 |
ສະຫາຍ ດາວວົງ ພອນແກ້ວ ໄດ້ກ່າວວ່າ: ວຽກງານກວດກາເປັນວຽກໜຶ່ງທີ່ສໍາຄັນຂອງພັກ ເພື່ອສ້າງຄວາມບໍລິສຸດຜຸດຜ່ອງພາຍໃນພັກ, ສ້າງພັກໃຫ້ມີຄວາມປອດໃສ, ເຂັ້ມແຂງ, ໜັກແໜ້ນ, ເຮັດໃຫ້ການຄຸ້ມຄອງບໍລິຫານລັດ ມີຄວາມໂປ່ງໃສ ແລະ ມີປະສິດທິພາບ, ຮັບປະກັນການພັດທະນາປະເທດຊາດ, ກໍຄືແຂວງສາລະວັນ ໃຫ້ມີຄວາມຍືນຍົງ.ກອງປະຊຸມວຽກງານກວດກາທົ່ວແຂວງໃນຄັ້ງນີ້ ໄດ້ພ້ອມ ກັນຄົ້ນຄວ້າ, ປຶກສາຫາລືຮັບຮອງເອົາບັນຫາທີ່ສໍາຄັນ ແລະ ເຜີຍແຜ່-ເຊື່ອມຊຶມເອກະສານສໍາຄັນຈໍານວນໜຶ່ງ ເປັນຕົ້ນແມ່ນເຜີຍແຜ່ເຊື່ອມຊຶມຄໍາເຫັນໂອ້ລົມ ຂອງສະຫາຍ ເລຂາທິການໃຫຍ່ ຕໍ່ກອງປະຊຸມວຽກງານກວດກາທົ່ວປະເທດ ຄັ້ງທີ V, ມະຕິຂອງຄະນະບໍລິຫານງານສູນກາງພັກ ສະບັບເລກທີ 67/ຄບສພ, ລົງວັນທີ 20 ສິງຫາ 2026 ວ່າດ້ວຍການເພີ່ມທະວີສະກັດກັ້ນ, ຕ້ານ ແລະ ແກ້ໄຂພະຍາດອາດຍາສິດ, ການສໍ້ລາດບັງຫຼວງ, ປາກົດການຫຍໍ້ທໍ້, ການຟູມເຟືອຍ ໃນກົງຈັກການຈັດຕັ້ງ ພັກ-ລັດ ແລະ ສັງຄົມ, ບົດແນະນໍາ ຂອງຄະນະກວດກາສູນກາງພັກ ສະບັບເລກທີ 377/ຄກສພ, ລົງວັນທີ 18 ສິງຫາ 2026 ວ່າດ້ວຍການຈັດຕັ້ງປະຕິບັດກົດລະບຽບພັກ ສະໄໝທີ XII ກ່ຽວກັບວຽກງານຕິດຕາມ, ກວດກາຂອງພັກ.
ໃນພິທີໄດ້ຜ່ານຮ່າງບົດສະຫຼຸບຕີລາຄາການເຄື່ອນໄຫວວຽກງານກວດກາ 5 ປີ (2021-2025) ແລະ ທິດທາງແຜນການ 5 ປີ (2026-2030) ແລະ ຜ່ານຮ່າງສະຫຼຸບແຜນພັດທະນາວຽກງານກວດກາ 2021-2025 ແລະ ວາງທິດທາງແຜນການ 2026-2030, ການຕິດຕາມກວດກາການປັບປຸງກົງຈັກການຈັດຕັ້ງພັກ-ລັດ ຢູ່ຂັ້ນເມືອງ ແລະ ຂັ້ນອົງຄະນະພັກຮາກຖານຂັ້ນຕາແສງ ທີ່ຂຶ້ນກັບຄວາມຮັບຜິດ ຊອບຂອງຄະນະບໍລິຫານງານພັກເມືອງສາລະວັນ, ບົດຮຽນການກວດກາ-ແກ້ໄຂການນໍາເຂົ້າພາຫະນະທີ່ບໍ່ຖືກຕ້ອງ, ການຕິດຕາມກວດກາພັກ ແລະ ການແກ້ໄຂປະກົດການຫຍໍ້ທໍ້ທີ່ເກີດຂຶ້ນພາຍໃນການຈັດຕັ້ງພັກ, ຄະນະພັກ ແລະ ສະມາຊິກພັກທີ່ຂຶ້ນກັບຄວາມຮັບຜິດຊອບຂອງຄະນະພັກກອງບັນຊາການທະຫານແຂວງ, ການຕິດຕາມເຊື່ອມຊຶມຜັນຂະຫຍາຍ ແລະ ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XII ຂອງພັກ ແລະ ມະຕິກອງປະຊຸມໃຫຍ່ແຕ່ລະຂັ້ນໃນທົ່ວແຂວງ, ການຕິດຕາມກວດກາ ການຄຸ້ມຄອງປ່າສະ ຫງວນ, ປ່າປ້ອງກັນ, ປ່າຜະລິດ, ແລະ ການແກ້ ໄຂປະກົດການຫຍໍ້ທໍ້ຕ່າງໆທີ່ເກີດຂຶ້ນ, ການຕິດຕາມກວດກາຄຸ້ມຄອງລາຍຮັບ-ລາຍຈ່າຍ ການຫັນເປັນທັນສະໄໝ ໃນການເກັບລາຍຮັບ ແລະ ການປະຕິບັດວິໄນແຜນການ-ການເງິນ, ການເຜີຍແຜ່ເຊື່ອມຊຶມ ແລະ ການຈັດຕັ້ງປະຕິບັດວຽກງານການຕ້ານ-ສະກັດກັ້ນການສໍ້ລາດບັງຫຼວງ ຕິດພັນກັບການແກ້ໄຂປະກົດການຫຍໍ້ທໍ້ຂອງພະນັກງານລັດຖະກອນ, ກົນໄກການປະສານງານລະຫວ່າງອົງການກວດສອບປະຈໍາພາກໃຕ້ກັບອົງການກວດກາລັດແຂວງ, ການຈັດຕັ້ງປະຕິບັດຄໍາຕັດສິນຂອງສານ ໃຊ້ໄດ້ເດັດຂາດກ່ຽວກັບຄະດີສໍ້ລາດບັງຫຼວງ ແລະ ວຽກງານອື່ນໆ.
(ຂ່າວ: ມະໄລພິນ ເພັດສົມພອນ; ພາບ: ສ.ພະຈັນ)
ຄໍາເຫັນ