອງທ່ຽວ, ສົ່ງເສີມດ້ານການຄ້າ, ອະນຸລັກສົ່ງເສີມວັດທະນະທໍາ ໂດຍສະເພາະຕິດພັນກັບກິດຈະກໍາທາງສາສະໜາ, ການສະແດງທີ່ສ່ອງແສງໃຫ້ເຫັນເຖິງວິຖີຊີວິດ, ຮີດຄອງປະເພນີອັນດີງາມເພື່ອຍົກສູງຄຸນຄ່າດ້ານວັດທະນະທໍາເພື່ອສ້າງມົນສະເໜ່ໃຫ້ກັບການທ່ອງທ່ຽວ ຊຶ່ງຈະເປັນໃບໜ້າໃໝ່ ແລະ ບາດກ້າວໃໝ່ ແນໃສ່ດຶງດູດນັກທ່ອງທ່ຽວໃຫ້ນັບມື້ຫຼາຍຂຶ້ນ. ຮຽກຮ້ອງໃຫ້ບັນດາຜູ້ເຂົ້າຮ່ວມເອົາໃຈໃສ່ຄົ້ນຄວ້າ ປະກອບຄຳຄິດເຫັນຢ່າງເລິກເຊິ່ງມີເນື້ອໃນສາມາດນໍາໄປຈັດຕັ້ງປະຕິບັດໃຫ້ເກີດເປັນຮູບປະທຳໃນໄວໆນີ້. ຈາກນັ້ນ, ຜູ້ເຂົ້າຮ່ວມຍັງໄດ້ຮັບຟັງບົດລາຍງານນຳສະເໜີເຈດຈຳນົງ, ພາບຈຳລອງໃນເບື້ອງຕົ້ນການຈັດງານຕະຫຼາດກາງຄືນ ໂດຍສະເພາະໄດ້ຈໍາລອງການຈັດສັນຂອບເຂດ, ພື້ນທີ່, ຈຸດທີ່ຕັ້ງກໍານົດເອົາເສັ້ນທາງເຂົ້າໄປຫາຫໍໄຕຣປີດົກວັດສີມຸງຄຸນ, ການຈັດໂຊນຂາຍສິນຄ້າແຕ່ລະປະເພດເຊັ່ນ: ອາຫານ, ເຄື່ອງດື່ມ, ເສື້ອຜ້າ, ຈຸດຈັດກິດຈະກໍາທາງສາສະໜາ, ທາງສັງຄົມ, ການຈັດສັນລະບົບນ້ຳ-ໄຟຟ້າ, ການເກັບມ້ຽນຂີ້ເຫຍື້ອ, ຫ້ອງນໍ້າ ແລະການກຳນົດວັນເວລາໃນການເປີດ-ປິດ, ການແຕ່ງຕັ້ງຄະນະຮັບຜິດຊອບ ແລະ ອື່ນໆ.
ຂ່າວ-ພາບ: ວິໄລວອນ ສິດທິໄຊ
ຄໍາເຫັນ